فشل

طيب انا هحكى القصة بطريقة تانية.. انا بنت طبيعية دا الى انا معتقداه ف نفسي واكتشفت دا بعد وقت كبير من التخبطات ومحاولة إرضاء الاخرين ع حساب نفسي ودا كلفني وقت وسنين كتير.. انا مل مشكلتى فالحياة كانت بسبب المدرسة والدرجات وبعد كدا الكلية الى مش بحبها بس دخلتها بسبب مجموعى برضو.. طريقة اهلى ف تعاملهم معايا ومودهم كان بيتحدد حسب درجاتى وبس فهى دى كانت الحياة عشان كدا لما بقول ع نفسي فاشلة عشان دا الى كنت بحسه طول الوقت لانى مش عارفة احققلهم الى هما عايزينه .. خصوصا ان اختى الصغيرة ماشاء الله كانت اشطر منى بكتير وحاليا معيدة وبتعمل ماستر.. انا بقى كنت عايزة بس اعيش حياة طبيعية ف بيت دافى من غير م اكون محتاجة اثبت حاجة لحد من غير م اكون مضطرة انزل مكان فيه ناس كتير وبهدلة تحت مسمى انى احقق نفسى ..جربت الشغل جربت انى انزل اشتغل كذا مرة ومعرفتش مكنتش بتحمل اكتر من شهر الشغل دا عايز حد باله طويل عنده هدف ف بيتحمل عشانه انا مكنتش بحس ان دا دوري خصوصا ان مكانش فيه احتياج مادى لكن كنت بنزل عشان بس ابان انى بعمل حاجة.. ف حين انى كنت ببقى مبسوطة وحاسة بالامان وانا فالبيت بمارس هواياتى واقعد احترع اكلات جديدة بس دايما كنت بحس انى فاشلة وانى كدا مش كفاية وطول الوقت كنت بحس بنظرة عدم رضى فعيونهم.. حاولت فاتجاهات كتير بس عشان ارضيهم واحس ولو للحظة انهم فخورين بيا صحيح فالكلية حسيت دا شوية لانى عرفت انجح فحاجة مش بحبها اصلا بس بعد الكلية رجعت المشكلة تانى فاانى مش عارفة اعمل ايه.. حتى ع مستوى العلاقات الانسانية انا كنت بقدم كتير اوى ف حين انى مش باخد نفس المقابل ومكنتش بهتم بالنقطة دى وكنت بقول عادى انا هتحمل .. معرفتش أحب حد ولاادى الامان لاى حد ومكنتش بصدق اى كلام ممكن يتقالى مثلا من ولد وقت الكلية مع انى طول عمري كان حلمى انى يوم م اتجوز اتجوز حد مقتنع بيا وبيحبني بس كنت بشوفهم عيال ومبقاش فاضل قدامى الا جواز الصالونات كنت برفض كتير من برا برا ودا بيعمل مشاكل فالبيت ف بدات اشوف ناس وكل م كنت بقعد مع حد بحس بغربة كنت مستنية حد مش موجود.. بعد كدا دخلت ف اتجاه التدين احنا بيتنا ع قدر من التدين لكن انا مكنتش منتقبة بس لبسته من ٤ سنين ف بقيت محسوبة ع فصيل معين غصب عنى ف بقى بيجيلى ناس كتير بس برضو بحس بغربة وحسيت انى كدا كدا مش هقابل الشخص الى بدور عليه او مستنياه ف البس النقاب ع الاقل اكون مع حد فاهم دين اكتر منى فااتعلم منه لكن محستش حد .. ومع الوقت كمان عمري بقى بيكبر بقيت حاليا ٣١ سنة وكله بيقولى انزلى اشتغلى هو ايه الفكرة فالشغل؟؟ انا بحس ان الشغل دا شئ رجولى وان البنت اتخلقت عشان حاجات مختلفة .. وبرضو فوق دماغى البنت الى بتشتغل بس انا معنديش القدرة دى ... ف ليه انا اتصنف او احس انى فاشلة لمجرد انى مش عارفة ومش قادرة اعمل حاجة عكس طبيعتي .. فنفس الوقت انا ساعات بحس انى تايهة ايوا بعرف استمتع بوقتي وامارس هواياتى بس ساعات بقعد سرحانة وبقول لنفسي طيب اخرتها ايه!!!!!

اتمنى اني كنت مؤمن بصورة حقيقية ، او الاحرى اتمنينا انا وخطيبتي نكون مؤمنين بشكل صحيح احنا الاثنين المثال الاعلى للفشل صراحة اثنيننا ما عدنا تحكم في اي شي بحياتنا الشخصية واثنيننا المثال الاسمى للضياع والفراغ وعبثية الهدف خاصة هية المسكينه

ليفيل البجاحة واصل عندي للذروة امتحاني كان انهاردة و حرفيا ما فتحتش المادة غير ليلة الامتحان فاللي هو يعني ي رب نعدي انا دخلت الامتحان طلع عندي ٣ غلطات من اصل ٢٠ سؤال و زعلانة و متضايقة و مخنوقة و كنت بخانق مع صحابي على اجابة بعد الامتحان😂 المشكلة انهم فاكرني خبيثة و بذاكر من وراهم و انا فعلا ببقى فاتحة المادة ليلة الامتحان

النهاردة لأول مرة ف عمري كله أحس انى إنسانة فاشلة بجد..كنت بضايق زمان لما بابا او ماما يقولولى انتى وحشة او فاشلة كنت اثبت انى مش كدا طول كنت بحس انى محتاجة اثبت انى مش كدا بس تعبت!!.. الحقيقة انى خلاص صدقت انى كدا..وقت طول اوى وانا بحاول محاولات هبلة انى اغير قدري طول الوقت كنت بحاول بشكل غلط بقى او صح بس ع الاقل كنت بحاول انجو بنفسي من اى لوم من بابا او ماما ..لحد م كبرت كبرت اوى ولسة عايشة فالماضي ومتأثرة بيه لدرجة انى الى بقيت أاذى نفسي نفسيا.. وفهمت انى عايشة دور الضحية.. يمكن انا لو ربنا يعلم منى ان فيا خير كانت كل حاجة هتبقى أسهل من كدا ع الاقل كنت عرفتلى طريق أمشي فيه لكن عمري ٣١ سنة منجحتش فأى حاجة ومبدأتش فأى حاجة وكملتها .. حاجات كتير مخترتهاش بس كنت مضطرة اكملها وحاحات تانية اخترتها بنفسي وكانت غلط فبقيت بخاف حتى انى أحاول.. دخلت ف منطقة راحة مش عارفة اخرج منها .. جدرا البيت هى حدودى وانا سجان نفسي حاسة انى متكلبشة فالبيت سنين كتير وانا كدا .. كان بيمر عليا ايام كنت بنزل وبيبقى عندى طاقة واعرف ناس جديدة بس ارجع واتقوقع ع نفسي تانى .. كل مرة كنت بتعرف ع ناس ف اتجاه مختلف عن المرة الى قبلها لدرجة انا نفسي مبقتش عارفة انا مين؟! انا البنت المتدينة المنتقبة ولا الى عايزة تقلع النقاب وتنزل وتعيش حياتها .. انا البنت الى بتدور ع مواصفات معينة ف زوجها المستقبلى عشان كدا برفض ولاانا بهرب اصلا من الفكرة ولاانا اساسا حاسة انى مش هقدر اتحمل المسؤلية وبجانب دا كله بقى عمري كبر!! بالنسبة لمجتمعنا يعني خصوصا مجتمع المتدينين .. هو انا فعلا كنت بحاول؟ ولاانا كنت مستنية حد يحسسني بالامان وانى انفع فاحاول حد يفكرني انى بشر فاحاول حد ميعرفنيش وفجاة يبقى عارفنى ويغير فكرتي عن نفسي ويقرر انه ميسبنيش ف أحاول .. طول الوقت مكانش عندى هدف الاانى اقابل الشخص دا حتى مكانش عندى اى هدف تانى خالص لاتحقيق كارير ولااى حاجة كنت بس محتاجة احس أبظا احس ان في حد متقبلنى بطريقتي انا ..مش عايز يشكلنى ويرسملى طريق ولما منجحش فيه فااكون فاشلة ومعنديش ضمير!! ٤ سنين لبست النقاب وكنت متسكة بيه جدا بس فحأة بقيت بفكر اقلعه واغير نظام حياتى .. مش النقاب الى ضيعلى عمري لا تفكيري .. تفكيري الى طول الوقت كان بيإذيني ومازال.. طفلة كانت فاكرة ان كلها كان سنة وهتطلع برا الحيطان دى وافكارها وهتقدر تعيش بشخصيتها وهتبقى منورة بس كبرت وبتبص حواليها دلوقتي ولسة بين نفس الحيطان.. هى الى عاملة فنفسها كدا بس فنفس الوقت والله حاسة العجز وكأنى شخصين اعداء بعض

رغم المجهود اللي ممكن اعمله فمذاكره أو اي حاجه عموما فمش بتظبط مش بجيب اللي كنت عايزاه أو حتي قريب من سنتين نفس الوضع وعدم توفيق ممكن ابتلاء وممكن انا مكنتش كفايه وان المكاااان مش بتاعي

