بسيطة احنا لا شياطين ولا ملايكة احنا إنسان وفيه حاجة اسمها شيطان ودا دوره يدينا طاقة سلبية وفيه حاجة اسمها ملاك ودا دوره يدينا طاقة إيجابية، واحنا اللي بنختار نمشي ورا مين في كل لحظة، يعني دا مش اختيار دائم، انت كل يوم بتاخد أكتر من ألف قرار حرفيا بإنك تسمع كلام حد فيهم لو سمعت كلام الشيطان مش هتبقى شيطان ولا حاجة، عادي هتبقى إنسان سمع كلام الشيطان مرة، ولو سمعت كلام الملاك مش هتبقى ملاك برضه عادي هتبقى إنسان سمع كلام الملاك... الموضوع أبسط من اللي انت متخيلة بس محتاج منك تبص عليه من بعيد.. كإنك في حلم

انا مش عارفه الكلام اللي هقوله صح ولا غلط لكنه بيمثلني .. كنت لحد ساذجه وطيبه جدا وبريئه ومكنتش حتي بترجم اي اساءه او تنمر انهم كده لما بقابل بعض الناس ، لحد محصلي مستجدات في حياتي خلتني اتغيرت بشكل جزري وغصب عني لقيت نفسي بتسحل في دماغي وبقاوم الغلط وبحارب وانا مش كده واهرب منه لحد ملقيت نفسي بستسلم بالتدريج للوضع ومقاومتي من جوايا بقت ضعيفه واحده واحده لقيت نفسي مبقيتش اقاوم خالص وبدل مكنت من بره كويسه ومن جوا وبجاهد وبقاوم بقيت عندي تبلد وإحساس اني مش عارفه اضحك علي نفسي انا وحشه فعلا وضعيفه جدا قدام شيطان نفسي ، بقيت وحشه من جوا ومن بره زي منا في حالي لكن دي مبقتش حقيقتي للأسف سعات بحاول بس تعبت من المحاوله وخايفه ، ربنا يهديني انا عندي امل ربنا يهديني