ضعف

جماعة انا عايزة اقول حاجه مش عارفه حلها انا تعبت من اني دايما بسامح وباجي ع نفسي كتر وبعدي، انا اهلي عودوني على كدا للاسف اهلي طيبين وممكن يسامحوا الي أذاهم عادي وبيعدوا يقولو عادي الدنيا صغيرة وانا اتعلمت منهم المسامحة وهي حاجة جميلة جدا وكل حاجة بس بقيت احس باجي ع نفسيتي كتيرر وطاقتي من زمان بسامح صحابي وناس كتير وكنت بعدلهم كتيررر ومواقف كتير كنت بعديها بمزاجي لدرجة لما كنت بتخانق مع حد كانت ماما تقولي خلاص كلميها وصلحيها حتي لو هي اللي غلطانة بلاش تخاصموا بعض كنت بحس عمري ماعرفت اخد موقف من حد وابقي قاسية زيه اتعودت على المسامحة وبقت طبع فيا لدرجة بضايق جدا وقلبي بيوجعني لو زعلت من حد مش بعرف اقسى على حد خالص للاسف( واه بقول للاسف) لان بقيت احس في العالم دا لازم تبقي قاسي شوية عشان قلبك مايتأذيش كتير مثلا لو حد اتخانقت معاه او عمل اي موقف وجه تاني يوم ابتسم في وشي بس بكون خلاص صفيت ولا كأن في حاجة حصلت حتى في الشغل في شخص آذاني انا وزمايلي كتير ومش عارفه اخد منه موقف زيهم واتقمص منه بتعامل عادي بحسني عبيطة اوي وانا مش عارفه اخد موقف من حد ودي حاجة ميزة وعيب مبقتش اشوفها حاجة حلوة فيا على قد المسامحة حلوة بس بجدد مستنزفة اوووي للنفسية والطاقة حد فاهمني؟

الفترة دي بقيت بفكر في حاجة كتير. هل فعلًا الإنسان يقدر يعيش لوحده طول الوقت؟ أنا طول عمري تقريبًا بقنع نفسي إني لازم أعتمد على نفسي، وإن الاحتياج لحد ضعف، وإني لازم أكون قوي مهما حصل. لكن بصراحة... وصلت لمرحلة حاسس فيها إن الوحدة نفسها بقت بتستنزفني. من فترة قصيرة كان فيه ناس في حياتي، مجرد كلام عادي، حد أفضفض معاه، حد يسمعني، حد يقولي: "إزيك؟" الغريب إن وجودهم فرق معايا جدًا. كنت أهدى، وأخف، وحاسس إن الحمل اللي جوايا مش كله على كتفي. ولما مشوا... رجعت أقنع نفسي من جديد: "متحتاجش حد." "اعتمد على نفسك." "أنت كويس لوحدك." لكن الحقيقة إني مش عارف. أنا مش بطلب إن حد يشيل عني حياتي. ولا بدور على علاقة أهرب فيها من وحدتي. أنا بس أوقات ببقى محتاج حضن... أو كلمة تطمن قلبي... أو حد يربت على كتفي ويقولي: "أنا معاك." وأول ما أعترف بالإحساس ده، ألاقي نفسي ألومها وأقول: "لا... مينفعش... استحمل." فأفضل عايش بين صوتين. صوت بيقول إن الإنسان محتاج ناس. وصوت تاني بيقول إن لازم تكمل لوحدك. يمكن عشان كده أنا تعبت. مش من الوحدة نفسها... لكن من إني طول الوقت بحارب احتياجي الطبيعي لأي دعم أو احتواء. وبدعي ربنا إن يرزقني في الوقت المناسب ناس صادقة، أكون بينهم على طبيعتي، من غير خوف، ومن غير ما أحس إني حمل على حد. لحد ما ييجي الوقت ده... هحاول أكمل، حتى لو بخطوات صغيرة. وربنا يهون على كل قلب بيحارب في صمت.

في كل محاولات ادعاء القوه و الاستقرار تمثيل الهدوء رغم الانهيارات الداخليه محاولات اقناع الناس بانك علي ما يرام ياتي موقف واحد او رساله او حتى سيرة احدهم في وسط الحديث فتنقلب حياتك راسا على عقب و ترجع لنقطه الصفر و تبا لمن يلاحظ و تعلنها صراحة انا لست بخير انا فقط اتعايش 💔

أنا طلعت أكبر كداب في الدنيا وكنت بشتغل نفسي لما أقول إني نسيت وتخطيت صحابي وخلاص بقيت تمام شفتهم في الشارع صدفة جيت على كرامتي ودوست على قلبي وسلمت وعملت فيها الواد الجبل اللي مبيتهزش بس أول ما مشيت اتفضحت قدام نفسي قلبي مكنش ملاحق من كتر الدق وكأنه هيقف وإيدي فضلت ترعش ووجع مش قادر أسيطر عليها الضربة طلعت لسه بتعلم والوجع لسه طري وبيموتني من جوه وأنا لسه واقف في نفس النقطة ومش عارف أتحرك خطوة واحدة ومفيش أي حاجة اتنست

ببقا حاسه اني صلبه نفسيا لحد ما يحصل موقف واحد يرجعني لنقطه الصفر تاني. كانه قلب باخده بيفكرني ان كلمه ممكن تدمر حياتي وتخليني اكره نفسي وتفكرني اني هشه نفسيا بموقف واحد اتكسر ..انا حاليا واخده القلم دا ..بس المره دي لا ...مش هافضل كدا اكيد المره دي هتعامل بشكل مختلف

انا عندي مشكله الناس ديما ديما بتسيء الظن فيه و بيفهموني غلط بيفسرو تسامحي علي انه ضعف و يفسرو كرمي علي انه سذاجه و بيفسرو تنازلاتي لي مره علي انها حق مكتسب باقي العمر في الواقع انا طبعتي كويسه ودي مش مشكله المشكله الحقيقيه في الي مش فاهمها

هوا بجد احنا مينفعش نتجوز الي بنحبهم يعني ليه نكون مبسوطين من قلبنا بجد بنعمل كل حاجة تفرحهم وتخليهم طايرين من الفرحة وفي الاخر يشوفوا انك ضعيف عشان حبك ازاي بجد كل الحلو يهون في يوم وليله

ليه بنضعف مع اللي بنحبهم لدرجة ممكن نعمل حجات مينفعش نعملها واحنا واعيين ونتنازل كتير ونيجي علي نفسنا .. الحب بيخلينا ضعاف و valunrable قصاد كل حاجه والحمد لله بطلت احب من زمان بس ليه برضو؟

لما الشخص يكذب عليا ويخدعني ويفكر اني غبية مش هعرف أو اني بحبه لدرجة اني هتغاضة عن الأمر. أو لما نكون في نقاش ويقلب الطاولة عليا ويبقى مستني مني الضعف والخضوع. دول تحديدا هي مرة حتى لو روحي في الشخص اتخلص منه هو وروحي معاه

اول مرة احس الاحساس ده اول مرة احس كده بجد طول عمري اقوى من كده بكتير بصيح كتير اه بس بيبقى عادي طبيعتنا اول مرة احس ان مفيش حد فاهم حاجه اول مرة احس بالانهيار ده بجد اول مرة احس بكمية الزعل دي اول مرة احس بخزلان من اشخاص كده قلت الا دول اول مرة احس اني ضعيفة اوي كده طول عمري مش بيفرق معايا حاجه طول عمري مفيش حاجه بتأثر فيا بسهولة انا دلوقتي بقيت لو حد كلمني اي كلمة لو قالي عاملة ايه بعيط مضايقة اني كده مش متعودة عليا كده متعودة اني بجحة حصل موقف وحكيته لحد حاسة انه مكنش يستاهل اني احكيهوله يتم الندم يجدعان بجد قلبي بيوجعني محدش متخيل حجم الوجع والزعل اللي جوايا اول مرة في حياتي احس اني عايزة الاجازة تخلص محدش فاهم انا حاسة بأية بجد

كونت حابب احكي حاجه مدايقني اووي. انا شاب لسا في بدايه حياتي كفاحت في الدنيا كتير اووي وكونت بتحارب من كذا جهة علشان ناس مبتحبنيش وناس كل حياتهم اذايتي انا واخواتي والحمدلله ربنا ابتلاني بي بمرض من 6 سنين اتعفيت منو الي حدا ما بس كان لسا موجود بس وقتها صحتي بقت ضعيفه جدا مبقدرش اشتغل لحد ما كلامهم اذاني اكتر خلوني اضغط علي نفسي في الشغل للعلم أنا متعلم تعليم عالي وكويس وشايل البيت لوحدي ولله فا المرض جالي تاني واضعاف عن الاول ومبقتش بقدر اتحرك خالص وبقيت محبوس في البيت فا اساله كتير اووي بقت بتيجي في دمغي انا محتاج حد يدعيلي بجد 🌹 ومتاسف للاطاله

عيني جفت من كتر العياط، أول مرة أجرب اعيط بالطريقة دي بقالي اكتر من سنتين يمكن، البنات بجد عندهم نعمة العياط دي عكسنا اوي، انا ببذل مجهود جامد اوي وانا بعيط عملت خناقة مع أهلي عشان متغداش معاهم، عشان عارف اني لو قعدت اكل معاهم هعيط قدامهم فعلا وسط ما هما بيتكلموا عيطت قدام ماما وكانت لحظة زبالة اوي، بصتلي بنظرة رعب كدة عشان أول مرة تشوفني بعيط بالشكل دة، حاولت اتخلص من وجودهم وانعزل وقدرت الحمد لله انا بكرهني اوي

