كلام ملهوش لازمه وكتير علي الفاضي ( اصوات في دماغي) لحظه اعتراف بحجات مش هتهمك (يمكن ابقي كويس) حجاات كان المفروض يسمعها دكتوري النفسي مش انتم (مليش دكتور) ****************************************** مش مهم حد قال اي مش مهم راي حد انا مش وحش انا اوحش شخص هتقابله فحياتك مهما كان طيب ها مبسوط؟ حد يسكت الاصوات الي فدماغي وشعور الاكتائب والخوف من اني ابقي شخص وحش واكره اي حاجه هما يحبوها انا تعبت بقيت عباره عن عقد نفسيه وتروما وذكريات وحشه انا انسان معقد مش عايزك تساعدني مش عايزك تشجعني اسكت وخلاص انا اكتر شخص هتشوفه غريب فحياتك انا ليه هنا وبعمل اي هنا ومين انا انا شخص عمل كل حاجه يقدر عليها حياتي عباره عن لعبه كل ما بحاول باخد game over ويسالني تاني againe? ويستمر في الدايره كل ما افكر احاول عمري منجحت عمري متحبيت بصدق كل الي حبيتهم حبو حبي ليهم وكلهم اتذهلو ومصدقوش ازاي شخص يحب شخص كدا ولما قررت اجازف وادي فرصه واحب سمعت كلام جابلي ترومه جديده وكرهني فحياتي وكسبت اكس جديده (مش عايز ينتهي بيا الموضوع بكمل العدد عشان انسي واكلم بدون هدف انا م وحش) ا"لاشرار لا يولدون بل يُصنعون" مش عايز حد يقلي هساعدك ولا حد يقلي بحبك ولا حد يقلي انا جنبك كلكم كدابين محدش بيعمل حاجه ببلاش بكرهكم كلكم كلكم شياطين كسبت تروما جديده بسببك ومفيش اسف بكره كل البشر محبتش غير حجات مش بتاعتي حلمت حلم مش ليا انا مش بكره المهرجانات: انا بخاف ابقي زي الي بيسمعها (بحس بشعور غريب لما حد يشغل مهرجانات) انا مش بكره السرسجيه والصيع: انا بخاف ابقي زيهم او ابان ضعيف انا بحب الراب عشان بحس انو شبهي او بيساعدني اتغير او احس انو فاهمني انا مش بكره اغني واكتب اغاني: انا خايف مخشش الجنه بسببها وابقي وحش واخد ذنوب جاريه (بحاول اقنع نفسي انو عادي) انا بكره الاكس كره ابليس للبشر اتمينتها ك عشم ابليس في الجنه بس الفرق انو انا مغلطش عشان اطلع منها انا مش وحش انا مريض نفسي ولازم اتعالج وبتجنن كل بوم عن الي قبله انا بتجنن تدريجيا انا مش بكره امي: انا بكره الي وصلتني ليه (هيا سبب كل حاجه بحب موسي سام واظن الي بيسمعه فهم انا مش بكره ابويا: انا بكره بصته ليا وعدم اهتمامه مش بكره حياتي: بكره الي بيحصل فيها واني بغرق والكل بيتفرج عليا انا وصلت لي اقصي مراحل المرض النفسي والاكتئاب وبفكر كتير انت حر بس طبعا حرام ف مستني اللحظه الي ابقي فيها بدون وعي بعدت عن كل البشر وكلهم بمعني كلهم مبقاش ليا حد بقيت لوحدي ولوحدي حاولت امسح الاب بس خايف ابقي لوحدي زي في اوضه ضلمه ومتكتف بكره نفسي حاليا help me Please 🙂
مش هاقدر اقول فاهمك علشان انت شخصيا مش فاهم نفسك بس بجد حاسس بكل اللي انت فيه
شكرا انك بتحاول تكون موجود ف الدنيا دى شكرا انك لسة شايف ان الانتحار حرام شكرا انك مش بتكره والدتك ووالدك شكرا انك لسة بتخاف متدخلش الجنة شكرا انك بتعمل again وبتحاول رغم انك عارف ان الاحتمال الأكبر تفشل شكرا انك متصالح مع فكرة ان غالبية البشر ممكن يكونو شياطين بس زى م انت قولت عن نفسك انك متولدتش شرير هما برضو متولدوش اشرار كل واحد كان سبب ف الم شخص تانى ودايرة وبتلف متخافش تبقى لوحدك اتعلم تبقى لوحدك وكويس مش هقدر اساعدك بس هقدر ادعيلك ربنا يفك كربك وينور بصيرتك ويهدى قلبك مش هقدر اكون موجودة لانك مش هتصدق ان ممكن حد يحاول يكون موجود مش هقدر اقولك حب نفسك بس انت لازم تحب نفسك وتفضلها عن اى حد عشان تقدر تعيش الدنيا مش لعبة الدنيا امتحان كبير ومينفعش تذاكر ليلة الامتحان لانك متعرفش الليلة دى امتى فلازم تذاكر كل يوم لازم تفهم ان طالمة المصيبة مش ف الدين متبقاش مصيبة ويبقى تعرف تخرج نفسك منها عادى محتاج تصالح نفسك وتستعين بالله وتشوف هتبدا تصلح نفسك المكسورة ازاى واتعود تبقى بتساعد نفسك بنفسك
هو بعيدا عن الموضوع بكبره، انا وانا بنقل بين الشات والبروبلمز لمحت كلمة "اصوات"، اللي هي تاني سطر، وفكرتها "صلوا" ف قلت دي صلوا على النبي لان ملحقتش اقرأها، فاا بس وصليت عليه وانت اخدت حسنات 😭.
هقولك حاجه يمكن تريحك كل انسان فى عنده ذنب بيعمله وهيفضل يعمله لحد ميموت طب اى كلنا هنخش النار لا طبعا فى فرق بين انسان بيذنب وبيتوب فربنا يشوف محاولاته ف التوبه فيموت على طاعه باذن الله وفى شخص يذنب ولا يتوب لحد مقلبه يسود ويثقل ويتحجر ومينفعش معاه حاجه ويموت للاسف على الذنب ففكرة انك بتحاول حتى لو بترجع اتطمن وجودنا ف الحياه عشان نحاول ونرجع ونحاول ونرجع وهكذا وربنا قال خير الخطائين التوابون فمتقلقش انت ماشى فى طريق صح فكرة انك تمسح الاب او لا هتيجى لوحدها لما تشغل نفسك بنفسك وبحياتك وتصليح قلبك هتلاقى نفسك ف يوم اكتفيت بنفسك ومسحته لوحدك بس محتاج شغل كتير اوى بالنسبه للاغانى وكدا مش مهم كمل فيها بس متوقفش صلاه واسمع دروس على قد متقدر اسمع حرفيا كل وقت وكل ثانية لحد م قلبك هيتحرك لوحده وهتلاقى نفسك بتبطل ذنوب كتير او تدريجى عاوزة اقولك بس انك مش لوحدك صدقنى والله انا قعدت ٦ شهور كاملة بسمع دروس وبحاول بحاول بس موقفتش الدروس والقرآن لحد مدلوقتى فى حجات كتير بفضل الله بطلتها وعرفت اتعامل مع وجعى اه مش بنسبة كبيرة بس لا اه انا اقدر اكمل وهكمل وهوصل يعنى هوصل مش هسيب نفسى وانت كمان
انا اسفة عشانك