أب

مكنتش عايزة أحكي، ومش عارفة ليه قررت أكتب دلوقتي، بس يمكن علشان محتاجة أطلع اللي جوايا. أنا موضوع الأب مأثر فيا جدًا، نفسيًا وعاطفيًا. والدي كان موجود بالجسد، لكن عمره ما كان موجود في حياتي فعلًا. كان قاسي وجاف معانا في كل حاجة؛ في المشاعر، وفي الدعم المادي، وحتى قدام الناس كان دايمًا يصغرنا ويقلل مننا. كنا عايشين أنا وإخواتي ووالدتي في بيت عيلة، وأي حد عاش في بيت عيلة ممكن يتخيل جزء من اللي كنا بنمر بيه. كان فيه تسلط، وضرب من غير سبب، وإهانة من غير أي داعي. حتى قدام الضيوف. كانوا يخلونا ناكل في المطبخ، وممنوع نطلع نسلم على حد، وكأننا مش موجودين. كنا بنستخبى. فاكرة مرة حد من قرايبهم جه، واتقال محدش يسلم. وأنا طالعة على السلم شوفته، اتوترت جدًا، جريت، ووقعت كل اللي كان في إيدي. ولحد ما هما مشيوا، الراجل استغرب جدًا وسألني: "إنتِ ليه مشيتي؟". وقتها حتى معرفتش أجاوب. كل ده أثر فيا بشكل كبير. بقيت أسمح بدخول ناس في حياتي ملهاش أي لازمة. ممكن العلاقة تبدأ صداقة عادية، وفجأة الطرف التاني يحس بمشاعر، وحتى لو أنا مش حاسة بأي حاجة، بلاقي نفسي مش قادرة أرفضه. بخاف أحسسه بالرفض... يمكن علشان أنا اتربيت على الإحساس ده. ولما أحس إن العلاقة داخلة في اتجاه مش مناسب، أعمل بلوك وأختفي. لكن بعدها أفضل ألوم نفسي وأسأل: ليه عملت كده؟ وليه زعلت؟ وكأن الشخص خد حتة من قلبي، رغم إنه غالبًا ما يستحقش. يمكن فيه شخص واحد بس حسيت فعلًا إنه كان كويس. لكن العلاقة كانت طول الوقت "شوق ولا تدوق". يقرب ويبعد، وكل مرة يرجع كنت برجع أتكلم عادي وأقول: اللي فات مات. لحد ما في يوم حسيت إني تعبت بجد، وعملتله بلوك. والغريب إنه حتى ما حاولش يرجع يتكلم أو يصلح أي حاجة. أنا عارفة إني طولت، بس حاسة إن كل ده مرتبط ببعضه. بحس إني مش بعرف أتعامل مع أي راجل بشكل طبيعي، وكأن جزء جوايا لسه طفلة، مش عارفة تحط حدود، ولا تاخد قرارات بحكمة، ولا تعرف إمتى تتمسك وإمتى تمشي. مش عارفة إذا كان حد هيكون عنده نصيحة، لكن حتى لو مفيش... فأنا مبسوطة إني قدرت أطلع جزء صغير كان محبوس جوايا. شكرًا لكل حد كمل قراءة، وشكرًا إنكم سمعتوني.🥰

السلام عليكم ورحمة الله وبركاته من المشاكل اللي شوفتها حاليا ادركت ان والدي الله يرحمه كان مهتم جدا بنفسيتنا وصحتنا و متطلباتنا ومشوفتش منه ضغط او توبيخ ف اي حاجه دنيويه او ملهاش علاقه بالدين او الاخره او بالمستقبل وصحه وكد غير كد لا دراسيا ولا اي حاجه من دي كان بيعملنا كابوس فيها بالعكس كان بيشوف اللي يريحنا و بيدعمنا فياريت ك واحد يشوف دا يدعيلو بالرحمه و المغفره وانه يجعل قبرة روضة من رياض الجنه و يسكنه فسيح جناته ويعلي قدرة و يبدل ذنوبه حسنات و يعوضه عن ك لحظه شقاء بعوضه ويكرمه بكرمه و يجعله ف الفردوس الاعلي يارب العالمين و الهدايه ليا و ربنا يهدي اي اب او ام مش مدي مدركين النقطه دي

السلام عليكم، ازيكم عاملين اي، يمكن دا من اصعب البوستات الي نزلتها او هنزلها بعد كده، لانه الحقيقه بتكشف سبب جزئ كبير اوي من ألمي ومش مشاكل النفسيه الفتره دي او طول حياتي عموما، الحقيقه انا والدي ووالدتي مطلقين، بس دا قدام ربنا بس لكن في نظر القانون لا، الحقيقه يمكن دول 4 طلقات او 5 تقريبا بعد كل مره ابويا كان بيرمي فيها اليمين على امي بيكون هو الغلطان تماما، كنا بنستحمل ونسكت، الحقيقه هو مكنش بيردها عشان خلاص عرف غلطه وهيصلحه، كان بيردها بس عشان الجنس وبس بس عشان كده، بعد الطلقه التالته، كان عاوز الجنس فقالها يلا نروح لازهر عشان نشوفوا امكانية الرجعه، فالحقيقه هو جه وقال انا كنت بس غضبان ومدايق او حاجة زي كده عشان كده طلقت فيردها وكده بقوا 4،طلقها تاني بعد كده وراحوا للازهر برضو، وقتها قال وحلف انه ناسي دي الطلقه التالته ولا التانيه، فردها،(الحقيقه في تفاصيل كتير في الرد لاني اكيد معرفش بس خليتا نعرف بس الي حصل) ومش متذكر كانوا 4 ولا 5 بس هم عدوا ال3 عموما، المره الاخيره لما طلقها وقتها مقدرتش اسكت، وقولتله وانا بزعق ودا كان اصعب حاجه في حياتي، قولتله (خلاص كده خلصت امي معتش تحل ليك ومترجعش تقول ناسي ولا مش ناسي كده خلصت خالص)، امي بقالها يمكن سنه تقريبا عايشه معانا في البيت عادي بس لاننا 6 عيال ومش عارف بقا الامر وقتها وقف على كده، ولكن هي بعيد عنه ولكن في نفس الشقه يعني، كمية اهانه وشتايم ليها متوصفتش، مش شتايم سب وكده ولكن هديك مثال يعني بيدعي عليها بالشلل ربنا يخربيتك يافاشله وكلام كتير وحش بعني ولكن مش سب، ومش لامي لوحدها ولكن للبيت كله، ولكن زياده عن امي، الحقيقه كل كلمه بسمعها في حق امي بتاكل جسمي اكل، كأنك جبت سكينه كبيره. وحاده وقعدت تبشر لحمي حته حته وانا حي، ولكن مستحمل وساكت لعل الموضوع يتحل، ابويا وحش معانا في البيت كلنا وعذاب حرفيا ولكن احتسبنا الاجر وصبرنا، طبعا انا في تالته ثانوي ازهر ومش قادر اقولك انا قد اي كنت في عذاب حرفيا والابتلاء دا سبب عجزي طول السنه، ولكن مع ذلك كنت بعمب الي عليا وبتعب اوي، خلافا طبعاً مكنش في جو هادي ولا دعم ولا تشجيع منهم، ولكن مكنش فارقلي ومكمل، حاليا انا في الامتحانات، كان في موضوع وامي كانت تحت لاننا في الدور التاني، فكان في موقف فشتمها من الشتايم الي حكيت عليها دي، انا كنت سامع وبتؤلم وامي طلعت تعيط وانها تعبت وتقول لوالدتهاا الي هي متوفيه تعالي خديني تعبت وكلام أذاني، معتش قادر اسكت وانا جوايا غضب يهد جبل يخليه تراب حرفيا،ندى عليا كتير وهو تحت ومردتش عليه ومش عاوز اكلمه، ولما يجي ويكلمني هقوله كل الي جوايا وزي ما تيجي بأي طريقه، بس والله والله ماقادر ابويا برضو وعمري ما كنت عاق ابدا، حرفيا كأنك ماسك دراعي من كل اتجاه وربطه في عربيتين عكس اتجاه بعد وبتشد، وانا دراعي هيتخلع، اه نسيت اقولكم ابويا مدرس في الازهر، بيطلع على المنبر كل جمعه يخطب في الناس، مبيصليش، قولا بلا عمل. قوليلي حل عشان مش عاوز اكون عاق لابويا فأاثم ولا اكون ديوث او عاق لامي، لانها دلوقتي من حمايتي