عندي كم من الاحباط والطاقه السلبيه وحاسس اني فااشل ومحققتش اي حاجه تذكر مهموم اووي وكل ما احاول اطلع من المود ده وافك يجي في بالي صوت بيقولي اتلم انتا ليك نفس تهزر يافاشل وارجع ادايق واتخنق تاني 🤦🏼‍♂️🤦🏼‍♂️

حسس مش طايق نفسي ولا طايق حد صحي علي الصباح مش طايق حد حسس اني فاشل مش شغل مش عارف از کر حاجه ولا حته شغل مش طايق اتعامل مع حد حته لو في شغل بحسس ناس استغلله بشكل زباله مشاكل من كل ناحيه بجد نفسينا زفت حط اسمك . تع..لي .ق وي همسحه عادي

حسس مش طايق نفسي ولا طايق حد صحي علي الصباح مش طايق حد حسس اني فاشل مش شغل مش عارف ازكر حاجه ولا حته شغل مش طايق اتعامل مع حد حته لو في شغل بحسس ناس استغلله بشكل زباله مشاكل من كل ناحيه بجد نفسينا زفت

انا عندي 26 سنه وكل سنه بحط لنفسي تارجت احققه سواء فالشغل او حاجه فشخصيتي وعاوزه اسافر عشان مش حابه القعده هنا وكمان مفيش ارتباط حقيقي ولا مشروع جواز. بس كل سنه بتعدي مش بحقق غير حاجات بسيطه جدا. بحس اني فاشله جدا ولما بشوف حد من زمايلي نجح فحاجه انا كنت عاوزها وبطمح ليها بحس ان فيا حاجه غلط واني مقصره فحياتي. وكل اما سنه بتعدي بحس اني قربت لسن 30 بخاف لافضل طول عمري مش محققه حاجه فحياتي ولا حتي اتجوزت ولا اتحبيت ولا جبت اطفال بدري ولا حققت نفسي فالكارير واني وقفت فنص كل حاجه

عايزه ابدأ اصنع محتوى ويكون بيتكلم عن المواضيع بشكل عامل والعلوم زي الدحيح كده وكمان ممكن اقول حاجات دينيه بس مش عارفة ابدأ على انهي منصه لأني عايزه اطلع فلوس من المحتوى ولو بدات من يوتيوب حاسه ممكن منجحش + لو عندكو فكرة ل ل اسم الشانيل او الاكونت الي هعمله شاركوني بيه

حد حاسس انو محبوس! انا كان نفسي اخش حاسبات و بس الابن الا لفي العيله ده بره مصر حاليا و مبسوط نفسو يخش هندسه و انا للاسف جبت مجموع هندسه و أهلي ضغطين عليا و دخلوني ميكاترنيكس و ده أصعب قسم و لما سقط الترم الي فات في مادتين قعدولي ولا كاني عامل مصيبه كونيه

الناس حواليا كلها ماشية، كل واحد بيحكي عن شغل أو سفر أو حتى محاولة… وأنا واقف مكاني. مش فاشل بالمعنى الواضح، بس مش ناجح برضه. حاسس إني تايه بين الاتنين، لا عارف أبدأ منين ولا عندي طاقة أجرب. كل مرة أقول هبدأ، ألاقي اليوم خلص من غير ما أعمل حاجة، وكأني بهرب من حاجة مش فاهمها. حتى الحاجات اللي كنت بحبها، بقيت تقيلة عليا.

ليه ليه ليه؟ مش قادرة احكي وممكن المشكلة تكون تافهة بس بالنسبة ليا هي كبيرة فرصتي الاخيرة اني اعمل حاجة في اخر حياتي الدراسية بتروح مني ليه مستقبلي معتمد على ناس معايا وتأخرني وتخليني افشل وفاشلة زيهم انا مش زيهم ومش عارفة انا مين بس انا مش هما ولا هما انا والمشاكل اللي بتحصل ليا والمواقف اللي ملهاش لازمة غير انها تعصبني مش عارفة بس ادعوا لي الدنيا تتحسن واستغل فرصتي الاخيرة وحياتي مش تعتمد على غيري ابدا

دايما الواحد بحاول يبقي احسن بس مش بيعرف ودايما بيقع حتي لو قام تاتي بيقع تاني مش عارف انتظم او استمر علي حاجه معينه مذاكره مثلا او كورس اوشغل بحاول بس بقع وكل الناس ال كانوا حوالايا بداو يمشوا

غلطت ليوم فحصة لونقلي 😭💔انا طالبة انجليزية سنة اولى بصح ارتكبت خطئ فادح درنا ليوم اورال تاست ايا ودخلتنا 3مع بعض تسقسينا وتفهمنا، غلطت في زوج حوايج 😭مهم ، ستريسيت قتلها doesمع l 😭😭😭😭😭😭مالقري علبالي بلي مع do قاتلي الاستاذة مع do!!!!!!! قتلها مع do بصح كيشغل نام طفلة سماتلي زعما نطقت معايا بعد حسيت وكأنو خطأ تاع doesمع do يعني à ce point وش ندير معاهم فلونقلي هي كي ولات هذي غلطة حسيت انو زوج بنات لي كانو معايا تاني كي شغل انا مبغيتش خطأ كيف هذا ومع لبنات معايا 🙂🙂تاع انا راني outtttولا يولو يضحكو مالقري ماضحكو موالو والاستاذة ولا تشوفني ضعيييفة ومنعرفش خلاص 😭💔صحصح كرهت من تخصص اونجلي كي درتو كل وين تكون présentation ولا اي شي يقدموهولنا نديروه، لازم يصراو عفاييس كيما هك ايا قوللولي كفاه جاتكم، احكيولي صراحة؟؟؟؟؟

ازاي اتعلم لغة بيبقى عندي شغف كبير لتعلم لغة بس بخاف من ان اخد الخطوة وابدأ فعلية بحس انه مش هنجح فيها هفشل ممكن حد يتريق علي نطقي مثلا وان اخاف اشارك في السيشن ف ازاي اقدر اخد الخطوة من غير كل التفكير ده

انا بقيت احس اني خلاص اصبح امر واقع اني اكون وحيد ولو موت اتمني اموت في الشغل عشان بس الناس تعرف اني موت يقوموا باللازم للميت بدري بدري انا جربت كتير جلسات زواج الصالونات وكلها فشلت، سولء البنت مش قبلاني او انا مش قابلها او المستوي مش عاجبني المهم ان الموضوع ديما بيتفشكل و الحقيقة بردو انا نفسي بكون شايل الهم وانا رايح المقابلات دي و بكون عاوزها تنتهي بأي شكل وكأني في امتحان، لسة ماقتبلتش البنت اللي من بين كل البنات اقول اه هي دي اللي هرتاح معاها و هريحها في المقابل و دة مش معناه ان اللي قعدت معاهم غير محترمات لا بالعكس دول قمة الاحترام الموضوع مالوش علاقة بالنقطة دي حتي زواج الصالونات صعب بالنسبالي

بقى عندي ضعف شديد ف التركيز وتشتت وخاصة ف الدراسة كنت ثانوية عامة السنه اللي فاتت وراحت عليا علشان بس مش عارفه اركز وخرجت بملاحق بس نجحت فيها وانا طول عمري شاطرة ومستوايا الدراسي كويس جدا بس اللي كان حاصل معايا طول السنه مكانش طبيعي للاسف ودخلت بمجموعي معهد دبلوم فوق متوسط سنتين ومش عارفه اذاكر بضمير حتى لو عالجت التشتت اللي عندي مع أن عندي طاقة اني اتحسن بس بقول مش هبذل مجهود ف المعهد ده ونجحت في الترم ده ب مواد فيها مقبول مش عارفه اتعايش من ساعتها وكل اللي بقوله اني عايزه اعيد السنه وانا اتغير علشان ادخل كلية احلامي او عالاقل كلية مش معهد ومحدش هيرضى

انا دلوقتي في تالته ثانوي اكتر سنه كرهتها في حياتي بجد معدش عندي طاقه اني اعمل اي حاجه ومحدش في البيت لا مهتم ولا اي حاجه بيفرقو اصلا في المعامله بيني وبين اختي قال ايت علشان هيا تعبانه نفسيا وانا يعني اللي سليمه حتي صحابي بعدت عنهم خايفه افشل وخايفه من الفشل واني اندم في نفس الوقت مش طاقه امسك قلم ولا اعمل اي حاجه عايزا اهرب بجد مش عارفه اعمل ايه ولا اعدي الشهرين دول ازاي بجد

انا اختي الكبيرة قربت تتجوز انا فرحت اوي لدرجة اني بدأت ابحث عن الفساتين من دلوقتي والحنة وكل حاجه لغاية ما اهلي فضلو ينتقدوني وان رد فعلي اوفر ولسه باقي ٣ شهور حسيت اني انطفيت ومبقاش عندي شغف للمذاكرة ازاي ارجع تاني اذاكر واهتم بمستقبلي حاسه اني خلاص مش طايقه المذاكرة ده غير ان الكلية عندي الدكاترة على طول معندهمش غير كلمة هنسقطكم وياريتهم كلام بس لا دول افعال وبيعملوها معندهمش مشكلة انا حاسه ان روحي انطفت وتعبت صراحه فكرت احول من الكلية بتاعتي كله هاجمني ورفضو رفض قاطع وانا كنت دخلتها علشان خاطر بابا بس ازاي اتخطى كل ده وابدأ اذاكر علشان مستقبلي واهتم بنفسي

