منذ 9 ساعاتيشعر بـ منهك
مشكلتي كلها في الدراسه تقريبا لو المشكله دي اتحلت كل حاجه هتتظبط انا انسان بيتشتت و بيسرح جامد جدا محتاجه شخص يكون معايا يقعد نقعد نذاكر مع بعض حاولت افتح فيد من يوت بس بردو مش بكمل ربع الفيد و بزهق اشرح لي نفسي الحاجه مثلا بهلص محاضره و تزهق و اقول خلاص مع اني في كليه صعبه جدا مش سهله حاولت اذاكر برا في ورك اسبيس و بردو مفيش خالص طيب اصاحب ناس من نفس المواد طلعوا كلاب و بيداروا عليا الحاجه و كمان انا عايشه لوحدي و سكن لوحدي يعني حتى مفيش زمايل سكن اقعد معاهم معنديش مشكله اذا كان الي هيساعدني ولد ولا بنت انا بتكلم في صلب الموضوع و بتكلم بعد ما خلصت فاينل بي اسبوع بس وانا بفكر في النتيجه جاني اسباب تعبي و مشاكلي في الدراسه حد عنده حل ؟؟؟؟؟!!!!!
انا بدرس فاليوم من 6 ل 8 ساعات عشان وقت الامتحانات وانتي بتدرسي امسكي قلم ووخربشي ع ورق بشكل عشوائي ومتركزيش معه مخك مش هيركز مع اكتر من حاجتين او هاتي دمية من اللي بينضغطو ف الايد لتخفيف التوتر هيقللو التشتت جربي الطريقة
خلينا منظنش ف الناس وحش ونقول ان كان حلمها كده بس فعلا محدش بيختار اللي بيحصلنا واكيد ربنا بيكتبلنا الاحسن ف كل حاجة ربنا يهديها
ممكن اساعدك ابعتي @Hddfj
عملتي بلوك ليه
ربنا يسامحك 👍🏻 ، انا اصلا فاهمه بتمري باي لاني بعاني منه بردو وباخد علاج بردو ، لكن رغم كل داا بردو طول الوقت في خناقه دايرة ومجبرة اصلا تذاكري وانتي في اسوأ حالاتك دا اضطراب مش مرض* قادرة تتكلمي دا لوحدها نعمه معني كلامي ولو طريقتي كانت حادة بس لو ركزتي المضمون بدل الحكم مالوش لازمه .. الواحد بيحمد ربنا وانك تقولي الكلام دا لدكتورة نفسية احسنلك الف مرة من هنا لان محدش اصلا هيقولك حل كل كلامهم تسكين ، بس ردي انا مش ع هوا حد بس انا بقولك الخلاصه ان في ناس تتمني مكانك داا لوحده يخليكي تفضلي تعافري ومتستسلميش .. بصي للجانب الايجابي علاجك اصلا ابعدي عن الفون تماما قدر المستطاع علاجك انك تعملي زوم ديما ع الحاجات الايجابية ع نعمة نظرك مستواك المادي اوضتك مليون حاجة حواليك وجود اهلك اي حاجة ديما بصي للجانب الايجابي حتي بلخبطتك بصي للجزء الحلو لان مافيش انسان حياته كامله ولا مثالية ف مذاكرة في لبس في تعاملات مافيش مثالية في اي حاجة والله كمان مش مستاهله جلد ذات ، ايا كان بالعلاج من غيره الانسان غصب عنه بيكمل !!! ياريت رسالتي تكون وصلت وكفاية ربنا شاهد انا نيتي وجوايا اي . ومقصد كلامي كان دا
يختي ذاكري انا لو طول ربع الفرصة دي كنت دخلتها ، كب اسنان دي كانت حلمي ! ومحققتوش دا ايه ده ؟؟؟ حسي بالنعمة اللي في ايدك اللي غيرك بيضرب نفسه ميت جزمه عشان معرفش يحققها وخذل اهله .. طب اسنان ومغصوبة ! دكتورة وهيكون ليك عيادة ومغصوبة ! حبي مجالك اجبري نفسك وكملي سعي وتعب وبطلي شغل الاستسلام ومتخليش الشيطان يضحك عليكي ... ارضي باللي معاك وغيرك كان يتمني يبقي مالك اللي في ايدك ! دا مش كفاية تفوقي ! متبصيش للكوبايه الفاضي وكان ومكنش وانا وانا بطلي اعذار اكرفي لكل الصحاب دي ركزي مع نفسك وبس ... اجتهدي وحسي بالنعمة اللي في ايدك . مش هقول اكتر من كده
بعد اذنكم انا نسيت اضيف اني داخله الكليه دي مغصوبه انا مكنتش عايزها دخلتها استخسار مجموع مش اكتر من اهلي 🔴🔴🔴🔴🔴🔴🔴
كلية ايه
مش انتي قصدي علي اللي بتقولك يختي ذاكرك انا لو اطول
واضح انك اللي محتاجه تحمدي ربنا ع اللي ف ايدك مش هيا. 😂هي عندها مشكله كلنا بنعاني منها بلاش غل يبان ف الكلام ربنا مبيعملش حاجه وحشه فحد