رفض

هو طول 170 للرجالة كويس ولا وحش؟ سؤالي دا موجه للبنات مش الولاد لان بشوف ناس كتيرة اوي بتعتبر 170 دا قصير او غير مرغوب فيه معا ان فيه ناس كتيرة جدا كولها 170 عادي خالص ، فا سؤال فعلا الطول بيفرق للدرجة دي يعني ولا الاهم الشخصية والشكل والعام والكلام دا ؟

عاوزه نصحتكم انا فرح صحبتي اعز اصحابي قرب وهي نفسها اكون معاها حتي هي قالتلي كدا وكمان هي صحبت الكليه واقرب حد ليا مشارعنا كل حاجه سوا المهم فرحها قرب وللاسف هيكون يوم جمعه يعني مفيش مواصلات وهي الفرق بين بلدها وبلدي ساعه يعتبر او ساعه ونص ومعنديش اخوات ولاد يروحو معايا وبابا ممانع حتي نروح افراح في البلد فاستحاله اعرف اقنعو واهلي اصلا مش من النوع اللس بيقدر مشاعر اصحاب والحاجات دي بيشوفها لعب عيال انا قولت لاهلي ان هروح حاجه تبع الكليه وفيها مابيت وكدا لان هتاخر ومش هيكون في مواصلات الجمعه فامي قالتلي معنديش مانع وهكلم مع ابوكي طلامه حاجه تخص تعليمك انا شايفه ان مش بحب اضحك عليهم او اكدب عليهم وزعلانه من كدا جداا وكمان حاجه اما اكلمت مع صحبتي عرفت ان اصحاب اخوها هيباتو في نفس البيت بس هيكونو في شقه فوق وانا هكون مع خالتها في الشقه اللي تحت انا مرعوبه من اهلي وكمان ان في شباب فكرت ان اعتذر ليها بس هي هتتقبل ؟ ملحوظه صحبتنا التالته هتروح لان مامتها مساعدها وقالت ليها هاجي معاكي ونجيب حد قربنا يودينا ويجبنا بالعربيه لان استحاله يكون في مواصلات في البلد دي فانا حاسه بزعل حتي صحبتي اما عرضت عليها اروح معاهم حاستها الموضوع تقيل علي قلبها كدا فانا مش عارفه اعمل ايه

كنت بحب بنت وكنا بنتكلم لمده سنه وهيا كانت طريقتها معايا شجعتني اعترفلها لكن هيا معرفه شغل وهيا من محافظه وانا من محافظه ف هيا كان عندها سبب للرفض لكن اختارت حد غيري وانا لسه شغال معاها وهيا عارفه اني كنت عايزها ف هل دا عادي عادي أنها برده كان من ناحيتها ليا حاجه واختارت تختار حد تاني ساكن جمبها وتكمل برده معايا ف شغل متوقفش قولت يمكن مكنتش خير ليا بس بجد هيا شخص طيب جدا ومحرتم بس ممكن اكون انا الي مش خير ليها وربنا شالني من طريقها عشان ماذيهاش دا ممكن حد يريحني بالله

من وانا في ثانوي ابن خالتي اتقدملي بس ماما قالت لهم اني لسه بدرس هو أكبر من ب 15 سنه وكل ما اعدي مرحله في حياتي يتقدموا وارفض ف ماما تقول لسه عايزه تكمل لغايه ما اتخرجت وكل فتره خالتو تكلم ماما وبنات خالتي يكلموني دلوقتي انا عندي 25 سنه وهو 40 انا مش عايزاه خالص هو بالنسبالي اخ كبير بس ف دلوقتي اتقدملي عريس هو متجوزش قبل كده بس عنده 42 سنه ف قولت لا مش عايزاه ف قالولي لا تختاري بقي يا ابن خالتك يا العريس ده وانا مش عايزه الاتنين تعبت ومش عارفه افكر اعمل ايه

بحب واحده من محافظة اخري واهلي رافضين وعايزين أخطب حد قريبي ايه العمل انا حبيتها وهي حبتني وفي نفس الوقت خايف من أنها تكون خطوه اندم عليها بكره اندم اني ضيعتها أو اندم اني اتجوزتها ومخدتش رأيهم ؟

كنت بخاف ابادر و اقول لبنت اني معجب بيها و عايز نتعرف علي بعض عشان انا بترعب من الرفض بس في بتت شدتني قولتلها و نزلنا ديت مرة و ٢ و ٣ و بعدها عي كانت مصممة تسمع مني بحبك قولتلها عشان خوفت اخسرها اتنزلت عن حاجات مش عجباني كتير عشان خوفت اخسرها لية انا شايف نفسي قليل مع العلم انا خريج كلية قمة و بتقدير عالي و شاطر في شغلي و شكلي كويس و مهتم بنفسي و بحاول احسن ديما من نفسي لية اتبعت بسهولة هو طبيعي انها تتكلم علي الاكسات بتوعها معايا طبيعي انها تكند كل يوم و تشيلني ذنب مش ذنبي هو انا غلطت يوم ما قولتلها انت بتشيليني ذنب ناس في الماضي بتاعك دة مش بتاعي كنت عمال اتنازل عشان خاطر بس العلاقة تكمل و هي كانت بايعة الاقضية اوي لية بيحصل معايا كدة

انا نفسي اعرف ليه حظي وحش مع البنات كل ما اكلم بنت تطلع بتتسلي وانا بلاير يا اما ابقي لويال وهي تتحجج او بترفض من الدخلة مش عارف ليه حد بيكلم بنات كتير يقولي بيتكلم ازاي عشان موضوع ممل وبيبقي نفسي اخرج مع بنت او حاجة

الاكس بتتجوز، احساس بشع مع اني كنت فاكر ان اتخطيت الموضوع و نسيت حب ٤ سنين و لما اتقدمتلها في اخر سنين الكلية اترفضت، و سيبتها بعده و بعدين رجعت حاولت تاني اتوافق عليا بس كانت هي اتغيرت و مبقتش تحبني لدرجة انها كانت مغصوبة عليا و عايزة تنتحر و ساعتها كان لازم اسيبها برضه مع اني مخلص جدا ليها و عايزها و دلوقت بعد سنتين بتتجوز احساس عميق بالغيرة و الاكتئاب و كسرة النفس مش عارف اعمل ايه

لما البيت يكون دايما فى خناق ومشاكل كتير والصوت عالى حتى لو فى الضحك ودا مش بيحصل فى الشارع كله الا عندنا 😂 تفتكرو دا سبب كافى فى ان حد محترم كان هيتقدم والناس قالتله لأ ودى مامتها عصبية ومتحكمة انه يقلق ويمشى ولا دا عبط زى مانا بقول انا بصراحة بشوف ان الراجل بجد اللى بيبقى شارى حد أو كدا بيقبله بعيوبه ومميزاته بس عندنا فى البيت مقتنعين برأى الناس طبعا حاسة انى انا كدا اللى بقيت معقدة ولا ايه

هي مش خيانة بشكل مباشر بس حسيت انها صدمتني وكسرتني هي كانت زميلة ليا في الجامعة قريبة مني جدا نعرف عن بعض حرفيا حاجات كتير اوي بنحكي لبعض مشاكلنا ونحلها سوا حرفيا كانت مساحتي الآمنة اللي بقدر اقول فيها كل اللي جوايا من غير ما اقلق الصراحة حسيت ناحيتها بمشاعر حب وتعلق ومبقتش شايف غيرها مرة واحدة بعتتلي مش هينفع نكمل كلام عشان حصل مشكلة عندي في البيت والجو ده وانا عشان معملهاش مشكلة وعشان متتئذيش بسببي فا فضلت متابعها من بعيد وهي كل ده متعرفش اي حاجة عن مشاعري ناحيتها بقيت براقبها على السوشيال ميديا من بعيد في الجامعة في مكان شغلها من بعيد لبعيد المهم بس اني كنت اشوفها فا لما جت فرصة عشان اروح اعترفلها واروح اتقدملها واحدة اعرفها جريت وقالتلها اخر كلمة ممكن تتقال لبنت حسستها انها بنت مش كويسة راحت تقولها انتي بترتبطي قالتلها انتي بتقولي اي راحت تقولها اني عايز ارتبط بيها مع ان ده عكس كل اللي انا عايز اقوله اكيد كنت هقول بطريقة اشيك من كده فا طبعا جالي الرفض وانا معرفتش اصارحها بكل اللي جوايا يمكن كانت تفهم صح فا حتى السلام من بعيد اللي كان بينا انتهى وبعتت لواحدة نعرفها سوا قالتلها قوليله ميفكرش في حاجة زي دي تاني ولو الموضوع اتفتح بينكم وبين بعض حتى هتزعلوا مني فا قفلت الموضوع وانا قلبي بيتقطع حرفيا ولحد دلوقتي مش مستوعب بس بعدها بفترة لقيتها بعد ما قالت انها ملهاش كلام مع شباب خالص عشان ثقة باباها لقيتها قاعدة مع واحد انا اعرفه وبتتصور معاه وبيهزوا سوا ويضحكوا وبعدها لقيتها قاعدة على طرابيزة في كافيتيرا الجامعة مفهاش بنت غيرها مع خمس شباب طبعا انا اتصدمت ومصدقتش عارف انها متتصنفش خيانة اوي بس ده الاحساس اللي وصلني واحساسي بالصدمة لأني مكنتش اتوقع منها كده الموضوع ده عدى عليه اكتر من سنة لحد دلوقتي وانا لسة متعلق بيها بفكر فيها علطول وبحلم بيها وبشوفها دايما في احلامي بسيناريوهات مختلفة فا بجد كسرتني ومشيت ولا همها

لو طولى ١٥٥ وهو ١٦٠-١٦٥ وبيبان ف الصور وجمب صحابه انه الاقصر اعمل اى اوافق ولا ارفض كل حاجه زى منا عوزاها الا الطول وانا عندى مشكلة فالطول انا مش عوزاه طويل اوى بس عوزاه مناسب وطول الرجالة النناسب ف مصر عندنا م ١٧٠ لفوق وانا ف حوار الشكل او المواصفات الشكليه حاولت قبل كده اتقبل حاجه غصب عنى ومقدرتش وفضلت اعانى منها نفسيًا عشان مكنتش حباها وفعلا مكملتش مع الشخص فخيفه اقبل واكرر نفس الغلط التاتى لانه حرفيًا حسانى شبه هوافق لأنه فيه كل حاجه انا عوزاها الا الطول لو مكانى هتعملوا اى واى التصرف الصح وللاسف بقالى فترة طويلة جدًا ومش عرفه آخد قرار للآسف عشان مش عرفه انا ينفع اضحى بأيه ، بمواصفات عيزاها ولقتها فيه و احتماليه انها تيجى تانى معرفش هتيجى ولا لا ولا اضحى بالطول ومهتمش انا بجد مش عرفه اخد قرار مش عرفه ليه

أوقات كتير بحس إني واقفة برا كل دايرة، كأني موجودة بس مش منتمية. وطبعا بتكلم في نطاق الكلية وفي السكن. بما اني مغتربه ونفس الإحساس بيتكرر بشكل غريب وموجع. بحاول أندمج، أحاول أبقى طبيعية، أحاول أكون جزء من المكان، لكن دايمًا بحس إن فيه حاجز مش شايفاه، وحواليه ناس شايفاه كويس أوي. بقيت أهرب من الاحتكاك بالناس على قد ما أقدر. أمشي بسرعة، أقصر الكلام، وأختفي قبل ما أحس بنظرة استحقار أو معاملة قاسية أو كلمة تتقال وكأنها عادية وهي بتفضل عالقة في قلبي أيام. أصعب حاجة إنك تبدأي تصدقي إن المشكلة فيكي. إنك من كتر ما بتحسي إنك مرفوضة، تبتدي تتعاملي مع وجودك نفسه كأنه حمل على اللي حواليكي. وأنا تعبت من الإحساس ده. تعبت من إني أدخل أي مكان وأنا مستعدة نفسيًا إني أتحمل عدم الترحيب، أو التجاهل، أو إني أحس إني زيادة عن الحاجة. كان نفسي الدنيا تبقى أحن شوية. كان نفسي الناس تبطل تحكم على بعض بالسرعة دي. كان نفسي ألاقي مكان أحس فيه إني مش محتاجة أعتذر عن وجودي، ولا أشرح نفسي كل مرة، ولا أحاول أثبت إني أستحق المعاملة الكويسة. يمكن محدش واخد باله، لكن فيه ناس كل يوم بتحارب شعور الوحدة وهي وسط الزحمة، وبتحاول تعدّي يومها من غير ما تنهار من جواها.. كأني دايمًا الشخص اللي واقف على الهامش، بيتفرج على الناس وهي بتكوّن صداقات وذكريات وحكايات، بينما هو بيحاول بس يلاقي مكان صغير يحس إنه ينتمي ليه. مهما حاولت أقرب، بحس إن فيه مسافة بيني وبين الناس عمرها ما بتختفي. تعبت من نظرات بتوجع أكتر من الكلام، ومن مواقف صغيرة يمكن أصحابها ينسوها بعد دقيقة، لكنها بتفضل جوايا أيام وشهور. بس بحمد ربنا اني اخر سنه....وهسيب كل المكان دا...بس اللي يزعل أن مطلعتش بحاجه عدله من الخمس سنين دول... يارب يعوضنا فالجاي

كنت خاطب وفركشنا بسبب عدم تقبلها لحاجات كنت متفق عليها من الاول بعد م قعدنا سنتين سوا بعد انفصالنا ب اسبوعين اكتشفت انها شبه دخلت علاقة مع حد من ساعتها وانا قلبي مقهور وحاسس اني مش كفاية غير احساس الوحدة اللي مسيطر عليا من ساعة م سيبنا بعض وحاسس ان محدش بيحبني ومحدش هيقبلني

انا تعبت من كتر التفكير نفسي الاقي الحب احب واتحب وللأسف البنات كلها دماغها ملخبطه عندي 32 سنه ومش عارف اخطب ولا اتجوز وبروح لبنات اقل مني اجتماعيا بيرفضو من غير سبب اساسا خايف اكمل حياتي لوحدي من غير ونيس

السؤال لي ديما كيجي فبالي علاش ماشي أنا ، هي باش حسن مني مع اني مناقصني والو انسانة واعية لطيفة جميلة مربية اخلاقي عالية شنو زعما انا حسن منو بزاااف ولا مكيشوفنيش كأنثى كيشوفني كاختو و صافي مع انه ديما كيكولي انت مكانش بحالك نتي لي كتفهميني وخا هكاك تخطاني و مشا عند وحدة شاف صورتها فقط و عجباتو مع انه مكيهموش الشكل وا علاااااااش تفقصصت

حاسه ان جزء من سبب رهابي الاجتماعي و خوفي من اني اجرب حاجه جديده هو ابويا و امي... ابويا كنت دايما وانا صغيره عارفه ان في حدود مينفعش اكتر فيها كلام مع بابا عشان ميزهقش مني او يتعصب و كنت دايما بدور على اللي يرضيه و يخليه يحبني انا.. مش عشان الحاجات اللي بعملها لا يحبني عشاني انا فدايما كنت و لازلت بعدل من شخصيتي عشان اكون مناسبه ليه و للي حواليا.. و امي مبتهتمش لأغلب كلامي الا لو فيه حاجه تهمها هي اما لو كان موضوع ميهمهاش بتقاطعني في نص كلامي او بتتعمد تحسسني انها بتتجاهل عشان مكملش. و مؤخراً كتير بقيت احس اني بعمل زيها و بقلد اسلوبها و طريقتها و اهتماماتها عشان تحبني و اكون مقبوله بالنسبالها. بس اللي بيرجعني لنقطة الصفر اني لما بتخانق مع بابا او ماما بلاقي منهم رد فعل مكنتش متوقعاها. ردة فعل تبين انهم مكانوش بيحبوني لا كانو بيحبو اللي بعملهولهم لكن بمجرد ما معملش اللي قالو عليه يقلبو عليا و يشتموني و يخاصموني مده كبيره حتى لو السبب تافه لحد ما بقيت كارهاهم و شايفه الناس كلها زيهم بيحكمو عليا و انا بدور على رضاهم و قبولهم