المشكله مش مشكلتي هي مشكله صديقه ليا.......كل حاجه بدأت من تالتة اعدادي وكانت دحيحة ما شاء الله لحد ما ظهرت نتيجه الترم الاول ولقت ان جموعها كان قليل(مش قليل ان يأثر تدخل ثانوي ولالا بس اخوها من الاوائل في ثانوي عام فهي بتقارن نفسها) من يوم النتيجه وهي شايفه نفسها فاشله جدا ومع ان دخلت ثانوي بمجموع عالي بس لحد الان شايفه نفسها فاشله وبتكره المدرسه كره مرضي وبتعيط كل يوم ومتوتره بسبب او بدون سبب وده ماثر علي حياتها اليوميه لدرجه ان بقت مش بتحب تضحك او تخرج لان شايفه نفسها متستحقش ده وان هي فاشله وشكلها وحش وتخينه (انا بقولها العكس) ممكن الموضوع يبان تافه بس انا عشت معاها سنتين او اكتر ومريت بكل ده معاها وبفضل اكلمها يمكن للفجر عشان احيانا بحس ان هي وصلت لمرحه ان تعمل في نفسها حاجه لان علطول بتدعي بده...... مش عارفه اعمل معاها ايه ووضعها مزعلني جدا لان بدأ يأثر علي مستواها وهي هتدخل سنه تحديد مصير فمينفعش تفضل حاطه نفسها في الضغط النفس ده كتير

انا قرفت من نفسي ومن كل حاجه حاسه بالكره والغيره من اي شخص ناجح قدامي انا حياتي واقفه يمكن ده كلام متكرر وناس كتير بتقوله لحظة ضعف بس انا بكتبه وانا حاسه بالمشاعر دي في كل خليه في جسمي انا حياتي واقفه بكل ما تحمله الكلمة من معنى مفيش اي فايده الكلام ده مش فيوم ولا يومين ولا حتى سنه ده سنين انا مش فاهمه انا ليه مش بتوفق ؟ ليه حتى ابسط حقوقي مش عندي ابسط حق اني انجح ولو حتى في حاجه بسيطه ازاي لا يكلف الله نفساً إلا وسعها وانا مش قادره ؟ ليه سنييييين منغير اي تحسن أو تغيير بسيط ؟ مش ربنا شايف ؟ طب ليه مفيش تغيير ؟ ولو انتحرت ليه اتعذب ؟ مهو انا طلبت ودعيت أنه حتى يساعدني اخد خطوه ليه مفيش تغيير ليه نفس القرف بيتكرر وبعيشه بنفس الوجع ؟

بجد مخنوقه اوي حاسه اني فشله في كله حاجه وكمان مخلتش حد يعرف يحبني ولا صحاب ولا اهل مفيش حنيه حته مش عارفه اعمل اي عشان يحبوني انا حته حاولت انتحر حته دي فشلت فيها ومن كتره زعل قلبي بيوجعني

عندى تسليمات بكره و مخلصتش حاجة مش عارفة كنت باعمل اى خلال الشهرين اللى فاتوا بفكر انزل بكره اسلم نفسي و اواجه عواقب افعالى بكل ارياحيه و بساطة 😂 رحتلي من الصفر إلى تحت الصفر كنت عايزة اصيح فقولت انتهز الفرصة

أنا في صراع بين "طموحي" و"خوفي من الفشل" ​أنا طالبة مقبلة على البكالوريا، أعيش حالة من Emotional Exhaustion لا توصف. وضعت لنفسي هدفاً عالياً (كلية الطب)، لكنني أجد نفسي عالقة في دوامة من التعب الجسدي والنفسي. ​أنا لا أعاني من نقص الذكاء، فقد حققت نتائج ممتازة في المواد العلمية، لكن "عقلي" قرر أن يدخل في حالة Avoidance مستمرة؛ أهرب من المذاكرة بالنوم أو التردد، وكلما حاولت النهوض، يقتلني الخوف من خيبة الأمل. ​الضغط الخارجي لا يرحم؛ المقارنات المستمرة مع الأقارب، وكلام والدي القاسي الذي يصفني بالفاشلة، جعلني أفقد ثقتي في نفسي تماماً. أصبحت أتساءل: هل أنا حقاً "غير قادرة"؟ أم أنني فقط ضحية Burnout شديد؟ ​الآن، وصلت لمرحلة الانهيار وأفكر بجدية في الانسحاب وتأجيل كل شيء لعام 2027، ليس لأنني لا أريد النجاح، بل لأنني أصبحت Terrified من المواجهة. ​أحتاج إلى نصيحة: كيف أستعيد Mental Clarity في هذا الوقت الضيق؟ وهل الانسحاب خيانة لنفسي، أم هو الحل الوحيد للنجاح لاحقاً؟ ​أنا متمسكة بخيط رفيع من الأمل، فهل من سبيل؟

حاسه اني مش كويسه، محققتش حاجه لسه ومش عارفة اركز ف حاجة، مدايقه من معامله اهلي ليا خصوصا والدتي، دايما شايفين اني حد متأخر وفاشله مش عارفه ع اي، أنا الحمد لله بحاول ارضيهم ع اد ما اقدر، خلصت جامعه واشتغلت ف مجال غير مجالي عشان مقعدش ع كدا بس مش عاجبه برضو وطول الوقت انتقادات، ومشاكل تانية كتيرر الحمدلله على كل حال بس حاسه اني مخنوقه والدنيا ضيقه اوي عليا والله 💔

جدعان محظش يقراني غلط انا كان في match بيني وبين بنوتة على ديتينغ ابب بعتلها bonsior فتحت الرسالة ومسحتني هل انا عملت حاجة غلط ولا شكلي غلط بس ما مبشيش على طرف لساني كويس الحمدلله الموضوع مسببلي اكتئاب شديد كل المشكلة اني كنت عايز اكسر الوحدة بإني اتكلم مع حد ومش بيصدد اي حاجة

مش قادر اتقبل اللي وصلت له في كل حياتي انا كإنسان استحق افضل من اللي انا فيه و اختياراتي مع جهلي بحاجات كتير وصلتني لده كنت محتاج اخد قرارات و ابذل مجهود و اقف في وش ناس كتير عشان ابقي انسان مختلف و خسارة أنه كل ده وقته فات و اصلا أنه انا فعلا كان عندي إمكانية الوصول لأحلامي دي او لا مش قادر احدد بصراحه و لا عارف اصلا لو حاولت في كل فرصي دي كنت اختلف مش عارف ابقي راضي باللي انا فيه أو انجح في اختيارات مبنيه علي رغبات ناس تانيه و لا نافع اعيد اختياراتي و اختار اللي نفسي فيه مع عدم ثقتي أنه انجح كلامي و حياتي و مشاعري متلخبطه مش عارف احدد و ممكن يكون فشلي بقي أمر حتمي الموت شيء بيرادوني و حاسس أنه حل و انا راضي بقضاء ربنا و مش بكفر بنعمة عليا لكن الحيرة و الحزن اللي بعدي فيه مش بأيدي

اصل هحكي اقول ايه ؟! حكايتي مش هتغير اي حاجه .. مش هتغير نظرتهم ليا .. هدفي الأساسي دلوقتي اني اكون مستقل عشان ابعد عنهم كلهم .. الكويس منهم والوحش .. كله عمال بينصح ومنصب نفسه نبي وهما شوية اغبياء معاقين فكريا .. طبيعي افشل في حاجات في بداية حياتي بس اديني بحاول وبجرب .. الفرق بيني وبينهم اني مش حابب امشي في طرق تقليدية لانها مش هتكون مناسبة ليا ولا لقدراتي .. مش حابب اولادي يعيشوا زي مانا عشت .. انا عايش زي الميت .. ومهما عملت بكون مقصر .. ودلوقتي بطلت احاول لاني ماليش مكان اقعد فيه .. وعايزني احكي ؟ .. احكي لمين ؟!