الغربة أو السفر دى اوحش واسوء حاجة فى الحياة فعلاً الدنيا مش بتدى كل حاجة تديك سفر تاخد عمرك تديك فلوس تاخد صحتك انا والدى كان مسافر بقالو 12 سنة ومنزلش ولا مرة بسب أنه كان عنده مشاكل فى ورقو وعقبال ما صحح الغلط وخلص ورقو نزل نزل بعد 12 سنة بعد عمر انا كنت طفل 10 سنين رجع وانا شاب 22 سنة اول ما روحنا نستقبله من المطار اول ما شوفته كانت ماسك الدمعة بالعافية ابويا كبر وعجز اوى ابويا اتغرب بعيد عنا على مفيش فى الاخر ابويا اتحرم مننا واتحرمنا منه سنين ابويا عمره ضاع فى شغل وللأسف هو عايز ينزل إجازة ويرجع تانى وكلما رافضين أنه يرجع خلاص ابويا كبر مينفعش أنه يمشى يقعد ويرتاح بقى من سنين الشقى ده بس هو مش راضى خالص انا كل ما ابص فى عينه امسك الدمعة بالعافية انا بكره الدنيا دى يارب ما تكتبها على حد يارب

يمكن طويلة بس بتعبر عن كتير اشياء بقلبي انا كنت حكيت من شوي عن اني ما بعرف حط مكياج وعندي حفلة تخرج فا اليوم عم جرب احط قبل الحفلة هيك نوع من انواع التدريب انا واختي خلصنا ميكب وكل شي كنا عم نتصور بس انو لناخد فكرة لو الميكب رح يكون حلو بالتصوير بعدين صرنا نضحك على اشكالنا وكيف انو الميكب سيئ جدا وكيف انو ما منعرف نضحك وهيك بعدين انا ضحكت بصوت عالي شوي اجا ابي واختي قالت بسم الله (فزعت ) وصارت تطلع علي انو خلص لا بقى تضحكي هيدا ابوكي مش امك وانا ما كنت قادرة وقف ضحك بعدين فقعني وحدة شو هل الطق الحنك تبعكن قلتلو عم نعمل مكياج للتخرج وتركنا وراح ( اكتر فترة كل كلمة بتأثر فيني ما بتخليني نام وبضل عم فكر ) ( انجرحت لأنو اساسا انا واختي مُهمشين بالبيت مع امي حتى هي مهمشة يمكن نحن بس وسيلة بسيطة ليستمروا بحياتن نعملن اكلن وننضفلن بيتن وتيابن وغرفن حتى كلمة شكرا على تعبكن اليوم بالبيت مش موجودة متل الخدامين يمكن حتى الخدامين بيتشكروهن وحتى عند اي تقصير بس شوي منسمع حكي متل السم ) ( حاسة بنقص اهتمام وحنية وكيف انو كل البنات عندها حدا يقدرها ونحن لا ) ( صرت عصبية من اي حرف ممكن افتح الف مشكل صرت بس بصرخ وبعيط على اتفه الأسباب ) ( ما عم اعمل شي هل الفترة بس عم اكتم مشاعري وكلو عم يطلع فيني ) ( كل ما حدا عطاني شوية اهتمام بعتبرو انسان كتير منيح وحنون رغم انو هو انسان عادي وهيدا تصرفو الطبيعي مع كل البشر ) واخر شي معلومة صغيرة انا انسانة ملتزمة بنظر العالم وبحاول اكون ملتزمة بيني وبين حالي يعني الضحكة الي ضحكتها ما بضحكها الا ببيتي او بمحل مغلق فيه بس بنات وهو بيعرف اني ملتزمة وما بحب كون ملتزمة انو لا ملتزمة ولا فالتة شو بعمل

حته حنيه ووجود ابويا جنبي وحنيته وحضنه مكنتش من نصيبي رغم انو عاايش والله العظيم.. خلاني ادور علي اهتمام والحب بره ــــــــــــــــــــــــــــــــــــــــــــــــــــــــــ

النهاردة عرفت قد ايه الاب مهم مهم جدا وفعلا بياثر فينا سواء للاحسن او للاوحش وعرفت ان ناقصني دور الاب في حياتي وعمري ما هعرف اعوضه هو موجود مش متوفي ربنا يحفظه بس موجود ومش موجود حد فاهم حاجه موجود بس تقريبا هو اكتر. اذاني اذاني علشان هو مش بيادي دوره ك أب انا راضيه بس اكيد بيجي عليا وقت واقول ليه طيب لما بخرج او اشوف حد مع بنته انا بحس بغيره او بحس بالنقص و والله مش بحسدهم ولا اي حاجه ولا بحقد علي حد اكيد هو انا كدا غلط علشان بغير او برطز مع حد لو مع بنته ؟ بس بجد هو في آباء كويسه يعني بيكون تعاملهم ازاي مش عارفه ايه التعامل الكويس انا راضيه في حاجات كتير ممكن مقدرش اتكلم فيها او احكيها بس الحمدلله بفضل الله ثم صديقه ليا انا بنت كويسه ومحافظه علي نفسي وعلي كرامة ابويا واهلي بس اكيد مفيش حاجه تعوض الاب صح المشكله مش في اني اعوضه كمان المشكله فيه هو وجوده مشكله

قرفت والله وجبت اخري هموت وانام وماسك نفسي عشان اظبط نومي وجعان ومستني الغدا ابويا بيقولي تعالى اوريك حاجه قولتله مش قادر اقوم قالي تعالى بس وجيت فبيوريني وبعدين بيجيب حاجه كمان ف انا رجعت ورا تاني قالي تعالى شوف التانيه وفجاه كدا يقولي الله يلعنك بقوله الله يلعني ؟ قالي ااه عشان انت قليل الادب قولتله طب والله ما انا جاي قالي تعالا قولتله والله العظيم ما انا جاي انت بتقولي الله يلعنك ساعة مغرب الموقف خلص ولا كانه عمل حاجه ومتعود على دعاوي لعينه من دي يوميا وزعيق وقرف من غير اي سبب انا جبت اخري والله من الهم دا خلاص الواحد شايل وطالع عينه وكاتم وبيكتم ولو انفجرت هبقا عاق وماسك نفسي برضو ف بالله دعواتكم عشان جبت اخري والله العظيم

المطلقة مش بس بتواجه نظرة الناس، أحيانًا بتواجه حربًا كاملة جواها. خصوصًا لو معاها أولاد، بتصحى كل يوم شايلة مسؤوليات أكبر من طاقتها، بتحاول تكون أم وأب في نفس الوقت، وتخبي تعبها عشان ولادها ما يحسوش. ومع مرور الوقت بييجي شعور قاسي بالوحدة، لما تلاقي الدنيا ماشية والكل مشغول بحياته وهي راجعة لبيت هادي بشكل مؤلم، ومفيش حد يشاركها تفاصيل يومها أو يسمعها. والوجع بيكون أصعب لما تحس إن فرصتها في بداية جديدة بقت أقل، أو لما تبص لنفسها بعين قاسية وتفتكر إن شكلها أو سنها أو ظروفها ممكن يمنعوا حد يشوف قيمتها الحقيقية. لكن الحقيقة إن الإنسان مش بيتقاس بجماله ولا بحالته الاجتماعية، وفي ستات كتير شايلين مسؤوليات ضخمة وبيحاربوا كل يوم معارك ماحدش شايفها، ومع ذلك مكملين. وأحيانًا أكتر حاجة بتحتاجها المطلقة مش الشفقة ولا النصايح الكتير، لكن حد يشوفها كإنسانة تستحق الحب والاحترام والونس، ويشوف قلبها وتعبها وقوتها قبل ما يشوف أي حاجة تانية. ❤️

ليست الجراح كلها وليدة اللحظة، فبعضها تراكم في القلب عامًا بعد عام. تراكمات بدأت من أبٍ كان يفترض أن يكون موطن الأمان، فإذا به يترك في الروح فراغًا لا يُرى. ومن ذلك الفراغ تعلم القلب أن يفتش عن الحب في كل مكان، وأن يتعلق بأي دفء يمر به، وأن يخشى الفقد حتى قبل أن يحدث. ثم جاء الاشتياق، لا إلى شخص واحد فحسب، بل إلى شعورٍ لم يكتمل يومًا. اشتياق إلى كلمة تطمئن، وإلى حضنٍ يحتوي، وإلى وجودٍ لا يجعلني أخشى الرحيل في كل لحظة. أرهقتني التراكمات أكثر مما أرهقتني الأحداث نفسها. فكل خذلان جديد كان يوقظ خذلانًا قديمًا، وكل غياب كان يعيد إلى القلب غيابًا آخر لم يلتئم. لست أبكي ما حدث اليوم وحده، بل أبكي كل ما صبرت عليه، وكل ما أخفيته خلف ابتسامة، وكل مرة أقنعت فيها نفسي أنني بخير بينما كنت أتداعى بصمت. وربما لهذا يبدو اشتياقي أكبر مما ينبغي، وحزني أعمق مما يراه الآخرون؛ لأنني لا أحمل ألم اليوم فقط، بل أحمل الكثيير من المشاعر المؤجلة، والأسئلة التي لم تجد جوابًا، والاحتياج الذي ظل يسكن القلب دون أن يجرؤ على البوح.

