منذ 13 ساعاتيشعر بـ قلق
عندي مشاكل مع بابا كتير و الموضوع أثر عليا نفسيا كتير اوي و خصوصا في موضوع الوسواس دا أنا مش بعرف اقعد في مكان هو قعد فيه أو المس حاجه هو لمسها مثلا منغير مغسل ايدي او اغير هدومي و لو هو نفسه لمسني جسمي بيرتعش تلقائيا ، أنا محتاجه اتخلص من الوسواس دا اعمل ايه
اللي بيحصلك دا رد فعل دفاعي لان عقلك بيربط بين وجود والدك وبين التوتر او القلق فالرعشه بتكون زي استجابه حاولي تاخري رد الفعل اللي هو مثلا تغسلي ايدك لدقايق فالاول عشان الموضوع ميكونش صعب متحاوليش تحلي الموضوع نهائي مره واحده عشان هيكون صعب وفالدقايق دي حاولي تهدي نفسك وتتنفسي بعمق ومع الوقت زودي مده التاخير و قولي لنفسك كلام ايجابي فالوقت دا زي دا مجرد قلق وهيروح سواء غسلت ايدي او لا او كدا ولما الرعشه تيجي حطي تركيزك فملمس الارضيه مثلا او امسكي تلج عشان جهازك العصبي يرجع للواقع بدل الفكره الوسواسيه ومتضغطيش على نفسك خدي الموضوع واحده واحده ربنا يريح بالك ويشرح صدرك يارب ويهديكي ❤️
طبيب نفسي