خاوتي الباك بقالو قل من شهرين وانا مزالني نعاني من تسويف رني قارية غي سطحيات برك وحفاضة مش حافضة حتى حاجة والبروبلام لكبير انا علمية والله مني حالة حتى تمرين فاي مادة خايفة مننجحش والله محتاجة نصائح

بعد ما فشكلت خطوبتي مع البنت الي حبته 4 سنين من عمري من سعتها ونا مش انا مش نفس الشخص الي كان بيسعي واله بيعمل اي حاجه حسيت اني حتي مني مبقتش موجوده والسبب كانت امي عشان كده انا متعذب بي فكرت اني مش عايز اواجه امي عشان مكسرهش وفي نفس الوقت كاتم جوايه تعب مش قادر اتخلص منو بس من ساعات اليوم ده وانا مش موجود انا جسد ماشي علي الارض من غير روح واتحولت من صاحب طموح لي مجرد انسان كل همو اليوم يعدي عشان يهرب من دنيا بي النوم ومش فارق معاه اي شئ

مش غرضي من البوست اي نصايح أو حلول انا بفضفض مش اكتر .. بس لو عندك نصيحه هتفيدني قولها بعيدا عن الحاجات الدارجه .. بتتعاملوا ازاي مع الضغط الي جاي من كل حته .. انا خريج من ٣ سنين وموظف حكومي ولسه ما عملتش اي حاجه في حياتي .. بالنسبالي انا راضي جدا ومؤمن أن دا رزق وطالما دا بسعي دا كفاية بالنسبالي ..سعيت الفتره الي فاتت ولسه بسعي اني اعمل حاجه لنفسي فيما بعد .. أهلي يوميا كانوا بيقارنوني بغيري من الناس الي بتشتغل في مكانين ومن الناس الي سافرت ومن الناس الي اتجوزت .. رغم اني حاولت كتير اغير من حياتي ولاكن ما اتوفقتش ودا شئ كان خارج عن إرادتي اكيد محدش هيحب يكون فاشل .. من كتير الضغط عليا نقلت شغلي لمحافظه تانية .. ولكن لما رجعت البيت فتحوا معايا الموضوع تاني بتاع اني معملتش حاجه طول ال ٣ سنين الي فاتوا وتأنيب طبعا وخلافه .. سبت البيت وسافرت عن حد قريبي ولكن طبيعي مش هكون مرتاح لاني حمل علي الشخص دا .. أنا بحاول اغير الكارير بتاعي ودا هياخد شوية وقت مش اقل من سنه .. مشكلتي كلها اني معنديش مكان اقعد فيه مرتاح من غير تانيب .. ولا هقدر ارجع البيت واتحمل الكلام دا كل يوم .. ولا هقدر اقعد عن قريبي دا وقت كبير .. وفي نفس الوقت الايجار مستحيل عشان داخل جمعية بجزء من المرتب يادوب الباقي بيكفيني (مفيش اي رفاهيات) .. كل حاجه بتبوظ لمجرد أن غيري مش عاجبه حالي .. مكنتش عايز اكتر من اني امشي في حياتي زي ما انا .. اروح الشغل وارجع اسعي في اني اكون احسن ومرتبي مكفيني الحمد لله ك اساسيات مش عايز اكتر من كدا مش عايز تأنيب مش عايز مقارنات .. حاولت كتير أن اكون احسن والله وما عرفتش .. محدش فاهم دا كله شايفني مقصر .. مش بفكر في الانتحار لسه بس يوميا بدعي اني اموت .. اوضه اعيش فيها مع شغلي دا كفاية بالنسبالي .. ولو محاولاتي فشلت ف علي الاقل حاولت

ومين فينا محبش هل الواحد المفروض يعرف ماضى البنت الى هيرتبط بيها ولا لا ؟؟ خاصة ان نسبة كبيرة جدا من الشباب والبنات بقوا بيرتبطوا من اعدادى 🙂 انا ليا تجربة ارتباط برده مش بقول انى مختلف بس كانت مشروع خطوبة بعلم الاهل وفشل للاسف

هبدأ بنفسي الاول من كام شهر اشخصت وسواس قهري في العبادات في الاول مكنتش مقتنعة و كان بالنسبالي اللي هو اكيد لا او ان الحاجة دي بعيدة عني يعني خصوصا ان اخويا عنده بردو وسواس قهري و في نفس الحاجة فكنت بقول انها حالات فردية او دا اللي كنت فاكراه و كنت فاكرة ان الموضوع دا بعيد عني كان من ضمن الاسباب اللي ضيعت عليا حلم حياتي و اكتر حاجة كان نفسي فيها الفترة دي و لحد دلوقتي متعلقة بيها لسة و كنت بقول على الحاجة دي اني مش متخيلة نفسي غير فيها و لو جت هتبقى العوض من ربنا بس راح الحلم دا مني و فضل "حلم" حاولت اتخطى بس معرفتش و حالتي كل مدى كل ما بتبقى اسوء و كل ما اقدر اتجاهله في حاجة معينة و افتكر اني اهو قربت اتشافى يطلعلي في حاجة تانية و اسوء من الاول انهارت كتير و عيطت كتير لاني بلاقي اني مش قادرة احاول و لما بحاول مفيش فايدة بقى بييجي في دماغي انه انا اصلا حياتي مكانتش مستقرة و كان فيها ابتلاءات اصلا ييجي دا كمان يكمل عليا انا مش ناقصة؟؟ سعات حد من اهلي بقا يقولي تخيلي لو كنتي بقا وصلتي لحلمك دا (هو مدرسة داخلية ) كنتي. هتبقي عاملة ازاي وسط الناس ولا كنتي هتلاحقي ازاي و انتي معظم يومك رايح بسبب الوسواس دا فبيزيدوا الوضع سوء اكتر مستوايا الدراسي بعد ما كنت التانية على مدرستي بقيت السنة دي بدعي اعدي صافي و اعدي النص في المواد والدتي قالتلي في مرة انها سعات بتفكر اني خلاص مفيش مني رجا و انه ازاي انا هجيب مجموع؟ حياتي باظت و مش قادرة حتى احكي لحد لاني عارفة مش هتفهم و حتى اما جربت اتكلم فعلا متفهمتش و بقيت كإني بأفور او حاجة غريبة ناس لسة عارفاني بقت تقولي كلام معناه اني فاشلة مع اني صدقوني مكنت كدا ابدا دلوقتي بحاول اتعالج بس الوضع بردو بيزيد سوء فــ ادعولي

شباب انا ليه بترفض من البنات بعيدا عن سني انا 15 سنة بس كل ما اجي اتعرف علي بنت قدي او اصغر او اكبر مني بترفض مجرب اكتر من 738 محاولة فاشلة اذا مكنش اكتر فياريت تقولولي اي السب وليه بيحصل كدا

مكنتش اسف ابدا لحد اكتر م نفسي كان عندي وعد مني لشخص اننا نفضل سوه وبعدنا وعندي وعد لحد افضل ف ضهره والحكايه بتضيع كان عندي وعد لنفسي اوصل واعدي احلام كتير مبقاش عندي ثقه اني اقدر اوعد واوفي

جدعاان انا في ورطه انا في تالته ثانوي وبدأت في شهر ٨ بدأت نوعا ما كويس مش ١٠٠ ١٠٠ بس شغال و تاني شهر الي هو ٩ مشى عادي شهر ١٠ كروته مانا بدأت ازهق شهر ١١ كسلت وراكمت كتير وحتى الي بذاكره مش فاهم فيه حاجه ف بطلت اذاكر خالص لسه فايق دلوقت في شهر ٤ ان انا هدخل كليه وهقعد فيها ٤ سنين ولا حاجه طيب كدا كدا هروح يعني لازم اروح كليه كويسه مش كليه محدده بس تكون كويسه ونا حاليا ضايع و المذاكره صعبه عليا وحاسس اني عايز اعيد السنه وابدا جد وخايف اتخازل تاني واضيع سنه كمان ومش هسال اهلي عشان هما ميعرفوش حاجه عني انا متلخبط قوي قاعد شهرين على الامتحانات اعمل اي

يمكن مكانتش من نصيبك بس كفايه ان انت حاولت اي يعني لو قدمت علي شغل واترفضت اي يعني حبيت حد ومحبكش واي يعني رميت قلبك في حضن حد ومحضنكش واي يعني اتكلمت من قلبك وماحدش فاهمك هي اكيد بتوجع بس الندم بيوجع اكتر الفرصه اللي راحت عليك من غير ما تحاول بتفضل توجعك سنين انت ما جربتش تفشل انت جربت تحاول انت ما خسرتش اي حاجه بالعكس انت كنت شجاع كفايه تقف وتقول انا هنا مش كل محاوله بنجربها بتكون ناجحه بس كل محاولة بتقربك من اللي ليك وكل باب بيتقفل هو في الحقيقه باب بيبعدك عن اللي مش ليك مافيش حاجه راحت منك وكانت هتكون ليك ولو راحت بسيطه ماكنتش ليك من الاول فارفع راسك وافتكر ان انت حاولت وديما افتكر ان انت كنت اجرى من ناس كتير قررت ان هي تستخبي ورا الصمت واهو حتي لو النتيجه ماكنتش في صالحك تبقي جربت وكفايه قوي ان انت حاولت

انا بجد متضايقة وتعبانة ومش عارفة ايه اللي ممكن اعمله عشان اكون احسن انهاردة كنت مع المدرب بسوق وحصل موقف واحد بس ان اشارة الشمال قفلت لوحدها والناس زعقت فيا عشان دخلت شمال تخطيت الموضوع عادي وحسيت اني احسن لما الراجل مشي اختي قالتلي انتي مش متخيلة الناس بيبصوا لك ازاي وان العربية بتاعتنا هتبقى سمعتها وحشة بعد ما حسيت اني خدت ثقة وحاولت اتعلم من اخطائي وابطل قلق فالاقي اني كنت زفث ومش كويسة انا مش عايزة اسيب العربية وعايزة اتحسن وعايزة اسوقها ومش اسيبها لاخواتي عشان انا الكبيرة انا اللي لازم اتحمل مسؤوليتها اكتر منهم انا اللي كنت بزن عشان نجيبها والله انا كنت كويسة من قبل كده وحصل لي انتكاسة بدون سبب وخوف ورعب وقلق انا مش عارفة هل انا هفشل فعلا فيها؟ وهسيب العربية؟ وهبقى انا اللي شيلتهم المسؤولية وخلعت؟ انا مش عايزة كده