أنا بقيت زهقان وانا لوحدي ولما بكلم حد بقيت ازهق اكتر مش عارف العيب فين بالظبط بس كان في ناس ف حياتي بتكلم معاهم كتير وبنحكي وعادي مهما طولنا الكلام مش بزهق منهم ، بس اكتشفت حاجه ف الناس ان الي يبانو مش كويسين أو عملوا غلطات أو عندهم اسرار مينفعش حد يعرفها لقيت الناس دي انضف ناس عرفتها بس هما محتاجين حد يسمعهم ويريحهم علي عكس الناس الي عامله نفسها مش بتغلط وبتعيب علي الي بيعمل اي حاجه ف لحظه ضعف أنا مش شخص مثالي ومبحبش الأشخاص المثاليين ولا الي عامل نفسه مثالي أنا بحب الناس الي بتغلط وتتعلم وعارفه كويس ان احنا بشر وبنضعف خصوصا مع الي بنحبه ومرتاحين له ، نفسي بجد ارجع للكلام مع حد نضيف زي زمان بس كل مادي فرصه لحد يطلع مثالي

حاسة انو ما فيني اكره واحد مية بالمية يعني مثلا لما اتعرض للاذى من طرف اي شخص اكيد اغضب في البداية و ادعي عليه و كذا بس بعدين مثلا اكتشفت انو عنده مشاكل صعبة مثلا بالبيت اشعر بالشفقة عليهم و افكر لو يعني ربما مو سيء لتلك الدرجة و يمكن انا شخصيتي حساسة زيادة ، لما كنت صغيرة شوية 15 و 14 سنة اهلي كانو متشددين خاصة امي بالتالي كان لازم عليا دايما احصل درجات عالية و الا بتعاقب بقسوة ، صراحة ما اهتم بس كنت اخاف يعرف حدا تاني و اهلي كمان هددوا ما اقول لحدا عاساس لمصلحتي، المهم في عندي صديقة عرفت بالامر بسبب ندبة عايدي و استغلته ضدي و بتعرفو بعدين كيف بتجري الامور اهلي غضبو....... المهم لما كبرنا شوية سمعت خبر وفاة امها صراحة حزنت عليها كنت بعرف شقد كانت متعلقة بيها ، الحين انا مستقلة و الحمدلله دايما في مواقف سيئة بتصرالنا جميعا و يعني ما تكونو ضعفاء مهما كان الموقف ادعوا الله تعالى و ما تفقدوا الامل و العفو عند المقدرة من اسس الاخلاق عند المقدرة اكيد

للأسف هذي صارت أغلب مشاكلنا شفت كتابة ولفتتني.. صار أقصى طموحك يا إنسانه يا ضعيفه زوج حنون يحضنك قبل النوم ويلعب بشعرك ويقرأ ... عليك الأذكار وما يرضى أحد يزعلك ويتقهوى معك ويفضى لك لما الكل ينشغل يسمع لك ويشاركك يومك بحزنه وفرحه متخيلين أنها صارت أقصى طموحنا نستشعر اللي فاقدينه ب رجل ليه وصلنا ل هالضعف... ليه مانقدر نمتد هالأشياء من داخل بيتنا بدون مانتخيلها ب رجل الأحلام؟...

مش عارفه بحكى ليه هنا بس انا طول عمري بكره الجواز الخلفه وفكره انى اكون ام دى مرعبه ومكروهه بنسبالى بس انا اتجوزت شخص كويس جدا جدا حبيته وتعلقت بيه تعلق كبير خصوصا لانو نمط تعلقى اصلا تعلق قلق عملت اختبار قبل ما يسافر بيومين وفعلاً طلعت حامل بينى وبينكم انا مفرحتش كان شعورى متجمد كاواحده هتبقى ام بس فرحت لما شوفته مبسوط ولما حضنى وقالى مبروك شوفت الفرحه فى عيونه واهتمامه اللي لما بعد ما سافر مقلش ديما خلى بالك من نفسك كلى كويس متشليش حاجه تقيله متعيطيش حقيقي انا مش حاسه بحاجه جوه نفسى كل اللي هممنى هوا وانهارده روحت للدكتوره مفيش كيس على الجهاز وحتى لما كشفتش كشف مهبلى برضو مفيش فا طلبت منى تحليل رقمى وقالت غريب انو مبنش فى الكشف التانى عملت التحليل وطلع 638 ودى نسبه قليله المفروض 4000او5000 فا قالت بعد يومين تعملى تحليل تانى لو النسبه ذادت ان شاء الله يكمل الحمل لو لاء فاا دا معناه انو مش هيكمل وهينزل خايفه عليه فرحته متكلمش وحاسه انى مينفعش ابقى ام لانى مستهلش كدا بس هو مذبوش حاجه عارفين خايفه يكمل وخايفه ميكملش

عندي مشكلة كبيرة اوي مش عارفة اتصرف فيها ازاي وحاسة اني بنهار (محصلش). سـلامٌ عليـكم اولًا 🍧. عارفين الشخص اللي بييجي يشتكيلك من حد عشان تقعد تشتم معاه في الشخص ده مش تنصحه؟ هو جاي على اساس افضفض وانصحني ومدري ايه، بس هو actually عمره ما هيتقبل انك تغلطه لو هو اللي غلطان فعلا وممكن يقلب عليك، ولو فيه تفسير او مبرر لتصرف اللي قدامه وانت واجهته بيه هيقلب برضو، او حتى لو قولتله مش عايزين نغتاب او ننم هيقولك الشيخ وطاهر القلب ويتريق، ولا هيقبل نصيحتك اصلا لو نصحته، هو جاي على اساس ساعدني بس هو بس عايز يشتم في فلان مع حد ويحس انه كده انتصر على الشخص ده لما شتمه وخلى الناس تشتمه من ورا ظهره. الناس دي غالبا بتكون الغلط، جبانة وضعيفة ومعندهاش شخصية، وفوق كل ده احب افكرك ان انت لو شتمت اي حد معاه، ف هو برضو بيشتم فيك مع ناس تانية من ورا ضهرك، او هيعمل كده مع اقل خلاف، ده لو مش فارق معاك ميزان سيئاتك اصلا؛ اللي بيَثقُل مع كل كلمة بتغتاب بيها الشخص ده. فاا اللي من الفئة دي انتوا بتتعاملوا معاهم ازاي؟ خصوصا لو حد ملازمك زي صديق بتشوفه بشكل يومي ومش هتعرف تبعد عنه (هيقلب ويتكلم عليك ويشوه سمعتك لو بعدت عنه باي ذا واي). ووو للفئة دي؛ بليز انقرضـوا 🫶🏻.

مش عارف ابدا كلام منين مش عارف ابدا افضفض منين مش عارف هل انا فعلا في ابتلاء ولا موهوم مش عارف انا مالي اصلا مش عارف... عامه هحاول اكون صريح علي قد ما. اقدر لاني انا اصلا مش قادر اتكلم ولا قادر اجمع اللي جوايا بس اللي في قلبي دلوقتي اني حاسس ربنا مش بيحبني بحاول كتير اقرب منو وافشل جوايا شخص بيجاهد نفسه يبقي كويس رغم انو مش مكتفي خالص بالحب والاحتواء جماعه انا راجل ثابت من برا بس جوايا طفل بيعيط صدقوني انا واثق لو حد قرب مني هيجبني وهيعرف اني شخص ميتعوضش ويرجعلي ثقتي في نفسي حرام الطموح اللي جوايا ده يروح عالفاضي بسبب زعل اكتئاب بزن علي دماغي كدا دايما بس برضو بفضل زعلان وكل لما اتقدم في خطوة لمستقبلي برجع الضعف مش عارف اقول ايه تاني حتي فقدت الامل اني الاقي نصيحه تقدر تاثر فيا او بمعني اصح فقدت الامل عموووماا... لله الامر

كيف تتعايش عندما يجتمع التعب النفسي مع التعب الجسدي مع كره الذات مع الاكتئاب مع الوحدة مع الضعف مع الالم مع البكاء مع الندم على الماضي مع فقدان الامل فى المستقبل مع انعدام الرغبة فى الحياة

بجد عاوز افهم حاجة ليه الواحد لما بيكرر يتوب بيلاقي الغلط بيخبط بابو حرفيا تحس كدا الي هوا كنت هتموت وتكلمهم بيكلموك واكن في حاجة غلط يعني حقيقي بكرر اتوب ومكلمش بنات القي كميت بنات اعرفها زمان ومعرفاش بيكلموني ومنهم الي بيجي في غلط طب هوا بجد ايه السب دنا قبل متوب مكنش في حد معبرني

لسا مخلصة احدى محاولاتي البائسة اني افهم امي اني بعاني بسبب الاكتئاب والقلق الي عندي وكالعادة هترجع تتعامل كاني زي الفل وتلومني اني ساعات بحس بثقل اني اعمل شغل البيت واني عاق وتدعي عليا رغم حبي الشديد ليها وان دا غصب عني مهما احاول افهمها اني باخد اعلى جرعة من علاج الاكتئاب معنى كدا اني بعاني المرار والله يا أمي تقولي ماتقنعيش نفسك بكدا هو انتي ضعيفة يالاهواااي مش عايزة الطم عشان حرام والله ياماما

الشيى الوحيد الذي يجعلني اكره نفسي هو لحظات ضعفي التي تظهر للاخرين ، حين لا استطيع الرد بعد اهانتي ، حين يعجز لساني عن نطق حرف امام من اهانوني ،بل اكتفي بالابتسام ،وفي تلك اللحظة اعلم انني ساعاتب نفسي طوال الليل على ضعفي.

