انا محتاجه حد يعرفني انا صح ولا لا سواء يقولي السبب باختصار، انا مش مثالية ، لكن انا كنت معتبرة قريبتي اختي جدا ومش بغير منها بل ديما بفكر فيها وشايله همها وبزعل وبدافع حرفيا هي كل اولويتي وديما اهتم بيها واسأل عن كل حاجة .. وفجأة لقيت الشخص ظهر ع حقيقته مش اتغير بس الواحد كان معمي البصيرة.. ربنا نور بصيرتي موقف شخص بيكذب يعني خبر سعيد يخبيه.. كنت بقول انا لا وبكدب نفسي بس حرفيا مواقف ظهرت تبان بسيطه بس هي غصب عني قفلتني وبس وسكتت والله مبعدتش بدليل اني كنت بروحلها وكلمتنا نتقابل وقولت نخرج في العيد بردو مافيش .. يعني بجد انا كل اللي عملته اني بطلت اسأل وبطلت اهتم شوفي ي ستي هتحكيلي اي وهسمعك لو في مشكلة هقف جمبك لو فرح حرفيا بكل حب. كانت بتدخل تسأل عامله اي بالاسم انها كلمتني اكتر من مرة وانا مافيش ! طيب يا حبيبتي انتي فتحتي موضوع وانا قولت لا ؟ طيب لو انا اللي مش بفتح الموضوع يبقي انا كدا اتغيرت وببعد عنك ؟ الشخص هو فعلا اجبرني ابعد عنه .. مش صديقه ومش اخت اللي ننصح ونشجع للصح لكن تطبيل وانا زعلت ان الموضوع مش متبادل وانها انانية ، حقيقي انا زعلانه جدا وحاليا حاسه بالذنب لاني متجاهلالها تماما ولا حتي السؤال بس انا بسلم عليها وبعمل كل حاجة بس مبقتش ابادر خالص المشكلة الطرف تاني بدل ما يصلح ! بيتعامل معايا بالمثل وهي متجاهلاني واخدت بالي من فترة صغيرة ولكن حصل كلام بين أم كل واحدة فينا لانها عملت موقف مافيهوش تقدير .. حرفيا بعتت كلام انتي تعاتبيني انتي مجتيش تقولي ليه اعاتب ع اي ؟ بس حقيقي انا زعلانه جدا بجد مش قادرة اوصف احساسي ومش قادرة احكي كل موقف بس فعلا مواقف صدمتني وخلتني عاجزة عن اي شيء بس انا الموضوع مأثر داخليا جوايا وفي شعور سيء وكتمة وخنقه وبذات اني اشوف الشخص ومش ناسيه اللي حصل ، وزعلانه حتي اني انا الطرف اللي شاغله بالي وحتي بقول لنفسي يمكن زودتها يمكن انا طب ارجع بس حقيقي انا اصلا مبقتش قادرة مبقاش عندي شيء اقدمه لان الطرف التاني فعلا مش هيعمل حاجة محدش مصدق بجد انا اللي عملته زمان مقدرتهوش دي بتحاسبني ع دلوقتي ! انا والله ما فارقه معايا لكن الواحد بس صعبان عليه العشره وصعبان عليه التقلب اني بقيت ساكته ومع شوية ذكريات .. الواحد كان معتبرها فرد من العيله ! يعني مين الغلط بجد وليه ؟