لسه دلوقتي جه ف بالي احساس اني كنت هدايق اوي لو مكنتش حاولت يمكن علشان المحاولات دي اثبتت حاجات كتير اه انا لسه لم اتخطي وجعي من فشلها و عماله اجل الاحساس دا اني اعيط و ادبدب ف الأرض ولا انا اصلا موجوعه ليه وانا كنت شايفه النهايه دي يمكن علشان حاولت من البدايه والله ما بقيت فاهمه نفسي ولا يمكن زعلانه انها مجابتش نتيجه ولا يمكن من انها اثبتت اللي كنت حساه من البدايه بس اهوا وجع زي اي وجع مسيره يتراكم عليه اوجاع تانية

الاحساس الدائم بـ الفشل يمكن بحس ديما اني في فشل ك علاقات أو كدراسه أو كشغل بحس ديما أنه لا ده انا ولا دم مكاني ولا هي دي الناس الي مفروض تبقي في حياتي فهل حد مر بنفس الفتره دي او الاحساس ده دد

ان مفيش سبب يخليني اكمل خسرت كل حاجة و كل حاجة اتكسرت قصاد عيني احلامي و طموحاتي و كل اللي اتمنيته و اولهم صورتي قدام نفسي كنت فاكرة اني حد اما بيحط حاجة في دماغه بيعملها و حد كويس و مش مؤذي و متفوق دراسيا لقيت كل حاجة من دي اتهدت قدامي لقيت اني لما بحط حاجة قدامي عابزة اعملها غالبا بفشل فيها لقيت اني حد مؤذي لكل اللي حواليه حتى و انا ممكن اكون اكتر حد بيخاف انه يإذي الناس لقيت اني دراسيا مينفعش يطلق عليا لقب متفوقة دا ... انا اقل من كدا بكتير و كنت مخدوعة في نفسي و بكدب على نفسي او كنت خايفة اشوف حقيقتي مش عارفة احدد بس لقيت ان لو هحاول عشاني ... فانا مستاهلش و ما اسوء كره الذات للذات...!!

عندي مشكلة وهيا لو نزلت اي تطبيق اعيش فيه حرفيا انستا فيس واتس تلي حتى ذا التطبيق واقعد لنتظر اي اشعار او مسج وهتذي اهم فترة في حياتي كل مرة احذق التطبيقات وخلي واخد واقول راح ادخل وقت قصير فاليوم بس مايحصلش كحتى ذا التطبيق صرت اعيش فيه افكر احذف كل تطبيقات التواصل لغاية ماخصلص الامتحانات بس مترردة انا شخص يعرف ينظم وقته يايوم اسود فاشل بامتياز يا يوم ابيض ناجح بامتياز

تعمل اى لو ضيعت من ايدك حاجة مهمه عندك و مبقاش خلاص فى سبيل ترجعلك او شبه مستحيل و انت فعلا ندمان بس مش لاقى حل مش لاقى طريقه و مهما حاولت تانى فشلت و حاسس انك still ندمان بس انت خلاص متاكد انها ضاعت

بنتخطاها عادى بعد سنة ولا اتنين تلاتة عشرة حتى ... بس اللى صعب تتخطاه ( إحساس انك كان نفسك يحصل و ماحصلش) .. عشمك في أن حاجة معينة تكمل او تكون ليك و مابقتش بيفضل معلم جواك و احيانا بيخليك زاهد في الدنيا ..ما كدة كدة اللى عاوزه مش ليك ف تعوز ليه اى حاجة !؟ او تبذل مجهود و فى الآخر تخسرها برضو !! مع الوقت نظرتك للحاجة بتتغير و بتقول اى ده ماهى عادية اهيه مش واو زى ما كنت فاكرها !! بس فكرة (انا كان نفسي و ماوصلتش) ..( انا سعيت و مانجحتش )هي ابشع ما فى الأمر 💔

الحمدالله الواحد بقي واخد تصنيف عالمي ف تعفن الدماغ وبقي بينافس علي اقل مده تركيز عالميا وانه يعمل اي حاجه غير الوراه زي البوست ده كده ف لو اي حد عايز نصايح ازاي يظبط تركيزه زي كده انا ف الخدمه طبعا هروق عليكم

ياجدعان انتو اي ياجدعان حب اي ياجدعان فوقوا بقا الدنيا هتاخد منكم الحب مهما عفرتوا مهما حاولتوا تنجحوا علاقة برا اطار الجواز او خطوبة هتفشل لان ملهاش مسمي اللي بقول انا بحبها ارهان بعمري انك اول ما كلمت البنت اللي بتقول انك بتحبها نيتك كانت تتسلي بيها تضيع وقت وتخلع فخلع هتقول قلبي معاها ومش شايف غيرها تبقا مشوفتش كلنا نسخ مكررة من بعض هترجع تقابل نسختها شوف انت حبيت في البنت دي اي وهتلاقي في مليون بنت غيرها ونفس الكلام للبنات

انا مش عارفة التزم بالصلاة 😓😓 كل مرة احاول افشل اكثر مع اني اريد ذلك لكنني احسها ثقيلة 💔💔و احيانا بيأس من نفسي لكنني محتاجة لهذا بشدة لي عنده تجربة سابقة انصحوني اعمل ايه اشياء ممكن ساعدتكم او ...

السلام عليكم انا طالبه جامعيه حاليا. بس مشكلتي اني حاسه اني لوحدي اوي. بالرغم ان في ناس كتير في دايره معارفي و ناس كتير بيعملوني حلو حتي لو اول مره يشفوني، بس برده حاسه ان في ناس اكتر مش بتطقني. مع ني مش بءذهم ف اي حاجه و بحاول علي قد ما اقدر ما ازعلش اللي قدامي ولا احرجه. و اوقات كتير اوي ببقا نفسي اخد حقي من ناس بس ببقا بجد مش عايزه احرجهم او بتبقي في حتجه منعاني مش عارفه ايه هي. و بالرغم اني اعرف ناس الى حد ما كتير شويه لاكني برده خاسه بوحده و اكتأب. دايما حساهم بيتكلموا عليا في ضهري مثلا او حاجه شبه كده. اوقات كتير بحسهم مش عايزني اقعد نعاهم اصلا و بيخبوا عليا مواضيع. انا مش فارقلي هما اصلا، بس انا اللي فارقلي اني افهم انا ليه الناس بتعملني كده رغم اني بدي كل حاجه حلوه ليهم بجد. يعني مثلا، صحابي البنات دايما بمدحهم بشكلهم او شخصيتهم او ايا كان هو ايه فيهم حتي لو حاجه عاديه و انا احسن فيعا كمان. لاكن هما نادراااااا جدا لما يمدحوني في اي حاجه. مع ني مش بحب اكسر مهاطر حد. و لاحظت مؤخرا انهم اصلا شايفني مش ذاكيه زيهم. هما ماقولش كده بطريقه مباشره، بس لو مثلا عايزين يعرفوا حاجه ايا كانت اي هي و انا كنت عارفها مثلا و اقولها بيتفجؤه و يقولوا ما انتي بتفكري اهو! هو بس انا مش بحب اني اتظاهر بالمعلومات اللي عندي لان ليه اصلا؟! بغض النظر عنهم، انا اصلا شايفه نفسي محترمه و جميله و ذاكيه، ثقه في النفس مش غرور. و عندي مواهب كتير او مش قادره حتي اكملها و حاسه اني هفشل لو كملت. و بسبب اني ماعنديش هوايه واحده ثابته و دايما متنوعه، ده مخليني شايفه اني بوهم نفسي اني موهوبه في كذا حاجه و مش عارفه اتحرك. عارفه ان كلام الناس المفروض ميفرقش و كده، بس بجد تعبت لان برده اكيد في ضغط كبير اوي عندي في البيت و مشاكل عائليه كتير. باقيت تايهه و مش عارفه حتي اذاكر.