بقالي ساعة بعيط ومش عارفة أهدي ولا حتى أعرف أوصف اللي جوايا. الوجع لما ييجي من الأب بيكون مختلف لأنك طول عمرك مستني منه الأمان والحنية والسند لكن تلاقي مكانهم قهر وحزن وخذلان. تعبت من إني كل مرة أقول يمكن المرة دي تبقى مختلفة ويمكن المرة دي يحس بيا لكن كل مرة برجع مكسورة أكتر. أصعب حاجة إنك تكتشف إن الشخص اللي كان المفروض يهون عليك هو نفسه سبب دموعك. أنا مش بزعل عشان موقف واحد أنا بزعل على سنين من الاحتياج وعلى كلام اتقال وسكوت وجع أكتر وعلى إحساس إن قلبي كل مرة بيحاول يتمسك بأمل صغير وبيرجع مكسور. بقالي ساعة بعيط ومش مستنية حد يصلح اللي اتكسر جوايا أنا بس كان نفسي مرة واحدة أحس إن ليا أب يحتوي وجعي بدل ما يكون هو سببه. :::

في فترة عشت فقدان الام و الاب (عندما فقدت ابي و امي ايضا ماكانت موجودة) و لحد الآن مازالت فيا الصدمة و ماقدرت نتجاوزها هي صح نضحك العب و ادرس عادي بس في نفسيتي كل ليل ابكي لما اتفكر تلك الفترة اصعب فترة فاتت عليا و يا ريت تنمحى من ذاكرتي و الله ماعرفت اذا الوقت ينسي ولا راح ابقى طول حياتي هيك

أبويا معيشيني في زون إن أي حاجة أطلبها هي حمل زيادة مينفعش تطلب وانت كدا بتضغط عليا وهكذا لحد ما وصلني لمرحلة بقيت بخاف أطلب حاجة تمامًا لدرجة في الصيف والحر دا معنديش مروحة ومبطلبش لابس نضارة من ٥ سنين مغيرتهاش ومشهطلب أغيرها عشان محسش بالقرف من ناحيتهم من طلبي البيت مفيهوش أكل تقريبا ويسكت بعد دا؟ لأ بردو بيعايرنا بالحاجات الأساسية للحياة اللي خلاص من بعدها هنموت انتم بتاكلوا كذا كذا كذا (حاجات عادية جدا) وساعات بيكدب ودا مبيحصلش الفكرة إني كابنه عامل كل حاجة وكويس من صغري ومبقصرش ف دراسة ولا ف طليات ولا أي حاجة ف أنا أستاهل المعاملة دي؟ وليه أتعامل المعاملة دي؟ دا ف ثانوي مطلبتش آخد درس واحد خاص وف جامعة جيبت كلية كويسة ودخلتها باقي الدنيا كلها واللي ميستاهلوش دخلوا خاص الجامعة كلها بتنجح بالكورسات أنا مخدتش ولا كورس من اولى وبعدي بجيد جدا مرتفع ومش عاجب بردو ف ادعولي ربنا يكرمني عاللي شيلته كله دا ويعوضني عن النقص والخوف الدايم اللي عايش فيه وأنا مستاهلوش دا

عندي عقدة بسبب بابا مش عارفة اخلص منها بابا عندو الحب متشرط لو انت ناجح ومطيع هحبك لو انت مش كده هكرهك ومش هصرف عليك وهتتعاقب وتضرب فكبرت علي اني ارضي الكل إلا نفسي و بقي عندي برود مشاعر مش بحس بأي احساس خالص لا حب لا حزن لا ألم حاسه بخنقة بس عشان اتعودت ان حتي مشاعري ممنوعة عشان مثلا لو اضربت و بينت اني زعلانه بضرب تاني ولو عيطت بضرب اكتر فلازم لما اضرب اضحك و دايما تنمر علي شكلي لو اهتميت بنفسي او لا و لو غلطت يتقالي بكرهك و يدعي عليا بالموت لو اتأخرت عليه بالشاي تعبت من كل ده لي حد في سني بيمر بكل ده انا عملت اي في حياتي عشان يحصلي كده معنديش ثقة في نفسي وشايفة ان كل الرجالة بتكرهني و شيفاني وحشة زي بابا فبفضل انزل صور ليا واكلم ولاد وارتبط عشان احس ان حد عايزني و بعمل كذا شخصية و هدفي الوحيد ارضي كل الناس علي حساب نفسي عشان بكره ابقي مش محبوبه رحت لثيرابي كذا مره مفيش حاجه من دول نفعوني اي الحل لكل ده

لما أمي تقف تعمل لي الاكل اللي انا بحبه وتهتم بكل العناصر الغذائية اللي فيه وفي الآخر مقدرش أقوم اكل تبقى ايه؟ تبقى نطع لما الشيخ بتاعك يقعد يحفظك ويبذل معاك مجهود جبار عشان هو شايف انك تعبان ومرهق ومش قادر تحفظ لوحدك وفي الآخر متعرفش تعمل حاجة ولا تحفظ ولا تتنيل تبقى ايه؟ تبقى نطع لما ابوك يبقى نفسه يشوفك فرحان وبتضحك ونفسه يشوفك بتندمج معاهم وانت مش مخليه يحس الإحساس دة ومش مخليه يحس انه عنده ابن تبقى ايه؟ تبقى نطع الحجج الفاضية المعفنة بتاعتك دي متسميهاش أسباب دي وساخة فكرية، كل الناس مفشوخة نفسياً مش مضغوطة بس ومش بيحسسوا اللي حواليهم بحاجة إلا انت كل حاجة مأثرة على كل حاجة في حياتك وهل انت عايز تتعالج؟ انت بتتعالج غلط حتى انت مش عارف تتعالج صح انت بتعمل نفس الحاجة بنفس الطريقة مليون مرة ومنتظر ان النتيجة تتغير دة عند أمك انت عارف انك بتعمل كل حاجة بطريقة غلط وانت عارف انك مش هتسلك كدة وانت عارف ان اخرة دي ان مستقبلك رايح منك وانت لسة زي ما انت عشان نطع، مهزق ومش شخص يستحق الحاجات دي بجد انا اوسخ بكتير اوووي من الحاجات اللي بتحصلي دي مستحقش كل دة حسبنا الله ونعم الوكيل فيا

بابا رحمة الله عليه اختى بتكلمه عنى فجأة قال ليها انا بحب اسلام اوى بحبه بشكل هو نفسه لا يتخيله كنت اول مرة ويمكن اخر مرة اسمعها منه بس فاكرها ولسة حاسسها لحد دلوقتى عشان كده دايما بقول أن الأب لا يعوض

السّلام عَليكُم ورحمَة الله وبركَاته يارب تكونوا بخير يا جماعه بجد الواحد تعبان وزعلان اوي من وسط كل حاجه بتحصل حواليه بالذات لو عيلته مش داعمين ليه وسط اب مش مهتم لاي حاجه تخصنا😭 نفسي يكون حنين معايا ميعرفش يعني اي حنيه بجد مفتقده شعور الحنيه من الاب او اخواتي الرجاله اوي😭 لما بشوف اب مصاحب بنته وبيكون معاها بتصعب عليا نغسي اوي طب لي هو ميبقاش معايا كدا😭 بخيل في مشاعره وبخيل في كل حاجه واتاني موت😭 حتي تعب ماما مش هامه ببتعايشوا ازاي بجد مش عايزه شفقه من حد انا بس مضايقه شويه ياريت تدعولنا❤️‍🩹

جماعه محتاجه تفسير ل داا انا حد ليا اي وكأنه مش موجود اصلا ، كان بيزعق ويضرب ويشتم من صغري ف كنت بعد كل موقف من دااا كنت بتأثر وازعل منه جامد وممكن تقعد ب الكتير قوي متكملش معاه لكن دلوقت العكس تماما ، بعد ما يشتم اوسخ الشتايم ويضرب ويزعق وكمان يتهمني ف حاجات محصلتش مع العلم أنه ملهاش حق ابدأ ف كدا هو بس السبب الوحيد أن انا بنت وهو هياخد مني ايه هي دي فكرته عني ، واللي زاد عليه اني مكمله تعليمي وحابه دا ف هو دائما كان بيقولي هاخد منك ايه متغوري بعيد عني هتنفعيني ب ايه انتي ومن دا كتير هو بس المفرح دلوقت ف الموضوع واللي مش مفهوم ب النسبالي إن ازاااي انا مش بتأثر بكلامه القذر دا ولا شتايمه ولا حتي الضرب زي زمان وبقيت بتعامل معاه تاني يوم عادي جدا

وصل بيا اني بقيت اغير من اخواتي و دي حاجه عمرها ما حصلت قبل كدا انا الصغير بس شايفهم بيحققوا احلامي و انا مش بتحرك اه العيب فيا كدا كدا اكيد بس على الاقل لو مش هحقق حاجة مش عايز ابقى بغير منهم و دا غير كلام ابويا الكله عنصريه و يقرف بس تمام يعني