مش عارفه اللي هقوله دا ينفع ولا لأ بس.. ساعات بحسد الناس اللي كبتها النفسي بيطلع لبره علي اي صوره مش هنختلف بس المهم بيطلع مابقتش عارفه مين الاقوي أو خليني اقول الاحسن اللي بيكون معبي جواه ويطلع يواجه الناس بابتسامه ولا اللي ياعيني من كتر الوجع مقدرش يكتم اكتر من كدا فنفجر ولا اللي لا فإيده ينفجر ولا حتي فإيده يبتسم دا حالي حالياً بس لو هتمني امنيه واحده وتتحقق دلوقتي فهي اني امشي من هنا

في ناس هنا كويسة جدا بجد حقيقي في ناس هنا كل مشكلتهم انهم طيبين بذياده وده مخلي حيتهم صعبة انا عارف انا بقول ايه حقيقي شكرا لكل حد بيساعد وربنا يهدي كل حد بيستغل ضعف عشان مصالحو حقيقي بحب ناس كتير حنا ربنا يدمكوكم وتفرحونا ❤❤

عندي مشكلة مع الناس الي طول معي ماشية تحكم على خلق الله احنا طريقنا و تاريخ حياتنا محدش ليه حق يحاسبنا عليه مهما كان بقا شريك أو غيره و محدش ملاك و كلنا أكيد غلطنا و لسة هنغلط ف متخليش حد يعيش عليك دور الصالح عشان كلنا عيننا الدنيا عادي و بالذات الي عامل نفسه صالح ده و ماشي يحاسب ف الناس بجد ركزوا ف كلامي بالذات الصالح ده .. و في نفس الوقت متكشفش ضعفك لأي حد .. لازم يبقى إنسان الأول

قاعد مع نفسي وباخد كوفي في مكان عام وبفكر في كل اللي مريت بيه وشايف موقف قدامي "لمحت بنت بتعيط وهي بتتكلم في الموبايل وبتحاول تخبي دموعها عشان الناس ماتاخدش بالها" الموقف ده رجعني بالزمن لورا وفكرني بكام مرة كل واحد فينا اضطر يلبس قناع إني تمام وكل حاجة زي الفل وهو من جواه مهدود ومحتاج بس حد يسمعه من غير ما يحكم عليه أو يقوله معلش جمد قلبك أنا كراجل عشت سنين طويلة من حياتي فاكر إن القوة هي إني أكتم الوجع وإن الضعف عيب لحد ما اكتشفت إن الكتمان ده بيحولنا لأشخاص قاسية ومطفيين وبندخل في علاقات لمجرد إننا خايفين من الوحدة ونيجي على كرامتنا وصحتنا النفسية عشان نرضي أطراف تانية وفي الآخر بنخرج فاقدين الشغف وبنسأل نفسنا هو أنا مكنتش كفاية والموضوع ده غالبا بيبدأ من صدمات الطفولة وضغوط الأهل والمجتمع اللي بتجبرنا نعيش في قوالب مش شبهنا ولازم نطلع مثاليين وممنوع نعبر عن تعبنا التشافي الحقيقي بدأ معايا لما سمحت لنفسي أضعف وأواجه مخاوفي وأصلح علاقتي بنفسي عشان كدا حبيت أكتب الكلام ده هنا ..

بتخافو من ايه يعني كل حد عندعو حاجة بيخاف منها والحجات كتيره اوي بس عمرنا متسالنا السؤال ده ايه مخوفك لدرجه مخليك مش عارف تاخد خطوة فحباتك اي مخوفك ومحسسك انك ضعيف انا عديما عندي خوف من المستقبل

هوا عيب اكون راجل وحنين انا بس عاوز افهم دنا حاسس انو عيب فعلاً منكتر الي بشوفو الاكس خنتني عشان الاكس بتعها كان بيضربها ويهزقها فشارع واتعودت علي كدا وصحابي لما بيشفوني مثلا باكل قطه ولا كلب يطريقو عليا هوا عيب بجد اكون راجل وحنين

السلام عليكم طيب عندي مشكلة مع التعبير مش بعرف اعبر عن حزني او عن حاجة مضيقاني في العموم بفضل بطاقة الحزن دي جوايا و مش بعرف اطلعها حته اقرب الناس ليا مش بقدر احكيلهم و بحس ان انا احكي عن نقطة ضعفي دي حاجة هتبين ان انا ضعيفة و انا مش بحب ابقى كدا طيب عارفه انه مش كدا بس دي تخيلات في عقلي و مش هعرف اغيرها 🤷🏻‍♀️

احساس غصه شديد جدا كإن الحزن خلاص سكن في القلب ومش عايز يطلع تيجي تسند ع حد مش بتلاقي لا أهل ولا صحاب ولا اي حد بتلاقي الي قدامك يا يستغل ضعفك يا يدوس عليك عارفه ان كل حاجه تتحل بالقرب من ربنا وان ربنا بياخد مننا الحاجات الي بنحبها عشان نلجأله لانه بيحبنا بس الغصه كبيره لما تلاقي كل حاجه ضاعت منك فجأه كده خصوصا لما تكون متعود انك دايما قوي وفجأه تحس انك محتاج مساعده

العناد والتمسك بالرأي لمجرد إبداء القوة هو في ذاته دليل ضعف، الشخص القوي بيعترف بمنتهى الأريحية أنه مش قادر على كل شيء وأن أخطأ في بعض تقديراته وأنه خسر في مواقف لو كان أحسن التصرف فيها ربما تغير حاله ده كله بيخرج من الشخص الواثق .. ده لأنه واثق واثق في ذاته، ويعرف حدودها جيداً، أنا لست إلهاً، فالضعف أصيل فيّ، والنقص شيمتي، والخسارة طبيعتي لكن... أتدارك ما فات، وأجتهد في تصحيح ما يسوء من طبعي وخلقي، وأقبل النصح، وأنظر بعين النقص لنفسي، وأقول ربما ربما كنت أنا أظلم، ربما كنت أنا الشر الذي أبعده الله عن الآخرين، ربما لم تكون أخلاقي على المستوى المطلوب، ربما تسرعت، ربما لم أمتلك مهارات كافية للتعامل مع الناس فأفسدت ما بيني وبينهم، ربما تعجلت فأفسدت الأمر، ربما آن الأوان لأقف مع نفسي أأنا حقاً على صواب أم زينت لي نفسي، ربما آن الأوان لأنظر في المرآة لا بعين الإكبار والفخر بل بعين التدقيق والتمحيص لأرى محل هذا الإنسان مما أراده الله وخلقه له، ربما ساقتني نفسي أو احتياجي لطرقٍ ليست هي الصواب ربما كل ده بغير جلد ذات أو إزراء على النفس

ممكن تدعولي بلسانكم ربنا يصلح شأني كله .انا مش كويسه بجد و محتاجه اتكلم مع بنت اشاركها قلقي يمكن توتر يقل بمجرد تعبير مش عارفه بقول ايه بس تايهه بجد و زعلانه من البيحصل لأهلي وانا مليش غيرهم و مفروض اكون متماسكه وقويه بس مش عارفه بجد

انا بجد مبقتش فاهمه شخصيتي بقيت عاوزه افرض سيطره علي اي حد وعلي اي حاجه مبقتش شايفه حد وبرد علي الكلمه 500 ده بس بيطلع قدام اهلي اي حد غريب فكرتو عني اني هادية رذينه محترمه ف حالي ويشهدولي بالخير قدام اهلي بس ببقي انسانه تاينه محلوظه:حاسه ان اهلي لو بينت اني ضعيفه قدامهم هتظلم جامد رغم انهم ناس محترمين جدا انا بس مش عارفه اعمل ايه

مهوا انا شب وجايب اخري اه جايب اخري هنقولي حرام هقولك مش قادر استحمل بجد ليه عشان اتجوز اشتغل30سنه وفي الاخر ملقيش وحدا ترضا بيا مهوا انا بجد خايف اضعف ف الحرام انا 24سنه ماسك نفسي لاكن الشطان مسهل الطريق اوي ادعولي

كل ما اسمع جملت كان يا مكان الحب مالي بيتنا و مدفينا الحنان زرنا الزمندان سرق منا فرحتنا و الراحه و الامان بس أن قلبي بيوجعني ل فكره ان في ناس كتير دخلو حياتي كنت بحبهم اووي و كنت يعتبرهم للحياه لكن زرنا الزمان فعلا و سرق منا فرحتنا أو مش فرحتنا هو سرق مني انا كل حاجه فرحتي و روحي و ضحكتي و عمري سرق وقتي و اعز الناس ليا عارفه أن ده نصيب عارفه أن ده مكتوب و عارفه أن ربنا مش بيعمل حاجه وحشه بس احيانا الواحد بيكون ضعيف و عايز حد يقويه لاكن مش موجود

عندي مشكلة إني أنا يبان عليا الصلاح واني متدين ويعلم ربنا إني بحاول بس انا مش كده مش عشان اتواضع لا انا فعلا مش كده بحاول بس كل واحد فينا عارف نفسه المشكله كل ما اتعامل مع حد يقولي ادعيلي أو كلام من دا الكلام ده بيخليني اكسف من نفسي اووي إن الناس دي شايفه حاجه وربنا عارف كل حاجه مش عارف بحاول والله بس انا مش قادر

يومي النهارده مكنش احسن حاجه بس الحمد لله بس حقيقي يومي النهارده مكنتش مرتاحه ولا مبسوطه زي اي يوم عارفه ان مش كل الأيام لازم ابق مبسوطه بس حقيقي مخنوقه اوي النهارده مواقف كتيره قفلتني ومكنتش طايقه حد واشخط ف اي حد قدامي أوقات بحس إني ضعيفه ومش عارفه أتصرف ولا المفروض اعمل ايه بحسني زي الطفله ال محتاجه احتواء بس وطبطبه حته العياط مبقتش بقدر اعيط مش فاهمه فيه ايه

مش هسمح لحد يحسسني إن ابتلائي إن ربنا ما رزقنيش بناس سوية هو “غلطتي”، ولا إني لازم أعيش لوحدي عشان “أنا مش محتاجة حد”. إحنا مش هنا عشان نكتم مشاعرنا… إحنا هنا عشان نعبر عنها بصدق، من غير خجل ولا تزييف. وبرضو مش هقبل نظرة الشفقة اللي بتقول: “يا عيني عندك المشكلة الفلانية "مسكينة” لأن الحقيقة إن كلنا عندنا ابتلاءات، والدنيا أصلًا دار ابتلاء. الناس اللي في قلبها خير بجد، بتختار تقف جنب غيرها، تساعد وتساند… لأن الحياة فيها جهاد، ومفيش حد فينا يقدر يمشيها لوحده. إننا نحتاج بعض، ده شيء طبيعي جدًا… ومفيهوش أي ضعف. ( مش بكلم ولاد)

