منذ 10 ساعاتيشعر بـ متعب
السلام عليكم ورحمة الله وبركاته اتكلمت قبل كدة اني عندي مشكلة هي العادة السرية، بقالي سنة بالظبط مدمنها وكمان للأسف بعملها كل يوم انا مشكلتي مش مع الشهوة ولا اني ازاي معملش انا مشكلتي انها بقت إدمان، نزلت بوستات كتير اوووي هنا وسألت كتير وردوا عليا بس للأسف الكلام كله هو عبارة اني ازاي اتغلب على الشهوة انا الموضوع عندي تخطى الشهوة وبقا خاص بالمخ والدوبامين، بقيت مدمن للأسف ومش بقدر اعدي يوم غير ما اعمل، الحمد لله انهاردة اول يوم من شهر تقريبا يعني من غير ما اعمل بس انا هنا سؤالي واضح وصريح !!! "ازاي أتغلب على الإدمان وليس الشهوة"
بص الموضوع كله بسبب الوقت الفاضي انا واحد متعافي من 3 سنين عادة وأثرت عليا جامد بس بجد دي مش نهاية الطريق جرب تنزل چيم هتبان انها نصيحة عادية وأكيد فيه مليون واحد قالك عليها قبلي بس فكر فيها بجد الچيم هيساعدك تملى وقتك وبعدين لما تلاقي نتيجة ان جسمك بقى كويس هتبدا تبعد عن العادة عشان متدمرش كل ده وأهم حاجه انك لازم تتكلم مع حد وتقوله كل حاجه بس بلاش بلاش يكون حد يعرفك
اهم حاجه تفهم يعني اي ادمان الاول . انا مدمن متعافي من 7 سنين بس مخد . رات وخصوصا بود.. ره. و بطلتها لوحدي كمان اول حاجه المفروض تعملها انك تفهم أن عقلك بقي في اعتماديه علي موضوع ده و ربطه مع روتينك اليومي و هنا انت محتاج تغير يومك كله عشان تعرف تتعامل و اهم حاجه بقي انك تقتنع انك مش وحش و أن الادمان مرض و بتخف منه بمجرد ما قدرت تفهم نفسك
اول حاجة ابعد عن جلد الذات واهم حاجة اشغل نفسك بشغل او هواية او دراسة قرب من ربنا بس من غير ماتحط الخطيئة دي حاجز كبير بينك وبينه قلل لحظات الاختلاء ولما تنام نام وانت تعبان ولو قدرت تشغل حاجة تنام علبها وانت مركز فيها زي حواديت الحر وب هاتدعيلي