السلام عليكم ورحمه الله وبركاته في البدايه ارجو عدم التجريح بالكلام اللي عنده نصيحه بجد يقولها انا اتخطبت لحد بحبه جدا وكان في بينا كلام قبل الخطوبه بس كنا بنجاهد أننا نبعد و نترك الأمر دا لله يعني وكدا مع أن كلامنا كان محترم بس الحرام حرام م هنجادل فيه. المهم بعدنا عن بعض وربنا يسرلنا امورنا واتخطبنا الحمد لله. بنحب بعض جدا وكدا يعتبر كملنا سنه خطوبه وسنه نعرف بعض قبلها -كنا نعرف بعض من الطفوله بس مكناش بنتكلم - المهم انا اتعودت ع الشخص دا وهوا محترم ويعرف ربنا وكل حاجه بس بعد الخطوبه بشويه كلامنا بداء يبقي في تجاوزات واحده ف واحده الكلمه تجيب كلمه تجيب كلمه وللاسف بعد فتره بقي بيحصل بينا تجاوزات كتير ف الشات بعد كل مره كنت بحس بندم رهيب وافضل اعيط واقولها اني. م عايزه يحصل كدا تاني هوا كمان بيبقي متضايق وبنبقي مقررين أننا م هنعمل كدا تاني بس للاسف بنرجع تاني اللي م فاهم يعني اي تجاوزات (كلام جنسي ، إيحاءات جنسيه ، ستيكرات حاجات زي كدا يعني المهم الموضوع تطور للاسف وبقي لما يجي يزورنا بيحصل بينا تجاوزات جسديه بسيطه م بنبقي ف اوضه مقفوله بس اهلي مدينا الثقه والأمان لان زي ما قولتلك هوا محترم جدا واهلي بيحبوه وكدا ف بيسيبونا لوحدنا بعدها برضو بتعب نفسيا جدا جداا وأوقات كتير جالي انهيار عصبي ودخلت المستشفي من تعبي المهم انا وهوا بنندم كتير وبنبقي عايزين نبطل بس الموضوع بقي زي الإدمان بعد مدخلا المستشفي الموضوع قل ومجاليش من وقتها بحكم الجيش والشغل وكدا بس م كلام قل م أنتهي بس انا لسه لعب نفسيا منه بحس اوقات كتير اني كارهه نفسي ومستحقراني اوي ونفسيتي تعبانه بسبب الموضوع دا جدا احنا فرحنا قرب بس انا ديما خايفه أن يحصل بينا حاجه تاني وبقيت بتضايق من اقل تجاوز يحصل بينا ونفسيتي تتعب وندمانه جدا اني سمحت بحاجه زي كدا اتمني الناس اللي هترد تكون فهمتني وتقدر تفدني بجد
سرعو الجواز الي حصل حصل وقفو التجاوزات و اللمس و كدا كل دة حرام و سرعو الحواز و كتب الكتاب
عمرك ما هتعرفي تعدلي حاجة ف الماضي بس استغفري ربنا وانسي الموضوع وانتي بتقولي أن فرحكو قريب ف خلاص قدر الله ماشاء فعل متعمليش كده تاني بس ومتشيليش من جواكي وبس ربنا يوفقكو
تجوزو في اقرب وقت