الإنسان اللى بيسيب نفسه لشهوته ضعيف الإنسان اللى معندوش تحكم فى نفسه جبان الإنسان اللى بيفقد سيطرته على افكاره ومشاعره ملوش لازمة تقولوا اية للشخص الضعيف والجبان واللى ملوش لازمة ده ؟

انا دايما وحيد ومحدش جمبي محدش بيسمع مشاكلي عمري ما لجأت لاني اتكلم مع مش عشان انا كتوم ولا كده بس عشان اصلا انا معنديش حد احكيله معنديش الحد اللي اثق فيه لدرجة اني ابكي واجيب كل اللي ف قلبي قدامه والله الكتمان بياكل الروح انا مش عارف اتكلم ولا اعبر عن احساسي مش عارف اروح ل مين واقوله عاللي انا فيه مين هيسمعني مين هيحس بيا وباللي بعيشه كان نفسي ف حد من غير ميتكلم ياخدني ف حضنه ويطبطب عليا كفايه اني ابقي متأكد انه حاسس ب وجعي انا تعبت ومش لاقي طريق يخرجني انا واثق ان ربنا حنين قوي وشايف تعبي اللي انا مش عارف احكيه لحد شايف الدمار الشامل اللي جوايا شايف كسر قلبي وشايف وحدتي وشايف كسرة نفسي وانا مش لاقي حد اتكلم معاه ولا حتي ارفع سماعة تلفون ع حد واشكيله ربنا الوحيد اللي شايف قد اي انا ضعيف ومستهلك شايف كتمة دموعي وبتعامل عادي وانا موجوع كأن سيف تلم دخل ف قلبي وماشي ب وجعه ربنا عالم باللي فيا مهما إتداري ومهما كتمته جوايا عال ب خنقتي وب قلبي المكسور وروحي اللي حاسسها هتطلع مش عارف اقول حاجه تاني غير اني تعبت اتهلكت ومبقتش قادر استحمل انا جبت اخري بالمعني الحرفي ل كلمة جبت اخري

انا بحاول ابطل بس برجع عامل زي اللي بيحارب اه والله بس بجازف عشان ابقي شخص سوي واحسن لما بقدر بحس اني قوي جدا كل ثقة حتي اللي حوليا بيحسو بده بس لما بقع بحس اني ضعيف اوي فا بطلب منكم تدعولي ابرضوا اللي عنده نصيحه ياريت يقولي

كل يوم وانا بحاول نفسيتي بتستنزف كل يوم وانا بحاول ارجع ازعل اكتر من الاول مبقتش قادر ابص للجانب الحلو اللي في الحياه ده لو كان في أصلا بقيت عايز اعمل خطوة انا مش عايزها بس غالبا هعملها وهستسلم..

الكثير والكثير من الأشياء ١-البقر الناس البقر اللي هوا انا صح تمسك غبى برأيه واى حد مختلف عنه يبقى غبى ومبيفهمش ٢- الجاهل بدينه وشايف انو الناس كلها بتعمل كدا فا اشطه يعنى ٣-الجبان الجبان فى كرهه لحد بس ميقدرش يواجهه ويجيب حقه ٤ـالناس اللى بتستقوى على الضعيف ٥- المتكبريين اللى منفخويين على الفاضى على اساس التكبر لو معاه اشطا اتكبر براحتك😂😂😂 تبا ٦-الراجل اللى بيخلى الست تصرف عليه حقيقى اخيييييييه يع قوى بصراحه ٧ـاللى ممكن يدوس على اى حد علشان يوصل للى عاوزه وبس كفايه انهارده علشان انا اصلا بكره البشر فا مش هخلص لو كملت

السلام عليكم ورحمة الله وبركاته عاملين ايه ازاي بترجعوا تصلوا بعد فتره انتكاسة طويله اوووي يعني ست شهور كده ولا حاجه يعني ممكن تصلي كام مره كده وخلاص ف النص بعد م كنت بتصلي الفرض في وقته وبتقرأ اذكارك والورد بتاعتك كل ده راح بجد احساس وحش اوي بجد

ممكن بلاش* نتعالى ف النصيحة ع بعض بجد يا جماعة اللي يلاقي أخوه بيعمل ذنب ويحب ينصحه، ينتقي ألفاظه ويراجع أسلوبه ويحسنه ولو مش هيعرف يكون لطيف يبقا بلاها النصيحة، دايما قولوا يا مثبت القلوب ثبت قلبي على دينك، اللهم عافنا ولا تبتلينا، مش عشان لقيت حد بيعمل ذنب انا بفضل ربنا مش بعمله اطلع ع منبر واقول ازاي وانا بستحقر اللي بيعمل كذا وكذا.. ليه يا اخونا بجد ليه، النفس ضعيفة واي انسان وارد يقع ف اي ذنب محدش معصوم ولا حد ملاك، وربنا يثبتنا ويعافينا جميعا.

انا بيجي على اوقات ببقى بعيط من غير سبب للعياط بس في حاجات كتيره حصلتلي خلتني لما اعدي على نفس المواقف أو تتكرر نفس المواقف مقدرش امسك نفسي واعيط يعني في العادي قبل كده كنت مبعيطش غير لوحدي بعيد عن اي حد دلوقتي بقيت من اقل موقف ابقى عايزه اعيط و فعلاً بعيط من غير ما اقدر امسك نفسي قدام الكل و في حاجه عايز اقولها بعيدا عن الموضوع انا راجعه مش في المود هل أسهر و اتغدى و افك شويه ولا لأ لإني فعلاً حاسه أنه مش لازم و انام على طول مش قادره اعمل حاجه

بحس اني مش عارفه اخد موقف من ناس رغم انهم بيدايقوني كتير سواء صحابي او اهلي حتي معرفش ليه بس ليهم مواقف بتدايقني وبردو مش باخد موقف جامد شبه ما انا عايزة ف دماغي عشان مش عايزة خناقه و مش عايزة اخسرهم رغم ان المواقف تستاهل اني اخد فيها موقف و هما لو مكاني كان اخدو موقف

بكره أن خوفي يبان ادام حد في مواجهة عمتا يعني انا دلوقتي معايا حق فموضوع الطرف التاني بيتكلم بشراسه ومبيديلكش فرصة تتكلم اصلا و انت تبدأ تتعصب لان صوتك مش مسموع و تفكيرك وقف من الكلام الكتير ال بيقولو فالعصبية تبينك ضعيف و خايف و بتتلجج في الكلام بالتالي تخسر المواجهة و تبان انت الابن كلب الغلط فكل حاجة و اللوم عليك انت عارف لما يتلعب بعقلك و تشك فنفسك. رغم انك شايف الموقف كله هو دا

اعملي اي حاجة عشان نفسك طالما محتاجاها و عافري عشانها متسيبيش نفسك ولا تقتنعي بكلام انتي مش مقتنعه بيه متخليش حد يلعب فدماغك انتي شايفة الموقف كله و عارفة مين الغلطان و مين الصح اي حد يأذيكي و فيه طبع الاذي دا ابعدي عنه و اقطعي معاه مترجعيش تاني و تعملي فيها الطيبه و انتي بتتغفلي فيهم للمرة المليون متسكتيش عن حقك خليكي باردة الباردة هي المتحكمة في الموقف لما بتتعصبي انتي الضعيفة انتي عصبية جدا انا عارفة بس حتي لو جواكي نار و توتر و قلبك بيدق بسرعة اظهري ادامهم البرود اوعي تبيني ضعفك

عموما انا هافضي اللي في دماغي في البوست دة ف هايكون طويل والكلام مش مترتب ومش هايفرق لو ماحدش شافه حاسس بأيه؟ حاسس بحاجات كتير حاسس بالخوف من المستقبل سواء القريب او البعيد القريب علشان الامتحانات قربت وحاسس اني ماعملتش كل اللي عليا بحيث اني لسة بفتح المواد لاول مرة وخايف ماعرفش احل بس مايهمكش دي مش اول مرة نخاف من امتحان البعيد علشان انا شايف اني لا املك اي شئ (ماديا ) ولسة هابدء اكون نفسي ويا عالم هاوصل امتى او هاوصل عموما ولا لا حاسس بالارهاق من الضغوط الكتير اللي محطوطة عليا سواء البيت مؤخرا معادش مريح والضغط النفسي اللي خاسس بيه وضغط المذاكرة حاسس بالضعف وانا كل ما اوعد نفسي بحاجة مابعملهاش حاسس بالعجز وانا شايف شخص غالي عليا تعبان ومش قادر اساعده او شايف ظروف البيت اللي مش عجباني ومش قادر احسنها حاسس بالغرابة ودة ليه سبب ظريف شوية عندي بنت اختي الصغيرة بحب اغلس عليها واكيدها واني اكون دور الشخص القاسي في حياتها (البيت كله بيدلعها قوي ف بقت مدلعة بطريقة اوفر ) ومع ذلك اول ما صحيت من النوم النهاردة لقيتها بتحضني وبتقولي بحبك + واحدة من اخواتي اللي هي اكتر واحدة بتدلعها بتسألها ف قالتلها انها بتحبني اكتر منها ف بجد انا مستغرب ... ليه حاسس بكره الذات ودة مالهوش سبب بصراحة حاسس بالاحراج كل ما افتكر اي موقف او كلمة قلتها سواء كان صغير او كبير او عادية او لا وبقيت بتحرج اتعامل مع بشر حاسس بالفراغ العاطفي واني محتاج احب واتحب ، بس ليه يسطا، انت نفسك مابتحبش نفسك مين هايحبك فرحان الي حد ما علشان اخيرا ذاكرت من اول الترم + رجعت جيم حاسس بفقدان الطاقة لاي حاجة كأني bmw بس من غير بنزين اللي هو انا من برة اقدر اعمل اي حاجة بس في الواقع انا مفيش حاسس اني بشحت اهتمام عالابلكيشن دة بس في نفس الوقت فرحان اني بقيت في الtop10 حاسس اني زعلان على الشخص الغالي اللي قولت فوق انه تعبان واللي هو بالمناسبة اختي ام البنت اللي فوق وعلشان كدة بنتها عايشة معانا حاليا حاسس اني بعيد عن ربنا شوية ومابعملش حاجة صح غير اني بصلي حاسس اني بقالي كتير واقف في نفس النقطة ونفسي اتحرك بقيت كل يوم بقول يارب اليوم يخلص يارب اليوم يخلص وبنسا ان دة عمري اللي بيخلص ، نفسي اوصل لمرحلة اني اقول يارب اليوم مايخلصش لو وصلت لحد هنا احب اقولك اني اسف اني صدعتك معايا وانك شخص جميل قوي انك تقرأ كل دة بحبك 🫶

