انا بنت عندها ٢٥ سنه اتخرجت من كليه قمه بس طول الوقت من صغري عندي احساس بقله القيمه واني مليش لازمه وشخصيتي معدومه حتي بتهته في الكلام من فتره لحظت كمان اني عندي جفاف عاطفي راقبت حياتي لقيتني اي حد بيديني اهتمام ولو بسيط اتعلق بيه عرفت شاب شات وللاسف حصل تجاوز في الكلام مرتين ولما قلت اني بدات اتعلق اعترف انه خاطب ومتواجد هنا عشان يلبي رغبته يعني انا من ساعتها حسيت بقرف شديد من نفسي يريت محدش يسمعني كلمه توجعني انا عارفه اني غلطت جامد وتوبت واتراجعت عن كل الي كنت بعمله ده بس انا مش قادره اسامح نفسي انا عيشت عمري كله اي حد بكلمني يرتاح معايا في الكلام ويفضفلي ويحس بالامان لكن انا مش عارفه اعمل ده مع نفسي كرهاني وكارهه حياتي وشخصيتي وحاسه بالفشل مش قادره اقوم خطوه لقدام حاسه بعجز رهيب بيقولوا الي بيحب نفسه مش هيعرف يحب حد او ينجح او يعمل شي مفيد في حياته طيب هو انا كده اتخلقت مليش لازمه ومقرفه بالشكل ده 😔
استهدى بالله انتى انسانه جميله بدليل انتى قولتيه انه اللى بيكلمك برتاح معاكى معناها ربنا زارع فيكى صفه قبول عند اللى حوليكى ودى مبتحصلش غير لعبد ربنا بيحبه وانتى ربنا بيحبك
انتي بجد بتهزري انتي تحفه ناجحه في دراستك ومحترمه انك غلطي وندمانه ومش هتعملي ده تاني هي ديه التوبه وربنا الغفور خلاص ولا كإن حصل حاجه بجد متضايقيش نفسك
اوقات كتير بنحس بفراغ جوانا من اهل مقظروش يحبونا بالطريقه اللى كنا محتاجينها لظروف مرت علينا فى حياتنا كونت الشخصيات اللى بقينا عليها دلوقت المهم اننا منستسلمش ومينفعش نتكلم ابدا ابدا عن نفسنا وحش انتى مش مقرفه اقنعى نفسك بدا انتى مس ضعيفة خليكى متاكده من دا التعب والضعف مجرد فكره بنقنع بيها عقولنا والعقل بيصدق كل اللى بتحط قدامه فلا اقنعى نفسك انك حاجه كويسه هتكونى حاحه كويسه اقفى قدام مرايتك وحفزى نفسك صدقينى هتفرق بصى لنفسك وادى الثقه لنفسك بنفسك انا احسن انا اقوى من الاول صدقينى وقربى من ربنا تكتر واكتر كفيل يريح بالك
براحة ع نفسك يبنت الناس انت مش مقرفة و محدش اتخلق ملوش لازمة " أفحسبتم أنما خلقناكم عبثا وأنكم إلينا لا ترجعون " لم نخلق عبثا كونك بتتعلقي بأي حد تكلميه ممكن تبدأي تشتغلي ع نفسك ف النقطة دي وتحطي ريد لاينز كدا وتقولي لنفسك بصوت عالي انك مش متعلقة بالشخص الي بتتعاملي معاه دا إذا كان مفيش بينكم حاجه هقول حاجه حاولي تصلحي ما بينك وما بين ربنا بتكلم ف العموم مش ف النقطة الي قولتي انك صلحتها بالفعل هتلاقي الدنيا بتظبط معاكي و يكفيكي شرفا ان عندك قبول ودا مش موجود عند اى حد اصلا انت انسانه كويسة خلي دي نقطة بداية ليكي تكملي منها واشتغلي ع نفسك زي ما قال دكتور ياسر الحزيمي كلما زادت مهاراتك زادت حاجة الناس إليك بمعني أصح اصنعي لنفسك مكان ومتقوليش انك قليلة القيمة لان عقلنا الباطن بيرسخ الأفكار الي بيطلعها لسانا حتى لو هي غلط وفقك الله و اعانك
انت شخص كويس ونضيف عاملي نفسك كاحسن انسان الكلام الحلو اللي بتوجهيه لبرا خليه لجوا كل فترة لما تحسني اسلوبك لنفسك شخصيتك هتتحسن الغلطة اللي غلطتيها في العلاقة اتعلمي منها. والاشباع العاطفي ليه وقت مينفعش نكتمه فنطلعه بطريقة صح في الحلال ربنا يهديكي ويباركلك وباين عليكي شخص كويس ونضيف
نيجى لنقطه العجر والفشل اولا الحياه مبتتحسبش نجاح وفشل احنا مش فى سباق احنا كلنا ماشيين فى طريق مش عارفين نهايته اى طول محنا ماشيين ممكن نقع ونقع مده كبيره بس نرجع نقوم ونمشى ونقع تانى ونقوم ونعمل ذنوب ونتوب وذنوب تانة ونتوب تانى لحد ما نوصل لنهايه الطريق وهى اننا نقابل ربنا عشان يسالنا عن الرحله كى كانت عامله ازاى واما وقعنا وعنا وقومنا تانى ولا استسلمنا ولما حط عوائق فى كريقنا اتغلبنا عليها وكملنا ولا فضلنا واقفين