جدعان انا واحد لقيت منحه لكن لسه بدور فيها انها حقيقه ولا نصب لكن مش ديه مشكلتي مشكلتي في ممتي. ممتي رافضه اسفر تماما بتقولي مفيش سافر وانا عيز اسافر عسان اتعلم وهي بتقولي انتا مش واعي كفايه انتا لسه صغير وبتقولي الغربه وحشه وانا عارف ان الغربه وحشه لكن معا الوقت ادنيا هتمشي ابويا بيشتغل برا مصر و بقا متعيش في الغربه فا انا شايف ان ادنيا هتمشي وانا اه عارف اني هتعب نفسين بسبب الغربه لكن انا عيز اسافر برضو عان ادراسه وعشان اكمل لغب ارياضه بتاعتي ولو حته مكملتهاش اكمل دراستي برا وخد شهادة من برا وهعرف اخد فلوس كويسه وانا شخص عيز يتحوز بدري فا عيز يحوش اكبر مبلغ في الوقت المسافر فيه ده انا عيز نصحيه اقنع امني ازاي اني. اسافر واخليها راضيا عني وهل انها متكنش راضيا عني ده عقوق معني مش بعملها حاجه انا بس هسافر وهي مش راضيا فا هل ده عقوق ولا لا ولو اه اقنعه اراي اني اسافر وازاي اعرف ان المنحه ديه بجد مش نصابه

يا جماعة محتاجة رأيكم بجد أنا من فترة كان عندي مشكلة في ال pc بتاعي فروحت محل كمبيوتر قريب مننا وقابلت ولد هناك عشان يساعدني في المشكلة ويصلحلى ال pc بتاعى المهم خد رقمى عشان موضوع ال pc وبعدين بقينا بنتكلم شوية بحكم الكلية والدراسة لأنه اكتشفت بعد كدا انه في إعلام زيي بس جامعه مختلفة الموضوع كله حرفيا مكملش أسبوعين ولا تلاتة وبدأ يلمحلى وقال لماما إنه عايز يتقدم واتكلم معاها في موضوع الجواز والشقة وكده وأهو لأول مرة في حياتي أحس بقبول ناحية حد وأبدأ أتعلق شوية وأتخيل إن الموضوع ممكن يكمل ( انا عمرى ما ارتبطت قبل كدا فى حياتى) بعدها حصل شوية مشاكل واعتراضات من الأهل وبدأت الدنيا تتلخبط وفجأة بطل يرد عليا يومين تلاتة وبعدها بعت لماما رسالة طويلة بيقول فيها إنه اتكلم مع أهله وصلى استخارة وشاف إن مفيش نصيب وإن الموضوع ملوش علاقة بينا وإن المشكلة عنده هو وإن كل حاجة قسمة ونصيب دلوقتي أنا مش زعلانة منه قد ما أنا مستغربة إن كل ده حصل بسرعة جدا يعني حرفيا حلاوة البدايات والتعلق والتفكير في المستقبل وكل حاجة حصلت واتقفلت في أقل من أسبوعين حوالى 10 ايام حرفياا السؤال بقى أنا أموف أون ازاي من حاجة مدتها كانت قصيرة بالشكل ده بس أثرت فيا بالشكل ده 😭

عندي واحد صاحبي و كان صاحبي جدا في اولي جامعه و فضلنا اول سنه صحاب جدا و من تاني سنه بدأ يتغير معايا و بقي لما يشوفني في الجامعه يخبي وشه و يتجاهلني و يمشي و يسيبني و اسلوبه معايا لما اعاتبه واتس كان وحش و كان بيقولي انا اتغيرت و ابعد عني و مش عايز اعرفك تاني و لما سألته انا عملتلك ايه يقولي انا معنديش مشكلة شخصية معاك و انا مليش في حوار البيست فريند فا بقوله بس انا دايما بلاقيك ماشي مع صحابك في الجامعه و بتكلم عادي و بتهزر و انا بتعاملني وحش جدا يقولي لا انا بتعامل مع كل الناس نفس المعامله كل دا تاعبني جدا و خنقني لاني اتعلقت بيه جدا بس بعد كدا اكتشفت انه بيعمل مع صحابه اعمال لوطيه في الاول شكيت بس لما واجهته قالي جايز يبقي عندك حق بس بعدها انكر بشدة جدا الفكرة اني معنديش صاحب غيره و حاولت مع ناس كتير بس هو كان اكثر حد بيفهمني و بندمج معاه و عکس اغلب الناس مش شبهي دلوقتي المشكلة اني دمي بيتحرق كل مرة اشوفه في الجامعه و افتكر معاملته معايا و في نفس الوقت اشوفه مع صحابه بيتكلم عادي و بيضحك و بيهزر و بیخرج معاهم و انا بيخبي وشه كل لما يشوفني بقالنا سنه و نص كدا و نفسيا بتعب جدا لما كل مرة يخبي وشه مع العلم انه بيعمل كدا انا حتي و مش بحاول اتعامل معاه مجرد اعدي من جنبه عايز افهم هو ليه بيخبي وشه و بيتجاهلني و لو افترضنا انه عشان مش عايزني احتك بيه هو و اصحابه عشان معرفش اللي بيعملوه دا طب ما هو مستمر في كدا حتي بعد ما انا اكتشفت و واجهته يبقي ليه مستمر في تخبية وشه ما انا خلاص عرفت و حتي صحابه اللي بيمشي معاهم بيتعاملوا معايا عادي كزملاء لانهم مش صحابي و مش بلاقيهم بيتهربوا مني او بيخبوا وشهم اومال اشمعنا هو بيعمل معايا كدا و عايز اعرف هو منين كذا مرة لما اواجهه باللي بيعمله و يعملي بلوك بيشيل البلوك بعد فترة و كمان لما بقوله انت ليه بتعاملني كدا يقولي مش عاجبك اعمل بلوك طب هو ليه شاله لما بسأله بيقولي الدنيا مش مستاهله فا شلته و في نفس الوقت بيقولي كل واحد في حاله و من سكه و منين ساعات بلاقيه بيبصلي نظرات فيها حزن لما اكون مش باصصله يعني هو منين بيقولي اعملي بلوك و منين هو بيشليه بس بيقولي مش عايز اعرفك و متبعتليش تاني و لما سألته انت منين مش عايزنا نتعامل و منين بتشيل البلوك يرد عليا يقولي ارجعه تاني؟ ممكن تردوا علي كل أسئلتي

في حاجه عايز اعرفها هو ليه البنات حاليا عايزه الولد النسونجي و لم حد يقول ان ملهوش في جو انو يكلم دي شويه و دي شويه بيقولو علي خام ويتبصلو بقرف هل احنا مقرفين عشان احنا مش شيفنكو لعبه نلعب بيها ونرميها ونشوف غيرها ولا ايه وجهه النظر

معلش انا عايزه افتح موضوع بيدايقني موووت و بذات لما حد يجبلي سيرتو بتنرفز اووووي لدرجت اني ممكن اعيط انا لسه صغيره يعني 20 كده انا لسه شايفه نفسي صغيره مش اوي بس صغيره المهم يعني انا فكرت الجواز دي بتعصبني موووت اوووي لدرجت ببقى نفسي اضرب الي قدامي بسبب الحوار ده يعني القريبين مني عارفين كده ان الموضوع ده انا بجد اتعقدت منو و اتخنقت منو اسباب كتيره جدااا موووت و ياريت مفيش حد يقنعني و عارفه ان كلو مش زي بعض بس لا انا بقيت اشوف كلو زي بعضو

حابب احكي قصتي حبيت واحده لمده سنتين كاملين وقولتلها اعرف اهلها عشان يبقا شئ شرعي لكنا رفضت الفايده من العباره دي ان منختارش اي حد ولازم ندور عالشخص الصح ردي اهممممممم شئئئئئئئئئئئؤؤئئ بالدنيا

انا بحب بنت بس حب من طرف واحد المهم اني اكتشفت سريعا انه ده هياذيني وهي مستحيل تحبني فنا قررت مكلمهاش بس كل اما بشوفها بحس بحاجه اعرب من الغريب انا بحس ان انا شليت اه والله ابقي ماشي واشوفها معديه ذكائي يقل ٤٠% بتعامل مع الحاجات وكانها اول مره اتعامل معاها وبتوار كتير لما بشوفها بنسي ازاي امشي حتي انا بشد رجلي بالعافيه عشان امشي ومش عايز اعترفلها ومش عارف انساها ول لا ابطل تفكير فيها مثلا كنت في المواصلات مره وهي ركبت معايا انا طول منا قاعد عمال بعرف اتكلم مح حد صوتي متغير وبيبان وكاني بالله والموضوع ده معصبني ومزعلني💔 وكذا احساس علي بعضه انا معتش بعرف اتعامل زائد كده انا بعيده عني بشارع وبعدي من قدام بيتها كل يوم من كترما بتصرف بغرابه قدامها هي فكرتني بالله بتكةن قاعده قدام البيت اول ما بتلمحني من بعيد بتدخل وده بيقطع في قلبي او بيفعصه بمعني اصح انا بحبها ومش عايز اكلمها بس جسمي بيخوني لما بشوفها وانا مهتش عارف اعمل اي ؟

السلام عليكم ورحمة الله وبركاته بوست طويل عشان لو حد عايز يسكب من الاول انا لسه مخلصة امتحانات عارفين بالرغم اني نفسي يبقى معنديش مذاكرة وكل الكلام ده الا اني بحب انزل دروس عارفين ليه عشان مقعدش في البيت بكره اقعد في البيت بحسه يخنق كمية خناقات لأتفه الاسباب زعيق وصوت عالي تعليق على اي حاجه (ده اسلوب حياة بس معظم الوقت كنت ببقى في الدروس) رايحة تالته ثانوي بحاول استمتع في الاجازة على اد ما اقدر اعمل حاجات بحبها عامة بنسأل بابا وكده هنطلع مصيف ولا لا يقولنا لا طب ليه هو كده طب هنسافر في اي حته لا طب ليه هو كده الفتره بجد نفسيتي وحشة جدا وبحاول اخرج نفسي من المود بأي طريقه بس الاجواء مش مساعدة في لعبة كده بحبها اووي كنت بلعبها يعني بس بابا قالي امسحها وكده فتمام مسحتها جاية اقوله بعد ما خدت الاجازة عايزه انزلها يقولي لا بقوله ليه يقولي اللعبة دي مش هتنزل تاني (ما تفكوها علينا خلي ربنا يفكها عليكوا بجد) بدون اسباب هو كده ومش هتنزل تاني وانا معنديش خلق اليومين دول اني اتناقش او اتحايل بجد هقعد اعمل ايه طول الاجازة بقيت بكره امسك الموبايل وافضل قاعدة على السوشيال ميديا بجد بحاول انزل تمرين بس انا جسمي بيتعب من اقل حاجه بجد خايفه انزل ومنتظمش

حصلي موقف محرج واتضايقت منه،،،،، صحاب الثانوية العامة بقالي 3 سنين مكلمتش حد فيهم ولا اعرف حاجة عنهم وانا حاليا 3 كلية،، جمعت ارقامهم اللي ضاعت وقولت لكل حد ابعتلي رقم فلان وجمعت الأرقام عملت جروب بعت رسالة قولت ازيكو وكل ده وسلمت عليهم وقولت عايزين نتجمع محدش فينا يعرف حاجة عن التاني راح كله شاف الرسالة مردش، لية حاجة زي دي حصلت ؟

كنت في فرح حد من صحابي امبارح و بعد الفرح لقيت ان حد بيبعت لعروسه صاحبي من صحابها البنات ان هي معجبه بيا و ان طول الفرح كانت مركزه معايا و انا اتبعتلي الكلام ده من صاحبي بس انا مش حابب اتعرف عليها انا من النوع اللي بحب يكون في مشاعر متبادله بين الطرفين و اكون عارف الشخص اللي قدامي قبل اي حاجه و اتكلمنا من قبل كده خايف اقول لا اعمل مشكله لصاحبي مع عروسته لان دي صاحبتها الانتيم بس لحد الان بتهرب

انا نخدم فالجيش والخدمة تاع النظام ماعجبتنيش ومانيش قادر نكمل فيها حاس روحي مربوط وبزاف حاجات ممنوعة فالنظام ماتخلينيش نطور من نفسي قررت نخرج من هاذ الخدمة ونتبع الحلم تاعي بصح والديا ماحبوش وقالولي مانرضاوش عليك كون تخرج دخلوني في ديبريسيو كنت حاسبهم راح يوقفو معايا بصح هوما حطموني وماعرفتش واش ندير تلفتلي ولله

متخيلتش ان هيجي يوم واكتب عن مشكلتي هنا،، بس جاي بمشكلة كليشية جدا،، اتسابت يا اخوننا،، مش قادر لسه اعترف لفسي اني عندي مشكلة،، بتمرن انا كنت ناجح نوعا ما بالنسبة لسني، عندي البزنس بتاعي،، قررت استقر اتعرفت علي بنت بطريقة غريبة فوق ما تتخيلو،، قصة تتعمل فيلم،، مش مصدقها لحد دلوقتي،، بس حقيقي اشبة بالمعجزات، واتقلبت بقت اكبر لعنه تحرق في روحي، مش قادر احكي، انا منهك جدا، الضرب كان في مقتل بس انا لسه عايش،، ملامحي اتغيرت،، ازاي انا كنت بلمع،، مش عايز اقوم تاني، خلصت كدا،، طلبتها في الحلال يشهد ربي،، بس تحججت خوف من ابوها،، انا لسه بحبها،، وميتيهيأليش اني ممكن احب غيرها،، كانت ملاك،، كانت اجمل حاجة شوفتها في حياتي، سحرتلي، واتسحرت بكامل ارادتي، مش عارف مين السبب او ميناللي غلطان فعلي،، بس ابوها السبب الرئيسي،، بيني وبينها بلاد،، هي كانت من بلظ عربية بعيده،، مكنش في غيرها ملي عنيا،، مش قادر علي لحرق اللي جوايا،، صليت ودعيت بس مش قادر،. 💔 الشباب يقولولي اتخطو ازاي العمق ده،،، والبنات تقولي انتو ليه بتختفوا ليه بتقرروا فجأة ،، مش فاهم

هل ممكن اسأل عن احساس الرفض ...انا اترفضت من اكتر حد حبيته و اتحجج بالحرام والحلال بعد ما قعدنا فترة صحاب و كان لذيذ موت بس بجد نفسيتي اتدمرت و ثقتي ف نفسي قلت و بقالي كتيير جدا حاسة كأن حد مات عندي

لو دخلت ع مكان بروحه دايما و لقيت اللي شغال فيه اول ما شافني قال يا نهار اسود نكد بقي لبكرة و هو اصلا ميعرفنيش شخصيا ولا حصل بينا كلام نهائي قبل كده ... ده ماله ده بقي ؟؟!! انا عملت نفسي مسمعتش حاجه ولا بصيتله حتي ومشيت

انا نزلت مشكلتي قبل كده بس للاسف ملقتش حل و مش عارف افكر انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام والتعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته وفهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقیت حاسس اني مقصر مع ان عملت كل الي اقدر عليه بس هما قفلوا كل الطرق وبقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

حسه الحوار غريب اوي اوي اي الي ممكن يخلي راجل بيعشق بنت بيعشقها دي كلمه قليله بجد في يوم وليله يتغير جامد يرجع حد البنت دي متعرفهوش حد مش مفهوم ولما جات تتفاهم معاه كان كل مره يرد عليها أن دي ضغط شغل وفضلوا كده شهر لغايه م قالها نبعد العلاقه دي محرمه هي مرفضتش خالص قالتله تمام بس اديني رقم اختك وانا ابقى اكلمها هي واطمن عليك منها و ابقى صاحبتها بس هو رفض دي معناه اي بجد ولي بقى كده الحوار تفكيره متعب بجد

كان عندي زمان نفس فكرة الشخصية التجنبية هي نمط من الخوف المزمن من الرفض وشعور عميق بالدونية. يهرب صاحبها من التجمعات ليس رغبةً في الوحدة، بل خوفاً من النقد، رغم توقه الشديد للقبول والاندماج

انا لسه خريج السنه الي فاتت و كنت اتعرفت علي بنت من كليتي اصغر مني بسنتين في اخر سنه ليا و كنت دغري اني اعرف أهلها و مخبيش عشان اجي اتقدم ليها رسمي بعد ما اظبط دنيتي حاليا بعد مده كبيره بينا أهلها رفضه فكره أنها تسبب بلدها و تعيش معايا في القاهره مع انهم عارفين من بدايه الكلام و التعارف أني هقعد في القاهره جم بعد ما اهلي و والدي كلم والدها عشان نيجي نظزورهم في قعده تعارف و نعرف العائلتين ببعض بعدها بدقائق اتصل بالبنت انهي الموضوع بعد ما كلمته و فهمت أنهم عاوزين القعده تبقي قرايه فاتحه و منها يجي التعارف و برضه قولنا ماشي المشكله أنه بعد الكلام ده برضه رفض بقي بحجه العيشه في القاهره و حاليا نفسيتي و نفسيه البنت متدمره لان كل حاجه ماشيه كويس و مره واحده بسبب قرار أهلها كله باظ ده بغض النظر عن أي شروط الوضع كان أنهم مكنوش فاهمين ده او انهم كانه بيسجده البنت عشان دراستها و تكمل و يكون مش مجرد الا حافذ ليها عشان تذاكر و تخلص جامعه بس مبقتش انا عارف اصدق ايه ولا مين ولا اعمل ايه بجد انا حاليا مش عارف اعمل ايه بجد الوضع بجد دمرني نفسيا و صحيا و حتي مبقتش مركز ولا عارف انام و بقيت حاسس اني مقصر مع ان عملت كل الي اقدر عليه بس هما قفلوا كل الطرق و بقي حتي اهلي نفسهم رافضين بعد موقف أنهم غيروا الكلام بعد ما كان اتفقنا على كل حاجه و حاليا انا الي تايه