انا ضعيف وعارف كدة ونفسي اتغلب ع الموضوع ده اقل مشكلة بتحصل معايا بتخوفني وببقي قلقان ومتوتر ومش بعرف انام ولا باكل ولا اشرب وكمان بيبان ع شكلي وبخس كمان .. نفسي تكون اعصابي باردة واخد الامور بسهولة بس مبعرفش وللاسف ده كمان بيخليني اعمل حاجات مش كويسة ظنا مني ان هنسي ومزاجي هيبقي كويس

كنت مفكر نفسي جامد وقوي واقدر اتحمل اي ظروف ممكن اواجها بس الحقيقة طلعت غير كدا خالص، انا اضعف بكتير جدا مما ادعي بكتير وظروف لا تذكر بالنسبة لبعض الناس خرجت منها باسوء نتايج ممكنة، نفسي اعرف لو اتعرضت لظروف حقيقية ايه اللى هيحصل وانا جاهز لدا ولا لا، وحتي لو اتعرضت انا انسان معنديش حسن تصرف في اي امر نهائي فهل هعرف اتصرف، انا فعلا فاشل حتي في ان انا اعرف اخفف عن غيري، حاولت اساعد حد تعبان وتعبته اكتر، حتي دي محاولة ان انا اساعد غيري وانا مش عارف اساعد نفسي اصلا وفشلت فعلا نفسي اعرف انا لازمتي ايه، اللى زيي جه للحياه ليه، نفسي الاقي طريقة اخلص بيها من نفسي من غير تدخل مني، عندي يائس من ان اي حاجة تتغير او تتحسن او حتي ابقي متصالح مع نفسي واعيش حياتي طبيعي زي اي حد صدقوني محاولات المساعدة كلها على راسي من فوق بس انا مجرد بفضفض لان انا عارف ان مفيش جديد هيحصل ولا حاجة هتتحسن، وهفضل عايش مستني اللحظة اللى روحي تطلع فيها وشايلة معايا كل الوحش اللى جوايا وطافح على شخصيتي

لو كل واحد يسيب التاني في حاله ومايعملش نفسه حاكم ومُنزّه بجد هنرتاح يعني لو تعرف اللي عمال يضحك ويسف ويهزر ده قد ايه بيحاول يخبي اللي جواه بكل طاقته عشان بس مايتقالوش انت ضعيف أو مش صابر أو شكاء أو نكدي لو تعرف اننا ساعات بنضحك عشان بس نتأكد ان قلبنا لسه عايش مماتش لو تعرف اللي تخن تخن يمكن من دوا أو حالة نفسية أو حتى خلل هرمونات حرق أو حتى يا سيدي الأكل الحاجة الوحيدة اللي بتبسطه واللي قل وزنه كمان لو تعرف اللي وشه كبر فجأة كبر من ايه لو تعرف اللي بينام بينام على ايه ويصحى على ايه أو حتى بيحلم بايه لو تعرف اللي ماتجوزش ماتجوزش ليه واللي ماخلفش ماخلفش ليه لو تعرف هو حاسس ايه لو تعرف بيتعامل في بيته ازاي وبيشوف نفسه ازاي لو تعرف هو شايل هم ايه لو تعرف القلوب مقفولة على ايه ووالله مش مطلوب منك ولا المفروض تعرف كل ده بس تعرف تسكت وماتحكمش وتسيب الناس في حالها تعرف لو عاوز تتدخل تخليك ايد رحيمة مش ايد قاسية بتخنق ارحموا شوية لعلنا نُرحم😢

كنت موجود هنا فترة كبيرة بس زاي مقلت قبل كدا ان بمجرد مبرجع للشغل اي حد رفو بننسي بعض بسبب انشغالي بشغلي انا حقيقي وحدي ومخنوق من ده بجد لما بكون وحدي بضعف لحجات كتيرة مش محببة ليا بجد انا مخنوق

ما حسيت بهذا الضعف من قبل غير مرة واحدة من كنت احاول قتل نفسي وما قدرت لان خفت من هذا ، كل هذا غير مهم الان ، الان اشعر بالعجز حقيقيي اليوم ، لما رجعنا البيت ك اي يوم طبيعي ورة ما كنا خارجين او اي شيء كانت تسعل وبساعات قليلة اشتد سعالها وصار وجهها اصفر وديتها لطبيب وكتبلنا لها حقن وادويه وهي الان تسعل وحيدة اعطيتها الحقنه بنفسي قبل نص ساعة بجد احس روحي عاجز

اوحش حاجه لما تكون بتعمل حجات كتير مش تمام وفجاه تلاقيك افتطرت كل حاجة كل تفصيله انا بكره الذنوب جدا بحس انها بتكلني ادركت مؤخرا اني اللي بعمل الذنوب بمزاجي تضيعا للوقت طب لي بعمل كدا معرفش بسال نفسي وقتها اصلا انت لي بتعمل كدا مش بكون فاهم عمتا

عاوز اتكلم ومش عارف اقول ايه ف هسيب صوابعي ترقص على الحروف بالطريقة اللي تعجبها لو وراك حاجة ماتقراش يا ترى هل هي لسة بتفكر فيا زي ما انا بشوفها كل ما بغمض جفوني كأني وشمتها عليهم ومع ذلك بحاول اتجنبها في الحقيقة بأي طريقة ممكنة ممكن انا جبان وضعيف عن مواجهة الواقع او ممكن الانسحاب كان هو الحل المنطقي اصل لعب الشطرنج علمني اقيم موقفي كويس واعرف انا بكسب امتى وبخسر امتى وان اي نتيجة غير متوقعة ف هي غلطتك انت لانك ماحسبتش كويس ف بتتعلم الحرص والخوف من الغير محسوب بس احنا مش إنجين ومانقدرش نحسب كل التفريعات ف بنغلط ونخسر ومانخيرنا تتمرمغ بالتراب كأنها البزرة اللي بتتزرع والحرص من ان الموقف دة يتكرر معاك هو الشجرة اللي كبرت ما اخدتش خطوة حقيقية في نحيتها واتحججت ان مفيش فرصة ، والخطوة اللي خدتها كان اكونت فيك وياللسخرية مع اول رسالة بعتها فكرت امسح الاكونت واهرب لكن ضغطت على نفسي شوية وماكملتش كتير وبنهاية اليوم كان الاكونت زي اثار الاقدام في صحراء فيها عاصفة رملية ليه انا بفكر في حد ماعرفهوش ولا يعرفني ولا لينا علاقة بالطريقة دي بس ماتخافيش يا نفسي انا هنساها لازم انساها وانسى ايه ومفيش حاجة بينا اصلا طب لسة بفكر فيها ليه مع اني كنت نسيت انت مريض متعلق بأمل غير موجود انت جسدتها في خيالك بصورة مش حقيقية وحطيت فيها كل حاجة نفسك فيها ف انت مابتفكرش فيها انت بتفكر في اللي انت محتاجه طب انا اعمل ايه دلوقتي وانا خايف انها تعرف انه انا ماتخفش هي ماتعرفكش ولا تعرف اللي دخلها ، انت بس اللي بتوهم نفسك انت محتاج اهتمام بس مش لاقي وبتعاند ف ماصدقت لقيت حاجة اتشعبطت فيها نام وانسى نام بس

عاوز احكي عن معاناتي اني بحاول أبين للناس اني قوي بس من جوايا بجد تعبان مرهق نفسي أصرخ بس ما ينفعش نفسي احكي ممكن كتبت الكلام ده هنا عشان مافيش حد يعرفني انما أنا علي طول شغل مافيش حاجه في حياتي غير كده زهقت مليت

تعرفوا ليه انا اخذها بالحظن اذا بدأت تبكي؟ ، الحقيقة هي انا ما اقدر انظر بعينها وهي كذا مهما احاول اقنع نفسي غير ذالك ، افعلها فقط حتى لا وجهي يقابل وجهها وهي تمر بالبكاء ، فقط حقيقي ما اقدر اتحمل هل شي

جماعه الانسان بجد ف صراع بين انه يعامل الناس بالمثل ولا انه يتعامل بتربيته هو و اصله يحافظ على الجزء الطيب اللى جواه ولا يتماشى مع الجو العام اللى حواليه وان هو حد مش مؤذى دى حاجة بتأذيه هو شخصياا اللى حواليا ممكن يفتكرو انى حد ضعيف وان سكوتى دا ممكن يكون ضعف احنا نعتزل الناس اسهل بقااا نتصرف مع المجتمع دا ازاى يا جماعه

حاسه اني بحارب مع نفسي كل ما احاول اقومها واشيل الشيله اللي مكتوبلي اشيلها الاقيني بنهار تاني وببقي نسخه مقرفه انا مش عايزه اكونها ف شغاله ف دايرة بقالي كتير من العبث معرفش هفوق امتي بشكل حقيقي وعلي الاقل ارجع مبسوطه مش لازم اكون سوبر ومان

ابدا حاليا انا مش عارفاني ولا فهماني ولا عارفا اركز علي نفسي ولا واثقه من نفسي حتي زمان كنت مش بهتم ب اي حاجه لكن حاليا لا انا واقفه في مكاني مش بتقدم خطوه واحده بس لقدام مكنتش اتمني ابقي كدا عمتا

