مش عارفة امتى وازاي دا حصل بالظبط بس بجد حياتي بقت أحسن بكتير أنا حسيت فعلا بالتغيير كنت بكره نفسي ودايما مركزة مع عيوبي ومبشوفش الحاجات الحلوة اللي فيا وشايفة إني وحشة ومستحقش أي حاجة حلوة بتحصلي حاليًا شايفة إني أحسن حد في الكون - الموضوع شكله قلب بنرجسية شوية - بس بجد بقيت شايفة إني أستاهل كل حاجة حلوة وبقيت عارفة قيمتي كويس جدا وبطلت أتاثر بكلام أي حد عني، دا رأيك فيا؟ عادي حقك تشوفني كدا بس دي مش أنا احنا دايما بنركز على العيوب وننسى المميزات مع إننا لو فكرنا شوية هنلاقي فينا حاجات حلوة كتير فعلا ومش واخدين بالنا منها محتاجين نبطل نقارن نفسنا بحد أو نشوف إننا أقل من حد ونتقبل النقص اللي فينا ونفهم إن مفيش حد كامل وإن وجود عيب فينا لا يعني إننا وحشين ما كلها عندها عيوب، نحاول نصلحه من غير ما نكره نفسنا بسببه ونحاول نتصالح مع نفسنا ونبطل نجلدها على غلطات الماضي ونبطل نلومها ونجلدها طول الوقت المفروض نتعامل مع نفسنا زي ما بنتعامل مع حد بنحبه لما بيغلط مش بنفضل نلوم فيه بنهون عليه، نفسنا أولى بالحب من أي حد ونحاول دايما نطور من نفسنا ونفرح بالإنجازات البسيطة اللي بنعملها ونشجع نفسنا دايما
يجعلها احسن علطول وترجعيش للوحش
يا بختك عقبال كل مشتاق شعور ان الواحد حشرة ده ملازمني دايما ومش اي حشرة. دي حشرة من بتوع كافكا
جميل جدا