بابا تعبان الفتره دي وبيتعب كل شويه وانا مش قادره اتعاطف معاه او اخاف عليه بيتعب معظم الوقت بسبب التكييف وانا شايفه انه عارف السبب وبيعمله ف ليه مستني حد يقوله يبطل الحاجه دي مثلا ويستني الاهتمام دا وهو مش بيقدم اي اهتمام ليا ولا يعرف عني حاجه وعاوز الكل يهتم بيه الموضوع يبان تافه بس خانقني جدا وزعلانه من نفسي اني مش قادره اتعاطف معاه لانه بيتعب اوى فعلا بس جوايا غضب منه انه طول عمرى ميعرفش عني حاجه ولا فكر يتكلم معايا ومش بيفكر غير في نفسه وبس وميعرفش حاجه عن دور الاب

بقالي حوالي سنه نفسي اقلع الحجاب، اعمل ستايلنج لشعري واوريه للناس زي باقي البنات، البس اللي انا عايزاه من غير ما حد يقولي حاجه..من رابعة ابتدائي وانا لابسة الحجاب، ملحقتش استمتع بإني اظهر نفسي، كبرت وابويا مخبيني عن الناس ومبيخلنيش اخرج في اي حتة.. حتى لما كنت بعوز دروس كان بيجيبلي مدرسين اونلاين عشان مخرجش برا البيت، كل الناس قالتلي ده بس خايف عليكي، لو هو خايف عليا هيخليني اعمل ابسط الحاجات من غير ما يحسسني اني بعمل مصيبة.. كل ما اقوله عايزة اخرج مع صحابي يقولي لا، ربنا شاهد اني ولا مره واحده في حياتي كلها خرجت مع صحابي، بيقولي احنا كده كده بنخرج ك عائلة مش لازم صحاب (مبنخرجش غير مرتين في السنه وأوقات مره واحده بدون مبالغة) ف انا تعبت وحاسه اني محبوسة ومش عايشة حياتي وكل حاجه مقفلة عليا وحتى الخاتم اللي هو ابسط حاجه ممكن البسها بيمنعني ويشك فيا ويقولي بتتزيني لمين ما تلبسيش اكسسوريز. جاسه اني مخنوقة لدرجة اني بقيت امسك وشي واغرس ضوافري فيه واقطعه من التعب اللي جوايا

دلوقتي انا عايزه حل بسرعه جدا أنا كنت بتكلم مع اختي الصغيره و بحكي عن كلام سري جدا زي اني مع اي واحده أنها تدافع عن حبها و تكلم الشخص اللي سبها لحد ما توصل لحل و ترتاح وكلام كتير و اني مع البنت أنها تكلم والولد و الكلام ده و بعدين حكيت عن قصه حب قديمه ليا كنت بحب شاب و ان هوه محبنبش و كده بس اكتشفنا أن بابا كان بيتصنت علينا و بيسمع كل كلامنا و دخل قال أنا سمعت كل حاجه و انتو بنات قذره وكلام اخر قرف و تف علينا و مشي و بعدين اختي الصغيره راحت و قالتله انت فاهم غلط و أن أنا كنت بحكي عن حاجه قديمه و هوه مش فاهم اصلا و فاكر أن الموضوع جديد و بعدين قال لأختي ما انت ضائعه اصلا و بتكلمي ولاد و شوفناهم و قعد يبهدلها(قفشو اختي الصغيره بتكلم ولد علي الموبايل)بس حرفيا طريقتهم صعبه و مش بيتعاملو معانا أننا بنأدمين أنا دلوقتيي اعمل ايه معاه هما محافظين اوي بس مش عارفه فكرت في فكره اقولها ( فكرت اني هبرر كلامي بأنه أول موضوع ده كان بوست علي الفيس و اني كنت بقولها الكومنتات اللي البنات بتقولها و أن هما مش معترضين عشان اشوف رد فعلها و تاني موضوع اني أنا كنت بحكي قصه شم.حقيقيه اصلا بس كنت بقولها عشان اخليها تخاف و تعرف أن العلاقات ديه غلط و هتأذيها و اني شوفت الطريقه ديه في فيديو و بيقول انك توصل المعلومه بطريقه غير مباشره عشان تخاف علي نفسها)

جائز فعلا ناس تكون متأثره بغياب الاب ف حياتها لكن الاصعب من داااا هو أن يكون موجود ووجوده زي عدمه عايش بس علشان ينقض وخلاص طب فين دورك من رعايه وحنان ، فين دورك ك اب ؟؟؟ المحزن ف الموضوع تعامله مع اخواتي غير تعامله معايا ، وكأنه بيتعامل مع مريض عقلي مثلا حقيقي وجود الشخص دا عملي مرض نفسي مش قادره ولا هقدر اطلع منه .

السلام عليكم الاب كل ما اكتب كلمه مش راضي بيها معرفش ليههه يعني حرام بجد و هتلاقو كلامي ملغبط لاني كل ما اكتب كلمه امسحها 😭😭حسبي الله هو انا قتلت امه؟ كل ما اقول كلمه يقولي لا حته كلمه السلام عليكم طيب ليه؟ طيب ليههههه؟؟؟؟ والله لسه بدري يا شهر الصيام

بابا في مره كان بيكلم ماما و كان متعصب و قالها ان لازم انزل اشتغل او ادور على شغل و قال اني شوؤم عليه و انه قالها كدا من قبل متولد مع ان انا بنته الكبيره و ان كلامه اتحقق بعد 20 سنه والكلام دا داخل اهو في سنه انا حاليا 21.. و موقف تاني مش قادره انسى انا كنت بشتغل في شركه كان التعامل فيها وحش اوووي و قدمت استقلتي بعدها بشهر بس لازم المديره بتاعتي هي اللي تقولي امشي امتي المهم حصل مشكله بيني و بين البنات اللي معايا في الاوضه و كان من ضمنهم واحده صاحبتي من زمان بس ديما بيني و بينها مشاكل المهم المديره دي تاني يوم وزعت علينا الشغل وبعدها بساعتين جبتني انا و البنات اللي معايا و هما كدبوا و مقلوش اللي حصل و هي مكنتش عايزه تسمعني و قالت لي اسمع اي دي صاحبتك و انتمتك شاهدت عليكي... المشكله ان صاحبتي دي مفكرتش حتي تحذرتي ان كل دا هيحصل علشان هي كانت مقربه من البنت اللي اتخنقت معاها و كمان حتي لما مشيت مكلمتنيش سالت عليا و حاجه كمان لما المديره و قفت قالت كلام وحش ليا اوي دخلنا الغرفه اللي شغلين فيها علشا ألم حاجاتي صاحبتي كانت وقفه بتلم معاهم لا و كمان بتقول للمديره ايه الشاحن اهو بس هو بايظ و النظام في الشركه ان التليفون و الشاحن اللي بستلمه بيبقي عهده عليا و كنت بجيب شاحن من بيتي اشحن بيه و انا بشتغل... يعني معني الحركه كأن صاحبتي بتقولها اخصمي منها فلوس...

الصراحه حاجات كتيره و اولهم ان أبويا يختفي ده اكبر مخاوفي هي و اني اموت على سوء خاتمه او ان كل الذكريات الحلوه تبقى مجرد ذكرى و تأذيني جامد بعدين او ان اقرب الصحاب ليا يختفوا في يوم و ما نكونش عارفين حاجة عن بعض ، اني اكبر بالعمر ، و المشكله ان كل الحاجات دي فعلا هتحصل في يوم ....

مساء الخير يا جماعة انا مشكلتي الاذلية مع ابويا عمره ما عمل حاجة عشاني دايما عاوز نفسه الاول وبس وفي نفس الوقت عاوز كل حاجة مننا انا حاسس أنه بوظلي حياتي كلها خلاص وخايف يبوظلي آخرتي كمان حتى سني بيكبر ومش عارف اخد خطوة الجواز بسببه اصلا ! احنا بقالنا فترة كبيرة وصلنا أنه مش بيكلم حد مننا خالص ومع كل ده انا كل السنين اللي فاتت دي بحاول على قد ما اقدر ارضيه عشان ماغضبش ربنا بس ببقى جاي على نفسي وانا بعمل كدة بس انا بقيت حاسس أنه مبسوط ومرتاح كدة حتى مش قادر يساعدني اني اكون بار بيه ! مش عارف هل حد مر بنفس التجربة ! أو حد يقدر يفيدني ! ومعلش طولت عليكوا 🤍

بتعملو اي مع الاب اللي بيحب اهله اكتر من اولاده وبيبديهم ف كل حاجه عن اولاده لدرجه انهم مش لاقيين ياكلو ويلبسو كويس بس اهله عندهم كل حاجه ومش بيستكفو وسايبلهم ماله بالملايين من سنين كان معانا حاجات كتير وكلها اتباعت وخلصت لما اتزنقنا وقولنا عادي بس خلاص مبقاش ف حيل نسكت اكتر المفروض نعمل اي

هو لو أنا شفت ابويا بيخون امي ققول ولا مقولش أنا مش عارف اعمل ايه مع العلم أن عندي حاجة وعشرين سنة😞 فا أنا عايز حد يقولي اعمل ايه لاني حاسس ان في مشاكل في السكة مش هعرف اعمل اي حاجه خالص وانا اكبر اخواتي

