المذاكره بتكون انك تسمع شرح سواء كان اونلاين او سنتر و تحاول تركز فيه قدر الإمكان و ده مش هييجى من أول مره عادى التركيز يعنى متشتتش نفسك ب حاجه غير المستر قدامك و ياريت ورقه و قلم ف ايدك مثلا ابعد عن الموبايل خالص خليه ف اوضه تانيه لو سنتر مثلا ابعد عن صاحبك الرغاي و كده و بعدين بعد الشرح هتروح تفتح الكتاب الجزئيه الى خدتوها تقرأها و تشد خط مثلا ع الحاجات المهمه و لو في حاجات حفظ يبقى تحفظها و بعدين حاول تحل مش لازم برضو تعرف تحل كل حاجه بيرفكت من اول مره بتيجى مع الوقت بس خليك مكمل و بس كده ف كل المواد و حاول يكون الكلام ده أول بأول .

عمتا دى الاسئله ال بنسألها عشان نشتت نفسنا ومنذكرش قوم يابا افتح الكتاب وذاكر عادى ولما يجى سؤال ف دماغك ابقى اكتبوا ف ورقه وجاوب عليه لما تخلص ده لو افتكرتوا اصلا

الهي ربنا يسترك لو حد قالك قولي علشان انا مش عارفه اذاكر فيزيا ولا انجليزي ولا كيميا ولا عارفه اذاكر حاجه اصلا وضايعه في كل المواد ومعنديش اي فكره هدخل ازاي تالته وانا لسه معرفش اصلا طريقه المذاكره اللي تنفعلي

بص اقرا الاول جزء من قرآن هيصفى زهنك ويخليك مركز ومعزول عن مشتتات ومعزول من دنيا وبعدها خش ودماغك صافيه