انا عايزة افهم حاجة من الشباب بأمانة دلوقتي انا اختك 21 سنه وانت 24 او أيا يكن العمر اكبر ولا اصغر ، بنتكلم عادي وشتمتني او قولت كلمة مهينة ، يعني مستني مني ايه ؟ اضحك ! ولا اعيط ! طيب انا برد الكلمة المهينة زيها بالظبط كلمة بنسبالك مهينة وازاي انا اقولك كده وانا كده مش محترمه وقليلة الادب وبلا بلا بلا .. يعني مش انت اللي مش محترم وقليل الادب ولسانك فالت ، مروح نقول للاهل انت معرفتش تربيها مع ان المفروض انت اللي معرفتش تتربي ! ووكمان مقاليش كل سنه وانا طيبة وكمان مدانيش فلوس ومش عايزة يدوب عشان عندي اخ تاني بس هو مسافر باعتلي فلوس دخل يديهالي من غير نفس دول من فلان حتي اصلا ملحقتش ارفع وشي ابصله حتي الموضوع تمام ومتعودة بس مقاطعني كمان ! وبيتكلم بالعافيه ويبصلي بالعافيه في حين ان قالي عبيطه قولتله انت اللي عبيط ، انتي جاهله اكتر من مرة قولتله انت اللي جاهل ، والموضوع كمان مش بكلمة وخلاص هو ازاي ويقوم يمد ايده ! اولا اهلي لا بيحلوا ولا بيربطوا بيجوا عليا وخلاص ودا اخوكي الكبير حتي لو غلط انتي مينفعش تعملي وبلا بلا دي ، هو يمد ايده انتي متمديش والدقه القديمة اللي مش بتأكل عيش دي ، عموما انا حاليا مستعجبة من الوضع ومتضايقه لان زمان كان بيعدي شهور وكان طول الوقت محسسني ان انا اللي مش بكلمه والمشكلة فيا وانا اللي وحشه وكنت بشك في نفسي ، لحد ما موقف ورا التاني الشخص هو اللي وحش مش انا ، يعني انا مش فاهمه بجد انتو كشباب اهو بتفكروا ازاي ! انتو كلكم كده ، مع العلم انا حتي مش برد لاول مرة هو بيكرر اكتر من مرة اقوله احترم نفسك يعيد تاني بمختلف الاساليب قولت ارد عشان يفهم ويحس ابدا جته فايته ، حرفيا يعني انا كنت صاحيه ومش في بالي حاجة لقيته داخل المطبخ اكني هوا اللي هو اي اللي حصل لكل دا اصلا ! وقالب مع نفسه ، حرفيا نفس اللعبه من سنين يلا نعد ؟ يوم اتنين تلاته اربعه ..نرجع حابه حلوين وهزار يلا خلاف من اللاشيء يلا نعد واحد اتنين تلاته ، وطول الوقت الاهل عيب تخاصمي اخوكي صالحي فلان حتي اخويا الاكبر مننا احنا الاتنين يلا صالحيه في حين اصلا محدش بيحل ، وهو حقيقي مشوفتش اغبي من كده، حرفيا انا عامله باصلي وبرغم تروما وبسببها اخدت دواء وكنت لوحدي وبطولي وهه قدرت ارجع اتعامل في معارك جوايا ما يعلم بيها الا ربنا والحمدلله ، واتغيرت للاحسن لكن .... المهم انتو ايه ملتكم ايه يا شباب ويا رجالة الواحد حرفيا جاتله تروما من كلمة هو راجل وانتي بنت يعني كمية جهل مشوفتهاش في حياتي ، فين العدل عيشت عمري واعيش عمري الجاي دا بدور علي العدل وكلمة الحق ! دي مرة قعدت ادبدت واتنطط واعلي صوتي عشان يفهموا عايش دور الضحية ع الاخر والمشكلة نقول شخص مش عارف مش قاصد ، هو حيوان يعني! معندوش عقل يميز ان التصرف دا مؤذي لا الشخص واصل لليفل البجاحه يعني انا مسكت المصحف وحلفت بيه وقولتله هو وبابا بينا واقفه عند ربنا قعدوا يضحكوا ويتريقوا ! والي الان انا في صراعات وانا زهقت وتعبت من كل دا حرفيا وبقولها من وراه وفي مرة هقوله في وشه انت جوازك هيكون فاشل والله .