كونه شخص مرموق ميديهوش الحق ايدا يكون شخص بجح وقليل آدب بيحاول يستغل سطوته وسلطته عليها تحت مُسمي "نقرب" اومال الناس بتتجوز ليه؟؟؟؟؟ -ما هو عشان تقرب! تصده! واللي يحصل يحصل. بمنتهي الوضوع والصراحة . قِبل كان بها مقبلش كان بها. هو مرموق وهي بنت جميلة الف من يتمني تراب رجليها 💖

بصي وفي حل انها تقوله لو متعدلتش معايا كل واحد يروح لحاله وتقوله في حاجة اسمها ربنا سامعنا وشايفنا ومعروف الحلال ايه ومتستهبلش عكس كده كل واحد من طريق يمكن لو بيحبها فعلا علي كلامك يظبط نفسه ويخاف لكن لو بجح يبقي هي متستاهلش واحد زيه ، وصدقيني وقوللها المميزات في المهنة والعيشه والشكل والبرستيج كل داا حرفيا صفر علي الشمال قصاد الراجل اللي معاها لو محترم معاها ولو بيحبها فعلا وشاريها مش هيسمح انه يضايقها او يسبها زعلانه منه مهما حصل .... بجد شخصية واسلوب الشخص اهم بكتير من الماديات والمستوي الاجتماعي ، هي مش هتعيش مع شغله ولا مع فلوسه علي قد ما هتعيش مع شخصية بني آدم والمفترض يتقال عليه راجل ، تفكر مرة واتنين وطالما هي لما تقول انها بتتضايق من كذا ويبطل يبقي هو كويس ، لكن بيتمادي يبقي هو انسان مش كويس وتبعد عنه لانه هيستنفذها

هو مش عايزها تتعود عليه هو عايزها تسيح م كلامه واخر قرف قال اي تتعود دي تقفل في وشه السكه وتوقفه عند حده

تبعد عنه عشان دا واحد شهواني وقليل الادب وعايز يتربي ، يا يتعدل ولازم تقول لمامتها ولا لحد كبير راجل يعقله يا يحترم نفسه يا يغور في داهية بلاش قذارة وقلة ادب يتعود اي دا اهبل ومريض وعايز يتعالج ، يغور المركز المرموق طالما هو كده بلاش مسخرة وقلة ادب

اكتر حل بيفيد انه تجيبه قدام حد كبير يكون بيكبر ليه ويحترمه وتقول قدامه انها عاوزه تشتكي من تصرفاته دي وانه يوعدها ميكررش ده