من الحاجات اللي مش عارف اتخطاها. اني في يوم كنت بحب بنت او بعشقها مش مجرد بحبها الموضوع دا كان في تالته ثانوي. طبعاً مقدرتش اقولها حاجة زي كدا فضلت بحب البنت دي ومتعلق بيها سنين كتير حتي بعد ما دخلنا كليات مختلفة. فقررت فجأه اني اعرفها فبعتلها مع بنت قريبتي اني بخبها وعايز اتقدملها. فكان قرارها الرفض بحجة انها مش بتفكر في الموضوع دلوقتي وانا بصراحه اضايقت وحسيت ان جالي عقدة من الموضوع.لحد ما النهارده عرفت انها كانت بتحب شخص وسابها وخطب غيرها. مش شمتان فيها والله بل بالعكس زعلان عليها. وكل ما بقعد مع نفسي بحاول افهم الحكمة من الموضوع. لاني عارف ومتاكد ان دا الخير سواء ليا او ليها 🙂‍↕️🙂

عندي فراغ عاطفي بقالي سنين مش عارف اعمل فيه ايه انا شاب عايز ارتبط بحد بجد من غير سرمحة ولا اضحك على حد بس للاسف كل اما احاول الاقي رفض بطريقة تتعبني من قبل ما الموضوع بيبدا يمكن بتوتر جامد لما بعبر عن اللى جوايا ودا اللى بيقلق البنت اللى بحاول اكلمها بس بيبقي ناتج عن خوف ان انا اذي حد او احرج البنت اللى بكلمها فهل دا له حل وممكن ارتبط فعلا والاقي البنت اللى احبها وتحبني؟ الموضوع صعب وتعبت من التفكير فيه

من شهور كان عندي مشكله وصدفه لقيت البرنامج كتبت مشكلتي والناس ساعدتني وتكلموا معايا واختفوا بعدها لكن في شخص فضل مكمل معايا الحكايه شهرين بعدها وبعدين الظروف شائت ان يحصل اختفاء من الشخص ده وبصراحه نقدر نتواصل تاني بس في خوف ان انا احاول اتواصل ويحصل رفض للتواصل ده او رد بطريقه ممكن تضايقني... خبرايه ... يمكن الشخص يفهم انا اقصد ايه واتمنى لو الشخص ده موجود دلوقتي وبيقرا اللي انا كاتبه.. يا اصدقائي هل احاول ولا احترم الغياب واسكت

الواحد مش عارفه يلاقيها منين ولا منين انا كنت مستنيه مبروك معينه و رغم الناس اللي حواليا بحبه هو و عيزاه هو و هو حواليه ناس تانيه و مش عايزني اساسا ولا الاقيها من صحابي اللي حاسه اني معرفهومش

ازيكم يا جماعه محتاجه اتكلم ف موضوع او مشكله شاغله دماغي وبفكر فيها كتير اوي ....انا متقدملي شخص هو كويس دينيا واخلاقه كويسه جدا بس عنده مشكله معينه كدا وانا مش قادرة اتقبل المشكله دي ف عشان كدا رفضت بس اهلي بيضغطوا عليا وعايزني اوافق وبالذات ماما واختي وبيقعدوا يقولوا كلام بصراحه يجرح ويخليني افكر تاني واحس اني هوافق عشان خاطرهم هما مش عشاني وحاجه كمان وهي اني خايفه ان قطر الجواز يفوتني زي ما بنسمع ف مجتمعنا وعماله اقول لنفسي طب ما اقبل وخلاص بس انا عارفه ومتأكده اني هكون موافقه غصب عني انصحوني بجد مش قادرة اركز وعماله بفكر كتير وانا اصلا امتحاني بكرا مش عارفه اذاكر حاجه😭

اكثر حد حبيته في حياتي عشان لون بشرتي قالي انا عاوز واحده بيضه وانتي مش بيضه وقالي اخد حقن بتبيض وقالي لو بقيتي بيضه هحبك اكثر وجالي تروما من بعدها من الرفض وسبته وبقيت بترعب ان حد يرفضني مع اني مش سمرا انا عادي قمحي فاتح واموره بس بجد اوعي تخلو حد يشرط عليكم حاجه تحت مسمي الحب اللي مش هيحبك زي ما انت سيبه بجد هيدمرك

كنت افكر ما الفرق بين السجائر والكحول اثنينهن نفس الشيء اختلاف بسيط جداً صحيح خطيبتي مش مسلمة وصحيح تعرض منها عليي بالاحتفالات لكن فقط رفضتها مدري ليش ، فعلنا كلشي معاً وفعلت انا اسوء لكن ليش قلت لا؟

مش عارف اقول ايه بس هي ايه الاصعب اني اموت او اني اعيش و افشل يعني لا هكون عشت طفولتي ولا هكون عشت حياتي ديما شايف نفسي قليل متفهم ان في ناس حياتهم اوحش مني بكتير بس انا اعمل ايه في حباتي الي كرهتها و عدت خايف من نظرات الناس ليا حرفيا الناس بقت بتقدر معضها ب الفلوس لما جيت اجرب احب لقيت اني مش مقبول بكل الطرق خايف اكبر و افشل و اكون برضو مش مقبول محدش بيحس ولا حد فاهم حاجه وصلت ل ليفل الي بيقولي مالك عنيا بتدمع من غير م اتكلم و في حاجه جوايا بتفولي هم هيعملولك ايه فوق انا تعبت اوي ولله

كنت احب بنت عمي كانت كل سنه تجي تقعد معنا اسبوع او في المناسبات المهم من احبها من الطفوله وهيك لحين صار عمري 18 بصراحه ما كنت اهتم بحالي ولا بشكلي ولا جسمي ولا اي شي كنت تافهه حرفيا وما صار مواقف كتير بيننا اللي تكون حلوه وهيك المهم كنت في تالته ثانوي رحت زي الغبي اقولها اني احبها علي الواتساب هي قالت إن ما عندها اي مشاعر الي كنت تتكلم معي وهيك لأنها كانت تحس اني بعيد وما انسجم مع الكل و قابلتها بعدها بحوالي اسبوعين ولا كأني قلت اي شي المهم الحين صرت في تالته جامعه وصارلنا 3 سنين ما شفتها وكل شي اتغير صرت اهتم بحالي وجسمي وشكلي وأسلوبي وكل شي كأني انولدت من جديد ايش رأيك صراحه انا عندي كرامه. هي قالت لا بس قلبي رافض اترك حب حياتي يضيع هيك ما قادر اشوف غيرها بليز ساعدوني

اشعر اثنيننا واحد يتلاعب بالاخر ، ما اشعر علاقتنا صحية كثيير اشياء تقولي اي افعلها ثم تختلف عليك وترفض لما انت تفعلها اشعر هي مبرمجة تقول نعم تقول نعم على كل شيء حتى لو تقصد الرفض ابد ما سمعتها تقول لا

انا بدرس ف اولي كليه و بظبط حياتي علي خطوه كبيره اوي ف سني دا للسنه الجايه ان شاء الله بس مش عارف اقول ل اهلي ازاي ان انا عاوز اتجوز عشان عارف ردهم ان انت لسه صغير و خلص دراستك الاول و بعدها ابقي اتكلم و الكلام دا بس انا عاوز علي الاقل اخطب حتي مش جواز جواز لان مفيش حاجه تسمح ب كدا دلوقتي غير خطوبه صغيره بين الاهالي و خلاص كدا و نخلي الخطوبه دي لحد ما اخلص دراسه اكون جمعت مبلغ كويس امشي بيه نفسي بعد كدا ف عاوز حل اقولهم ازاي ان انا عاوز بنت معينه بدري من غير رفض

انا عمري ما عرفت اقول لاهلي لا على حاجه و هم دايما نفسهم اكون انا و اخواتي اتقياء في الدنيا و احسن حد في الدنيا و قرييبين من ربنا بس انا مش فهمه هو ايه المغزى عندهم انهم يرفضوا استايل لبسي الي انا نفسي البسه معرفش ليه مع انه حلو اوي انا كنت عرضت على ماما من شهر ثمانية الي فات و لمحت ليها عن اني بحب النقاب اوي و نفسي اجرب البسه و بتاع المهم بعدها بشهر فضلت اتكلم عنه و قولتلها كذا مره تقول لبابا و كنت متوقعة ان بابا هيوافق لقيته رفض و رفض اكتر من ماما و كلامهم معجبنيش ابدا المهم قولتلهم ماشي و ريحتهم و هم لحد دلوقتي فاهمين اني اقتنعت برايهم لكن انا مقتنعش بي ولا واحد في المية حتى و نفسي يسيبوني لرغبتي و الموضوع داخل دماغي اوي و مأثر فيا جدا و حاسه اني مش هعرف اوصل للي انا عايزاه و في مية حاجز قدامي عشان اقنعهم انا دلوقتي حاسه ان اهلي عقبة بالنسبة ليا مع ان اهلي مش مقفلين ابدا في اي حاجه و بيسيبوا ليا انا و اخواتي حرية الراي مش فهمه ليه بقى عند دي و وقفت انا الموضوع مضايقني اوي انا كل ما افتكر اضايق و قد ايه حاسه ان الموضوع صعب اقعد اعيط ان مفيش ملجأ دلوقتي خالص غير لربنا و والله اعلم هلبسه امتى انا لما اتكلمت معاهم عليه كنت تميت ال ١٦ و حاليا قربت على ال 17 و الموضوع مضايقني اوي اوي بغباء مش عارفه اعمل ايه بقى نفسي البسه نفسي والله نفسي

مشكلتي ان كل ما ادخل في شلة صحاب مره وحده بيعدوا عني من طريق و نص و كمان يعاملوني بأسلوب وحش اوي كمان الموضوع ده معايا من اول ما دخلت الجامعة والله بتعامل معاهم من كل قلبي ولا مره فكرة ااذيهم و لما بحسهم مدايقين ممكن اروح اعتذر و اقلم انا أسفه حتي لو معملتش حاجة دلوقتي انا في 3 جامعه و اتعرفت علي بنوته كنا مع بعض في قروب علشان مشروع و بقينا اصحاب و قريبين اوي و قررنا علي السنه الجديده الي هي 3 نسكن سوا في اواخر الترم التاني لقتها متغيره خالص قالتلي معايا مشكلة و مرضتش تقلي خالص رحت قلت ليها انا موجوده معاكي في اي وقت اتخلت المشكلة و رجعت تمام مره وحده لقتها بتعاملني وحش اويي كلمتها كذا مره و تقلي مفيش حاجة و تعاملني ب اوحش معامله حتي بطلت تسلم عليا و قربت من بنوتات تاني هم معانا في نفس الشله برضوا و كل ما يشفوني ميرضوش يتكلموا معايا او يكتموا لما يجيوا يتكلموا مع انها عارفه انو انا تعبانه ولا بتسئل ولا بتكلمني انا مش عارفه انا عملت اي لكل ده والله الموضوع تاعبني موتت 😭😭😭😭

لما لقيت اللي قدامي بايع خلاص وعمال يبيع ويشتري فيا بعد ما كان اغلي حد عندي واستحملت منه كتير لما حسيت برفضه وانه شاف نفسه عليا هنا بجد استغنيت من كل قلبي عن مبقاش عايزني .. لاني اغلي من كده بكتير وقيمتي اعلي من ان حد يعاملني بالاسلوب ده الفكره بجد ان الانسان لما بتديله وش زياده وتسامحه كتير بيفكر انه حق مكتسب وانك معملتش حاجه

عايز احكيلكوا يجماعة وال مرة بنفس التجربة يقول كان في بنت اتعرفت عليها فترة قصيرة شوية وهي كان في قابليه جدا منها وكان في اعجاب فالاول حتي هي كانت بتكلمني بشكل دايركت عن الحب ف علاقتنا وكدة لحد م واحنا بنتكلم مرة واحدة لقيتها قفلت ربع ساعة كدة ورجعت مسحت الشات كله قولتلها في حاجة حصلت ولا ايه قالتلي لا معلش انت كلامك غريب كلكوا زي اخواتي ف انا مفهمتش بردو ليه مرة واحدة واحنا بنتكلم فالنص وعمالين نضحك ونهزر تعمل حركة زي دي ليه اصلا ف بفكر اكلمها في تو فيس بقا احاول افهم ايه ال حصل بدل م هي سايباني لدماغي كدة وجوايا الف موضوع داخل ف بعض

انا ولدي و ولتي منفصلين بسبب مشاكل كتير لكن اهم حاجها فيهم انو سكير، و انا ف 3ثانوي قررو اني اروح اعيش معاه اجبار و لما سكت و استحملت علي امل انها سنه و تعدي و لما جت المراحعات من فتره طلب اني ارجع استقر عندها تاني لان المدرسه بتاعتي كانت قريبه منها ف ردتلا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، رغم اني كنت متوقع فعل زي ده بس مكنتش متخيله هيجي بالطريقه دي و حاليا واخد وعد علي نفسي ان المعامله تكون علي القد زي الغريب بظبط و مش هروح ليها زيرات تاني

هل لو حد حب حد جدا من قلبه ورجع يقول انا مش عايزاك انت طريقتك واسلوبك مش عاجبني وانا هسيبك عشان اسلوبك وطريقتك مش حلوين معايا رغم انك معرفها اسلوبك وطريقتك في البداية ووافقت وحبتك علي كدا وفي الاخر سابتك تفتكروا هل هي حبتت الشخص دا

هو ليه الناس كلها بتدخل في حياه بعض وكل واحد بيعتبر نفسه واصي و هو فيه العبر .. انا زهقت من الحوار ده و عايش عازل نفسي عن ناس بقالي كتير بتاع 4 سنين وبردو ناس هي اللي بتحاول توقعني في الغلط ومش عارف اعمل ايه. انا مدمن متعافي من 7 سنين و 5 شهور والحمدلله ولا مره انتكست بفضل ربنا .. بس رغم اني قدرت اتعافي لوحدي بس لحد دلوقتي مش عارف اتعامل مع المجتمع ازاي ومنبوء و المجتمع مش متقبلني كأني خلاص طالما غلط مره زمان مليش حق في حاجه ولا اني اعيش زي الناس الطبيعيه طالما بطلت خلاص . 7 سنين ونص وانا بحارب عشان اعرف اثبت للناس ولاهلي اني شخص مختلف بس لسه لحد دلوقتي بحاسب علي فاتوره غلطه كنت عيل و اصلا هما كانو السبب فيها . انا علمت نفسي ازاي اتعافي بس فشلت اني اعلم نفسي ازاي اعيش مع ناس مصيرين يحبسوك في شخصيه انت بتكرها و مصدقت انك عرفت تطردها .

