ممكن اتكلم انا دلوقتي 22 نظري ضعف من خمس سنين مكنتش بعاني من اي حاجة خالص لكن فجأة وبقيت البس نضارة وحاليا في السنه 6 .. دلوقتي انا متقبله النضارة وتمم وحساها جزء مني وحلوة عليا .. لكن القرايب والتجمعات وكذا حد كلام بجد مؤذي .. وعشان ارضي امي بقلعها .. وجمعت فلوس العملية وع بعد خطوة الدكتور قال القرنية ضعيفه وكده دون عن كل الناس طبعا ديما في حالة لوم من امي كل قرايبك عملوها وانتي فقر وحظك هباب .. ومش نافعلك حاجة خالص .. بعيدا عن الكلام داا بس انا حقيقي تعبت انا مكنتش بعاني من حاجة فجأة معرفش اي حصلي ، انا حاليا بفكر في عدسات طبيه لكن المشكلة امي رافضه والبيت كمان عشان دكتور منه لله يقول لا ليه ضرر ع المدي البعيد ،، ما المشكلة اصلا اي تجمع عائلي امي بتقولي لا اقلعيها او مناسبه لا .. وبعمل كدا بس فعلا الموضوع مؤذي ! وبتعب جدا .. ومش بكون حاسه بوشوش الناس ، بس وانا مضايقني ان كل شوية من قرايبي اعملي ليزك اعملي كذا لازم تعملي كذا لا مافيش حاجة اسمها حابه النضارة في حين اني قولت لماما نقولهم عشان مش عايزة صداع لكن ماما قالتلي اياكي تقولي حرف من اللي حصل .. اقلعيها وخلاص وقت ما هما موجودين وكبري دماغك .. 😅 بس انا حقيقي زعلانه الفكرة انا كنت رافضاها وقعدت اجادلهم كتير واني مش عايزة اعمل عمليات ، بس فكرة الرفض النهائي من الدكتور داا يعني صدمتني ، يعني انا كنت مبسوطه انه بمزاجي لكن الوضع اتشقلب وبقي مش في ايدي .. وانا حقيقي اكتئبت جدا وزعلانه منهم انهم كبروا في دماغي الحوار واقنعوني وهيأت نفسي وحصل اللي حصل وكانت صدمة وحوار صعب اوي بجد محدش متخيله .. انا عادي بقلع النضارة مش عاملالي أزمه بس الوضع كان زي كهربا كدا ع المخ والموضوع بيخليني اعيط .. فكرة اني مش عارفه طيب اللينسير بحس اني مش هعرف اعملها وبتوتر لما افكر .. وانا مش عارفه تتكلم كام .. والمشكلة مثلا بقت لو جالي عريس هتخرج بالنضارة اكيد لا بس ان الشخص معايا هيتقبلني بالنضارة ، بقيت حاسه ان دا عيب فيابسبب كلام الناس وتأثر ماما بكلامهم اني معيوبه .. لكن انا مش قادرة افكر حقيقي واوقات اكون راضيه عن شكلي بالنضارة و مبسوطه اوقات تانية حاسه اني بكره النضارة جدا ... والمشكلة لا يخلو انسان يقولي اعملي ليزك مش قادرة ومش مستحمله حد يجبلي سيرة الموضوع بس فعلا مبقتش عارفه اوقفهم عند حدهم