كنت هقولها انا اسفه عشان انا كبرت ومخدتكيش للشخصيه اللي دايما حلمتي بيها كنت هقولها اسفه عشان خليتك تتوجعي كتير من الناس واسفه ان الاب ده هو اللي عندك مش اب تاني بيحبك بجد.. كنت هتاسف ليها واقولها بجد اني لسه بحاول رغم اني من كتر ما عكيت ف حياتي مش شايفالها دلوقتي ملامح بس مكمله علي امل يحصل جديد واوصل ليوم اقولك اني اخيرا بجد وصلت

ليه اول راجل في حياتي يكون بالشكل ده المشكله انو ابويا يعني ياريت اقدر ابعد عنو او اقطع علاقتي بيه حتي لو سبتو و مشيت اسمو هيفضل ملازمني باقي حياتي. و مش لاقيه حد يساعدني مليش حد في حياتي بجد تعبت و زهقت هو بيعمل كده ليه مش المفروض الأبهات دول سند اول راجل مثالي في حياة البنت، ليه لازم اكون سند نفسي و لوحدي و هو المفروض عايش و أب ليه مش بيعمل زي ما باقي الابهات بيعملوا؟

ازاي اقدر اخلص من الفجوه ايل بيني وبين اهلي وبالذات ابويا الفجوه دي بتزيد كل يوم اهلي مبقوش عارفين عني حاجه وانا وربي تعبان محتاج اتكلم معاهم اترمي ف حضنهم بس مبقتش قادر انا تعبان فشخ بج

انا بيجي عليا الليل بكون فعلا عاوز انام مصحاش بجد ديما كل اللي بيحصلي بيطلع في دماغي وافضل صاحي والتفكير ياكل فيا وفي دماغي بجد أنا مبعرفش انام واشبع نوم ولا بعرف اضحك ولا بعرف اكون مبسوط حتي الصحاب مش موجودين الدنيا مشاغل انا نفسي انام وارتاح واكون سعيد ومبسوط وكل ده بسبب ابويا ايوه ابويا هو سبب كل الوحش اللي في حياتي هو السبب إن مش عارف اعمل اي حاجه حسبي الله ونعمه الوكيل فيه وفي جوز امي حسبي الله ونعمه الوكيل

شجااي اسوي اني ما اواجه مشاكلي مثل الرجال ، اكعد اسهر و احرق تفكير و اشوه بصورت ابوية هذا الرجل العظيم ، حتى غطى عليي بعد كل هذا لما اتصل فيه ابو البنت الي ورطت نفسي معاهم مش خطيبتي اللي اسكن عندها لكن بنية اخرى رائع كل شيء مر بدون ما ينهار كلشيء شكرا بابا كملت كذب معي وغطيت عليي مدري هو انا ورثت هذا الكذب منك لكن عظيم علاقتي معاهم او مع خطيبتي ما تأثروا ، شكراً كلمه ما استنتلي الفرصة اقولها

كان فيه بوست قبل دا كنت بتكلم فيه عن اكتشافي لخيانة بابايا، بس نسيت اقول حاجه مهمه بابا الحمدلله كويس جدا معانا يعني مش وحش زي ما معظمكم ممكن يفتكر، ودي ما كانتش اول مره حصل قبل كدا بس انا كنت صغيره والموضع اه خد وقت بس اتلم يعني وهو قال انه مش هيعمل كدا تاني وعدى سنين و خلاص الدنيا كانت تمام وهو اربعيني كدا يعني مش صغير، لحد من سنتين كدا كنت انا في أولى ثانوي تقريبا حسيت انه لسه بيكلم حد وكدا بس ما كنش عندي دليل وا كنت متأكده فسكت وكان على مدار سنتين من بعد ما حسيت بحاجه كل فتره كدا كنت بشوفه بس برضو مش ببقى متأكده لحد من يومين بس شوفت الشات بعيني واتأكدت وبقى معايا دليل بس معرفش علاقتهم واصله لفين بس الاكيد والي متأكده منه ان فيه حاجه بينهم وانا ما شوفتهاش ولا اعرف اسمها ولا حتى اعرف اذا كانت هي نفس البنت بتاعة المشكله الاولى او لأ، من ساعة ما شكيت وانا بفكر اقول لاخواته بس حسيت الموضوع هيكبر اكتر ما هو كبير و قولت خلاص هحوال اواجهه انا بس انا أجبن من اني اعمل كدا دي تقريبا المره التانيه خايفه اتكلم تحصل مشكلة وتوصل للانفصال !!! مش عايزه انا كدا، وانا دلوقتي في تالته ثانوي يعني الموضوع مستمر بقاله تقريبا تلت سنين الله واعلم بقى قبل التلت سنين كان فيه حاجه ولا لا. تنصحوني اتصرف ازاي.

لو حد هنا فاهم قانون كويس دلوقتي انا عايشه مع مامتي من زمان وانا عندي ٣ سنين ونصف للامانه والدي كان بيوصلي منه ١٠٠ جنيه عن طريق محكمه من زمان مش بيصرف عليا وبيأذيني بالكلام لدرجه اني قعدت فتره اتعالج نفسيا هو بقاله اربع شهور سافر محافظه تانيه فاال١٠٠ جنيه دي اتقطعت فابلغته اني مش عايزاها بس يسيبني في حالي وفعلا انا بجد مش عايزاها ولا عايزة اخد اي حاجه منه انا وصلت لمرحله اني مجرد مااسمع صوته او اشوف رساله منه بيجيلي بانك هو معاملته وحشه مع كله حتي اعمامي مقاطعينه فافمفيش حد يتدخل عرضو عليا ارفع قضيه نفقه انا محبتش ده لاني مش عايزة اخد منه حاجه غصب وكمان مش حابه اني اشوفه لاي سبب من الاسباب لو اطول اديله فلوس بس يبعد عني بس للاسف لسه مشتغلتش انا سؤالي هنا هو بقاله فتره قالب الدنيا عشان عايز صورة شهاده تخرجي هل دي هتفيده بحاجه هل هو ممكن يكون ناوي يرفع عليا قضايا او يأذيني انا محتاجه اعرف قانونا وضعي ايه والله انا مش عايزة ااذيه بس انا عايزة ابعد عن اذاه فضلا لو حد يعرف يقولي هو معاه صورة بطاقتي الشخصيه هل يقدر يعمل بيهم توكيل مثلا هو شخص بيستغل اي حاجه تدخله فلوس يعني عندي اخ مريض توحد قدمله في حاجه تديله معاش كمان قبل كده كان كنزلني علي بطاقه تموينه وانا مكنتش عايشه معاه عشان ياخد زيت وسكر زياده انا بعتذر ع القرف اللي بقوله بس بحاول اوصف الشخصيه فضلا لو حد يعرف او يعرف حد يقدر يفهمني عشان بجد مش حابه حد يستغلني او يدخلني في حاجه مش عارفاها انا حالتي النفسيه وحشه اوي لولا ايماني بربنا ثم مساعده اخضائيين نفسسين كنت انتحرت من زمان ربنا يعفو عني ويغفر لي

كل مرا بروح احكي لبابا عن كم الاذني النفسي والتعنيف اللي بيحصلي في الشغل كنت برجع مخذوله وحاسه بالوحده والكسره وقلة الحيله .. كان نفسي يتعصب ويقولي بنتي محدش يعاملها كدا وميحصلهاش كدا ومن بكرا تسيبي الشغل دا وطلباتك تيجي لحد عندك ..بس كان بيقولي معلش استحملي كل الشغل كدا ..كان ردي جوايا طب ما طبيعي يشوف ان بنته عادي تتعامل كدا ماهو نفسه بيعاملني كدا طول حياتي ..المهان في بيته مهان في كل مكان ..💔

اهلا انا شب عمري ٢١سنه عشت و لازلت عايش في نفس الدايره من ساعة ما اتولدت اللي هيا انا لوحدي بجد محتاج اهل يكونوا مقدرين وجودي بشوف اللي مش عندهم اولاد ببقي بجد نفسي اقولها اعتبروني ابنكوا لاني بجد محتاج اب ينصح و ام تحن وتهمت بيا

​"السلام عليكم رد السلام واجب، للناس الي عرفتني بالأب انا بدي احذفو لأنو عم يشتتني عن الدراسة بدي منكم تدعولي انو انجح بمعدل عالي وتخف الحرب على المنطقة وارجع لحياتي الطبيعية لو سمحتوا اي حدا بيشوف بوستي يدعيلي ادخل تخصص احلامي ستروا ما شفتوا مني وعذروني لو غلطت مع حدا منكم"

انو حتى لو اتكلمت فى مفيش حاجه هتتغير ومهما عيطت ودبدبت فى الارض مستحيل تتغير حاجه اصلو مين هيغير ابوه وامه!! عموماً الحمدلله وكمان الحجات اللي بتخيلك تسكت دى بتربيك وتخيلك اقوى فااا اتس اوكيه خير خير باى