أنا بجد تعبت من حياتي ومن احساس إني غير مرغوب فيا وفشكلي اللى أنا مختارتوش دايما مابحبش اتكلم ف الموضوع ده عشان محسش بالضعف أو النقص انما انا تعبت وبقيت حاسه كل حاجه فحياتي مربوطه بشكلي ولازم ابقى حلوه عشان يبقى مرغوب فيا من اي حد💔💔

ذنب وقعت فيه ومرحلة بمر بيها حاليا مخلياني مش قادره اتعرف علي نفسي من الاساس ولا افهم مين البنت الجديده اللي انا عليها بقالي شويه ديه ؟؟ هي مش انا وعدم تغيري للوضع الحالي بيخلي الاحساس ده يزيد اني باصه لنفسي بصه استغراب ومش عارفه مين الانسانه اللي انا عليها دلوقتي زائد خروج الانسان اللي حبيته من حياتي بكسره منه زود احساسي بالضعف والعجز وانا مش متعوده اكون لا ضعيفه ومهزومه

الجبن، انو يكون انسان جبان مش قادر يدافع عن نفسه اهله صحابه مبداءه ليه؟ عشان خايف و ديما الهايف بيكون ضعيف و مش بيعرف ينبسط بحاجه، انا مش بنزع صفة الهوف من الانسان لا عادي كلنا بنخاف من حاجات مختلفه بدرجات مختلفه في ناس بتعرف تواجه خوفها و في ناس لا، بس حاليا لا اصبح مينفعش انو الواحد يخاف لانو كده مش بيضيع حقه بس ف نقول هو حر فيه لا هو كده بيضيع حق الي حوليه كمان

مضايقه من نفسي وعجزها عن اني اتغير واكون انسانه جديده بعد العلاقه الاخيره اللي كنت فيها وبعد صداقه مهمه خسرتها وحاجات كتير خسرتها اخر فتره مش عارفه اقوم زي زمان كنت بقوم دايما بس حاليا حاسه بهزيمه وضعف وعجز رهيب

جماعه بجد انا محتاج مساعده لاني حاسس اني هعمل حاجه بكرها المزكرا وانا بقى لي فتره متوقف عنها فبجد محتاج حد ينصحني مش عارف اعمل ايه او حد يتكلم معايا بس فتره لاني مش واثق في نفسي اني اقدر اكمل اليوم

خدت الاعفاء من الجيش النهاردة الحمدلله وحاسس ان في زحمة في دماغي عاوز اعمل حاجات كتيييير اوي اكمل المشروع اللي فاشخني ده واجيب المكنة اللي هشتغل بيها وتبقا بتاعتي واجهز شقتي واشوف شغل تاني احسن في خلال التلت شهور دول وعاوز اتجوز بقا عشان علي اخري من كل حاجه حاسس اني بقيت ضعيف قدام الفتن دي بالذات

لكل الي راهنو علي فشلي وقالو اني مش هتغير ولا هتوب كان عندكو حق انا اسف اني صدقت نفسي اني هتغير اسف اني فكرت اني خلاص مش هضعف للغلط تاني بس انا مغلطض زاي كل مره انا مكنتش بندم دلوقتي عندي توبة كنت مصدقها وندمت عليها الخلاصة انا رجعت اسوء من الاول مبروك كسبتو الرهان

فكره الخوف دي صعبه اوي بجد شعور الخوف نفسه مرعب تخيل تبقى عايش في بيتك مش قادر تنزل تجيب حاجه لنفسك من السوبر ماركت من كتر مانا خايفه من الناس ومن البشر خايفه من الطريق خايفه من نظرات الناس من الحيوانات من صوت العربيات والزحمه والصوت العالي خايفه برضو اقعد لوحدي في البيت بخاف انام عشان محلمش بأحلام وحشه خايفه من الامتحانات والدروس خايفه من المستقبل والحروب والعالم بجد خنقه رهييبه معنديش غير التليفون و المذاكره حرفيا حياتي بقت متكرزه على دول بس جسمي ضعيف مع اني باكل بكميه كويسه في بجد حاجه غلط

انا بجد بكره لما كون موجوعه لكن بتوه عشان مبينش ان انا ضعيفه لكن انا والله ببقي نفسي اقعد اعيط لغيط ما اتعب و اكون طلعت كل اللي جوايه المشكله اني في علاقه بعض ما ابتديت اني اكون احسن رجعت لنقطة الصفر عشان هو بيعاملني بمزاجو احني بقالنا يومين متكلمناش معن هو بيكون اونلاين علي ال Instagram لكن والا بيعبرني بنص جنيه حتي بس ببين اني كويسه

عندي نزلة وتعبانه اوي بقالي ٣ أيام دلوقتي تعبانة أكتر من اول يوم إدعولي أخف الموضوع يبان بسيط بس صعب اوي عليا. شوية كلام عشان املي البوست أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني.

في حاجات بتتعبنا مش عشان كبيرة، لكن عشان جوانا مش قادرين نحكيها. وجع بيعدي علينا وإحنا ساكتين، بنضحك عادي قدام الناس، ونرجع لوحدنا نسأل نفسنا: "هو أنا ليه حاسس كده؟". أصعب حاجة مش الألم نفسه، أصعب حاجة إنك تحس إنك لوحدك فيه، وإن محدش شايفك بجد. بس الحقيقة اللي محدش بيقولها: إن كل اللي جواك ده مفهوم، وإنك مش ضعيف عشان اتأثرت، ولا عيب إنك تتعب، العيب إنك تفضل مكتم لحد ما تنكسر. خد نفس، وادي لنفسك حقها في التعب زي ما بتديها حقها في الفرح. يمكن اللي انت فيه تقيل، بس انت أقوى من إنك تفضل فيه للأبد. هتعدي وهتبقى أحسن .. 💙

شجااي اسوي اني ما اواجه مشاكلي مثل الرجال ، اكعد اسهر و احرق تفكير و اشوه بصورت ابوية هذا الرجل العظيم ، حتى غطى عليي بعد كل هذا لما اتصل فيه ابو البنت الي ورطت نفسي معاهم مش خطيبتي اللي اسكن عندها لكن بنية اخرى رائع كل شيء مر بدون ما ينهار كلشيء شكرا بابا كملت كذب معي وغطيت عليي مدري هو انا ورثت هذا الكذب منك لكن عظيم علاقتي معاهم او مع خطيبتي ما تأثروا ، شكراً كلمه ما استنتلي الفرصة اقولها

حاسس اني تعبان او مرهق كل ما احاول ابدأ في حاجه متنفعش متكملش عارفين احساس انا نفسي اجيب حته من سما بس مش عارف اي مانعني تحس كده انك متكتف ضعيف مع انك بردو عندك طموح عالي و عايز تجري و تحقق كل جواك نفسي اعرف ابدأ اي حاجه ازاي و اكملها للاخر شكرا لحضراتكم

يا جماعه انا مش عارفة ابطل اغاني بجد انا تعبت المفروض الواحد عشان يبطل ذنب اول شيء يرفضه بس انا مس عارفة حتى ارفض انا ديما عايزة اسمع اغاني بالذات لو زعلانه وهما نفس الاغاني الي بسمعها ومش عارفة اعمل ايه احنا في الاشهر الحرم يعني الذنوب بتتضاعف انا كده في منحدر صعب ولازم اتصرف لازم يكون عندي ارادة اكتر من كده

دلوقتي انا رايحة الامتحان وكل الي في بالي ازاي وصلت لهنا رايحة بعد ما اجلت الامتحان مرتين ومع ذلك بردو لاول مرة اسوف بالشكل ده وملحقتش اراجع كل الي عايزاه وطاقتي خلصت بجد دي انا الي كانت بتعيط على نص درجة دلوقتي بقا كل همي اخلص الامتحان وبس الحمد لله على كل حال وانتقم يارب من كل شخص عقدني وحسسني بالضعف مش مسامحه عموما المدرس الي شككني في نفسي وصعب عليا كل حاجه ومبتطلعش من بقه كلمة حلوة ربنا يوفقني وانا راضية بكل حاجه بس اتمنى السنة الجاية مستقبلي ميضعش واحقق حلمي وادخل طب

انا أصلا لييه انزل التطبيق واكتب وادور حد يعطي ردو فعل على افكاري والي واشعر به وامر به ليه احس اني احتاج هذا ، هذا غلط انا ضعيف تماماً مثل ما قال بابا خيبة امل ما رباني الرجال حتى اكون كذا ، ولا تبدي حول امر شريكتي المسكينه

انا حاسة ان حياتي كلها غلط من اولها لآخرها انا ثانوية عامة و مش بذاكر ولا بفتح كتاب انت لو بتجيلي الامتحانات لحد عندي مش هبقى كده و يا ريب رايقه ده بتأنيب ضمير… متقطعه في الصلاه او زي منقول كده مش بصلي اصلا اتوب يومين اعصي شهر مش بعرف اذاكر دقيقتين على بعض عندي ADHD و تركيزي اقل من الصفر و المشكلة اهلي ميعرفوش ده ايه و قلت لهم هيقولوا ده اكيد من الموبايل ال هو انتو فاهمين دماغهم … انا مفيش حاجة صح بعملها لا باكل كويس ولا بنام كويس ولا بذاكر اصلا ولا بصلي و قريبة من ربنا و لا عندي هدف عايزه احققه و زيد كمان ان من بعد الفصل الأول و انا مش عارفه اركز اكتر بسبب النتيجة الهباب ال جبتها (٩٠٪؜) و المفروض ان ده الفصل ال اعوض فيه عشان ارفع النسبه بروح المدرسه مش بهدف اني اخد معلومه لا، بهدف ان دي حاجة مجبره اعملها و خلاص و ماما مش بتعمل اي حاجة غير انها تقارن و بس شوفي دي و بصي لدي انا مش فاهمه حاجة و مش عارفه حاجة … بجد تايهه اوي😭😭😭😭😭😭