مساء الخير انا مكسورة قوى دلوقتي ومقهورة بجد ع نفسي اوي اوي انا محدش كان شاطر قدي زمان محدش كان يذاكر قدي كله كان بيبصلى بصه انتي حد ممتاز اوي دلوقتي ف الجامعه انسانه بائسه لابعد درجه ومش بتذاكر وعادت سنه وف قمه حزنها وبؤسها بجد ومش بس كدة شلت مادتين الترم الاول يعني لو ماده تاني خلاص كدة انا شلت السنه المفروص اكون باكل الكتب وكمان معاب ميدترم كمان كام يوم والايام قبله قليله ولا متأثرة واليوم كله ع الفون ومش قادره افتح كتاب صعبانه عليا نفسي اوي اللى هو انتي مين !! تعبت بجد تعبت اوي اوي

اذا مشاعر الانسان هيا العائق له فالحياة هل يمكن يصل بمرحلة يتخلى عنها ويتحكم في غضبه وحزنه وانفعاله وسعادته ويصير الة بس عمل ونوم واكل هل يمكن انسان يصل للمثالية فالحياة من عمل واسرة وعائلة وعلاقات ومستوى علمي واكاديمي ومالي وثقافي ورياضي وفني وحرفي ونفسي هل اذا تعب راح ينجح او اذا نجح لي مجال لازم يفشل في اخر ويتقبل هذا الامر او يقعد يحاول حتى يموت او ما يحاول مالبداية ويتقبل الواقع

كل يوم في التوقيت ده لازم يبقا فيا اي بلاء مفيش يوم كامل يخلص طبيعي ابدا يعني اختي بتقولي ابقي قابليني لو فلحتي لمجرد اني عملت حاجة مش علي مزاجها الكلام ده مش بيضايقني علي قد ما بيحطني تحت ضغط مش طبيعي اقرب ما ليا مستنيني افشل مش طبيعة الشماتة دي يعني بجد مش طبيعي

أحل إزاي التسويف خصوصًا انه وصل لمرحلة كبيرة و من فترة مش قليله ، ازاي اتقدم و انا عندي إمكانية بس معدومة الاستمرارية انا بقيت بكره نفسي بسبب كده بقيت شخص بدون قيمة وده كله حصل معي بعد ما فقدت حلمي و الحياة وجهتني لطريق محبتهوش ، أنا مش عايزه اكون من غير فايده كده خصوصًا ان مفيش حد هيحارب عشاني او يسندني ، كنت ثانويه عامه و عملت كل الي عليا و مقصرتش في حق نفسي بس قدر الله و مدخلتش المجال الي كان شغفي فيه و دخلت مجال تاني ، على عكس اخويا الي كان عايش حياته و عمره ما تعب و مجبش مجموع و عيلتي دخلته خاص و كمان المجال الي انا كنت بحلم بيه مش كارهة لأخويا الخير و الله بس الإنسان بتصعب عليه نفسه مع ان الكل شاف اني تعبت و كمان كله كان شايف الشغف الي في عيوني و مع كده صمموا انه ينطفى ، و قالولي معلش كفايا علينا اخوك ، ومع ان المجال الي انا فيه سهل و سهل اني انجح فيه بس انا من افشل الناس فين عشان بسوف و مش بسعى خالص ، صعبانه عليا نفسي كنت من أشطر الناس و دلوقت فاشله في مجال مش احسن حاجة .

انا عارفة ان محاولاتى مش كفاية وانى محتاجة أعمل مجهود أكبر وإن القصة كانت ممكن تبقى مختلفة تماما لو بس عرفت أبدأ بشكل صح.. من وانا طفلة ولفترة كبيرة من حياتى مكانش عندى أوبشن الاختيار او ع الاقل سؤال نفسك تعملى ايه ويلا نخطط نعمله ازاى.. دايما كنت بمشي ع خط مرسوملى زى مثلا المذاكرة والمدرسة انا عمري م فكرت وقتها نفسي أبقى ايه كل الى كان بيشغلنى هى الدرجات عشان بابا وماما مش حيهتموا بمجهودى إهتمامهم دايما كانت بالنتيجة وانا مكنتش نفس المستوى ف كل المواد .. المهم ان وقت المدرسة كله عدى من غير خطة وهدف بعينه.. دخلت كلية واتخرجت وبعدين إتصادمت بالحياة فهمت ان كل الى فات انا مستفدتش منه بأى حاجة .. محاولتش أشتغل بشاهدتى لانى مكنتش متخيلة نفسي ف الشغلانة دى بس كان لازم أملى فراغ انى أكون بعمل حاجة قدام أهلى ف إشتغلت فشركة ليها علاقة بالاتصالات بس مكملتش وبعديت اشتغلت ف شركات تسويق مكملتش برضو لانى مكنتش فاهمة انا بعمل ايه وبعمله ليه .. مكانش عندى هدف ف كل حاجة بعملها .. كنت دايما ف موضع مقارنة من بابا وماما بيني وبيم اختى لان هى كانت بتحب تخصصها وكملت فيه بعد كدا وبتعمل ماستر واشتغلت فيه لكن انا بالنسبالهم كنت كسولة .. مخى إتشتت ف سكك كتير من غير نتيجةلدرجة انى حسيت فعلا انى فاشلة وكسولة .. بس بعدها ركزت مع نفسي و اكتشفت ان عندى مواهب كتير وان ربنا ميزنى بحاجات زى زى اى حد لكن كنت دايما بدور ع نظرة رضا ف عين بابا وماما انى انسانة طبيعية وعندى مواهبي مش لازم اشتغل او اعمل ماجستير عشان اكون ناجحة.. انا حد بيحب البيت بيحب الحياة الهادية بعيد عن الناس ولو اختلطت مش بيكون مع ناس كتير ومش طول الوقت.. كنت بحلم بحياة هادية محسش فيها انى محتاجة اثبت فيها حاجة لحد.. لكن طول الوقت كنت مضغوطة تحت فكرة انى لازم أعمل حاجة .. أنا بحب الرسم وبقيت رسامة محترفة ونزلت اخدت كورسات ديكور ورسم زيت وسوفت باستيل وفحم وكنت عايزة اكمل بس كنت بحس انهم شايفني انى بعمل اى حاجة وان دى مجرد مواهب مش حاجة مفيدة ف وصلت لمرحلة انى قعدت فترة مش برسم.. حاولت أفتح براند حلويات وهما شجعونى بس بصراحة انا الى تعبت كان مجهود كبير عليا كنت بعمل كل حاجة لوحدى ايوا اتعرفت والناس حبوا حاجتى بس الموضوع كان مرهق جدا .. حاولت أحفظ قران حاولت أعمل حاجات كتير بس مبكملش لانى من الاول مكانش عندى طريق واضح .. كل الى حوليا بيقولولى انى لازم انزل اشتغل عشان اشوف الدنيا والناس حتى مش فكرة احتياج مادي بس هو انزلى وخلاص .. انا لما جربت اشتغل كنت بنزل الصبح بعيط حاسة انى متعاقبة ليه اقعد طول اليوم برا البيت عشان اخد شوية فلوس ايه الهدف .. ايوا شوفت بنات تانية بتحب الشغل ومستمتعين بيه بس انا معرفتش.. ساعات بقول فيها ايه لو عيشت حياة هادية من غير م اكون مضطرة اثبت لحد حاجة و كفاية الى فات من عمري.. انا بحب البيت وجو البنت وانى اقعد اعمل حلويات وارسم واكتب واهتم بالزرع بتاعى واتعامل مع الناس في أضيق الحدود نفسي اعمل دا وانا مرتاحة من غير م يحسسونى انى غريبة ..

هقول اي حاجة مضايقاني بدون ترتيب لمجرد اني ا-vent او الاقي نصيحة وبحس براحة لما بكلم حد قلبي واجعني ومقبوض طول الوقت معرفش بسبب ال anti depressants وكورس الادوية ولا ايه عمالة اكوبس واهلوس بين النوم والصحيان باللي حصل اليوم من فشل في السواقة مع اني كويسة والله بس معرفش اليوم من كتر الزحمة والتعب كنت سيئة والحمدلله ان كان معايا مدرب كويس اخويا صعب ومش عايز يساعد نفسه ولا حد يساعده، في تالتة ثانوي ومراكم كتير ومش بيذاكر ومش عايز مدرسين برايفت يراجعوا ليه اللي فاضل وحاولت اكلمه بيرفضني ويزعق فيا وعايزة اساعده مش عارفة اكون اخت كبيرة لاخواتي وبعمل تصرفات محرجة وغبية زي ان حد بيكلمني عن اسعار بقول عادي، هل ده تصرف شخص كبير ٢٣ سنة؟ لا، حاسة اني لسه ١٥ من غبائي نفسي اتحسن، نفسي احس اني قد اي مسؤولية مش رامية كل حاجة عليهم حتى لو غص.ب عني دعيت ربنا كتير بس مش عارفة اتحسن حتى الصلاة بقطع فيها وبترك فروض انا ٢٣ مش فاضل كتير على التخرج وخايفة مش ييجلي تعيين وخايفة لو جالي تعيين افشل زي ما بفشل في كل حاجة او اي شغل تاني افشل فيه ومش فاضل كتير على مسؤوليات الشغل والفلوس والجواز خايفة افشل في كل ده انا اسفة لو المشكلة تافهة بس مفيش حد اكلمه

سؤال خارجه نطاق كم الهموم والمشاكل دى بجد حد هنا حاول يبدأ ونجح بمعنى الناس اللى بترسم وتقعد تتخيل كتير قبل النوم أنها بكره هتكون فى حته حلوه مثلا تتعلم لغه جديده تشتغل تغير نمط حياتها الممل هل فعلا بداتوا ولا كلنا محلك سر؟!