هاي اريد تحدث عن موضوع ابي مرة تانية ، اكتشفت انو ماحضر ولادتي و ولادت اختي. هذا الموضوع استفزني كثير كثير ، وانا حائر ليش امي خبت علي هذا ، المشكلة انو عرف انها هتولد لكان عندما قالتلو انها على وشك الولادة تجاهلها وراح للعمل ، ولي اكثر استفزني انو ماتكلم معي ابدا عن خصوص حياتي ، يتكلم معي الا عندما يريد افعال المشاكل ضدي حتى في اتفه المشاكل

زهقان جدا وبجد مفتقد جدا الاب الي فات اه كان غير امان الي حد ما بس بردو كان الذ واحسن مش بقول الي حاليا حلو بس عادي سيب كل واحد براحته والغلط فينا من الاول أننا ادمناه عشان هو كام الملاذ الأخير لينا كلنا من الاخر كنا بنهرب في حته كانت مش امان اه حاليا أمان بس مطفيه وكلنا كنا حابين الكلام عشان كنا بنلاقي الي يفهمنا بسرعه بس حاليا مش عارفين نتكلم عشان نلاقي اصلا وشكرا

حبو عيالكم، حبو اولادكم، حبو بناتكم، حبوهم من فضلكم. عيالك مش ذنبهم انك رجعت من الشغل مضايق فا اتخانقت مع البيت كلوا هما بس كانوا مستنينك ترجع عشان يحكولك عن يومهم. عيالك مش ذنبهم ان مودك مش حلو النهاردة او حصلتلك مشكله فا طلعتي غضبك عليهم مش ذنبهم بتاتا. بالطريقة دي عيالكم بيبعدو عنكم صورة العيلة بتكون مشوة في عينيهم، بيدوروا عن الامان برا لان محدش سامعهم في البيت او حتي محاولة الكلام بيكون فيها ردة فعل سيئة. تلاقي البنت معجبة بالمدرس بتاعها لانها شافت فيه أب و راجل شخص هيديها الحب و الاحتواء الي كانت المفروض تاخدهم من ابوها، و الولد بيبدأ ينعزل زيادة و تلاقي مستواه الدراسي بينزل. انك تكون بتوفر لأولادك الدعم المادي ده مش كفاية و مش هيخليكم اب و ام كويسين هما محتاجين دعمكم المعنوي قبل اي حاجه. يمكن كلامي متلخبط مش مترتب بس لو في أهالي هنا او ناس كبيرة بجد حبو عيالكم و قربوا منهم.

خايفه من لحظه المواجهه بيني وبين بابا خايفه من اللحظه اليهيرجع فيها ندمان ويقولنل نرجع حاجه زي ما كانت بس مش فاهمه ازاي ممكن يرجع بعد. كل الي عمله دا ويطلب نصلح حاجه انكسرت لما افكر في الموضوع اقول مستحيل اسامحه وأوقات تاني بحس اني مجرد ما اشوفه بس هنسي كل حاجه ..... وفي النهايه كل دي مجرد تخيلات لأن هو اكيد نساني

انا محتاجه مساعده ضروري انا اهلي منفصلين وعايشه مع مامتي واخواتي وابويا سايبني بقاله كذا سنه وقايلي اني مش بنته وكلام كتير بس انا نفس شخصيته ومش بعرف اتعامل مع مامتي واخواتي وطول الوقت في مشاكل معاهم لدرجه ان هما ولا مستحملني ولا انا مستحمله اقعد معاهم خالص فعلت وجبت اخري عايزه امشي من البيت بس مش عارفه اروح فين انا بتعامل بطريقه ابويا ونفس شخصيته ودي اكتر حاجه بكرهها انا مس نفسي ابقى شبهو خالص والله بس غصب عني زيه في كل حاجه حد يساعدني اروحله ولا اعمل ايه وملحوظه انا مامتي لو قلتلها اني هروحله ممكن مترجعنيش تاني وانا ثانويه عامه ونفسيتي وحشه اوي ومش بذاكر خالص بسببهم ف حاسه اني محتاجه افصل من البيت

عارفين ايه اكتر حاجه بتوجع لما يكون ابوك عايش بس مش عايش يعني هو عايش بس مش في حياتك مش بيسالك عنك بس بيسال علي اخواتك عادي بيكرهك من صغرك ده انا اتربيت من غير اب ولا جربت يعني ايه وجود الاب معاك ولا جربت حنانه انا بجد لما بشوف اب بيحضن عياله قدامي انا قلبي بيتكسر بحس أنه ليه مش انا عملت ايه علشان اعيش من غير اب مجربش اي حاجه معاه ليه اسمع انا بابا جابلي وانا بابا عملي وانا ببقي ساكته مفيش حاجه اقولها اتمنيت اجرب الشعور ده واللي يوجع بجد أنه عايش يعني مفيش حاجه منعاه يكون معايا وحنين عليا انا بسمع الناس لما يحصل معاها مشكله بتكلم ابوها بس انا بحاول مغلطش علشان مفيش حد أكلمه

مهم انا عندي مشكل اني راني موسوس وخايف في نفس وقت خطرش انا نخدم بعيد على دارنا و يما مريضة شوية وخويا صغير قبيح وبابا كيفو ويما مريضة شويا وهذي حاجة خلاتني منرقدش ليل بسبتها وديما موسوس كاش ما يصرالها

انا ابويا كان علي طول بعيد عني كان عايز يخلف ولد لان كان فوقينا بنات خلف ولدين وانا التالت كان لا يفقه عني شئ كان ممكن يتلغبط انا ف سنه كام لحد اما كبرت بقا وهو علي طول بعيد انا كبرت علي البعد دا وخلاص اتسستمت كده بس كنت احس بالبعد دا جدا جدا لما اشوف ابهات زمايلي عاملين معاهم ازاي بقول اي دا هو في اب بيعمل كده اصلا ف اكتشفت انه حارمني من حنية الاب طول عمري ودا اكتشفت تأثيره ف جوانب كتير غلط ف حياتي كنت فاكر انا السبب فيها كبرت من غير حضن اب وسط صحابي بحس اني يتيم الاب وابويا عايش لما بزعل او اتخنق واضايق من اي حاجه بحس اني محتاج أشكي لحد ياخدني ف حضنه ويطبطب عليا لا ابويا عمره ما اخذني ف حضنه عمره ما بص ف وشي عرف اني زعلان من حاجه عمره ما قالي مالك حتي وقت الثانويه العامه جبت مجموع كبير سلم عليا كده وقالي جدع وانا كنت اشوف فيديوز الناس ف ثانويه عامه فرحة الاباء الرهيبه مشوفتش ١٪ منها فيه دخلت كليه بعيد عن محافظتي وسافرت برا بلدي لأول مره ف حياتي عمره ما رفع علبا سماعه يتطمن عليا سمعت صوته بعد شهر ونص غربه كانت فلوسي خلصت وكلمت حد من اخواتي قاله فرن عليا قالي اي الأخبار انا بعتلك فلوس بس وانا معرفتش أقرب منه ب نفسي وانا بعيد عنه هل انا علي بعدي ده اتلام او اتحاسب اني عاق ب نسبه مثلا طب هو عودني ورباني علي بعده انا ازاي هقرب منه انا مكرهتهوش بس بردوا محبيتهوش وانا جاهدت علشان مكرههوش علي فكره انا شوفت كم خناقات ليه مع والدتي علي معرفته بالستات لدرجة انه مشي مع البيست فريند بتاعة امي وهي مستحمله كل دا وكانت تقعد من غير اكل ولا شرب لحد ما تقع من طولها قدامنا كل دا كان بيحصل وانا بطلعله أعذار عشان اقتنع ومكرههوش وعمره ما بطل يعرف ستات لحد دلوقتي ولا عمل لينا ف ولا مره حساب انا واصل معاه ل نقطه انا فخور اني وصلتلها انا مش بكرهه بس مبحبهوش والسؤال اللي مدمرني هل انا علي إثم اني مبحسش بحب ابن لاب ناحيته هل انا عند ربنا هتكتب عاق لاني مبحسلوش حاجه هل انا جاني ولا مجني عليه ف القصه دي

هكلم معهم واحول اني متخنش مع بابهم ولو عندي بنت اخلية تحب نفسة وعمرة متخفش مني انا عمري ما قلت لي ماما حجة حتة لما اعمل مشكلة في المدرسة كنت بستنة المدرسة تتكلمة ولمة التلهم انا عيزة اروح دكتور نفسي عشان انا تعبنة الو الى النا بدلعة وديمن بابا باقولي الي انا تخينة انا تعبنة جدا