انا شاب عمرى 20 سنه وانا طفل كنت بحس دايما انى مميز وذكى بس لما كبرت شويه الموضوع اتغير بقيت بحس دايما انى قليل وان كله احسن منى لدرجه ان لما حد بيمدحنى بحس ان انه بيتريق عليا او بيستهزا بيا بدخل نفسى ف مقارنه مع كله لدرجه بمشى فى الشارع بقارن نفسى مع كل الناس سواء اعرفها او لا

الواحد كتير اوي بيحسد البنات علي كمية الاوبشنات الي عندهم و بيصعبو عليا اوي البنات الي اتحرمت من الحاجات دي أولهم و اهمهم التصريح بلضعف و الانهيار البنت مهما كانت هي بنت مش دورها أنها تكون صلبه بلعكس البنت ليها اب او اخ أو زوج ليها كل دول تترمي عليهم بس تيجي الناحيه التانيه الرجال ولا يعرف يعمل حاجه من الحاجات دي ولا قدام ابوه ولا أمه ولا أخته ولا اخوه ولا حتي زوجته أنه المفروض يسبت ديما كفائه وأنه عمره ما يميل دا يخلي يكبت جوا بجد الموضوع متعب و بذات لما تكون في ريليشن شيب مع حد بتحبه هنا بحس أن المشكله بتكبر بتلاقي ديما البنت مجرد ما بتقول كنت بعيط أو هعيط أو مش عارفه اخد نفسي من كتر الزعل بنجيب ورا و بنحن و بننسي زعلنا و بنراضيهم عشان زعلهم ميطولش عشان مبنستحملش زعلهم بس تيجي تعكس عمرنا ما هنعرف نصرح أو نقول التعب الي تعبنا من الزعل أو قد اي الدمعه كانت خلاص بس كنا بنلهي نفسنا في اي حاجه بجد الموضوع متعب انا منزل ال أب ده من يومين عشان عجبتني فكرته و كنت داخل بداعي الفضول بس متخيلتش اني هحتاجه بسرعه اوي

عندي مشكله ك راجل مش ليها حل نهائي انا ضعيف اوي قصاد الصوت العالي و الاسلوب الوحش عموما و عندي نقطه ضعف تقتل يعني ك خلاف لو حد استخدمها ضدي ببقي خاضع له و ماليش اي رد فعل عموما انا الخناق الجسدي ما بحبوش و لا بعرف ادافع عن نفسي بس في الغربه اكتشفت انه الاوامر بطريقه معينه ببقي صعب عليا اوي اني اقول لا ابتدي اتكلم او اعمل ببقي عدواني لكتير و اسكت خالص ببقي مداس و الحقيقي انه الغربه عرتني نفسيا و جسديا لحد النهارده مش قادر اواجه اي حاجه صغيره

سؤال بجد ومحتاج إجابة بصراحة… ليه البنت ممكن تتعلق بشخص هي عارفة إنه غلط وبيأذيها؟ ضعف؟ ولا في حاجة أعمق محدش بيحكي عنها؟ طب خلينا أجرأ شوية… هل فعلًا البنت بتحب اللي بيتقل عليها أكتر؟ ولا ده وهم؟ طيب جاوبي على دي لو تقدري… إيه أكتر حاجة وجعتك من شخص كنتي فاكرة إنه الأمان؟ وسؤال تاني يمكن محدش بيفكر فيه… ليه البنت القوية دايمًا بتخسر في العلاقات رغم إنها فاهمة كل حاجة؟ وآخر سؤال… في نوع معين من الرجالة البنت عمرها ما بتنساه… حتى لو كملت حياتها… هو مين بقى؟ 👀

غلطت ليوم فحصة لونقلي 😭💔انا طالبة انجليزية سنة اولى بصح ارتكبت خطئ فادح درنا ليوم اورال تاست ايا ودخلتنا 3مع بعض تسقسينا وتفهمنا، غلطت في زوج حوايج 😭مهم ، ستريسيت قتلها doesمع l 😭😭😭😭😭😭مالقري علبالي بلي مع do قاتلي الاستاذة مع do!!!!!!! قتلها مع do بصح كيشغل نام طفلة سماتلي زعما نطقت معايا بعد حسيت وكأنو خطأ تاع doesمع do يعني à ce point وش ندير معاهم فلونقلي هي كي ولات هذي غلطة حسيت انو زوج بنات لي كانو معايا تاني كي شغل انا مبغيتش خطأ كيف هذا ومع لبنات معايا 🙂🙂تاع انا راني outtttولا يولو يضحكو مالقري ماضحكو موالو والاستاذة ولا تشوفني ضعيييفة ومنعرفش خلاص 😭💔صحصح كرهت من تخصص اونجلي كي درتو كل وين تكون présentation ولا اي شي يقدموهولنا نديروه، لازم يصراو عفاييس كيما هك ايا قوللولي كفاه جاتكم، احكيولي صراحة؟؟؟؟؟

كنت بحاول ابحث عن صديق محترم من نفس سني انا عندي 16 يشاركني نفس اهتمامي في اي نشاط انا بعمله و اهم حاجه يكون محترم مش عارف اجد الصديق ده الس ممكن اعتمد عليه و احكيله حاجه عني و ميستغلش ضعفيي

محتاج ب.ن.ت نكون صحاب واخوات لبعض نساند بعض وقت الشدة والضعف نكون ساب.ورت لبعض هي تضايق من حاجه تحكيلي و العكس ونستشير بعض في المواقف ونوصل لحل يكون مفيد للمشكلة وما الي ذلك هل ممكن الاقي حد كده ؟

معرفتش اتخطى للأسف لحد الان فى كل موقف بكون ضعيفه فيه ومحتاجه الشخص ده بفضل اعيط على خالى وعلى الوحشه فى كل لحظه بكون لسه محتاجاه وكل وعد قطعناه انا وجدتى سوا حققناها ول القدر كان اسرع مننا

أنا مش حاسس بأي حماس إني أنجح أو أعيش حياة مليانة فرح أو فلوس. بقوم بالعافية الصبح، ومش حاسس إني تعبان قوي، بس بياخد وقت عشان أطلع من السرير. ساعات بحس إني عادي جدًا، وساعات بتمنى إني أختفي خالص. مش حزين، أنا بس مش حاسس بأي حماس. وكمان بحس إني ضعيف. أخدت سنة فاضية ومش فاهم أنا عملت كده ليه أصلاً. في الأول كنت عايز أسافر، بس معنديش فلوس ولا مهارات أقدر أزود بيها دخلي، ففقدت الأمل، ومن وقتها وأنا حاسس كده. أنا مش عايز أشتغل أو أتعلم أي حاجة، ومش عايز أبقى أحسن. مش عارف أعمل إيه. بس لسه بَعزف جيتار… دي الحاجة الوحيدة اللي مكمل فيها.

مش عارفه اتخطي حد كنت بحبه يمكن بقالي يومين بقول الكلام ده بس مش قادره فعلا عايزة اختفي من كل حتة ومش عايزة ابقي موجوده تاني وحاسه بكره تجاه كل شي حواليا هو كان اقرب حد ليا وعارف كل حاجة عني والحجات البخاف منها وعارف كنت بحبه ازاي انا بس مش عارفه بقيت شخص ضعيف كدا امتي ومش قادره اكمل ف حياتي

انا قاعد في مكاني ال بقعد في علطول لوحدي بقالي 4 سنين ودخلت الجامعه ولازلت حاسس اني لوحدي بظن اوقات اني قدرت اتقلم عليها لكن هي اوقات الوحده بحسها بني ادم وبيخنق فيا واقف مكاني حاسس اني محبوس مش قادر آخد خطوه او اتقدم مش عارف كل ال حوليا ديما شافني الشخص الحزين المكتأب بس مبعرفش اخبي انا ضعيف جسديا و مبعرفش اتكلم أو عندي لغه حوار يعني بحس اني لو اتكلمت مع حد بيستغرب من اسلوبي مش عارف ليه بشوف كل العيوب دي او حاسس اني مثير للشفقه والناس بيشفوني كده حتي صحابي في الجامعه انا ديما علي أمل مره افتح واتس اشوف حد يقولي ازيك اقسم بالله نا ماقادر اوصف لما بفتح هنا وأشوف مشاكل الناس بحس اني مش لوحدي ال بعاني

مستنيه شخص كنت بكلمه يكلمني... في بستانٍ هادئ، جلس عصفور صغير فوق غصن، ونظر إلى الطيور وهي تحلِّق عاليًا، وقال: "ليتني أطير مثلها، لكنَّني ضعيف". سمعته شجرة عجوز بجذور عميقة، فابتسمت وقالت: "أنا أيضًا كنت صغيرة مثلك، لكن مع الصبر كبرتُ، واشتدَّ ساقي، فلا شيء يأتي فجأة"

الانسان يروح فين لما الابواب كلها تتقفل مره واحدة غير ربنا ساعات ببقي قاسية علي نفسي وعلي الي حواليا وحقيقي مش عارفة الانسان يتخطي ازاي بسرعة وحقيقي صعبان عليا نفسي جدا واحسن اني ضعيفة ومش قدره اساعد نفسي ولا قدره لاي حاجه خالص وعايزه انعزل عن العالم كلو

بجد انا مبسوط وانا بشارك التوبة والرجوع لي ربنا خطوة بخطوة معاكو بجد في ناس كتير شجعتني حتا لما قلت اني مخنوق ناس فضةت تقولي هوا الشطان بيحاول يضعفك متضهفش انا وحتا الان الحمدلله مرجعتش لحياة القرف الي كنت عيشها بلعكس لما بفتكر نفسي بقرف حقيقي انا كنت وحش جدا

حاسس اني مخنوق وقرفان من نفسي اه انا توبت بس كل حاجة بتبوظ انا الحمدلله لحد دلوقتي مغلطس ولا رجعت للقرف الي كنت في بس بقيت حسسني ضعيف يعني كنت الاول كل يوم بقرب من ربنا أكثر دلوقتي بلعكس حاسس زاي منا ان مكنتش ببعد حاسس الطريق بقي صعب اوي وخايف او مرعوب ارجع بحاول اقرب بس بلاقي نفسي برضو بشغل نفسي بحجات فضية انا موشوش جدا

