السلام عليكم انا خاطب بقالي سنتين وفي خلال السنتين حصل تجاوزات كتير بيني وبين خطيبتي لدرجة ان ف مرة طلبت منها نروح شقتنا اللي هنتجوز فيها بحجة ان هاخد رأيها في حاجه وكانت عارفه اننا هنبقى لوحدنا لان شقتنا مش بيت عيله ولا حاجه وهي وافقت حتى بدون تفكير واتقابلنا وكنا طبعا علي راحتنا بس انا من بعد الموقف ده وانا متضايق منها وقرفان منها ومن نفسي ونفسيا مقفول منها ازاي تهاودني في حاجه زي ديه ومحدش يقولي ثقة لأن مهما كان انا مش جوزها ولا لسه كتبنا الكتاب ايوه احنا قربنا نتجوز في اجازة نصف السنه بس ده انا مش قادر أقتنع بيه انه مبرر خاصة اننا اصلا متخطبناش عن حب ده جواز صالونات فغريب انها تبقي معايا كده بالسهوله دي ومن بعد ما اتخطبنا بكام شهر واحنا بيحصل بنا كده كل ما تيجي فرصه وصورتها قدامي دلوقتي قلت كتير ومش مرتاح اني اكمل محتار مش عارف أعمل إيه خاصة ان اهلها كويسين ومحصلش بنا اي مشكلة طول فترة الخطوبه هل من نصيحه عشان ده جواز ومستقبل وبيت وأطفال ولازم الواحد يحسن الاختيار لام ولاده لاني هتحاسب عليه بعد كده