القلم اللي ابويا ضربه ليا قدام زمايلي بالمدرسة وبعد محاولتي اني اهرب من الموقف دا نده عليا ووقفني قدامهم تاني زي ما يكون عايز يكمل إهانتي اكتر وتاني يوم وقت البريك اسمع العيال اللي ابويا ضربني قدامهم بيتنمروا ويضحكوا عليا و واحد منهم بيقول لصاحبه البت دي ابوها ضربها حتت قلم وانا معملتش اي حاجة غير اني فضلت اعيط من كتر ما صعبت عليا نفسي، وموقف تاني برضو ابويا ضربني بالبيت ضرب مبرح بخرزانة واشوف جسمي بعدها معلم و بميت لون ومبقاش عارفه انام ع اي جنب من الوجع وتاني يوم خلاني اروح المدرسة وكانت علامات الضرب باينه علي ايدي وزمايلي فالفصل شفوها نظراتهم ليا لما شافوا الضرب وجعتني اوي كل دا وانا عندي 12 سنه وحاليا انا 25 ومن وقتها حسيت بكسره مش عارفه اتخطي ألمها لحد دلوقتي وكل ما احكي الموضوع دا غصب عني اعيط عياط هستيري مش عارفه اتخطي من ان اللي مفروض هو السند والحماية ليا يكون هو سبب كسرتي. ودا ابره ف كوووم قش من اللي ابويا عامله فيه من زماااان ولحد دلوقتي
متكسريش نفسك اللى عمله ابوكى ده انا عارف أنه غلط أنه يكسرك قدام زمايلك لكن من وجهة نظره هبة دى التربية انا ابويا زى ابوكى تمام لكن تخطيت المواقف اللى حصلتلى بإن اتقبل ده وبعد كدة أنساه وفعلا عملت كدة من باب أنه بيربينى وبعد كدة كبرت ونسيت لان الوجع والاحراج كان لحظة الموقف وعددى وخلاص فكتر التفكير فيه بيكببر الموضوع وياخد حييز اكبر من حجمه لكن التفكير فى أن اللى حصل ده لحظى بيخللى الموقف ولا اكنه موجود لو فكرتى بالطريقة دى هتتغير حياتك بإذن الله
للاسف جيلنا كان في حقبة مختلفة عن الأجيال السابقة والأجيال الحالية .. احنا كنا الجيل الانتقالي وحقيقي ده اسوء جيل ابهات حرفيا من حيث التربية لأنه كان ليحاول يقلد اللي حصل فيه وفي نفس الوقت مش عارف يعمل ده لان في الأجيال السابقة كان في دفا وحنان قبل ما يكون في عقاب انتي حاولي تتماسكي وربنا يعوضك بحد كويس يكون شريكك و يرزقك ب بيبي تحاولي تتجنبي كل السلبيات اللي أثرت عليكي من أهلك صدقيني تصرفات الأهل السلبية نابعه من جهلهم مش قسوتهم
لو عندك زان____ـج() حبة اسمعك ،