بدأت احس ان وجودي بقي غير مرغوب فيه عند صحابي يعني حتي لو غلطت و اعتذرت اكتر من مره و بطلت اعمل الحاجه اللي بتضايقهم و مع ذلك مفيش ده معناه انهم مبقوش عايزني صح *قبل ما حد يدخل يشتمني احنا بس شدينا مع بعض ف الكلام لاننا بنتخرج و مضغوطين جدا جدا وانا بعمل المشروع كله لوحدي تسهيلا عليهم ووجدتي تعبانه و شغلي مش احسن حاجه و عاطفيا مش احسن حاجه و هما عارفين كل ده و اللي مزعلهم اسلوبي ف الكلام الفتره الاخيره و اني بقيت بتعصب * معني انهم رغم اعتذراتي و اني بطلت اتكلم عن نفسي او اقول اي كلام يضايقهم و لسه متضايقين مني انهم مش عايزني صح و مبقاش ليا مكان بينهم

لاول مره في حياتي احس اني لوحدي قوي كنت مرتبط ببنت بقالنا 7 سنين روحت اتقدمت لها 3 مرات وفي كل مره كنت برجع مرفوض مره يقولوا لسه صغيره ومره لما تخلص دراستها والمره الاخيره عشان عايزه تعيش جنب اهلها في البلد المشكله اني كنت فاكر انها هتكون معايا وهتقف قدام اي حد عشاننا بس الصدمه انها اتخلت عني تماما في الاخر انا بجد حسيت اني اتقتلت وعملت مشاكل كتير مع اهلي عشانها وكنت بقول مش هتجوز غيرها مش قادر افهم هي ليه عملت كده وفي نفس الوقت انا من ساعتها متدمر حرفيا كنت دايما بطور من نفسي ومن شغلي عشان اكون احسن واحد في نظرهم بس كل ده مشفعش الموضوع فات عليه سنه بس انا لسه مش عارف اتخطى ولا عارف ادخل في علاقه جديده ولا احب ولا اهتم بحد تاني ومش متخيل غيرها اصلا هي دلوقتي اتخطبت ونسيتني وانا لسه مش عارف انساها وحاسس اني في متاهه سني بقى 28 سنه وحاسس اني مهدود

حد متقدملي تقريبا هرفضه منغير ما اشوفه او اعرف عنه حاجه . اول سؤال ينفع ا pass it لحد تاني ؟😂 بصراحه بحب حد بس بنتكلم قليل جدا لحد ما ظروفه تظبط فتره دي و يتقدملي . المهم عندي فضول اعرف رد فعله فينغع احكيله ان حد عايز يتقدم ولا هبقا رخمه و بوتره مثلا

جايلى عريس كويس مسافر برة مصر لكن شقته ف مكان بششعععععع ومتنفعش بتربى فيها طيور حتى مينفعش حد يدخل فيها ، اتكلمت معاه ف البدايه ان الشقه مشكله قال هجيبلك اللى انتى عيزاه قولتله براحتك ناجر عادى ، بكلمه تانى يوم يقولى لا انا مش هعرف اسيب مامتى ، ومش هغيب كل دة ولما اجى انزل مصر شهرين ابعدهم بعيد عن امى وامى مش هترضى والكلام كله اتغير ، انا رافضة الشقه بشكل قطعى رغم انى قولتله انى معنديش اعتراض ع شخصة وانى معاه ف كل الحالات بس بلاش الشقه دى ويحاول يشوف حل وسط م بينا ، مكلمنيش من وقتها ولا بعتلى وبعتله مردش عليا ولا رد عليا اعمل ايه اتنازل واقبل بس الشقة قذرة بجد وهو مش عايز اصلا يطرح اوبشنز تانيه ، المفروض اعمل ايه ، اقل حاجه المفرروض يكون ف شقه كويسه ف مكان كويس ولو ايجار حتى

يعني الواحد كل مره يلاقي حد تروح 6امله بلوك يابر namg بضان بجد اي ليه عشان اي اتخنقت بجد كل شويه كلمه يقولك اصل مش عارف اي ضد اي تصل حاجه خرا بجد بقي حاجه ممله اوي مش عارف ماله معرفش وحاولت حتي احذف الحساب مفيش فايده

سؤال محيرني لو انا اتعرفت علي بنت في لعبة بعدين اتكلمنا في الانستا ،وبقالنا 3 شهور يعتبر ،بس في حاحه انا مش فاهمها ،انا عمري مطلبت منها صورة ليها سايبها علير راحتها، قصدي صوة عادية خالص مش شئ تاني ،بس هي اوقات كانت بتبعت من نفسها وبعدها بتحذفها بعد ما بشوفها ،وهي واثقة فيا اني مش هحظها عندي ،بس الفكرة الحوار دا اتكرر كتير ونا زعلت منو وعرفتها إما تبعت حاجه وتسيبها او متبعتش خالص،فقالتلي رد غريب جدا ،قالتي بحذفهم عشان لما تشوفني علي الواقع تتفاجئ اللي هو لما اجي اخطبها ،ومن بعدها معدتش بتبعت اي صورة ليها ،وفي حوار تاني برضو،عمرها مبعتتلي فويس بصوتها ،ڤويس عادي جدا ،عمرها معملتها ،بس كانت بتبعتلي صوتها وهي بتغني ،بس مكنتش بتبعتو ڤويس ،كانت بتبعتو ڤديو والناميرا محطوط عليها صورة سودا ،اللي كان ظاهر الصوت منغير صورة،قلت يمكن بتسجل صوتهغ من علي برنامج لانو في صدى صوت ظاهر ،فعشان كدا مش بتبعتو ڤويس ،بس قلت لها غني منغير مؤثرات و ڤويس مش ڤديو ،رفضت وقالت انها مش بتحب تبعت ڤويس ،ف قفلت الموضوع ،بس لقيتها اخر فارة بقت بتطلب تسمع صوتي ،فلما باجي اطلب انا بترفض ،ولنا اسألها السبب بتقول انها مبتحبش تبعت ڤويس ومش بتبعت غير لقرايبها ،وبالل عليكم محدش يدخل ينصحني ويقولي حرام او حلال و ارضها علي نفسك وكلام من دا ،وشكرا

كنت من فتره حكيت مشاكل حصلتلي ف حياتي ومن ضمنها إني كنت مرتبطه بشخص وللأسف خلاني اخسر أغلى حاجه عندي وكل إللي بيقوله عيشي حياتك لحد م نشوف حل وعمال يرتبط وعايش حياتهولا كأن فيه حد تاني حياته باظت دلوقتي أنا بيتقدملي عرسان وبرفض ف لو فكرت أوافق ف يوم اعمل ايه أنا مبحبش اخبي ف المفروض احكي وهو وقتها يكون ليه الحريه يوافق أو يرفض صح؟ معظم إللي بيتقدمولي معجبين بيا وشايفين إني شخص كويس ومحترم وحقيقي دي أكتر حاجه بتزعلني على نفسي إن الناس كلها تحلف ب أدبي أنا اروح اعمل كده مش قادره أسامح نفسي بجد

انا كنت بحب وحده معيه في التمرين بس هي قلتلي لا و من سعتها انا مبقتش قويس بس قبل ما قلها انا و هي كنا بنكلم كتير و بنتحك كتير مع بعد و كنا بنعد لوحدينا كتير بس لما انا جيت اعترفلها هي قلتلي لا و بعدها بي شهر هي سابت التمرين علاشان عزلت و من لعد ما هي سابت التمرين انا تريتي اتغيرت في التعامل يا عني بقيت اتعمل مع الناس بيطريقه غير الي انا كنت بتعمل بيها طريقة كويسه برده و انا مستني حد يقولي مالاك بس يقلهالي و احنا لوحدينزاو مثلا شله كده مع بعد بس لو كلام ده حصل هقول كل الي جويه

هو طبيعي انو لما يحاول طرف ثاني يرجعلك ويكون مشتاقلك تتقبلو عادي ولكن تكون خايف انك ترجع للمشاكل والإستنزاف العاطفي فتطلب منو انو لازم نصلح الاخطاء اللي فينا احنا الاثنين حتى نستمر في علاقه افضل ونرسم حدود حمراء واضحه يعني ترفض نوع العلاقه القديمه ما ترفض الشخص بحد ذاتو لانو للحين بينكم مشاعر واضحة فيرفض بحجة انو ما يقدر يغير نفسه فـ مافي حل ثاني و تجلس متعلق فيه لكن رافض انك ترجع لعلاقه كانت ظاهريا صحيا لكن فيها كثير مشاكل كان مسكوت عنها يمكن تعتبر من شخصيته I dont know what to do now !

خايفه من بعد التخرج من الكليه خصوصا اني مش حابه تربية و مش شايفه نفشي ف تربية ولا مدرسه خالص بعني ف بفكر بعد نا اتخرج انا هعمل ايه و هبقي مدرسة بجد عايزة اعرف ممكن اشتغل ايه تاني غير مدرسه خصوصا ان لاسف بعد التنسيق الداخلي ف الكليه حطوني ف قسم عربي و عملت تحويل لتاريخ و اترفض ف لما اتخرج المفروض هبقي مدرسه عربي ف دي مش انا و مش عارفه ابقي كده رغم ان كل اللي حوليا بيقولولي اني بعرف اشرح لكن انا بشرحلهم و انا ف صاني جغرافيا عشان كنت بحب الجغرافيا و بحب شرح المدرس جدا جدا ف كنت بشرحها و انا مبسوطه و للعلم مدخلتش قسم جغرافيا عشان تنسيقه اخد اعلي مني بدرجه وبردو تحويلي ليه اترفض ف حسيت ان كل الطرق تؤدي الي روما ف دخلت تربية عام عربي و خلاص و للعلم بردو مقدرش احول كليه تانيه عشان عايزة فلوس اكبر من حياتي و مقدرش اطلب من اهلي اكتر من كده

اي شعورك لما تشوف صورة حبك الأول حقيقي حسيت بشعور غريب وقبضة قلب معرفش السبب ياترى فاكرني ولا نسيني مش مهم معدش ليها لازمة خلاص قصة دامت اسبوعين بس وانتهت النصيب بقا والرفض كان من عندي بسبب فرق السن بس حقيقي صورته عملت حاجة جوايا مش قادرة افهمها حبيته بس للأسف مينفعش فعلا الحب مش كل حاجة

جماعه انا عند 16 سنه و ولد ديما بعاني اني مش بحس شكلي حلو او فيا حاجه غلط او ناقصه علشان كل ما اعترف بحبي ل بنت بترفضني و ده بيخلي استغرب و اشك أن العيب فيا دلوقتي انا عايز وحده تفهمني ليه ده بيحصل

ايه ترشيحات لاماكن خروجات لوحدك وكلمت ناس كتير ومحدش راضى ينزل يخرج معايا ومعرفش ليه بس كله بيقول مشغول والله اعلم وان كانوا مشغولين او لا انا لا بلومهم او غيره كده كده انا شخص هادى لدرجة الملل فا مش انسب شخص الخروجات فا هخرج لوحدى المهم بعيدا عن كل ده حد يعرف اماكن حلوة للخروج لوحدك فى القاهرة او الجيزة

اعترفتلها بإعجابي وحبي ليههاا ف ردت عليا وقالتلي انا عارفة انك شخص خلوق وعارف ربنا وعارف ان مينفعش يبقي فيه كلام بين ولد وبنت ف انا مش عارف هي رافضة ولا هوا علشان حرام وعايز الموضوع يتم بما يرضي الله مش فاهم الصراحة مع العلم قبل ما اعترفلها سالتها اذا كانت مرتبطة او في حد في حياتها وهي ردت وقالتلي لا ومع العلم انا بدرس هندسة وهي بتدرس طب فا لو حد فاهم ردها ده معناه ايه يفهمني

السلام عليكم اولا عندي مشكلة من ٨ سنين انا حاليا ٢٢ سنة بدا الموضوع باني بحب بنت خالتي وانا عندي حوالي ١٤ سنة هي اصغر مني ب٣ سنين وفي الوقت دا كنت خايف اعترفلها..... استنيت لحد ما هي خلصت الثانوية العامة واعترفتلها وللاسف قالت انها بتعتبرني زي اخوها وانها مرتبطة بحد تاني .... طبعا خدت فتره بلا اكل او كلام .... بعد سنتين بالصدفة رحتلهم زيارة و كنا بنهزر ونتكلم مع بعض وحسيت ان خلاص في امل وانها بدات تلمح وانا وماشي من عندهم بحس ان قلبي بيتقطع حرفيا كأني هموت بكرة واخيرا اسف على الاطالة عايز اي حل لمشكلة الحب من طرف واحد

عندي مشكله رخمه شوية وهي بختصار بيقولو الي ف ايدي مش ليا يعني ممكن مثلا احوش مبلغ عشان اخد بي خطوة ف شقتي ويجي اخويا يستلف منو عشان كان بيصب وفلوسو مكفتش مبرضاش اقول لا بس انا كمان معملتش حاجة زاي حجات كتيره شبه كدا

أنا مش فاهمه حاجه ومش فاهمه أنا عايزه اي بجد أنا في تالته جامعه ومرتبطش ولا مره ولا بدي فرصه لحد انت يدخل حياتي وكل ما بيجيلي عريس برفضه حتي لو كانت كل حاجه فيه كويسه وحتي لو من جوايا بكون عايزه دا بس بجد خايفه اووي اووي من يومين في شخص بعتلي مسدج أنه بيحبني من زمان انه مكنشعارف يوصلي ازاي ودلوقتي هو بيشتغل وظروفه كويسه وعايز يجي يخطبني اول ما يظبط دنيته أنا قولتله اني مش مستعده دلوقتي وعملت بلوك ودخلي من رقم تاني وقال كلام كتير اووي أنه قد ايه بيحبني من زمان جدا ولما صدق أنه يعرف يوصلي ويجيب رقمي وكل الي محتاجه فرصه مع العلم أنه اتقدم قبل كدا من وانا في أولي كليه وفضت وهو اصلا عايزني من قبل ما ادخل الجامعه المهم اني سمعت كل الي عنده وقولته اني رافضه المبدأ عموما واني اسفه اني بجرح مشاعره اخر ما تعبت قالي خلاص نكون صحاب بس قولت لا وعملت بلوك تاني المشكله أنا بجد مش عارفه أنا عايزه اي ولا بستني مين ولا بفكر في أي كل الي اعرف اني خايفه من كل تجخ خايفه حتي اجرب ممكن دي تروما بسبب بابا وعاره مش كل الناس زي بعض بس بجد خايفه اووي مش فاهمه المفروض اعمل ايه ومش عايزه حد يتعلق بيا

أنا شاب ٢١ سنه اخر سنه جامعه بمر بتجربة مأثرة عليّ بشكل كبير، وعايز أعرضها بشكل واضح عشان أفهمها وألاقي حل. في البداية، اتعلقت ببنت من بدايه سنه ٣ من نفس دايرتي. العلاقة ماكنتش واضحة أو مستقرة، كان فيها قرب أحيانًا وبعد أحيانًا، وإشارات غير مفهومة. مع الوقت، بدأت أتعلق بيها بشكل أكبر من الطبيعي، وبقيت بفكر فيها كتير. حاولت أقرب أكتر من مرة، لكن كان دايمًا في رفض أو مسافة. حصلت مواقف زي بلوك وفك بلوك، ريكوست يتبعت ويتشال، وقبول يتلغى بعدها بسرعة. ده خلاني أعيش في حالة تفكير وتحليل مستمر لكل تصرف منها. كان اول سنتين امتياز من بعد ما عرفتها انا خلاص بتخرج تقديراتيةبعدها فنازل كنت ٩٥ فميه بقيت ادعي اخرج بمرتبه شرف بس معد مجهود شديد و دايما متدايق و مهموم و في قبضه غريبه فالقلب كده زي ضغطه شديده مع الوقت، بقيت مش قادر أتخطى الموضوع، وبقيت عايش جزء كبير منه في دماغي. رغم إني بحاول أبعد وأقفل كل الطرق، برجع تاني أراقب أو أحاول أتواصل، وكأني داخل في دايرة مش عارف أخرج منها. التجربة دي أثرت على تركيزي وحياتي اليومية. بقيت بهرب باستخدام الموبايل بشكل زائد، وبأجل المذاكرة والالتزامات، وبفقد السيطرة بسهولة وقت الضغط. دلوقتي أنا محتاج أفهم: - ليه بتعلق بالشكل ده رغم إن في رفض واضح؟ - إزاي أوقف التفكير المستمر والتحليل؟ - إزاي أخرج من الدايرة دي وألتزم بحياتي؟ - وإزاي أتعامل مع الإحساس بالرفض من غير ما يأثر عليّ بالشكل ده؟ حد يلحقني ونبي انا مش عارف اسيبها واكله دماغي و دنيتي وقفت بعد ما قطعت من شهرين دلوقتي دماغي مبتفكرش غير فيها هي بس بتعمل ريكوست و تشيله او تعمل فولو و تشيله يظهر notification دماغي تجنن و جسمي يتهرب و يتهز معرفش لي او اي ده

هممم هي مشكلة تافهة مقارنة بباقي المشاكل الموجودة في بنوتة جميلة لطيفة معايا في الكلية بعتلها آد ماقبلتهوش ف انا شخصنت الحوار بصراحة وبعتلها على كل المنصات وكالمتوقع ماقبلتش حاجة فيهم المشكلة اني مش عارف افكر في حاجة غيرها مع اني ماعرفهاش بس مشدودلها بطريقة مش طبيعية واكتشفت مؤخرا ان في كذا شخص عاملينلها فولو ورفضته عموما ف هي كدة مش رفضاني هي مش شيفاني من بابه وبقيت براقب الاكونت بتاعها بطريقة صعبة بصراحة (عملت بلوك لاكونت التيك بتاعي ف براقب من اكونت احطياتي ) حاسسني مهزق اوي بصراحة يا جماعة والحوار دة على كذا شئ اخر (عادات وحشة ، احساس اني عالة ، مابعملش اي زفت ) خلاني اطور كره لنفسي (انت ماتستاهلش حاجة ، انت مالكش كلمة مع نفسك ، كام مرة قولت اخر مرة وبترجع ، شتيمة ، شتيمة ، شتيمة ) بس ودي كانت مشكلتي التافهة التي ليس لها قيمة وياريت تعديها من غير ماتقراها حرصا على وقتك الثمين لاني ماستاهلهوش

أنا شاب بمر بتجربة أثرت عليّ بشكل واضح. اتعلقت ببنت من نفس دايرتي رغم إن العلاقة ماكنتش مستقرة وكان فيها قرب وبعد وإشارات غير واضحة. حاولت أقرب أكتر من مرة، لكن كان في دايمًا مسافة أو رفض، لحد ما التواصل انتهى. من ساعتها وأنا مش قادر أتخطى بسهولة، وبفكر في الموضوع بشكل متكرر وبعيش جزء كبير منه في دماغي. مع الوقت، بقيت بهرب بدل ما أواجه: وقت طويل على الموبايل، وتأجيل للمذاكرة والالتزامات. كمان بقي عندي رغبة أتعرف على بنات تانية كنوع من التعويض، رغم إني عارف إن ده مش حل. حاليًا حاسس إني مش مركز، ومش ثابت، وتقديري لنفسي بيتأثر بسهولة. محتاج أفهم إزاي أتعامل مع التعلق، وأتقبل الرفض، وأرجع أتحكم في وقتي وألتزم بحياتي بشكل عملي.

