30 Mar 2026يشعر بـ منهك
جماعه ما تحكوا عملتوا ايه في ثانويه عامه و يوم النتيجه كان عامل ازاي؟؟ و ال ناس ال جابوا مجموع مش عالي و بيقولوا اتظلموا هو ده بجد؟؟؟ لاني تالته ثانوي دلوقتي و مش عارفه ازاي حد ممكن يذاكر كويس ووفي الاخر ميجبش مجموع
جماعه ما تحكوا عملتوا ايه في ثانويه عامه و يوم النتيجه كان عامل ازاي؟؟ و ال ناس ال جابوا مجموع مش عالي و بيقولوا اتظلموا هو ده بجد؟؟؟ لاني تالته ثانوي دلوقتي و مش عارفه ازاي حد ممكن يذاكر كويس ووفي الاخر ميجبش مجموع
متفكرش في النتيجه اللي في ايدك حاليا اعمله حسب طاقتك يعني لو في وقت قادر تذاكر هات اخرك لو في وقت طاقتك قليله ذاكر اللي تقدر عليه المهم انك تحاول عن تجربه انا موصلتش بمجهودي بتوفيق ربنا لما لاقاني بحاول حتي لو مجهودك قليل المهم تكون بتعمل اي حاجه فاهم قصدي؟ ربنا يوفقك مكانك محدش هياخده غيرك لانه رزقك انت وعمونا مش بالكليه المهم انك تنجحي في مجالك ايا كان ايه هو
و بشكل عام لو حد في ثانوية عامة و عايز نصيحة اعمل كل اللي عليك و سيبها على الله تماما، ذاكر باقصى طاقتك عشان مترجعش بعدين تندم ان كان ممكن تقعد كام ساعة تذاكرهم بدل ما تقلب في التليفون و ينقلوك لحاجة انت مرتاح فيها اكتر لان مفيش أصعب من الاحساس بالندم او التقصير، و طالما انت تعبت ربنا هيكافئك باللي يناسبك واللي انت هتبقى كويس فيه و مش شرط ده يكون اللي انت بتتمناه، و ده في كل حياتك مش السنة ديه بس، ربنا يوفقكم يارب و تطلعوا من السنة فرحانين و حالكم احسن ومجبورين الخاطر
انا دفعه25 وذاكرت و الحمدلله جبت مجموع الكليه اللي كنت عايزها،، اجتهد وسيب الباقي علي ربنا
انا كنت دفعة الكورونا وكنت شاطر و قعدنا من الدراسة في شهر ٣ ومفيش دروس ولا اي حاجة والدنيا كانت صعبة فشخ الصراحة ولما بدأت اشد جالي كورونا قبل الامتحانات ب ٣ اسابيع وكان يا اما اعمل تاجيل يا اخش الامتحانات وانا تعبان ومش مراجع "مكنتش عارف اذاكر اخر بسبب التعب حرارتي كانت ٤٠ مبتنزلش" وقررت اني هخش الامتحانات بمذاكرتي العادية من غير اي مراجعات ولا اي حاجة و فاكر اول يوم امتحان العربي كانت حرارتي ٣٩ وانا نازل من البيت وحرفيا مذاكرتش اي حاجة في اي مادة بقالي تقريبا شهر في الاخر جبت ٩٢٪ وانا كنت متوقعها الصراحة وكنت منطفي و عرفتها من الكنترول من واحد صاحبي من قبلها بيوم ومقولتش لحد في البيت و لما طلعت النتيجة كنت انا نايم و أهلي صحوني و كانوا فرحانين بالمجموع " كان في بالهم اني بسبب التعب واني معرفتش اذاكر ممكن اسقط او اجيب اقل بكتير " بينما انا كنت زعلان و هما استغربوا من ده لما صحوني قالولي النتيجة روحت مكمل نوم تاني لاني طموحي كان كلية طبية " كنت علمي علوم " و كنت اقدر اعمل ده لولا التعب بس قدر الله ماشاء فعل و دخلت تجارة لان المجاميع كانت عالية بسبب
سيم والله يا نار ورغم كده الحمد لله اتخرجت
نفس المشكلة برضو😞😞😞
مش يذاكر كويس انت بتذل مجهود او بتغط نفسك على الفاضي الحوار كلو ضغط مش اكتر لو اعتبرتها زي اي سنه هتحل وانت مستريح انا كان عندي ظروف وذاكرت في ليالي الامتحان اغلب المواد ونجحت منغير غش ودلوقتي في آداب بس انا كنت علمي علوم لو لسه بادى من دلوقتي تقدر تجيب مجموع عادي
+1