هوا اكيد مش مبرر بس انا ملقيتش دعم وساعات احباط وطبعا مش بخرج كتير طول الوقت على التلفون كل ماده دايره الصحاب تقل أو تكون سطحيه محاوله وتفشل محاوله اني اقوم وافشل لحد ما زهقت ومبقتش احاول ولو كنت بسمع تهزيق مره بقيت اسمه 100مره واكتشف أن سنين مرت من غير ما اعمل حياه وذكريات ومش بعرف اتكلم ولا اعبر أولا بسبب طاقتي وثانيا عدم ثقتي بنفسي ورهاب الاجتماعي

من فترة كدا بداء يظهر عندي احساس ان عندي مشكلة بسبب عدم وجود طرف تاني في حياتي خصوصا بعد ما خطبت وفشكلت خطوبتي بداء يظهر الاحساس ده عندي بسبب اني بشوف معظم اللي حواليا بيخطبو ويتجوز او حتي يرتبطو انهم بيعيشو قصص حب حقيقية وان انا مفتقد الجزئية دي في حياتي ومفتقد فكرة ان ممكن واحدة تعجب بيا اصلا فهل فعلا دي مشكلة فيا ؟!

تعبت من احساس انى بستمد قيمتى لنفسي من مذاكرتى او انجازاتى بقيت حايه انى totally انسانه فاشلة ومش عارفه احقق حاجه حرفيا حياتى كلها بحلم بحاجات واسعى ليها ومبتجيليش نهائى وناس اقل منى ومبيبذلوش ربع مجمودى بيجيلهم

تفتكرو في امل؟ فشلت اعمل اصحاب فشلت احافظ على اول اصحاب اللي هما اتعملو لوحدهم اصلا من واحنا اطفال فشلت في اني يكون ليا اخ اتسند عليه حاليا بفشل في الدراسه اهو وفشلت في الحب ونضجت الحمدلله ومش داخل علاقات تاني وفشلت اني يكون ليا ملجأ من اهلي عايش معاهم اسود من الغريب لدرجة لو جايب كيس شبسي بخبيه وانا داخل البيت كل دا ولسه كتير انا حرفيا حياتي صحراء فا بعد كل الفشل اللي كفيل ينهي بني آدم في امل؟

خليني أفضفض بموضوع تقيل علي قلبي اليومين دول سبق واتكلمت عنه بس من غير تفصيل حابة جدا اتكلم بتفاصيل وافرغ كل اللي جوايا اولا الموضوع هو رافضي لشخص بيحبني وانا بحبه تعرفوا رفضوه ليه ..عشان هو حد ناجح حد وصل للي عاوزه مابين أنا لسه هو وصل للي عاوزه اوصله انا.. النجاح اللي عنده هدفي تقدرو تقولو النقطة اللي جمعتنا خوفت اوي من شعور اني أفشل في الحقيقة انا بفشل كل يوم بس الفشل النهائي والحاسم لسه لسه عندي فرص اعوض بس لو فشلت في النهائي هاعمل اي وانا شايفة حلمي متمثل في شخص قريب مني شخص في حياتي كل اما اشوفه هاشوف حلمي معاه خوفت احقد او اغير خوفت ااذي خوفت من اني اكون معاه اصلا الحياة مخيفة مخيفة اوي اوي كمان اظن اني ىو فشلت وده احساسي معدش عندي ثقة في قدراتي .هاقدر اظبط الدنيا لوحدي هاقدر اعيش وسط الحياة اللي بقيت فاشلة فيها ممكن يكون كلامي تافه للبعض بس هي خواطر مش مترتبة بس كلام جوايا مليش الحق اني ابوح به برا هنا 👋

حبست قرايتي فالباكالوريا لما خسرت ما عدت السنة صارلي 4 سنين، الأن احس نفسي ضايعة عم اشتغل مشان ادخر مال و اريد اجرب فيزا سياحية لفرنسا واهجر هنيك بس خايفة و ما ادري شو اسوي فحياتي وما اقدر اسافر لبلد تاني غير فرنسا لأنو فيها عندنا اقارب ف اهلي ما يسمحولي اسافر لمكان تاني وحدي

مش للتعاطف اسف على البدايه بس مبحبش حد يتعاطف معايا او احس باشفاق حد تقريبا هتبقى اول مره ف حياتي اتكلم انا طول عمري كتوم وممثل بارع لاني قوي ومفيش وبالعكس في كل حاجه احنا اسره تمن افراد ووالدي بقاله حدود ١٠ سنين مش شغال معرفش بناكل منين ولا بنشرب منين بس ادينا عايشين امي شافت كل حاجه ف حياتها كمية ابتلاءات وشايله اخواتها من وهي صغير وبجد كتير اوي انا الكبير للاسف اهلي مش بيعرفوا يربوا ، مجرد اساسيات وخلاص اي نعم في جوانب كويسه جدا زي ان مقياس الحياه عندنا الحلال والحرام اولا بس في حاجات كتير غلط ربيت نفسي وبدات اعدل في شخصيتي كل اللي يعرفني يحلف باخلاقي وتفوقي لدرجة لو الكلام دا انا سمعته عن حد تاني اتمناله بنتي بس للاسف مش كل حلو بيكمل بوظت كل دا الشتيمه مكانتش بتطلع من بوقي زمان لكن دلوقتي حدث ولا حرج المتفوق اللي كان هيبقا من اوائل الجمهوريه خذل اهله واهمل وجاب ٧٦ وفي تجاره حاليا انا كنت امل امي اني هطلعها من دا بس للاسف ربنا شاء التاخير مش عارف انا بكتب ليه ومش مرتب اي حاجه بس انا حاليا في خنقه وحشه اوي كنت متدين جدا وكلامي كله قرءان وحديث ومش بفوق فرض كنت .... دي اكتر حاجه وجعاني لحد دلوقتي وسط كل دا عندي امل ان انا اللي هنقذ العيله دي ولو على حساب نفسي وحياتي طالع لابويا للاسف استاذ في التفكير والتنظيم لكن التنفيذ صفر وتسويف كتير اوي حد قالي نصيحه كنت اتمنى تتقال لابويا (متعلنش الخطوات اعلن مرادك بعد تحقيقه ) يااااه انا حاليا برتب لكذا حاجه هيغيروا حياتي تماما واخذا بالنصيحه مش هعلن الا لما اخلصها الطريق صعب اوي ومليان كسر خاطر وكلام تقيل بس لعله خير انا واثق اني هرجع اقرا دا وانا عدلت كل حاجه ثقه في الله ثم في قدرتي عذرا على الاطاله

ادوني مواقف حصلت معاكم زي كدا.. ساعات الواحد وهو قاعد لوحده بتجي له أفكار ويتخيل ويحلم ويتمنى خاصة في الفلوس والمشاعر.. يتخيل انه دنجوان عصره أو تتخيل انها برنسيسة الزمن الجميل ومعاهم فلوس كتير وسفر بقى وفسح وتحقيق رغبات وقصة كبيرة جدااا بعدين لما نرجع للواقع بنتصدم اننا ع الكنبة ومعملناش اي حاجة في حياتنا..

انا لما وصلت 17سنة عملت اول مليون ولما وصلت 24كنت عامل رقم كويس ووقعت واقعة سودة والحمد لله حولت من تاني والتسهيل علي الله وربنا يسترنا ويحن علينا يارب ويبعد عنا الذنوب لأنها بتسلب الرزق والله

بتعملوا ايه لما بتلاقوا نفسكوا بتأجلوا كل حاجة في حياتكوا لدرجة ان الدنيا خلاص بتبوظ منكوا ـــــــــــــــــــــــــــــــــــــــــــــــــــــــــــــــــــــــــــــــــــــــــــ

تخيلني قاعد ف اوضته متكتف مليانه شخبطه عن طفل بيتأسف الاضاءه خافته مفيش اي مهندس يا ماما مش وقتك بطلي تقوليلي انت فاشل انا عارف، اغنيه موسي سام الكله قال عليه انه ملحد زمان بسبب امه وحوارات كتير بحسه بيكتب اغاني حرفيا بتبقي نفس مشاكل الجيل ده معرفش ليه كلنا احساسنا وكلامنا واحد

انا يا شباب تعبان من نفسى كل شوية بقول هبقى كويس ومش بقدر بقول هصلى ومش بصلى أخرى ب سبح ولما بقول هخس بلاقى الاكل قدامى وباكل بطفاسه لحد ما بنهد وانا وقاعد وتخنت ولما بقول هيكون عندى ضمير بكسل وبقول بكرة هيكون احلى وهكذا الحال. ونفسى اموت علشان هى دى امنيتى فى الحياه

أنا إنسان فاشل نوعا ما هناك أشخاص أعتبرهم أصدقائي يؤذونني نفسيا بحيث أنهم يتظاهرون أنهم ينصحونني لكنهم في الحقيقة يدسّون السخرية في النصيحة و يتعمدون تذكيري بفشلي و ينظرون إلي نظرة استهزاء و يتظاهرون بصداقتهم لي ،بسبب هذا لا أستطيع أن أنام بل أفكر فقط فيهم لا أستطيع التوقف عن التفكير في معاملتهم لي والله لا أستطيع النوم بسبب ذلك ،يا ليت أحدكم يدلني على خلاص من هذا الأمر .والسلام عليكم