هو ده طبيعي ؟! بابا لما بيبقي مزاجه حلو ورايق يفضل يقولي انتي فاكره اني هديكي لاي حد وخلاص ( قصده الجواز يعني) ده لو مش علي مزاجي مش هتشميه ( علشان انا البنت الأولي وكده ) بس من يومين كنت قاعدين وبابا وماما قاعدين بيتكلموا على حياتهم زمان ووقت الخطوبه والكلام اللى كلنا عارفينه ده ف احنا كنا بنتكلم ونهزر في موضوع الجواز ف انا بقول اني اللى هتجوزه لازم ميكونش عصبي ويتعصب عليا على اتفهه الحاجات ( زي بابا ، بس طبعا انا مقولتش كده 🙂) وانه يساعدني في شغل البيت لو انا احتاجت مساعده لكن بابا بقا مسكتش وقالي ليه أن شاء الله انتي عايزاه يخدمك ف انا قولتله لا مش يخدمني بس يساعدني ويتعاون معايا احنا هنبقي عايشين في بيت واحد مع بعض قعد يقولي ليه انتي فاكره نفسك مين اومال هو هيتجوزك ليه قولتله هو بيتجوزني علشان ابقي مراته مش خدامه قالي لا علشان تخدميه وتعمليله كل حاجه وهو قاعد بس من غير رضا جوزك متشميش الجنه وده من عظمه ربنا للراجل وكلام من ده بقا قولتله ماشي بس المفروض يتعاون معايا عايشين مع بعض وفي بيت واحد وبعدين سيدنا محمد ﷺ كان بيساعد زوجاته و ده ولا عيب والحرام يعني انا حتى لو تعبانه اخدمه هو ما يساعدنيش ده ازاي يعني قال لي ما كانش بيساعد زوجاته كلهم قولتله ماشي بس كان بيساعد قعد يقول لي لا مش كلهم ولا مش عارفه ايه وكلهم ما كانوش ماعزا واحده انا بقا حسيت انه هيبدا يقول كلام تخاريف ف سكت لسيدنا محمد صلى الله عليه وسلم قال. رفقًا بالقوارير / "استوصوا بالنساء خيرًا / خيركم لأهله، وأنا خيركم لأهلي / عن عائشة رضي الله عنها عندما سُئلت عن النبي ﷺ في بيته قالت: "كان يكون في مهنة أهله." أي يساعدهم في أعمال البيت. / "اللهم إني أحرج حق الضعيفين: اليتيم والمرأة." هل انا كده غلطانه في ان لازم الراجل يساعد مراته في شغل البيت عادي ولا ابويا غلطان . مع العلم اني عمري م شوفت بابا بيساعد ماما في حاجه ابدا في البيت حتي لو هي تعبانه جدا جدا هي برضو اللى بتعمل كل حاجه ولازم تكون على أكمل وجهه علشان ميتعصبش عليها ويزعق وده اللى فهمته لما كبرت أن كل م مانا تعمل حاجه تقول علشان ابوكي ميزعقش بجد بقيت بزعل عليها اوي وبحس أنها بتخاف منه وهو اللى دايما غلطانه في حقها

عيلتي بخيييلة جدا معنا بس مع انفسهم لاااا مو بخلة ابداااا ابسط مثلا كنت بقوله اروح اجيب واعمل تسجيل لشي المهم قالي بنبرة بشعة ومقرفة مقززة للاذن لاااااا ليييه وتاخدي فلوووس موااااصلات بنبرة جشع وبخل وتجعير مع علو صوته بجد كل ما افتكر اقول عمري ما هنسى الموقف المقرف ونبرته المقرفة دي وكمان كل لبسه ماركات وجزمته سعرها 5000 وانا طلبت اشتري كوتش لان بتاعي انقطع يديني ١٠٠ على اساس في كوتش ب١٠٠ بجد بكرهو وبكره العيشة معاه بكره انه انسان ناقص خوفه من اني اشتغل وابقى في راسه ويمنعنى بجد بكرهو جدااا حتى طلبت اشتري كتب للكلية يقولي مش لازم ومش معايا ويروح يشتري لواحدة معاه في الشغل شكولاتة وهدايا غالية ويخون امي انسان قذر جدااا ومقزز

انا عندى اكتئاب حاد خصوصا بعد وفاة بابا الله يرحمه وفكرة انى مش عارفة اكون كويسة غير بالمهدئات بتتعب نفسيتى اكتر وحاسة انى كارهة حياتى وبقيت بعيدة عن كل الناس وطول الوقت لوحدى ... بجد مش عارفة اعمل ايه حرفيا تعبت من كل حاجة

انا ابويا سايبني بقاله كذا سنه وقايلي اني مش بنته وانا حاليا عايشه مع مامتي واخواتي هما تلت ولاد اصغر مني هو بيكلمهم عادي وبيقابلهم بس انا لا وطول الوقت بحس اني اقل منهم واني محتاجه مامتي تفرق في المعامله بينا علشان احس اني احسن منهم او على الاقل زيهم وانا تعبت من ان ماما بتعاملني بطريقه غريبه وبحس انها بتحبهم اكتر مني وانا مبحبش اكون لوحدي علطول متعوده حواليا ناس ف الموضوع بقى صعب عليا اوي وحتى لما بتعب مش بحس ب اهتمام منها زي ما بتعمل معاهم لما بيتعبوا بتوديني المستشفى بالعافيه ده لو ودتني وانا بتعب من كتر التفكير ومش بعرف اتكلم معاها عشان بتحسسني اني اوفر وبكبر المواضيع

السبب الرئيسي ف اني بدور ع الحنان هما اهلي انا عارفه انهم استحملو غلط. مني كتير بس انا كنت عوزه طبطبه مش ضرب كلمه حلوه من بابا بدل ما كنت بشحتها بس لما بيحاول بتغير معايا مش عارفه ادي لبابا الحب الي مفروض اديله🙂❤️‍🩹

العلاقة المؤذية مكنت مختارها للاسف هي اتفرضت عليا لانها مع حد من اهلي (بابا) واللي خلاني قدرت اتخطاها هي علاقة تانيه جميله صلحت حاجه مع انسان سوى وهو جدو رحمه الله عليه ربنا يجعل كل عمل صالح اعمله في ميزان حسناته مع امي يارب انا لله وانا اليه راجعون كل شخص له رزق من العمر في الدنيا لكن من ساعه وفاته وانا التوازن عندي اختل شوية بس بحاول بالاستعانه بالله اني اقاوم العلاقة التوكسك دي لاني مش لاقيه مخرج للخروج منها سوى ان اجل حد فينا يجي المهم اني مقتنعه جدا بفكره انه العلاقة التوكسك علاجها علاقات تانيه سوية تقدر تلاقي نفسك فيها ومقبول بكل عيوبك❤️

انى اسيبهم وهما لسه صغيرين يتعاملو منهم للدنيا لازم اخد بالى منهم ومن كل حاجة ف تصرفاتهم واعلمهم الصح من الغلط واربيهم على الدين واخترلهم اب فعلا يكون سند يكون قريب من ربنا وفاهم ازاى يتعامل معاهم مش مجرد كان حب لان الحب كدا كدا مع الوقت بيقل وبيفضل الموده والرحمه والحنان وكل شىء جميل فلازم اسيب ليهم اب كويس يعلمهم مش مهمل يطلع فيهم عقد

انا بنت المفروض معروف إن البنت حبيبة ابوها وبيدلعها والكلام ده طول عمري كنت بسمعه وبشوفه في صحابي كان نفسي احسه ولو لمرة الأب مش مجرد مكنة ATM وخلاص في حنية وطبطة وضهر انا جالي تروما منه مش قادره انساها خلاني عندي جفاف عاطفي من صغري وده اثر عليا لما كبرت فضلت طول حياتي اعاني حاليا لما بدخل اي علاقة بتأذي نفسيًا عارف يعني ايه تفضل طول عمرك متشوق لكلمة حلوة نظرة حلوة انتِ جميلة والحاجات دي فالموضوع ده اثر عليا في العلاقات بقيت اي ولد يجي يقول ي كلمتين حلوين ببقي زي المجنونة بقيت اتعامل مع اي كلام حلو اكنه حب لاني متشوقة لده فمبقتش عارفة امارس حياتي طبيعي بقيت مش قادرة خلاص تعبت وكمان انا عندي 23 سنة لسه بتضرب منهم انا تعبت لحد مجالي لا مبالاة من كتر ممريت بحاجات زي دي وكمان انا لوحدي عمري معرفت اعمل صحاب يمكن انا بدي من كل قلبي علي امل اني اخد حاجة من اللي حلمت بيها سنين مفيش هل العيب فيا انا ولا فيهم حته انا وحيدة اصعب شعور انك تحس انك وحيد وسط مجموعة بقيت اكره نفسي وحياتي مبقتش عارفة اعمل ايه مبقتش عارفة اشوف نفسي كويسة دائماً حته وانا مهندسة المفروض ابقي ناجحة فضلت طول حياتي اتحدي نفسي علشان انجح علي امل اني اشوف منهم افتخار اني ناجحة وفخر مفيش مهما عملت بفضل في نظرهم فاشلة وانا صدقت الكلام ده بشوف السلبيات اللي فيا اعمل ايه بقيت بكره نفسي فكرت في الانتحار كتير اعمل ايه اسفة للإطالة