ليه بجد بيصعب عليا اى عريس جاى يتقدم او بيصعب عليا الرفض دا لاى شخص ف العموم (عريس او غيره)ممكن لان انا بخاف ومش بحب ان اترفض المهم م بالكم بقا قعدت مع حد بيحبنى بقاله كام سنه وبجد مشاعره عليا واو وانا اول بنت ف حياته وكل هذا الكلام الجميل حصل حاجه ف الموضوع متمش يعنى بين الاهل ف اتلغى بجد انا محمله نفسى مشاعره دى، ممكن انا اعجبت بيه اه بس مكنتش لسه حبيته لاننا متعاملناش كتير عشان احبه بس انا صعبان عليا بطريقه معرفش هشوفه بعد كده ازاى ف الجامعه وبجد مش عايزه اتكلم معاه ف نفس الوقت عايزه ادخل اساله انت كويس بجد معرفش فى اى هو الموضوع عادى ولا انا شخصيه توكسيك ولا انا مالى 🥲

انا من يومين دخل كلمني الاكس دا سيباه من 3 سنين مثلا كنت لسه عيله صغيرة المهم انا دلوقتي بقيت انضج وفاهمه انو الحب مش بس كلام المهم رفضت الكلام معاه ف اي حاجه ف قالي طيب هاتي رقم بباكي وانا رفضت عشان مش حاسه انو دا اللي هينفعني فاهمين ف مش عارفة هل دا صح ولا غلط

جدعان محظش يقراني غلط انا كان في match بيني وبين بنوتة على ديتينغ ابب بعتلها bonsior فتحت الرسالة ومسحتني هل انا عملت حاجة غلط ولا شكلي غلط بس ما مبشيش على طرف لساني كويس الحمدلله الموضوع مسببلي اكتئاب شديد كل المشكلة اني كنت عايز اكسر الوحدة بإني اتكلم مع حد ومش بيصدد اي حاجة

عرضت عليها الزواج تفاجئت و لم تجب بلا او نعم في كل الاحوال هو رفض بعد مدة من الصمت ، الان كل الريلز التي تعمل لها لايك توحي بانها تريد هده العلاقة و انها تشتاق لي الشخص الدي عرض عليها الزواج و انها تريدني ان ابادر في الكلام انا خلاص بادرت و انرفضت ، في هده الحالة قاعدة "الرجال هي من تقوم بالخطوة الاولى " تسقط ، من باب المبادئء الخطوة هدي خطوتها ترسل رسالة حتى رسالة فارغة و انا اكمل الباقي معليش ادا انا غلطان قولولي ؟

لي انا منبوذ من المجتمع هو أنا وحش ☹️ مش عارف افضفض ولا حتى هنا مش عارف لي خايف افضفض تقريبا لحد يتريق عليا انا مش عارف انا مش منبوذ من المجتمع اللي في الشارع أو المدرسة بس لا من مجتمع الاهل حتى

بحس ان فيه واحدة في الشغل معايا بتكرهني وبتكره زاميلي فيا من تجنبهم التعامل معايا . في ايام بتقعد في المكان اللي انا فيه عادي وتتعامل معايا وفي ايام تانيه بحس انها بتجنب تواجدي عمدا وتنزل تشوف حد تتكلم معاه المشكلة اني لما بحس بالرفض بتوتر جامد وببدأ اتكلم في اي حاجه حتي لو انا مش عايزة اتكلم فيها مع اي حد موجود وبتعقد من نفسي بعدها ومعرفش اكل او اصلي او اعمل اي حاجه غير اني اندم

سؤالي للشباب عشان محتاجة اعرف رآيهم في موضوع بما انهم شباب زي بعض انا اخويا عنده 26 سنة وييشتغل شغلانة كويسة بمرتب كويس الحمدلله وجاهز انه ياخد خطوو الخطوبة بس عمره ما فكر يتجوز زي باقي الشباب مابتفكر بقالنا فترة ماما بتكلمو في الموضوع شوف بنت ومش عارف ايه ورشحناله كذا وحدة شوف دي وشوف دي مفيش بردو يقولنا لا انا مش بفكر دلوقتي وكمان لسه النصيب مجاش هو اكيد الجواز دا نصيب انا عارفة لدرجة بابا قاله انا هساعدك في تكاليف الزواج متقلقش وانا معاك بردو مفيش انا اخويا وسيم شويتين تلاتة وبنات كتيرر بتكرش عليه من ايام ماكنا في المدرسة لحد الشغل وبنات كتير كانت تيجي تكلمني وتصاحبني لمجرد انا اخته وهو عارف دا كويس وساعات في بنات كتيرر يلمحوله بس بيطنش ومش بيدي اي اهتمام هو تقيل اوووي وهو عمره في حياته ماكلمنا عن اي بنت معجب بيها حتي ولا اي حاجة بجد ولما نسأله يااما يقولنا انا حاسس مش جاهز دلوقتي او لسه النصيب او خايف من المسؤولية وليه اعلق واحدة بيا دلوقتي وهو من النوع الملتزم دينيا شوية ومش بيحب جو الارتباط وكدا فهل دا طبيعي؟؟ هو كتوم اوي مبنعرفش ناخد منه كلمتين ع بعض فعشان كدا قلت اسأل يمكن حد عنده اجابة

ردا على بنت قالت انها حبت شخص ما وهو سابها عشان شكلها الرساله طويله ف يعني كنت حابب اخد راحتي وانا بكتب...... بصي يا بنت الناس اول حاجه لازم تعرفيها ان اللي مشافش قيمتك وهو قدامك عمره ما هيشوفها لو بقيتي شبه القمر الجمال عمره ما كان في الشكل بس لان الشكل نعمه بتلفت العين لكن الروح هي اللي بتخلي القلب يتعلق وربنا قال (ولقد كرمنا بني ادم) يعني قيمتك وكرامتك متتحددش بملامح ولا وزن ولا شكل ولا راي شخص مش ناضج يعرف يقدر اللي قدامه ف الفلسفه احنا كبشر بنميل نفتكر ان رفض حد لينا معناه ان فينا عيب لكن الحقيقه ان اغلب الوقت الرفض بيعكس قصور اللي قدامنا مش نقص فينا مش كل حد يضيع حاجه يبقي الحاجه دي وحشه احيانا بيكون هو بس مش عارف قيمتها والحب الحقيقي عمره ما كان مبني على شكل لان الشكل اول حاجه العين بتشوفها لكن اخر حاجه القلب بيختار على اساسها ( وعن تجربه في بنات وشباب كتير شكلها حلو وهتبقى بتنور بس الله غالب حياتها قبل عامله ازاي) اللي يحبك بجد هيحب ضحكتك وطريقتك وكلامك ووجودك قبل اي حاجه تانيه واللي يخليكي تشكي في نفسك دا شخص مكانش حب دا كان اعجاب مؤقت او احتياج وانتي جميله غصب عن اي حد مش علشان حد قالك ولا علشان حد وافق على كدا انتي جميله لان ربنا خلقك في احسن صوره ولو حد مقدرش يشوف ده فدي مشكله نظر ف عينه و في قلبه (يا رب يتعمي ) هو مش في شكلك انتي فمتخليش شخص فشل يحبك يخليكي تكرهي نفسك لان اللي يستاهلك هييجي يوم ويشوف فيكي حاجات انتي بنفسك مكنتيش واخده بالك منها

تروما من فتره بسبب موقف حصلي انا عرفت واحده من حوالي ٣ سنين حبيتها جدا وهي كانت فعلا كويسة وتستحق ده لكن الي حصل اني قابلت العكس تماما من امها والي كانت رافضة علاقانا بشكل قاطع وبلا سبب واضح حتى وحتى لما حاولت ادور واعرف هي فعلا رافضة العلاقة لمجرد وجودي انا ك شخص مش عشان حاجه معينة انا عملتها او عشان سبب منطقي هو رفض لمجرد فرض السيطرة او ما شابه، حتى لما عرفت ان كان في حد بيحاول يكلم نفس البنت قبلي امها كل الي قالتهوله تعالى اخطبها، وعلى الجانب الاخر انا مرفوض بشكل مستفز، وخلاص انا تقبلت الواقع وقررت اكمل معاها وربنا يقدم الخير لكن الي حصل ان امها اتعدت حدودها جدا من شتيمة وقلة ذوق وادب رغم ان امها دكتورة والمفروض متعلمة يعني، الموضوع وصل لان اخر مرة البنت طلبت مني اشوفها لان كان بقالنا فتره منعرفش حاجه عن بعض بسبب امها وروحت وبعدها ب شوية امها جات وشافتنا والي اتفاجئت بيه ان انا حرفيا اتجمدت ومعرفتش اتحرك رغم اني ف العادي انا مش كده ابدا وامها تقريبا خطبتني ف وشي بحاجه انا حقيقي يدوب فاكر الموقف كانه كان حلم، من ساعتها والموضوع ماثر ف نفسيتي، والاسوا اني مازلت مش عايز اسيبها، وده لاسباب كتير زي مثلا اني حاسس لو سيبت هبقى ضيعت حقي قدام امها وف نفس الوقت انا فعلا عايزها وهي عايزاني. حابب اخد رايكم مع العلم ان في تفاصيل امتر من كده بكتير بس مش عايز اخد من وقتكم اكتر من كده

كل صحابي بيتخطبوا ويتجوزوا وانا علشان عامله عمليه قلب مفتوح بخاف اوي من الرفض لو حد اتقدملي دايما عندي شعور اني هترفض فاممكن فعلا لو حد فيكو جه اتقدم وعرف ان البنت دي عامله عمليه قلب مفتوح هيرجع في قراره ولا عادي؟

شباب انا عايز اعرف بتشقطو ازاي انا لما ادخل لبنت اقولها اي عشان اترفضت اكتر من 781 مرة فحد يقولي الحل وادخل اقول اي وكدا عشان زهقت ولله العظيم كل ما ادخل لبنت بكذا طريقة اترفض واتبلك مش عارف اي السبب

ف موضوع عايز اتكلم فيه بس مش هيفهمني غير ال نفس سني انا عندي 16 سنه عارف اني لسه صغير وكل الكلام ده بس انا اترفضت كذا مره بدون سبب بالنسبالي اترفض بسبب شكلي معني انا شكلي مش وحش وعندي ثقة ف نفسي بس مش عارف ايه السبب ويبين للناس أن انا مش فارقة معايا لكن انا فعلا الموضوع بيأثر فيا بطريقة كبيرة ويبقي مكسور انا عارف ان موضوع الارتباط حرام بس انا مش مضتدايقتش غير موضوع الرفض لدرجة أن انا مكنتش حاطط الموضوع ف دماغي بس بقيت بفكر فيه جدا اتمني حد يفهمني

الخزلان والتخلي والرفض كل دى مشاعر صعبه ع اى حد أنه يحس بيها بس الحياه ليست دائما عادله ولا هي جنه بطبعها .. دى مشاعر زى مشاعر تانى كتير لازم ف يوم من الايام هاتواجهها .. مش الصعوبه في المشاعر ف حد ذاتها ولكن الصعوبة ازاى تستقبلها والأهم من كده انك تتعلم ازاى تواجهها وللكلام بقيه

اخواتى وحبايبى اللى فضهرى انا قعدت مع صاحبى فسكن من يومين بالظبط دا تالت يوم ليا هو قاعد فشقه ملكه مش بيدفع ايجار ورافض كل الرفض ياخد اى ايجار منى حاولت معاه بكل الطرق ورافض تماما اقدر اعمل اى اعوض بيه دا عشان محسش انى متقل عليه ( ممكن ادفع باقه النت والكهربا ) اقدر اعمل اى تانى ؟

عارفين فلم اكس لارج لما دينا وقفت جمبو وحسستو ب اهتمام وحب وكان حرفيا بيعمل كل حاجة عشنها يعني هوا عمل كل حاجة حلوة وكان عيبو الوحيد فشكلو انما دينا كان اه شكلها حلو بس بتتعصب بسرعه وفيها عيوب تاني هوا حبها وخبا عليها عشان مكسوف من عيبو ولما حس انها حبتو وصرحها كسرت بخطرو ولما اتغير فل الاخر عمل نفسو ميعرفهاش عشان هي عاوزه حد منغير عيوب هنا بتكلم علي حاجة وهي ان الكل في عيوب لاكن محدش بيشوف عيوبو

بعد حب تلت سنين في السر كنت بحبه بحبه اوى بجد كان كل حاجة ليا اه مرتبتناش بس كان هو اكتر حاجة موجود جمبي مريت بكتير اوى معاه اه لو يعرف كنت بحبه قد ايه او عملت ايه من وراه عشان بس اقدر اقربله انا مشكلتي اني مش بعرف اتعامل مع ولاد عموما يعني لاني خجوله اوى من شكلي و جسمي و خصوصا اني تخينه شويه هو الوحيد الكان جمبي اشوفه بينجح في درسته عملت المستحيل عشان اوصل لي الهو في اشوف بينجح في حياته حولت بي كل الترق بسبب خسيت كتير عشان يشفني حلو بس عملت كل حاجة اقدر عليه تلت سنين بتمنه بس انه ياخد باله من وجودي و فعلا عمل كنت قريبه منه لدرجت كان بيقلي حجات عمره ما قله لي حد كنت اقرب صحبه عنده تقريبا و لمه الدراسه خلصت و عرفت اني مش هقدر اشوفه تاني عملت اخر حاجة اتوقه من نفسي اني اعمله اعترفتله بي مشعري و بي حب التلت سني و في الاخر ايه رفضني و بعد بعد كل ده قلي اني عمري ما حولت اوضحله حبي و هو الكان لو اتكلمت مع اي ولد في الدروس او في اي مان كان بيتخانق معايه و هو الكان بيقلي الكل ارتبت الى احنا طب ايه بعد كل ده قلي انتي اقرب صحبه ليا و اقرب اخت و انا عمري ما شفتك غير كده بعد ما قلبي اعصر من حبي فيه في الاخر ده جزاتي و اهو دخله على السنه معرفش حاجة عن اكتر واحد كنت عرفه عنه كل حاجة 🙂

جماعه انا من زمان ونفسي اسافر برا أدرس أو اشتغل بس الاقامه برا دائما كانت حلم من ثانويه عامه وبدأ الموضوع قولت لاهلي عاوز اسافر اكمل بعد الثانوية دراسه في روسيا طب أو هندسه بس ماحدش وافق كان معاهم الي يسفرني يعني مافيش سبب ف قررت ما ادخلش امتحانات تالته ثانوي وقولت علي اساس اجيب مجموع عالي لانه السنه دي كانت مشاكل وخناقات وكنت بقعد برا البيت ب الايام قررت القرار ده وبلغتهم قبل الامتحان علي طول ماحدش كان عارف في ساعتها ضربوني وقالو لأخواتي ماحدش يكلمه ولا كانو بيخلوني اكل معاهم لاكتر من ست شهور عشت ايام صعبه علي شان قرار بسيط المهم في الاخر ماعرفتش اذاكر في السنه التانيه بس قولت لازم ادخل الامتحانات وانجح والحمد لله نجحت ودخلت جامعه وخلصت بس لسه فكره السفر مدمراني و واخده تفكيري و حياتي كلها وهي سبب اني اخد قرارات غلط كتير وحاليا بدور اني اعمل فيزا برا بس موضوع الفلوس المنيره الي بتاخدها الفيزا هو الي متطلني اكتررر😅😏😑

