انا يمكن شاب مش ست بس بصي… أنا حاسس بوجعك جدًا، ومش سهل أبدًا إنك تبقي بين اختيارين أصعب من بعض: يا إما تعيشي مع حد مؤذي، يا إما تخافي على بناتك من الفقد. بس خليني أقولك حاجة مهمة… إنتي مش ضعيفة زي ما حاسة، إنتي اتحطيتي في موقف فوق طاقة أي حد. بس برضو لازم نفكر بهدوء: الأطفال مش بس محتاجين وجود أب وخلاص، هم محتاجين بيئة أمان وراحة نفسية. وجود شخص مؤذي ممكن يسيب جرح أكبر بكتير من فكرة البعد نفسها. وفي نفس الوقت، قرار زي الطلاق كبير ومحتاج تفكير وترتيب مش اندفاع. إدي نفسك وقت، حاولي تشوفي حد تثقي فيه يساعدك تفكري (أهل، حد حكيم، أو مختص)، ومتاخديش قرارك وإنتي في قمة الوجع. أهم حاجة دلوقتي إنتي وبناتك تكونوا في أمان نفسي قبل أي حاجة. وصدقيني… أي قرار هيتاخد بعقل وهدوء هيكون أرحم بكتير من قرار طالع من تعب وخوف. إنتي أقوى مما تتخيلي، بس محتاجة بس تهدي وتفكري لنفسك شوية ❤️

أول حاجة لازم تعرفيها إنك مش ضعيفة إنتي بس أم وده أعظم وأصعب دور في الدنيا والوجع اللي حاسة بيه دلوقت مغطي على الرؤية بس صدقيني كرهك لنفسك ده ظلم كبير ليكي لأنك ضحية مش مذنبة بصي للوضع من زاوية تانية وجود أب مؤذي أو خاين في البيت ممكن يضر نفسية بناتك أكتر من غيابه بكتير لأنهم بيتشربوا طاقة البيت ولو البيت فيه قهر ده اللي هيطلعوا يعتبروه طبيعي في حياتهم بعدين وحقك مش بس إنك ترفضي اللي حصل حقك تعيشي في سلام نفسي عشان تعرفي تربي بنتين سويين ولو هو فعلا هيتخلى عنهم بمجرد الانفصال فده معناه إنه أصلا مش موجود وجود حقيقي يعتمد عليه دلوقت نصيحتي ليكي ما تاخديش قرار مصيري وإنتي في قمة الكسرة اهدي خالص واستندي على حد بتثقي فيه وفكري في استقلالك المادي ونفسك أولا بناتك محتاجين أم قوية مش أم مكسورة بتضحي بكرامتها عشان وهم اسمه وجود أب ربنا يقويكي ويصلح لك حالك وتعدي المحنة دي على خير وانتي أقوى من الأول بكتير عشان خاطر نفسك وعشان خاطر بناتك اللي مالهمش غيرك في الدنيا دي ونحن هنا دايما لو حابة تفضفضي أكتر وتخرجي اللي جواكي في أي وقت

انا عايزه اقولك ان انا بابا وماما منفصلين سعات بحس ان لو كانوا منفصلوش كلن هيكون دا احسن بس الحقيقه مش كدا متحمليش نفسك كل حاجه اني بني ادمه مش.سوبر هيرو عايزه نصيحتي وانا حرفيا عايشه تجربه بناتك الصغيرين لأنهم انفصلوا وانا تلت سنين بجد سبيه واشتغلي متعتمديش عليه وبلاحلال اتجوزي تاني بجد كفايه بقا ظلم وقرف انا ابويا متجوز ومخلف بنتين وعايش حياته وماما حرفيا شقيانه وتعبانه ونصيحه لو لاقيتي ابن الحلال اليتقي ربنا فيكي وفي بناتك بجد اتجوزيه متقوليش لا عشان البنات لا عشان البنات اتجوزي عادي عشان هما محتاجين يشوفوكي مبسوطه انا ماما ليل نهار شغل عشان ابويا بيصرف علي ابقد لو كانت متجوزة حد ييصرف عليها ويتحمل المسؤوليه طان زمان كلنا مبسوطين بجد كله هيكون ضدك وهو هيبتزك وهيقرفك مش مهم المهم تطلقي طالما هو فعلا وصلك لمرحله وحشه وانتي بس مكمله عشان بناتك فا لا وانا مش قصدي والله اخرب بيت أو كدا انا بقول نصيحه ك بنت عاشت من غير اب حرفيا

اصل المشكله عندك هو الطفوله تعافى من مشكلك القديمه و افهميها و هتعرفى تحلى الباقى و تخدى قرار سليم و قبل كل دا استعينى بربنا