مش عارفه هو انا لوحدي ولا لا بس انا عمري ما كان عندي ثقه لبابا في حياتي يعني مثلا لما ياخد من فلوس و يقولي هيرجعهم بس هو عمره ما بيرجعهم و لما يقولي هجيبلك حاجه في الاخر بيقعد يقولي معلش اصل مش عارف ايه و مش عارف ايه المشكله ان الفلوس دي انا سيباها عشان لو هجيب حاجه مع صحابي بعد الدرس و هم مبلغ يعني مش حاجه قليله و ماما لو عرفت هتفشخني و انا خايفه جدا اديله الفلوس

بابا زمان كان شايفني غبية، لمجرد انه لما بيطلب مني الحاجة بيكون عاوزها بسرعة فأنا بتوتر جدا وبتلغبط عشان معصبوش فبيقولي إني غبية، أنا أه كبرت دلوقتي وأه شايفني دلوقتي حاجة كبيرة عشان في كلية طبية بس لسه لحد دلوقتي بشكك في نفسي وأشكك في قدراتي حتى لو اللي حواليا أجمعوا اني فعلا شاطرة وفعلا بعرف أمل الحاجة دي كويس

الاذي النفسي مآثر دايما والجسدي أن ابويا كان بيضربني بتوگه الحذام وامي بتلسعني بالمعلقه والشمع ع ايدي وأماكن حساسه دي مواقف عمري ننساهااا ابدا بجد وان اهلي مكنوش بيصدقوني ولا بيدعموني وانا صغيره

اهلي كل يوم اصحي ع صريخهم ابويا كل شويه بيضرب امي بقيت اكره البيت والقاعدة فيه معنديش حتي طاقه لنفسي اعدي بيها كله فوق دماغي ابويا ع طول منكد علينا حتي يوم الوقفه كنتت مبسوطه اوي اوي لاقيته نكد علينا فضلت قاعده متوتره وزعلانه لحد تالت يوم العيد طب لي م الاول كل د بجد

عاوزه اسال عن شعور عدم الأمان والاستقرار في الاسره أن هل لمجرد أن بيصؤف الأساسيات بتاعت البيت الي اقل كمان بيكون كده اب هل الاب الي يطرد عياله ويفرج الناس عليهم ويجيب في سيرتهم مع القريب والغيب هل ده اب هل الاب بيتعمد يبقي تافه وهايم قدام الناس ويتعمد يفضحك بطرقتو وأسلوبه هل ده اب لما كل حاجه تبقي بالخناق والمشاكل لما اب يسلط الاخوات علي بعضها ويكرهنا في بعض هل ده اب هل الاب الي تكون بتموت واخل عمليات ومتاح فلوس ويرفض يديك أو حتي يستلفلك هل ده اب هل الاب الي بيقول أن أولادكم وبناتكم فتنه فحذرهم هل ده اب انا حرفيا بقيت مكسوره من جويا وخايفه جوايا مشاعر كتير متلخبطه😓

هحكي الكلام على طول انا بعتله على الواتساب شايف كل ماسجاتي وكل اتصالاتي ومبرودش عليه 😭 انت كنت واعدني انك راجل ومش هقول كلام تاني بقى وابوه فاتح واتسه دلوقتي ورد عليه مكانه وقالي انه ابوه ف انا قولتله شكلي طلبت رقم غلط بعتذر لحضرتك كاني مكنتش بكلمه هوه وكنت ببعت لرقم تاني اللي انا قولته ده صح ولا غلط وابوه فهم ايه دلوقتي من ماسجاتي اللي بعتها وانا بقوله شايف كل ماسجاتي وكل اتصالاتي ومبرودش عليه وانت كنت واعدني انك راجل ومش هقول كلام تاني بقى انا خايفه اوي ومش عارفه هوه فهم ايه ومش عارفه كلامي ده اتفهم ازاي والكلام اللي انا قولتله في الاخر عشان اقفل الكلام ده ايه لما قولتله شكلي طلبت رقم غلط بعتذر لحضرتك

انا عندي 20 سنه ابويا مش بيصرف علينا و مش بيشتغل عايشين على صدقه اعمامي و القرايب الموضوع ده عاملي عقده كبيرة قوي مع اني في علاج طبيعي بس لسه سنه تانيه المفروض انها كليه كويسه و كله بيتمناها بس انا كنت اتمنى عيشه احسن و المضحك بقا اني في وسط الظروف المهببه دي كنت بحب بنت خالتي و احنا كنا عيال جايه دلوقتي تقولي انا كمان بحبك من زمان بتحبي فيا اي إذا كنت انا نفسي مش بحب عيشتي دي حياه عبيد الفقر ده اوسخ حاجة ذل و اهانه من عمامي و اللي رايح و اللي جاي يلطش فيك ما هو كاسر عينك بقا بكره ابويا انه ضيع كل ورثه على القمار و عمل فينا كدا و بكره عمامي انهم استغلونا كدا + بشتغل علفكره بس شغلي يادوب مواصلات والله يجدعان انا عايز هدوم و اكل فبضطر اخد بقا سواء هدوم قديمه او فلوس من حد لو مش هتنصحني ادعولي بجد ربنا يكرمني و اطلع من اللي انا فيه

بصراحه وانا صغيره كنت بموت ب بابا، وكنت بنته المفضله، بصراحه كنت وقتها بعشقه، بس لما كبرت و بدأت سن المراهقه وضحت الصورة، ابوي مو طيب زي ما كنت اعتقد، ابوي شخص بخيل نوعا ما كمان شكاك، و مزحه غير مناسب، ما بعرف كيف اوصفه بس هو سيئ، مره كنا قاعدين مع امي و ابوي مو موجود، جلست تقولنا اللي صار معها ثاني يوم زواجها، ابوي اخذ من فلوسها و راح سوا عزيمه لأهله، امي من وقتها مقهوره، و ابوي باع كل ذهبها، امي عانت ما بعرف ليش لحد الان ما تطلقت، غير في موقف صار بطفولتي مستحيل انساه، مره كنت مسويه حالي نايمه على الكنبه، بس كنت صاحيه، ابوي كان بيصرخ على اختي الوسط و بخليها تحط الجزمه بفمها الله يكرمكم، ما بعرف كيف سامحته، بس انا ما سامحته مع اني مالي دخل، و قبل كم يوم صار موقف مشابه، ابوي طلب من اخوي الصغير شي معين و اخوي سواه بطريقه غلط، ابوي عصب كتير و خلا اخوي الصغير يكتب على ورقه'انا حمار'، كرهته، في موقف صار معي، في مره رحت اشتكي لابوي من اخوي الكبير، ابوي مسكني من يدي و راح وقفي عند اخوي الكبير و قعد يقوله اني لازم اطيعه وان جزمة اخوي فوق راسي، حسبي الله ما بنسى ذاك اليوم، فكرته سندي، في مواقف غيرها كثير، مره ضرب امي، و امي فقدت الوعي، مره و هو امي كانوا بيتخانقوا، هو كان بسبها و امي ساكته، اختي الكبيره تدخلت و مسكت امي و اختذها و هي بتبكي، ابوي طلع و ضرب اختي كف، و امي فقدت الوعي، غير انه خلا اخوي الكبير يشتغل و عمره 8/9 سنوات، اقسم بالله ما بكذب، و لما صار بالثانوي، ابوي صار عاطل عن العمل، لهيك اخوي ترك دراسته و صار يشتغل و يصرف علينا، ما بنسى ذيك الايام اللي اخوي كان يموت تعب و ابوي قاعد مستمتع وهو بيدخن، و كان ابوي ياخذ كل راتب اخوي، اخوي راتبه كان قليل، و كنا بذيك الفتره فقراااء، كرهت ابوي، بنسبه لي هو عدو، ما في احد بيقدر يرد عليه بيخافوا منه الا انا و اختي الكبيره، المشكله ان في اشياء كثيره متشابهة شخصيتنا، ما بدي اشبهه بولا شي، انا وقحه جدا معه، بعرف حرام، بس هو سوا فينا اشياء ما بنساها

عندى اب نرجسي لابعد حد و امي شخصيتها كانت ضعيفه بتتحمل المعامله السيئه عشان تكمل العيشه و ده بيخليه يتمادي ويتعامل كأنها لعبه ف أيده و لكن ففتره مراهقتي اكتشفت اني ال black sheep اقنعتها أنها تسيبه وأننا مش مبسوطين ومحدش مستفيد ولا احنا تمام ولا هي تمام وكلنا هنشتغل ونساعد بعض وفعلا اتطلقت وانا اكتر واحدة وقفت جنبها وكنت بدعمها نفسيا برغم اذيتها ليا من صغرى لاني انا الوحيده اللي بتفرغ فيا طاقتها من معامله بابا الوحشه ليها وده خلالها تعمل إسقاط وتحاول السيطره على بنتها عشان تحس انها هي كمان قادرة تكون مؤذية وتاخد حقها بسببهم بقيت بوردرلاين وبعاااااني من التريجرز اللي بتحصلي بسببهم بس بحاول اسيطر علي نفسي وعلي تصرفاتي و بقت هي نرجسيه زى بابا بالظبط وبعيد نفس الدايره من تاني