يا اخوان انا لم اعد اتحمل قلبي انفطر من حبي لها تَرَاهَا تَدْرِي أَنَّ قَلْبِي يَهْوَاهَا وَلَا يَرْفَعُ لِي جَفْنُ إِلَّا لِأَرَاهَا أسطوري لِحُبْهَا تَغْدُو جِيَاشَتَا أم أن الوَصْفَ لِجَمَالَ مُحَيَّاهَا مَا الشَّكْرُ فَاعِلُ بِعَقْلِي مَا أَنْتِ فَاعِلَةُ " وَلَا قِيمَةَ لِسِحْرٍ أَمَامَ سِحْرٍ عَيْنَاهَا خَجُولٌ أَنَا فِي الكَلَامِ، وَفَاهِي لِلْحُبِّ عَاجِزُ فَصِيحُ أَنَا فِي الوَرَقِ، وَقَلَمِي يَحْكِي جَرَّاهَا أَصَابَنِي سَهُمُ الْحُبُ وَاشْتَعَلَتْ مَشَاعِرُ الشَّوْقِ مُزْهِرَةً كَخَدَاهَا يَا قَلْبُ لَا تَكُنْ سَهْلَ الْمَنَالِ فَتُعُدُو مَكْسُورًا لِرُؤْيَتِهَا وَحُبَّاهَا أثَالِثَ الأَطْرَافِ أَنْتَ مُتَتَمْلاً أَنْ تُبَادِلَكَ يَوْمًا مَا أَنْتَ تَرَاهَا أمل أَنْ الْفُظَ مَا أُمِلِيهِ لَكِ وَأَلُومُ عِزَّتِي لِرَدْعِهَا حُبَّكِ أمجنُونٌ أَنَا لِنُزُولِ دَمْعِكِ وَمَسْحُورُ أَنَا لِأَبْقَى مِلْكَكِ خايف اعترفلها وترفضني للعلم هي اكبر مني ب 6 سنوات وحبي لها منقطع نضير وهي جارتنا

السلام عليكم ورحمه الله وبركاته انا شاب حاليا عندي 19سنه بحب بنت من 6ابتدائي عارف انه يبان موضوع تافهه لاكن انا مش قادر انساها حاولت كتير اوصلها وحصل مشاكل واتقابلت بالرفض اكتر من مره واصلا من البداية إن الحب من طرف واحد لاكن اعمل مش قادر انساها كل يوم بفكر فيها وبحلم باليوم اللي تكون معايا فيه بالوهم طبعا لاني عارف انه مش هيجي رغم اني حاولت كتير انساها وكلمت بنات كتير غيرها لاكن هيا مختلفه وبجد مش عارف اعمل ايه

كنت بتكلم دايما ان عندي جفاف عاطفي وبدور على شريك حياة وان أغلب شغلي رجالة وكل ده بس المهم كان من فترة 8 شهور كده في بنت في نفس مجال شغلي متدربة وفي مكان منافس لمكاني اكيد لانه مجال واحد وشغلنا بنكون كلنا في جروبات واحدة وهي كانت بتطلب مساعدات في شغلها وحاجات بفضل الله محدش في مصر يعرفها غيري مش غرور والله بس بحكي عادي بدون ذكر الوظيفة المهم فضلت اساعد فيها كتير وهي لما كانت بتعوز حاجة تكلمني فضلت افتح معاها سكة كلام لكن كانت بترد على القد ومرة واحدة لاقيت ستوريهاتها مش بتظهر عرفت انها مسحت الرقم أستغربت طب ازاي ده محدش كان بيساعدها غيري وهي متدربة متعرفش حاجة وانا كنت بساعدها وانكشها واهزر معاها ومديها طاقة وأجواء عشان تعجب بيا لاقيتها مش مهتمة نهائي وكنت مستغرب فجيت مرة اكلمها مردتش وبعتتلي بعد يومين تطلب مساعدة قدمتهلها وفتحت معاها موضوع عن الدراسة تقريبا لاقيتها للمرة الثانية مرديتش بس انا إللي مش بيرد عليا مش ببعتلو تاني انا بس كنت بكلمها وبترد غلى القد ومن وقتها مفيش بيننا كلام ولا سلام رغم اني كنت بساعدها كتير واحكيلها عن كل صغيرة وكبيرة السؤال هو البنت لما تكون داخلة مجال وتشوف حد تقيل معاها ومميز مش ممكن تعجب فيه ولا وارد تكون مش مهتمة ؟

انا كنت مخطوبه من سنه ونص وفركشت خطوبتي لأسباب تافهه كل ماافتكرها بزعل اوي لاني كنت بحب الشخص ده ومازلت حاسه اني متعلقه بين ونفسي يرجعلي المهم اني من ساعه ما فركشت وانا بيتقدملي عرسان كتير اوي وانا برفضهم ساعات بيبقى أسباب منطقية وساعات برفض لأسباب تافهه عشان خايفه من حتته التعلق بالشخص واني احبه ومنكملش مع بعض في الاخر متقدملي اليومين دول عريس حساه شخص لطيف ومتفهم وحنين بس انا مش عارفه اتقبل شكله لانه مش وسيم ومش زي النوع اللى بحبه في الرجاله وخايفه اوافق عليه تروح عليا فرص جواز احسن من دي حاسه اني لو استنيت شويه هلاقي الشخص اللى نفسي فيه تنصحوني اعمل ايه

شباب انا ليه بترفض من البنات بعيدا عن سني انا 15 سنة بس كل ما اجي اتعرف علي بنت قدي او اصغر او اكبر مني بترفض مجرب اكتر من 738 محاولة فاشلة اذا مكنش اكتر فياريت تقولولي اي السب وليه بيحصل كدا

يمكن مكانتش من نصيبك بس كفايه ان انت حاولت اي يعني لو قدمت علي شغل واترفضت اي يعني حبيت حد ومحبكش واي يعني رميت قلبك في حضن حد ومحضنكش واي يعني اتكلمت من قلبك وماحدش فاهمك هي اكيد بتوجع بس الندم بيوجع اكتر الفرصه اللي راحت عليك من غير ما تحاول بتفضل توجعك سنين انت ما جربتش تفشل انت جربت تحاول انت ما خسرتش اي حاجه بالعكس انت كنت شجاع كفايه تقف وتقول انا هنا مش كل محاوله بنجربها بتكون ناجحه بس كل محاولة بتقربك من اللي ليك وكل باب بيتقفل هو في الحقيقه باب بيبعدك عن اللي مش ليك مافيش حاجه راحت منك وكانت هتكون ليك ولو راحت بسيطه ماكنتش ليك من الاول فارفع راسك وافتكر ان انت حاولت وديما افتكر ان انت كنت اجرى من ناس كتير قررت ان هي تستخبي ورا الصمت واهو حتي لو النتيجه ماكنتش في صالحك تبقي جربت وكفايه قوي ان انت حاولت

جَحَدَت عَيناكَ زَكِيَّ دَمي أَكَذلِكَ خَدُّكَ يَجحَدُهُ قَد عَزَّ شُهودي إِذ رَمَتا فَأَشَرتُ لِخَدِّكَ أُشهِدُهُ وَهَمَمتُ بِجيدِكِ أَشرَكُهُ فَأَبى وَاِستَكبَرَ أَصيَدُهُ وَهَزَزتُ قَوامَكَ أَعطِفُهُ فَنَبا وَتَمَنَّعَ أَملَدُهُ سَبَبٌ لِرِضاكَ أُمَهِّدُهُ ما بالُ الخَصرِ يُعَقِّدُهُ بَيني في الحُبِّ وَبَينَكَ ما لا يَقدِرُ واشٍ يُفسِدُهُ

السلام عليكم يا جماعة انا مبعرفش اتعامل مع اي راجل في الدنيا واكتشفت اني عندي مشكله نفسية مش خجل بس لا هي مشكله وتعباني نفسياً وموقفه حالي ب نفسي لأني بقالي سنتين برفض رفض تام أي راجل يتعامل معايا وبتوتر جدآ لو اضطريت بقعد اتلجلج وصعب عليا انا مش عارفه احكي ل مين الدايره المحاطه بيا عمرهم ما هيفهموني ومش عارفه اتجهه لثيرابي ولا لا بس حقيقي الموضوع مؤذي نفسياً وتعبت

أولا أنا متخطيتش ومش عارفة ازاي اتخطى الموضوع ثانيا أنا مختلفة عن قصتكم شوية لأني شايفة أنه أنا الشخص المؤذي في العلاقة أنا عندي ابن عمي سننا متقارب فرق بينا بس سنتين وأنا معنديش أخوات أولاد ف هو كان بالنسبة ليا أخويا الكبير اتربينا مع بعض وكنا في المدرسة مع بعض يعتبر بتحامى فيه أنه أخويا الأكبر مني معاي ف المدرسة بيحميني من أي حاجة وكل حاجة كان بيجيبلي أي حاجة عايزاها من غير ما أطلبها حتى.. لغاية ما كبرنا ووصلنا الجامعة كنا في نفس الجامعة وعلاقتنا ما زالت زي ما هي حلوة وبما أنه هو أكبر مني كان دائما بيساعدني في أي حاجة مش عارفة أذاكرها أو مشروع مش عارفة أخلصه يعني كان بيسهل عليا الدنيا حتى فترة ثانوية عامة هو أكتر حد كان مهونها عليا لكن للأسف آخر فترة لاحظت طريقته اتغيرت معايا بقى بيتعامل مش بطريقة الأخوات اللي متعودة منه عليا حسيت أنه بيتقرب مني بشكل تاني وبيلمح لأنه بيحبني وعايزنا نرتبط ف أنا بوظت العلاقة عشان مديهوش أمل بأنه في مجال لكدا لأنه هو بالنسبة ليا أخويا وبحبه كأخويا مش زي ما هو بيفكر فيا أنا جرحته اوي وحاسة إني مؤذية اوي بالذات أنه هو عمره ما أذاني بس حسيت لو علاقتنا استمرت زي ما هي ده هيديه أمل أنه ممكن يكون بينا حاجة بعدين أو أنه يحبني أكتر مش عارفة أتخطى اللي عملته وكد ايه أنا كنت مؤذية معاه

انا حزين جدا طول عمري بشتغل وبصرف على نفسي وبجيب اللي انا عايزه وعمري ما كنت بحوش فلوس عشان بشوف ان لو ما انبسطتش دلوقتي هنبسط امتى يعني.. بس من سنتين كدا بدأت أغير الفكرة دي وقررت أحوش فلوس وفعلا بدأت أشيل فلوس شهر ورا شهر عملت رقم محترم جدا وجبت دهب وشيلته وكملت تحويش وفي رمضان قررت أخطب وشفت بنت محترمة وأهلها محترمين وخدت أهلي واتقدمنا وما رضيتش حتى أتواصل معاها من وراهم عشان ربنا يباركلنا بس للأسف النهاردا ردوا علينا وقالوا مفيش نصيب.. 🥹🥹

مش عارفه ابدء منين بس الفتره دي انا اتقدملي شخصي صالونات ووافقت علي المقابله ولكن انا عندي مرض مزمن وبحس دايما ان الموضوع دا بيخض اي حد خصوصا ان لما بتكلم عن الموضوع دا ف المقابله بشوف تعابير الوجهه ورد الفعل ، علي الرغم من اني مش بوقف محاولات وسعي وبجتهد ودكتوره الحمدلله واهلي كمان منفصلين ومريت بظروف اجتماعيه ونفسيه صعبه والحمدلله ربنا بيعيني بس الناس مبيشفوش المحاولات ولا حاجه الا النقص اللي عند الناس والحاجه اللي مش بإيدهم، انا مش زعلانه الحمدلله اكيد ربنا شايلي الاحسن ولكن فيه شويه زعل بسيط مش عارفه مصدره بالظبط بس خير اكيد اعتقد دي مشاعر طبيعيه الحمدلله.

محتاجه نصيحه عشان بجد انا مخنوقة. ومعلش مقدماً عشان الكلام كتير. دلوقتي انا خلصت الثانوي من سنه ومجموعي كان وحش جداً(كنت بعيد السنه دي)+(مكنش عايزه ادخل ثانوي اصلاً من البداية)، فكان قدامي خيارين يا ادخل جامعه خاصه، يا اقعد واتعلم انجليزي وبرمجه او جرافيك ديزاين. ف انا عملت استخاره لو جتلي الجامعة اللي انا عيزاها ان شلء الله هدخلها ولو مجتش هكمل كورسات، الاول عملت تنسيق وجالي معهد ومش معتمد، حاولت اغير فمنفعش ولسا هستنى للسنه الجايه، فقولت لبابا مش لازم جامعة وهضيع اربع سنين على الفاضي وفي الآخر مش هشتغل، فأنا هاخد كورسات واشتغل بيها من البيت، وبدأت كورس انجليزي بعد الكلام دا بعد حوالي تلت شهور من المحايله عليه عشان هو مش عايزني اكمل تعليم ولا اخد كورسات ولا اي حاجه ويفضل يقولي البنت ملهاش الا بيت جوزها والكلام دا. المهم كورس الإنجليزي عشان اتمكن منه الموضوع محتاج سنه رحت اربع شهور والشهر دا مرحتش عشان محتاجه استريح شويه + احوال الطقس مش كويسة خالص.دلوقتيانا ولا بدرس ولا بخرج وصحابي مش بشوفهم غير مره في السنه حرفياً ومفيش تواصل بينا اصلاً، فأنا زهقانه ومخنوقه جداً وقاعده في البيت 24 ساعه مبعملش حاجه غير شغل البيت وباقي الوقت نايمه، وكل شويه حد إذا كان من اخواتي او قرايبي يقولولي انتي ملكيش لازمه مبتعملش حاجه غير النوم وكلام كتير. فانا قولت لماما اني هقول لبابا اني عايزه اشتغل ( واسهل حاجه في حصانه)( انا قولت لبابا اكتر من مره ويا يرفض او يماطل ويفضل يقولي بعدين بعدين وفي الاخر يقولي لاء، و في حاجات كتير مش الشغل بس). وهي قالتي لاء وانه هيرفض وهيقولك معنديش بنات تشتغل، لو عايزه تفكي عن نفسك روحي مقرأه يا كدا يا لاء. وانا مش عايزه اروح مقرأه عشان مش عايزه اخد تجويد ولا قراأت ولا تحفه ولا الحاجات دي وكل المقارئ بيدو الحاجات دي الزامي (ماما راحت وقعدت خمس سنين وفي الآخر محفظتش غير عشر اجزاء). فأنا بجد تعبت وزهقت ومش عارفه اقنعه ازاي، دا حتي موبايل مش راضي يجبلي واحد ليا لوحد يقولي هتعملي بيه اي، اقوله طب عايزه لابتوب عشان اشتغل عليه يقولي في حاجات اهم محتاجينها، ومن زمان العاده دي فيه، اقوله عايزه حاجه يقولي استني شويه شهر شهرين ويراضيني زي العيال الصغيرة ولما استنى واجي اكلمه تاني يقولي لاء هو انتي لسا منستيش. مع اني بفضل اعشم نفسي بأمل كدب واقول يمكن يصدق مره ويفرحتي وميخذلنيش بس برضو دايماً بتخذل. الموضوع بقى لدرجه اني مبقتش بطلب اي حاجه خالص. ولو قولتهم انا مش بطلب حاجه يقولولي محدش منعك ولو طلبت بيرفضو. حالياً بابا مسافر من كذا سنه عشان بنبني بيت (احنا حاليا قعدين في إجار) بعد البيت هيقولي اخوكي عايز يتجوز وبعد أخويا هيقولي انتي خلاص داخله على جواز فسيك من الكلام دا وكلام فارغ. فبجد بجد والله انا تعبت وزهقت من الوعد الكدابه ومبقتش عارفه اعمل اي ولا اتصرف ازاي.

