ربنا يلطف بقلوبكم جميعاً وتكونوا بخير دايماً بإذن الله .. هحاول مطولش أوي بس انا مشكلتي صعبة زيادة عن اللزوم و 7 سنين مكانوش كفاية عشان تتحل أو عشان أخد خطوة إني أحلها .. أنا دفعت تمن العزلة والوحدة اللي أُجبرت عليهم من سنين ومقدرتش وقتها أتعامل معاهم لوحدي عشان والدتي قعدت كام سنة كدا ف المستشفيات وشوية ب اخواتي وهكذا ف كانت فترة صعبة اوي علينا كلنا بس انا وقتها كانت بداية مراهقتي وكنت أغلب الوقت ف البيت لوحدي ووقتها بطلت اروح مدرس او دروس وبقيت اذاكر من البيت وحالياً عدي كل السنين دي ولسة زي ما أنا مرجعتش للدروس والمدرسة وحتي معزول عن الناس ولما بخرج بروح عند جدي اسمع ماتش وارجع .. ف مبقتش قادر استحمل العزلة دي ومحدش فعلاً يستحملها كام يوم او حتي اسبوع ف تخيل سنين ممكن تشوه بني آدم إزاي بس العكس أنا كنت بربي نفسي بس لحد انهاردة انا لسة ف عزلتي هي اه قربت اخرج منها وحاسس بكدا بس انا طول السنين دي معملتش فيهم غير شخصين او تلاته وندمت وعرفت ناس متتعدش بس يومين تلاته وبهرب كنت طول الوقت انا اللي بمشي عشان ببقي قرفان بس منهم وبقرف اقرب من حد عموماً سواء يلمسني أو أقرف أقرب ف اكتشف ان فيه حاجة ابشع م الظاهر دا ف اتعكنن اكتر .. المهم مقدرتش اثق ف حد لدرجة اني ممكن اثق ف الشيطان بس مثقش ف امي ف من بعدها مبقتش قادر أثق ف مخلوق مهما عمل ببقي متأكد انه هيمشي ف مبقتش اقرب وعمري ما قربت وفعلاً أنا حاسس إني مش قادر أكمل لوحدي وف نفس الوقت أنا بشر وربنا خالقني كدا مينفعش ومقدرش اعيش لوحدي ف طبيعي مقدرش استحمل اكتر من كدا واللي هو استحملت اللي فات دا ازاي ودي حاجة مش منطقية خالص بس انا نفسي ولو لمرة واحدة ف حياتي كلها أتعامل مع شخص سوي نفسياً وذوق ف كلامه وبيحترم وجعي مهما كان سببه ويحترم فترة عزلتي ويحترم إني لما بغلط بعتذر ف يعديهالي وميوقفش الدنيا عشان غلطة ميكونش بلاء فوق بلائي ويكون سهل ولين وبسيط كدا .. الواحد تعب من المرضي دول والناس المشوهه دول كلهم وقلة ذوق وقلة تربية وعايشين ف فوضي غريبة الواحد وحشه يتعامل مع بني آدمين أسوياء نفسياً