انا اكتشفت حاجه فيا ومحتاجة تعالجها انا اكتشفت اني بخاف من كل حاجه كل حاجه حرفيا أنا مرتبطة بواحد بيحبني بجد وعايزين بعض ومناسبين هو اللي خلاني اكتشف اني بخاف كل ما يقولي انو نفسو يعمل معايا حاجة لما نتجوز زي أننا ننط من طيارة أو نطل سنت كاترين أو حتي نقعد في خيمة في الصحرة لوحدنا هو بيحب كده انا عايزه ابقي زيو ومخفش أنا كل ما يقولي حاجه زي دي اقولي لا بخاف واكتشفت كمان اني خايفة من الجواز أنا اتعرضت لتحرش في المدرسة من زميل ليا وانا في تالتة ابتدائي والموضوع وقتها اثر فيا جدا ومتكلمتش ومكنتش فاهمة اصلا اية ده وعدي سنين ونسيت وكان في واحده قريبة صحبتي في المدرسة دي ودخلت المدرسة مع صحبتي وافتكرت كل حاجه ومن وقتها وهو الموضوع مآثر فيا جدا خايفة اتجوز واحس نفس الاحساس الشخص اللي في حياتي supporte جدا معايا وعارف اللي أنا مريت بية وبيطمني علطول بس انا خوفي اكبر من كده بكتير زي اني خايفة اخلف مع اني نفسي يبقي عندي بيبي بس خايفة يحصل كده مع بنتي وتبقي زيي أو ابني يبقي مش كويس ويعمل كده في بنت خايفة يطلعو غير ساوين خايفة أنا اطلع مبخلفش اصلا خايفة لما اتجوزو يتغير خايفة من كل حاجه خايفة يتقدملي يترفض خايفة أواجه اهلي عايزة ابقي مبخفش من حاجه