أنا عايزة أتكلم في حاجات أنا مش مرتاحة خالص الفترة دي. أنا كان في ولد عرفته من فترة حوالي 6 شهور، عارفين بعض عرفته من جروب مشترك كان بنات وولاد، تمام، واحنا كنا بنتكلم عادي، احنا أصدقاء، ما فيش بينا أي حاجة. مع إنه بعد فترة من تعرفنا اعترف لي بحبه مرتين، وأنا رفضته، كنت بقول له خلينا أحسن أصدقاء علشان ما نخسرش صداقتنا، وأنا ما كنتش حاسة بأي حاجة تجاهه ولا أي حب ولا مشاعر ولا أي حاجة خالص، كنت شايفة إن احنا أصدقاء بس. المهم كان بيختفي ساعات، بيرجع تاني، بيقول لي إن حصل معاه مشاكل، فأنا كنت بقوله تمام، ما فيش مشكلة. المهم جه الفترة اللي فاتت دي، آخر فترة، كان بيفتح تاني معايا موضوع الارتباط، وإن هو بيحبني، وقال لي "أنا بحبك حتى لو أنت مش بتحبيني، أنا هفضل أحبك، وحتى لو أنت مش هتحبيني، أنا هخليك تحبني كده بالعافية". وأنا قلت له "ما فيش حاجة اسمها بالعافية"، قال لي "بس أنا بحبك وهفضل أحبك حتى لو أنت مش هتحبيني". المهم بعد كده، احنا حاليًا بنتكلم بس، أنا مش مرتاحة، أنا ماما كانت عرفت إن بتكلم معاه وقالتلي متكلميهوش وهو من المحافظة مختلفة عن المحافظة بتاعتي، فأنا كنت يعني حاسة إن هو عادي إن احنا بنتكلم، وإن مش هيحصل لي مشاكل علشان هو في المحافظة مختلفة، والكلام ده كله. بس أنا حاليًا مش مرتاحة، وحاسة إن علاقتنا مش عارفة هي هتروح على فين، حتى لو هو بيحبني وأنا مش بحبه، وهحبه مع الوقت، أنا مستحيل أهلي يوافقوا عليه كزوج مستقبلي، ولا أنا حتى مستحيل أخليه أبو عيالي لأسباب كتير، وأهمها إن هو كان بيشرب سج*اير و حشي** وأنا اللي خلته يبطلها، غير كده إن هو اتحبس في خناقه قبل كده وخرج منها. أنا بتكلم مع إن هو صديق مش أكتر، فعشان كده مش فارق معي كل الحاجات دي مع أنه طيب وكويس بس مشاكله كتير أنا مش عارفة علاقتنا هتمشي لحد فين، ولا إيه اللي هيحصل، بس أنا عايزة أبعد عنه، ومش عارفة، وخايفة أشيل زنبه، وفي نفس الوقت هو يعني أكسر قلبه أو حاجة زي كده، مش عارفة أعمل إيه. كمان أنا أتعرفت على شباب تانية احنا اخوات بس ، وأنا والله أخلاقي مش وحشة ومحترمه جدا وكل الناس بتحلف بأدبي واخلاقي ولا عمري اقف اتكلم مع ولد في شارع ولا حاجه ولا إن أنا بكلم ولاد كتير طول الوقت ولا الكلام ده كله، احنا من عيله محافظة جدًا، وأنا مش بحب إني أتعامل مع شباب طول الوقت. بس أنا ساعات بلاقي ناس بتدخلني جروبات غريبة كده، وعادي برتاح فيها مع الكلام مع الناس، والكلام ده كله، أغلبية الوقت كمان بيبقوا في مدن ومناطق ومحافظات مختلفة عن اللي أنا فيها، وساعات بلاد مختلفة. في شباب أنا عارفاهم حاليًا، هم معتبرين أخت، وأنا معتبرهم أخواتي، وما فيش أي حاجة بينا خالص، بس أنا برضو مش مرتاحة، يعني حتى وهم أخواتي، وما فيش حد فيهم معترف لي بحبه، ولا في حد فيهم بيحبني، ولا أي حاجة خالص، ولا أنا بحبهم، بس برضو أنا مش مرتاحة، ومش عارفة أعمل إيه، ومش عارفة أنسحب من كل الناس دي إزاي، وكل يعني ناس كتير قوي في حياتي. أنا لو بعدت عنهم هم يعرفوا يوصلوا لي تاني، ويعرفوا يجرعوا ويحاولوا يكلموني تاني علشان أنا يعني شبه بقيت شخص مهم جدًا في حياته، ما بقيتش عارفة أعمل إيه . اسفه علشان طولت عليكم

السلام عليكم ليا صحبتي من 15 سنه اعترفتلها ب حبي ليها لاني حبيتها فجاه و اترفضت ب حجه ان احنا طول عمرنا صحاب و لو بقينا غير كده هنخسر بعض الموضوع تاعبني نفسيا جدا و صعبان علياا نفسي مشعارف اعمل اي ده مختصر بسيط لو حد مر ب حاجه زي كدا مشكلتي كلها ان صعبان عليا نفسي جامد و بقيت حاسس ان انا فيا مشكله لما اترفض منها بالزات

عارفين الناس و خصوصا البنات البتقعد تدعي بشخص معين و كأن الحياه مش هتكمل الا بوجوده . و بصراحه يا جماعه متخيلتش دا يحصل بس انا عرفت ان شخص بيدعي بأسمي مع اني رفضاه . هو اي بيوصل الانسان لكده ؟ هل ده طبيعي ولا ناس دي عايشه فوهم و بتأذي نفسهم و بيعلقوا نفسهم بحاجه مش عارفين يمكن مش فيها الخير . بس بيجي فبالي سؤال انا بحب حد و مكنتش بدعي بيه و هموت عليه اوي زي اسلوبهم كدا يبقا مبحبهوش ولا ايه .

ايه هوا الحب: مين فينا وهوا صغير او وهوا كبير مجتش في باله فكره الحب اللحظه الرومانسيه الهاديه مع الشخص الكامل صاحب المواصفات الجميله الطبع والشخصية والجمال لكنها دايما بتبقى لحظه في الخيال عشان لما بتحاول وتلاقي الشخص اللي بيبقى في عيونك كائن ملائكي نازل من الجنه وكل نظره قادره أنها تحسسك بشعور غريب أكن روحك انتفضت ودفاء مش مفهوم لاكن مر الحقيقة بينسيك كل دا لأنها مش قصه خياليه الناس الكامله دي بتبقى عايزه ناس شبها ودا حقها وفي اللحظه دي لما الرفض بيجي الكائن الملائكي بيكون سبب في دمار نفسيتك وحبك لنفسك وتبدأ تكبر والحب ياخد عندك فكره مشوهه وتبدأ تشوف الحب شهوه جسديه وتبدأ تلوم الشخص اللي كنت عايزه والسؤال هنا مين الملام الحقيقي؟

انا مليش خالص فى جو الحب بس من فتره كنت فى عزومة وشوفت واحدة و علقت معايا فحاولت أشيل الموضوع من دماغى بس معرفتش فبعت حد يقولها انى معجب بيها وهى رفضتنى بشياكة الفكره انى متعلق بيها ومش عارف انساها خالص وأصبحت مش عارف انام من كتر التفكير فيها

عندي مشكله حطيت نفسي فيها ومش عارف أخرج منها أنا شاب في تالته ثانوي حاليا وفي بنت اصغر مني بسنه كنت عارفها شكلا وبتقابلني وانا ماشي في الشارع على طول لقيتها من فتره عملالي فولو انستا ودخلت كلمتني عن حب وبتاع وانا مكنتش حاسس بأي مشاعر ناحيتها نهائي المهم فكرت لقيتني مش عايز اكسرها لما قالتلي بحبك وكده عشان حرفيا كنت مكانها من فتره واترفضت لما اعترفت بحبي مش مشكلتنا دي بس في نفس الوقت مش عايز اكذب عليها فا قولتلها اني في فتره مهمه دراسيا ومش فاضي لكده خلينا صحاب لحد ما أخلص مش عارف ازاي هي فهمت كلامي موافقه على حبها وحب متبادل كمان حرفيا بتبعت كل يوم عايزه تقعد تتكلم وبتقعد تقولي يا حبيبي و يا روحي وانا مش بقول اي كلام من ده خاااالص عشان تفهم بس مفيش فايده والبنت حرفيا متعلقه بيا لحد الموت لدرجة اني حاسس انها ممكن تعمل حاجه في نفسها لو قولتلها حاجه زي اني مثلا مش ببادلها نفس الشعور او كده فا عايز حل بالله عليكو افهمها من غير ما اكسرها أو تزعل أو يحصلها اي حاجه عشان هي بصراحه محترمه ومشوفتش منها اي حاجه وحشه ومش عايز حد يقولي كمل معاها وحاول تحبها والله حاولت بس مش عارف خالص

لو مش عاوز اعمل فرع المفروض فى اول يوم تعارف اقول دا ولا لا لان البنات بيشوفوا ان دا red flag وانى كدا شخص صعب جدا وبتاع ودى مش حقيقة انا بس بغير فالمفروض اول يوم اقول ولا بعد كذا مرة ابدا اعرض وجهة نظرى؟

كان زميلي في الكلية وفاتحني في خطوة خطوبة وقولتله لما نشوف موافقة أهلي وبعد استخارة وجه وشافوه لقوه مش جاهز ماديا وكلامه مش مريحهم في الجانب دا ف الموضوع ماتمش هل المفروض الموضوع يبقى بالنسبالي عادي ومش محتاجة اموڤ اون لان مكانش فيه حاجة بينا أصلا ولا أتقبل ان الموضوع ممكن يضايقني شوية لبعض الوقت على الأقل عشان كان شخص كويس وكان عاجبني في بعض الحاجات

بتكلم دايما أن عمري مدخلت في علاقة ولا كان ليا شريكة حياة بس كنت على وشك تجربتين من سنين الاولى كانت في إعدادي معايا في الدروس وعارف امها كلمتها وقتها رفضت. بعدها عرفت واحدة في ثانوي فضلت معايا من نهاية تالتة إعدادي لحد تانية ثانوي بنتكلم كل يوم قولتلها بحبك قالتلي احنا أخوات حاولت ابعد عشان متعلقش بيها رفضت وكنا بنتكلم كل يوم لحد مهي قالتلي انا زهقت ومش عايزة نكمل وعملت أن فريند. بعدها فضلت حاسس بالفراغ خصوصاً أن شغلي كله رجالة وبس وقليل في البنات، كلمت بتاعت اعدادي ودلوقتي انا كبير عن الأول سنة وهتخرج قولتلها ازيك ووريتها شغلي وصوري مع المشاهير وإن شغلي كله معاهم وهما صحابي ومسجلين ارقام بعض وعاملنلي فولو وكل ده لاقيتها عملت بلوك على طول من غير اي كلمة. سؤالي لية العلاقتين دول فشلت اني ادخلهم وامتى الاقي شريكة حياتي لاني زهقت

حد يقدر ينصحني ازاي تشيل حد من تفكيرك بعد ما كنت بتفكر فيه كل يوم كل ساعة كل دقيقة وبتدعيله في صلاتك وتشوفه في احلامك وهو رفضك بكل وقاحة بس انت مش قادر تستوعب انه خلاص معدش ينفع تتكلم معاها ؟؟

حاسه جدا ان ابن خالتي بيحبني او معجب بيا انا علطول فأي تجمع بتجاهله و اطنشه خالص هو محترم بجد ومن اطيب ناس الممكن حد يعرفهم بشهاده الكل . بس انا معرفش اي سبب اني مش عاوزاه بس مش عاوزاه . اكيد شعور رفض ده رخم لكل ناس ان حد يرفضك وكدا. المهم المفروض اعمل اي اهرب علي فين و اخليه ميحطش امل ازاي قلولي طرق ولا ادي فرصه

انا عندي مشكله كبيره مع امي و احب اعرفك الاول على وضعي و البيت عندي انا الاخ الكبير و من بعد وفاة والدي الله يرحمه بقيت محطوط تحت ضغط و كبت و زعل كتير اوي بس كل الي بعملو هو اني بشتغل و مبتكلمش عن حاجه و مبسئلش على حاجه حتى حق نفسي نسيته و كان كل همي هو اني اسعد اخواتي و امي و اعيشهم احسن عيشه بس كل الي امي شايفاه هو اني فاشل و مليش لازمه و ان كل الناس و كل العالم احسن مني و اني كده كده مش هبقى حاجه ليها فايده في المستقبل و ده الي خلاني مصاب بامراض نفسيه كتير بوصف من دكتور شاطر انا مبدئتش العلاج النفسي لان بالنسبه لاهلي كلهم دي فضيحه اني ابقى بتعالج نفسيا بقيت فاهم و عارف اني بني ادم مكروه من كل الناس حتى من امي و اخواتي بخاف من الرفض و ده الي منعني احاول اتعامل مع اي واحده تخفف عني الحمل الي جوايا

هو ليه سن ال 30 للبنت عامل زي المصيبة ازاي 30 سنة ومتجوزتيش ازاي 30 سنة وتفسخي خطوبتك انتي خلاص فرصتك قلت وازاي وازاي ليه الناس تعليقها ع ال 30 كأنهم بيدفنوك بالحياة بجد ومجرد رفض اشخاص الواحد مش حاسسهم ومش مرتاحلهم يبقي هو بيطبتر علي النعمة وشايف نفسه ليه الواحد يفضل قلبه واجعه من نظرة الناس واهله لمجرد العمر ليه بجد؟؟

انا واحد من ضمن الناس بتمنى الاقي بنوته محترمه احبها و تحبني ، على الرغم من ان طباعي رخمه شويه و نفسيا انا مش مستقر و مريض بامراض نفسيه كتير بس ارعب حاجه بالنسبالي هي الرفض و ده الي بيخليني ما افكرش اتكلم مع اي حد ، الناس ساعات بيشوفوني غريب او وحش بطريقه زياده عن اللزوم بس الي انا عشته ممكن يكون هو الي غيرني مع العلم انا لسه ١٨ سنه و عارف ان كتير اوي هيكونوا قاعدين ورا الشاشه بيقولو دا لسه ما شافش دنيا بس الحقيقه غير كده تماما

انا في ٣ هندسه وشخص محترم وكويس اوي من نواحي كتير الحمد لله والي يشوفه ان اغلب المشاكل بتبقا بسبب ان شخص زعلان جدا ومش قادر على فراق شخص كان معاه في علاقه لكن انا بقا مشكلتي وزعلي بسبب شخص عمري ما كنت في علاقه معاه ولا قالي بحبك حتى انا بحب الشخص دا بقالي ٤ سنين واعترفتله بحبي كتير وان نفسي نكون مع بعض لكن هو رافض دا وبيقول مش عايز يدخل في علاقه ويركز على نفسه الوقت دا وان في المستقبل يبقا ربنا يسهل لكن انا عارف ان هو مش بيحبني وانه بيحب شخص تاني وغالبا معاه في علاقه المهم انا عملت اللي يتعمل واللي ميتعملش عشان الشخص دا يحبني ومحصلش برضو حرفيا عملت المستحيل وبرضه محبنيش انا نفسي اسامحها عشان حرفيا واخده جزء كبير من حياتي وبقا نفسي اكلمها واكون معاها اغلب اوقات اليوم عملت كل حاجه عشان احاول انساها ومسحت كل حاجه ولا عدت بدخل سوشيال اشوف هي بتعمل ايه لكن برضو لسه بشوفها افضل شخص في العالم واني مستحيل اعيش من غيرها مع اني طبقت نصايح كتير اوي وعملت كل حاجه عشان اعرف انساها وبفكر نفسي بكل الاذيه من ناحيتها والمعاناه الي بعيشها بسببها وبرضو لسه بحبها اوي ومش شايف حد غيرها فالمفروض اعمل ايه

مشكلتي ان في بنت انا معجب بيها جدا و لينا مع بعض ٣ سنين و اعترفتلها بحبي و قالت خلينا خوات ولاكن رجعنا صحاب مش خوات و انا بحبها ولاكن مش عارف اقولها و انا لسا مخلصتش تعليمي هل في نصيحه او حاحه ابدأ بيها

حد يساعدني احل المشكله دي ارجوكو عشان انا بجد تعبت انا مبقتش عارفه اتعرف علي حد لو عرفت حد سوشيال ويقولي تعالي كول او نتقابل او سمعيني صوتك بجد مبعرفش مبحبش اسجل صوتي وابدأ بقا افكر انه لو سمع صوتي ممكن ميعجبهوش وميحبنيش ولو شافني ع حقيقه ممكن ميحبنيش وميحبش شخصيتي ومبعرفش بجد اكلم حد فون حتي امي بكلمها بالعافيه في الضروره القسوه مساعده بجد عشان مبقتش عارفه اسجل ريكوردات لصحابي وبكرهه صوتي بشكل ولما صحابي يقولولي ننزل اسكندريه او مكان نضيف احس انه لا م عايزه انزل عشان حاسه اني مش ملائمه للمكان او الناس هتشوفني غريبه ويجيلي بق افكار غريبه حاليا انا باظت مني علاقه بسبب انه طلب مني كذا مره كول ونا برفض رفض تامم عشان بحس انو مش هيحبني او هيحس صوتي غريب ولو أصر بدايق وازعل