السلام عليكم انا ديت باك 2025 ب16.42 وللاسف موصلتش لحلمي لي هو الطب وباخذ بالاراء درت صيدلة وانا منحبهاش ضرك بلوكيت العام وسجلت للباك وقلت اذا موصلتش الطب ندير باراميديكال لانها الاقرب للمجال واش رايكم ؟

ان بقيت ديما خايف من الفشل وحاسس ديما احساس بالنقص وان موصلتش لاي حاجه وبسبب دا انا في كليه بكرها لمجرد ان مكنش ينفع ابقي اقل من كده وهمي بقا ليا لوحدي محدس ينفع يعرف عنه حاجه بقيت شخصيه حساسه عن اللزوم من اي حاجه مهما كانت صغيره بحس ان بتخنق بالمعني الحرفي كان نفسي امي تفهمني ان مش في سباق مع حد ولا حتي مع نفسي وان ساعدتي وراحتي اهم كان نفسي وقت اما كنت بحكلها عن ان الشخص ده اذاني تاخد رده فعل زي ما عملت ما اخويا بس هي سبتني بكل دا يتراكم جوايا من وانا ٨ سنين لحد النهارده مس قادر اتجاوز وياريتها فهمتني ان المحاوله لا تعنب حتميه الوصول وان اهون دا علي نفسي وانه عادي معامله اهلي خلتني طفل مكتئب ديما لحد اما كبرت اوقات بحس اني بكرهم وديما عندي احساس ان عايز اهرب

بحس ان انا محطوط عليا امل كبير انا مش قده ابدا ولا عمري هكون قده سواءان كان من اهلى او صحابي او مدرسيني حتى.. يعني الموضوع ده بجد بيحسسني اني مليش لازمه و بتبقى صعبة بجد لما اخذل حد حاطط عليا امل طب بس هما ليه بيحطوا عليا امل وهما عارفين اني ممكن مكونش قده

مضايقه اوي احساس انك بتتعب في حاجة بقالك كتير وفي الاخر كل التعب ده ياجي علي مفيش يعني مش عارفة ومخنوقه وكل حاجة بتقولي اني مش هنال اللي عاوزه فعلا تعبت

عندي مشكلة مع الانجليزي والله بجد حاولت كتير اتعلمه و مش عارفه يعني جربت اخد كورس برايڤت برضو منفعش جربت اتعلم لوحدي من علي اليوتيوب و شويه برامج كدا و برضو لا مش عارفه اعمل ايه تاني صلو علي النبي 🤍 يا جماعه انا خليت البوست برايڤت و معرفش ايه اللي حصل المهم انا بجد تبعت من الاب دا اقسم بالله

انا حاسة اني فاشلة ومش بعرف اعمل حاجة صح ولا اشيل مسؤولية اكتشفت ان اخواتي الأصغر عاقلين اجتماعيا وبيعرفوا يشيلوا المسؤولية اكتر مني مش عارفة اعمل ايه عشان اثبت اني مش فاشلة واني اقدر اشيل مسؤولية بس بلاقي نفسي بفشل فعلا بدل ما اشيل مسؤوليتهم هما اللي شايليني نفسي اعوضهم عشان اكتشفت اني اذيتهم حتى لو انا اذيتهم وانا مش مدركة اليوم واحنا بنتعلم على العربية، المدربة فضلت تحسسني اني فاشلة ومبعرفش اسوق مع اني المرة اللي فاتت وهي اول مرة كنت كويسة وروحت البيت وركنتها، واختي من كم يوم قالتلي مش هتعرفي تشيلي مسؤوليتها وانا خدت موقف وزعلت.. طلع عندها حق انا قليلة وقصيرة وبلبس واسع وشكلي صغير ومبحطش ميكب مع اني ٢٣ سنة فبحس ان محدش بيديني قيمتي بيعاملوني على اني طفلة وده مزود احساسي بالفشل روحت كورس تحاليل طبية مع اختي هي عرفت تسحب مني وانا شكيتها ٣ مرات ومعرفتش اسحب منها انا مش عارفة المفروض اعمل ايه عشان ابقى "كبيرة" واشيل مسؤولية واعرف اعمل حاجة فعلا

اليوم قابلت واحدة تعز عليا جدا وهي مش من النوع اللي بيشتكي لكن النهارده حصلت حاجه مميزة وانها فتحت ليا قلبها وحكت ليا مشكلة حصلت معاها في البيت المشكلة اني ...معرفتش اهديها ... انا اصلا مبعرفش اكون الشخص اللي يقولك معلش انا شخص بيدي حلول لكن المشكلة انها ذكية بما فيه الكفاية انها تحل مشاكلها بنفسها هي كانت عايزة حضن مش اكتر كانت عايزة حد يهديها وانا فشلت في دا يمكن لاني مريت بنفس مشكلتها ومعرفتش اتخطاها او يمكن دا عيب في شخصيتي احساس اني مقدرش اساعد حد بحبه بيخليني احس اني بجد مليش لازمه . فرحت جدا لما كلمتني حسيت اني مهمة عندها ...اتمني ان غبائى مياثرش على علاقتي بيها ...

الفشل اكتر كلمه بتطاردني في حياتي.. انا فاشل تقريبا في كل حاجه عمري ما نجحت في اي حاجه الا دراستي و نجحت كدا بصعوبه.. طول عمري في أي حاجه واحد ضد واحد خسران مفيش مره حسيت فيها انني مميز او ناجح في حاجه سواء رياضه لعبه موهبه حياه عاطفيه حب صداقه دايما الفشل حليفي لحد ما كرهت نفسي و قاطعت الناس بسبب انهم بيتعاملوا مع فشلي باستهزاء و بطريقه فجه مبحبهاش حد عنده نفس المشكله و ياترا حلها ايه

هو عادي إني عمري ما نجحت في أي شيء بالمعنى الحرفي وعمري ما كملت طريق لاخره وتايه بحاول أدور على هدف مش لاقي حرفيا مش عارف أنا عاوز إيه وليه وهل أنا حابب اللي أنا فيه ولا لأ وكل ده ادركته بعد ثانوية عامة ممكن يظهر إنه بكاء على الأطلال بس هو مش كده لكن فهمت إني فاشل وشخص طبيعي مش مميز أو مختلف زي ما كنت بقنع نفسي أنا أقل من ناس كتير كنت افكر إني أحسن منهم أنا فاشل في كل شيء ومش عارف طريق للنجاح..

احساس التعب والملل والوحده والفشل ساعات بيدمر الشخص بطريقة غريية وفاجاة يتفتح ليك طريق ينسيك كل حاجه سبحان الله ساعات بياخد وقت طويل وساعات قليل بس من اسوءالمشاكل الشوفتها مشاكل الاهل انا لو مش هروح لاهلي هروح لمين وطبعا مشاكل العلاقات وتحس ان الدنيا وقفت ع الشخص دا بس حقيقي العلاقات مع الوقت هتلاقي الافضل حقيقي وهتقول كنن اعرف شبشب 😅 اما الاهل ف دا حله الوحيد الجواز بشريك محترم يعوضني عنهم

اول مرة احس اني تايهة وان انا مش انا كنت فاكرة ان مكاني وسط الكتب والقراءة والمعرفة والكتابة بس لا ده مش مكاني انا فاشلة في ده فاشلة في اني اتعلم صح في اني حتي انتقي كتب ذو قيمة بقول ده بعد ما تذكرت كتاب كنت قرائته وسالت نفسي اي الفايدة أو النفع اللي عاد عليا بعد قراءته اكتشفت انه ولا حاجة انا حتي مجرد مانتهي من الكتاب بنسي كان بيتكلم عن اي ف ياترى فين مكاني...

في حجات كتير عايزه اعملها في حياتي وعندي طموح ليها بس مش قادره انفذ اي حاجه مش عارفه ده كسل ولا خوف من الفشل ولا ايه بجد دي حاجه مديقني جدا

اول مرة اقول ده معرفش اصلا اذا كان يصحلي اقول ده ولا لا بس انا زعلانه من ربنا اوي ومن نفسي كمان ان كل يوم بعيط دلوقتي بعيط ربنا انعم عليا بكل حاجة ممكن احتاجها ربنا حط قدامي كل حاجة توريني انا هبقا اي لو مستغلتش اللي عندي صح فبقيت طول الوقت خايفة انا دلوقتي خايفة في الحقيقة انا تالتة ثانوي بذاكر و بدعي بس خايفة خايفة جدا بقول يمكن لو معنديش كل المؤهلات اللي تخليني اوصل الموضوع كان هيبقا احسن مش هاحس بالذنب علي الأقل لو موصلتش ازاي موصلش وانا اهلي مقدمين ليا كل حاجة ازاي موصلش وانا الذكية المجتهدة ازاي وانا بسعي وببذل كل طاقتي يمكن مش نصيبي؟ ازاي مش نصيبي و حبي للطريق ده مدفون في قلبي مش ربنا لو زرع جوانا حب لشئ معناه اننا نقدر نوصله كل يوم بعاني مع الافكار دي كل يوم بعيط من فكرة اني موصلش وبين ان ربنا ينجيني و اوصل هي نجاة من ربنا بس نجاة