السلام عليكم ورحمة الله وبركاته انا شاب عندى ٢٤ سنة متخرج من كلية طبية ، ارتبطت لمدة ٣ سنوات من زميلة ليا خلالهم حصل مشاكل كتير ، فالبداية حصل ليها ظروف خارجة عن ارادتها من اهلها والدها اتحبس فى قضية وقفت جمبها رغم ان اهلى كانوا معترضين عليها بسبب بعد المسافة واننا منعرفش عن أهلها حاجة والقضية وكده ورغم ذلك كنا بنساعد بعض فالدراسة طول ٣ سنين بحاول اقنع فى اهلى انى اخطبها وفضلت متمسك بيها والدى وافق وراحلهم لوحده البيت يشوف اهلها وكده عرفوه ان اخوها هيجى يزورنا وجه زارنا فى بيتنا وقالوا هنرد عليكوا بعدها ب ٣ ايام جه الرد اننا نروحلهم حجزنا العربية وقبلها بيوم قالولنا هنأجلها كمان ٤ شهور لما اخوها الكبير يجى بعدها بفترة اخوها الكبير كان مسافر كلمها قالها عرفيهم انى لما انزل لازم ازورهم ولما نزل مجاش لينا ولا عبرنا اصلا اخوها ال جالنا البيت اول مرة هو كلمنا تانى وقال تشرفوا بس بعد ما عدى سنة مش ٤ شهور على الرغم ان اخوها الكبير كان موجود وخلال كل ده مقولتش لاهلى ولا عرفتهم ان اخوها موجود بعد كده اخوها كلمنا مش الكبير وقالنا تشرفونا اهلى كانوا رافضين لانهم حاسوا بتقليل ليهم كل شوية تعالوا ويرجعوا لى كلامهم ضغطت عليهم لحد ما وافقوا وحجزنا العربية وروحنا اتفقنا فالاتفاق على كل حاجة يلا نقرأ الفاتحة اخوها الكبير رفض قال لما اعمامها يكونوا موجودين قولنالهم ده فاتحة يعنى عادى ونقرأها تانى اخوها رفض اخواته قالوله فيها اى نقرأها فضل رافض المهم روحنا والدنيا تمام عدى يوم لقيت زميلتى اتقلبت عليا احنا مش هنروح فى محل دهب زى الاتفاق وقعدت تحلف عليا وتزعقلى فالتليفون قولتلها اخوكى ال اتفق واحنا قولنالك فى حاجة عايزاها او معترضة على حاجة قالت لاا وقتها اشمعنا دلوقتى رجعتى فى كلامك واتقفلت منها قفلة وزعلت جامد ان كل حاجة بتتقال منهم بيرجعوا فيها لاول مرة احكى لاهلى عن فعلتها معايا قالوا هى زيهم كل حاجة هيرجعوا فيها حتى وانا بعاتبها بقولها اخوكى الكبير عارف تقولى ايوه بقولها رقمه اكلمه قالتلى ملوش ارقام كان معايا رقم اخوها التانى كلمته قالى انا معرفش والله اى حصل طب بص هنزل اشوف فى اى وهكلمك استنيت ساعة ساعتين يوم يومين مردش عليا قومت عاملها بلوكات اخر ما زهقت واخر رسالة قولتلها شوفى مين موحيكى عليا اختها رنت عليا بعدها باسبوع قولتلها كل شئ قسمة ونصيب وصاحبتها بعدها بشهر رنت عليا تقولى انا كنت بشورها دى فكرتى انا قولتلها احنا متفقين على كذا كذا كل ال اتفقنا عليه نرجع فيه عدى على الموضوع ٦ شهور ولحد الان مش عارف انساها نهائى ولا احب غيرها
طيب، الله يعوضك خير وأهنّئك انك رجال وسعيت بكل ما استطعت، المطلوب منك انت عملتو خلص مافي شي باقي ، الحين ركّز على نفسك واعلم ان ربّنا يختارلك الخير وين ما كان وهذه مجرد تجربة حتى تتعلم منها مستقبلا، حط فبالك انها كانت فترة وما رح ترجع، وأنك لما تشتاق بتشتاق للحظات الحلوة او الشعور الحلو ولكن ليس للبنت، ما عليك الا بدعاء وحاول تقرا كل يوم حزب من القرآن، كلما تتفكرها اخرج اتصدق عليها، اشتري قوارير ماء وحطها بالمسجد وادعي ربنا يخرجها من قلبك وعقلك اذا لم يكن فيها خير لك، الجئ لربّ الناس يغنيك عن النّاس واعلم انك دامك تسعى فأنت عندك أجور بإذن الله، والله يعوضك ويرزقك بنت الحلال 🌷🌷