خليني أفضفض بموضوع تقيل علي قلبي اليومين دول سبق واتكلمت عنه بس من غير تفصيل حابة جدا اتكلم بتفاصيل وافرغ كل اللي جوايا اولا الموضوع هو رافضي لشخص بيحبني وانا بحبه تعرفوا رفضوه ليه ..عشان هو حد ناجح حد وصل للي عاوزه مابين أنا لسه هو وصل للي عاوزه اوصله انا.. النجاح اللي عنده هدفي تقدرو تقولو النقطة اللي جمعتنا خوفت اوي من شعور اني أفشل في الحقيقة انا بفشل كل يوم بس الفشل النهائي والحاسم لسه لسه عندي فرص اعوض بس لو فشلت في النهائي هاعمل اي وانا شايفة حلمي متمثل في شخص قريب مني شخص في حياتي كل اما اشوفه هاشوف حلمي معاه خوفت احقد او اغير خوفت ااذي خوفت من اني اكون معاه اصلا الحياة مخيفة مخيفة اوي اوي كمان اظن اني ىو فشلت وده احساسي معدش عندي ثقة في قدراتي .هاقدر اظبط الدنيا لوحدي هاقدر اعيش وسط الحياة اللي بقيت فاشلة فيها ممكن يكون كلامي تافه للبعض بس هي خواطر مش مترتبة بس كلام جوايا مليش الحق اني ابوح به برا هنا 👋

عندى مشكلة شخصية مع الفرح والداعمين ليه كدا كدا كلنا عارفين انه حرام بس انا هتكلم من منظورى كراجل بغير على مراتى فكرة انى اتقبل انى اجمع الناس علشان نسمع اغانى ونرقص دى انا رافضها قطعا اتقبل ازاى كراجل ان مراتى ترقص او تحط ميكب او تطلع جزء من شعرها والناس تشوفها حاسس انى هموت لو دا حصل انت كراجل اصلا ازاى تقبل بده ، دا انا شخصيا كراجل مش برقص وبكره الافراح جدا المشكلة ان البنات شايفين ان دى ليلة واحدة فى العمر وانها لو معملتش فرح مش هتفرح ، حاجة قمة فى العبث

لو شخصك مفضل غائب وانت متعلق به و فور رجوعه طلب منك التخطي لأنه غير قادر على مسؤولية (هي بنت ) ذا يعني ايه؟ بتكرهني لو ايه؟ انا مستعد افعل اي شي عشانها وبعتبرها الكل فذي الدنيا طب لو هي عارفة لي تجبر بخاطري؟

انا حبيت بنت من طرف واحد ٣ سنين و لمى قررت اقولها مكانتش واضحه معايا بس كلامها رقيق و حسيت بدفى في كلامها كانها بتقول حاول اكتر و لمى حاولت لقيتها صدرت صاحبتها،ولا فهمتني ولا اعتذرت مثلا و قالت احنا اخوات ولا حاجة و ده كان في اول مرة نتكلم فيها و قلتلها اني عندي مشاعر قويه ناحيتها، تاني مرة حاولت اتواصل معاها تاني و مكنتش عارف اشوفها لوحدنا نروح نقعد في كافيه او حاجه بس قالت اكيد مش هعرف انزل مخصوص قلتلها طب ننزل وقت محاضراتك قالتلي الاحسن لو هتقول حاجه قولها هنا(شات يعني) قلتلها كلام كتير تعبيرا عن مشاعري و تمهيدا لمشاعرها و قلتلها في الاخر انا بحبك،سابت انا بحبك و مسكت في بقية الكلام و قالت:انا شايفه انك بجد متتعاملش معايا تاني علشان مصلحتك ونفسيتك و قالت كلام تاني مش فاكره.

يجماعه انا حد الدنيا كلها مش بطيقنى ولا كانى عدوتهم دا غير انى كل ما باجى اكلم حد ف جروب او كده بلاقى بعد ما كان الحوار حماسى محدش بيتكلم زى ما يكون كملو كلامهم ف الجروب التانى بتاعهم ولا ايه بقى حسه انى عايزه اعيط بس بكابر 😢

عمري 31 سنة لم ارتبط باي فتاة في حياتي كلها ذلك لكوني خجولا جدا لا أستطيع التحدث مع النساء أحببت فتاة أيام الجامعة كان حبا من طرف واحد كانت فتاة اوتيت من الجمال والخلق ما يريده اي رجل في رفيقة دربه حاولت التعرف اليها لكنني اضعت عديد الفرص بخجلي فرفضتني رفضا قاطعا رغم ذلك لم استطع إخراجها من تفكيري رغم مرور 5سنوات على التخرج حتى أنني في الاونة الاخيرة صرت أراها في منامي وأذكرها في صلاتي لم يسبق ان حدث لي امر كهذا حتى أنني احس ان حياتي كلها توقفت 💔

لما واحد يروح يتقدم ويطلب انه مش هيعمل فرح ويستبدلها بعمره والاقي البنت بتقول انا محتاره مش عارفه اقبل بالعمره ولا افضل مصره عالفرح بحس اني هتجنن بجد ، محتاره ؟ يعني ايه ؟ محتاره في ايه وايه وجه الحيره وليه محتاره هو انا اللي اتجننت ولا انتو ولا مين نفس الموضوع مع الشباب اللي يروح لبنت تقبل ده كله ويقولها لا انا هعمل فرح غصب عنكو انتو بجد ولا Ai ؟

أنا بكلم بنت عمتي(ملحوظة قاعدة في محافظة تانية بس بنتقابل في المناسبات و الزيارات) من زمان من ساعت ما كنا صغيرين و إحنا علاقتنا ببعض كويسة لحد ما وصلنا جامعة (يعني حوالي 7 أو 8 سنين ) و خلال الفترة دي كلامنا كله علي الواتس بشكل يومي و المكالمات من فترة للتانية لما بتكون برا البيت المهم إحنا أقرب إتنين لبعض و علطول بكلمها في كل مشاكلي و هيا نفس النظام و بنعرف لبعض كل حاجة بتحصل في حياة التاني ، فا خطر علي بالي إيه رأيك تتقدم ليها و يكون كلامنا في الحلال بدل ما أنتوا بتكلموا بعض كدا و ممكن يكون في كلامكم شبهة و أخيرا جمعت شجاعتي و أعترفتلها و قولت ليها إن بالكتير خلال نهاية 2026 أو بداية 2027 أكون وقفت علي رجلي و أتقدم لبنت كدا قالتلي مين قولتلها أنتي راحت قالتلي أنتا شخص كويس و فيك كل الصفات اللي تتمناها أي بنت و أنتا محترم و راجل و جدع ، بس أنا شايفة أنك أولا لسا صغير و غير كدا أبويا حالف بالطلاق أنه ما يجوز حد فينا أنا و أخواتي البنات لأي حد من العيلة و مينفعش ، قولتلها أبوكي علاقتي بيه زي السمنة و العسل و بيحبني و أكيد هيوافق ، قالتلي بعدها و غير كدا أنتا يا @#@ مش شيفاك غير أخ و صديق و النقطة مش هعرف أغيرها ( و قعدت تقولي حاجة مش فاهمها) أزاي أنتا هان عليك صداقتنا و قولت كلام زي دا ، و مش عارف إيه و في الأخر من ساعت أخر رمضان لحد دلوقتي مكلمناش بعض خالص و غير كدا أنا قولتلها المبرر بتاعي إن كلامنا فيه شبهة و حرام بس هيا بتقولي أنتا مجرد أخ + لسا مكلمها و قولت ليها هان عليكي العيد دا يعدي كدا ، راح قالتلي أنتا اللي هان عليك كل اللي بينا عايز أعرف دلوقتي اللي أنا عملته غلط و لا لأ و هيا ليه عملت كدا (هل فعلا علشان والدها زي ما بتقول ؟)و لا علشان حاجة تانية ؟ و غير كدا إزاي أنا من جوايا كنت عايز أحارب الدنيا عشانها مع إني كنت عارف أهلي أول حد هيقولي لأ علشان هي أكبر مني ب 6 شهور مع إن دا مش مبرر و هيرفضوا علاقة زي دي تكمل لأسباب تانية زي إني في كلية أعلي منها و كدا و هما عايزني أتجوز واحدة تكون كليتها مستوي عالي مش في كلية أي كلام زيها كدا (دي مش طريقة تفكيري دي طريقة تفكير أهلي ، هيا في نظري أحسن واحدة في العالم كله و محدش يقدر يغير و جهة نظري ) و أي حد عنده نصيحة أو حاجة زي كدا يقولها و شكرا

شخص كان متقدملي وقولتله أني رفضت شخص قبله لانه اتكلم مع بابا بطريقة مش محترمة .. المهم بعدها بابا قاله استني كام يوم ونرد عليك برأينا يعني ف عشان دخلة العيد و انشغلنا ال٣ ايام والوقفة بتوع العيد وانا كده كده كنت رفضاه وقابلة لبابا يبلغه بس قالي أنه هيبلغه بعد العيد عشان مينكدش عليه المهم امبارح لقيته منزل بوست بيقول فيه ( الرجالة خابت ولا ايه ولا الناس بتوع زمان موصلتش الجينات صح ولا ايه الدنيا) ف حسيت أنه بيستغل نقطة رفضي للعريس اللي قبله و كرر نفس الموقف ف بابا بعتله انهاردة كل شئ قسمة ونصيب و مردش خالص ولا نزل اي كلام من بعدها ده معناه ايه ؟؟!

انا عمري 22 ونحب وحدا رانا في عام ونص انا من خنشلة وخدام في الجي وهي من الجي انا تقريبا نخلص مليح وعندي ارض في خنشلة حبيت نخطبها وهي رافضة الفكرة قالتلي مانيش واجدة وحابا نكمل قرايتي مالڨري قلتلها غير خطبة مبعد زواج كي تكمل قرايتها حبيت نضمنها تكون حلالي بصح هي رافضة لدرجة وليت نحسها ماتحبنيش وراهي تليكيدي فيا حتى تناشعنا وبلوكيتها وش رايكم راني صحيح ولا غالط

خليك هادى وعاصر على نفسك لمونة وإنت بتقرا مشكلتى (بتمنى إنها تكون مشكلتى لوحدى) قصتى بدأت من علاقة عاطفية مريت فيها بمشاعر عكس بعض.. ولحد دلوقتى مش قادر اواجهة نفسى بحقيقة إن فيه حاجة جوايا اتكسرت فى البداية انا اعترفتلها بحُبى بعد ايام كتير قعدت فيها تحت سقف اوضتى وانا بتخيل وبرسم وبعيش قصص وسيناريوهات أفلاطونية.. وهى كانت واضحة معايا وراسمة حدود مينفعش نخطيها "احنا صحاب وبس" وبصراحة قالتهالى كذا مرة بطريقة شيك.. كانت خفيفة على قلبى الوقت فات بس قلبى مفوتهاش، فضل واقف عند الكلمة دى "لاء، احنا صحاب" يمكن فالقعدة دى بالذات اتكلمنا فمواضيع كتير وفتحنا اسئلة ونقاشات شخصية جدًا.. الحاجة الوحيدة اللى فاكرها من القعدة هى الكلمة دى بعدها اخدت قرار إنى مش هكلمها ولا عايز اكون فى حياتها بعد اللحظة دى (انا هظلم نفسى وقلبى مش هيعرف يخليها فى خانة محدودة هى اكبر منها بكتير) انا مكنتش عايز القصة تنتهى، بس الكلمة نهت كل حاجة من بعدها وانا حاسس ان فيه حاجة ناقصانى.. كل يوم بيعدى عليا كإنه copy paste من اللى قبله (مفيش روح) بضحك وبهزر وبنكش وبتنطط وصوتى بيجيب اخر الشارع (وفجأة كل ده بيهدا….. وبيتحول لهدوء وصمت تام) حتى لما جيت اشتغل لأول مرة بعد التخرج، فرحت بالفرصة، بس لسه قلبى زعلان على كلمة "لاء، احنا صحاب" الايام عدت وشفتها كذا مرة وكلمتنى تطمن عليا، وانا قلبى حجر مش عايزها ولا عايز اقابلها جت فرصة تانية تِنعش الروح اللى ماتت جوايا.. لقيت صورتها فالواتساب واتكلمنا شوية حلوين "وكإن محصلش حاجة" ومع اول ميعاد اتفقنا عليه علشان نتقابل (عملتلها بلوك من كل حاجة) هى مش مطلوب منها تحبنى بس انا ليه واقف عندها ؟؟؟ ليه ساعات بلاقى نفسى رايح للكافية اللى قعدنا فيه ٦٠٠ مرة قبل كدة انا وهى وقلبى مش بيرتاح غير للشارع ده اللى فيه الكافية ده ليه بعد ماهى مشيت هى فضلت جوايا…. حابسانى…. هوا انا حساس وعاطفى للدرجة دى ؟ انا مبقيتش عايز حاجة غير انى ارجع انا زى ماكنت وانا معاها انا مكنتش طير بجناحات.. عالأقل وقتها كنت بحس وكان عندى دم دلوقتى مبقيتش مهتم لأى حد فالعالم رغم إن عقلى بيحمينى منها بس قلبى ليه رافض يتخطاها ؟!!!

جماعة بجد بما ان محدش هنا يعرفني ف انا عاوزه اعترف بشئ مش قادرة اعترف بي بيني وبين نفسي لانه شئ مرفوض بكل المقاييس الشئ ده هو اني بحب ياجماعة انا بحب اوكي انا بحب بقالي اكتر من تلت شهور ومش قادرة اعترف بيني وبين نفسي بده الخطة اللي رسمها لحياتي مفيهاش الحب واللي انا بحبه بعد عني لاني رفضت ابادله نفس الحب انا بحبه بس رفضته مقدرتش اقوله اني بحبه بس ملوش مكان في حياتي الجواز مش ضمن خططتي مش هاقدر اتجوزه واديله وقتي مش هاعرف اعملها مش هاعرف ابقا زوجة و ام مش حاسة ان دي انا مش حاسة ان دي هتبقا حياتي انا بحب اعيش عشان نفسي ان كنت قبلت حبه كنت هاعيش عشانه عشان الحياة اللي هتكون شاملنا مش عشان نفسي طبعا مقولتش كل الكلام ده واكتفيت باني رفضت اكيد هو هيحب غيري اكيد وانا هاكتفي بشعور الحب من غير ما ادخل حد حياتي بس اللي بقوله بيني وبين نفسي ان مر وقت و كان منسنيش ان كان لسه بيحبني ان الدنيا رجعت جماعتنا فالاكيد اني هاعترف بحبي وبخوفي وبكل حاجة يمكن يفهم وقتها انه شخص يتحب عادي بس المشكلة فيا انا انا اللي بخاف من اني اتحب

جماعة انا متقدملي عريس هو مريح ف الكلام والأخلاق كويسة جدا بس شكلا وجسما مش نفس اللي بتمناه خالص ولا ستايل اللبس هو مقبول بس يعني اسفة مش متخيلة أنه يبقي جوزي آخره صديق كلام ف مش عارفة اعمل ايه مستخسرة أخلاقه و احترامه وف نفس الوقت الشكل مأزمني و خايفة ارفضه ربنا يعاقبني و ملاقيش شخص محترم كده تاني عايزة حل ضروري 😭😭

جماعة هو انا لو حبيت شخص من اول نظرة وحصل مشاكل بينا من اول مرة و للاسف حاولت اصلح معاه وهو رفض مع أنه هو الغلطان بالرغم اني حاسة أنه معجب بيا بس انا بعدت من مكانه و مش عارفه هشوفه تاني ولا لا و بعدها لقيت شخص متقدملي نفس اسمه وباين أنه شخص محترم لكن مش ستايلي خالص بس شكله مقبول ف مش عارفة اقبله و ديه إشارة من ربنا أن الشخص الاولاني مفيهوش الخير ولا ايه ؟؟؟؟؟

انا بحب بنت من ساعه لما كنا ف أولى ثانوي و عمري محبيت غيرها ودلوقتي احنا ف تالته كليه و انهارده جربت ابعتلها على الواتس بس كنت غبي و بعت كل حاجه مره واحده ف مردتش و عملت بلوك وجربت ارن عليها ف الموبايل بس لما سمعت صوت ولد قفلت ف وشي