لما تحكي متبينش ضعفك لحد حقيقي كلو هيستغل ضعفك حتا الي بيسمعك ولما تعمل خير متكرروش هي مره واحدة لان هتتعلق ب الهوا بجد كلو بيبق عاوز مصلحه انا قرفان من اي حد بيستغل ضعف الي بيحكي عشان عايز مصلحه حقيقي حاجة تقرف

كل واحد فينا جـواه بـلاك بوكـس ونفسـه يخـرج اللى جزاه من غير ما حد يمسك عليه نقطه ضعف او حتى يستغل ده ضده ومش شرط يكون حاجه معينه بجد اوقات الفضفضه مهم مي.ن عاوزه تحكيى عن حاجه مكتومه ونسمع بعض ؟

ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني وحاسس بالتقصير مع اني عملت كل اللي اقدر عليه مع اني ثلاثيني السن وكانت صاحبتي وهل الزواج ممكن يخليني اتخطي

الحقيقي الانسان دا ضعيف لرغباته اوي و القوي بس هو اللي يقدر يسيطر علي دا أنا متجوز الحمد لله و عندي اطفال كمان و في نعمة و مع ذلك اوقات الشيطان بيدفعني اعمل حاجات غلط و لما بقدر و بقاوم دا بحس براحة و بركة كبيرة ف ايا كان وضعك حاول متضعفش لرغبة موقوتة و اسعي دايما ل رضا ربنا و دي نصيحة عن تجربة لاني عملت الغلط و الصح

ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني مع اني ثلاثيني السن وكانت صاحبتي وهل الزواج ممكن يخليني اتخطي

I can fix him ؟ نزلت بوست وقلت ان البحبه ضعيف بجوانب كتير و ٩٠ فالميه او اكتر الردوا قالوا اساعده يتغير طلامه بنحب بعض طب ما اساعد نفسي الاول عارفين مصطلح القوامه للراجل؟ هو مش اعلي مني او زيي انا هعليه ازاي مش يمكن نقل؟

انا اكتشفت ان شخص البحبه ضعيف .. ضعيف دينيا صحيا نفسيا مش هنكر اني كمان ضعيفه بس صارحته دا اول ما قالي انه عنده مشاعر .. قولتله متقبل ان نفسيتي كذا. وقالي من امتي و انا مش متقبلك زي ما انتي و من امتي مكنتش جمبك و سندك . بس فكرت بعقلي وقلت مينفعش نكون احنا الاتنين كدا و القوامه اصلا للرجال

النسا يخبيو الحزن تاعهم ب full face make up غير باش مايبينوش الضعف تاعهم ماعلاباليش علاش بصح انا كلما نكون مريضة ولا حزينة مانخرجش بلا ماكياج بصح الناس اللي يعرفوني صح يقراو الحزن في عينيا

بصراحة مش عارفة ابدأ منين غير ان الانسان ضعيف وهش من جوا وأي كلمة وأي ذكرى قادرة تهلكه، وإن احساس العجز دا أوحش وأقذر احساس ممكن تحسه، وبجد مفيش حاجة بتعدي مفيش حاجة بنعرف نتخطاها ولو حصل بيبقا مجرد وهم لكن الجرح نفسه معلم والذكرى نفسها مش بتختفي والألم مش بينتهي هو بس بيتسكن، أنا حزينة خالص من الدنيا ونفسي، زعلانة إن مجرد كلمة بتهدني، مخنوقة عشان مش ببطل استنى ولا ببطل اتعشم ولا بعرف اتخطى او اتصالح مع أي حاجة، ا الدنيا طلعت صعبة بجد صعبة أوي

حاجة من الحاجات اللي مضايقاني في تربيتي ان الحب غلط والمشاعر ضعف والتعبير عن حبنا لبعض كأسرة ممكن يكون محل للسخرية والشك يمكن دي جملة بنسخر منها بس 'ماتحضنش وهو صغير' دي مش حاجة تضحك ان أول ناس بتتعلم منهم الحب وبتبقى متأكد من انهم بيحبوك بيحاولوا مايعبروش عن ده بأبسط الحاجات عشان تطلع ناشف وقوي بس الحقيقة انكم بتطلعوهم يمكن ظاهريا اقوياء بس من جواهم قمة الهشاشة والضعف ويمكن يفضلوا يحلموا بالحب والاحتواء طول عمرهم وبردو مايلاقوش ولو لقاه يا اما الشك يفضل مالي قلبه ان اللي قدامه ده بيحبه بجد يا اما يدي قدر كبير اوي من المشاعر ممكن تستغل غلط يا اما يبقى جامد و(قوي) زي ما أهله علموه

الواحد حاسس أنه وحيد محتاج حد يشاركه تفاصيله و أحلامه .. محتاج حد يشاركه طريقه و مشاكله.. حدر رحيم كفاية قسوة الحياة علينا..حد بسيط و مش متكلف .. حد زيه محتاج الوطني و محتاج الي يساعده في طريقه .. حد يعرف يظهر نواقصه و ضعفه و احتياجاته .. حد عاقل ف وسط الجنون الي عايشين فيه

اني خايفه اتكلم و اثق في و ميطلعش قد الثقه بقي عندي تروما اني اثق في حد اصلا... مبحبش احكي و افضل ساكته علشان مبينش ضعفي قدام حد بحاول اظهر اني قويه و مش فارقلي حاجه بحاول ادفن الموضوع جوايا حته مفتحوش بيني و بين نفسي و ديما بيبقي احسن حل ليا اني اهرب ديما حته بيني و بين نفسي

هو الطيبين راحو فين ؟ ليه شايفاني بفكرى وروحي جاية من كوكب تاني انا مش عارفة اكون وحشة ، لا بعرف اكدب ولا اغش ولا انافق ، انا تعبت أبين اني قوية وانا من جوه أضعف من الورق ، وزعلي خلاص بدأ يوجع جسمي 😔 مدد ربنا ليه دايما بيتأخر

لحظة إدراك أن معنى انهم شايفينك اقوى واحد أنه انت أضعف واحد في الحقيقة لان معنى اني كاتمة مشاعري جوايا ومش بطلعها زيهم دا بيخليني اكتر واحدة ،،هاشة نفسية .، اول افهم معناها دلوقتي. انا مش عارفة اوصفه ازي بس انا هوصف نفسي دلوقتي حاسه بالظبط زي أكان فيه كافر رفيع جدا بيغطي حاجة مليانا شروخ وكسور وان الكافر علشان ضعيف هيقع . مش مش بس مش عارفة اوصفه دا انا كمان بجد مش قادرة اوصفه . 💔

مباشرة لصلب الموضوع....وش الحلول العملية للتخلص من هوس المثالية، نتخيل امور بطريقة واو واذا ما صدقتش نتقلق ونزعف ونخلطها، والمشكل اني ادرك ذلك ف نسحق حاجة علمية كثر..شغل جدول نمشي عليه او شي كذا

طبعا مفيش شك أن الحب اجمل واسمي واغلي شعور ف الدنيا كلها هل فعلا وجدتم من وعد ووفي بوعده معكم وحارب من أجل حبكم وعلشان ميكسرش قلبك ويسيبك بعد م ضمن وعرف انك حبيتيه من كل قلبك ام انه قال لكي كل شئ قسمه ونصيب ، ومع مقوله الجمله دي لكي بتدركي انك طول الوقت اللي عدي دا كنتي زي ما كنتيش في حياته انا حد لما بحب ، بحب فعلا من كل قلبي ، بدي كل طاقتي ووقتي ومشاعر وتفكيري ف الشخص اللي بحبه دااااا ، وطبعا وبكل تأكيد مفيش شخص مضمون الايام دي حتي اقرب الناس علشان كدا انا بعتبر الحب ضعف ،للاسف ضعف دا اكتشاف اكتشفته فيا من قريب جدا . انا لو كان حد سألني من زمان هل الحب ضعف ولا قوه كنت هقول قوه طبعا ومفيش ذرة شك ف داخلي لأن ب اختصار مش اي حد ممكن يحب لكن الكل بيعرف يكره او مش بيعرف يحب من الأساس بس ب النسبه لي دلوقت هو ضعف لأن مزاجك بيتوقف علي الشخص اللي بتحبه هو بيعاملك ازاي علي أي قدر بيفهمك ، مش فهم الناس العاديه لا لا لا يفهمك من نبرة صوتك يحسسك فعلا أنه جنبك لو الدنيا اتهدت انا علي وعدي لكن للاسف انتشرت الشخصيه النرجيسيه بشكل كبير وبقي الحب والمشاعر الجميله دي عباره عن كلام فقط لكن عند تنفيذ الكلام دااا تيجي بقي ف النصيب و الكلام يظل كلام دي وجه نظري ي تري صح ولا غلط ؟؟! أما عني انا ي اصداقائي ف عندي مشاعري وقلبي أثمن شي ف الوجود لان للاسف دلوقت بقي سهل دلوقت التلاعب ب المشاعر .

ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني مع اني ثلاثيني السن وكانت صاحبتي وهل الزواج ممكن يخليني اتخطي

سلام عليكم دي اول مره اتكلم اللي في الجوايه . انا والده ب عيب خلقي طريقه مشي مش طبيعيه انا الحمد لله راضي عن كده بقول الحمد لله بعرف امشي في ناس كتير اتمنى النعمه دي مهم ناس بقت تبص عليا بص مش حلوه بصيت واحد ضعيف وفي ناس خليني نكته ورا ظهري وفي اتنمر عليا هو ماشي و عشان حاجه في ناس بتعملني يعني متخلف ناس قريبه ليا عشان كده اصبحت وحيد مش عشان انا عايز كده بس ما فيش حد معي مش عارف اعمل ايه ولا اصحاب ولا حاجه وشكرا على سماع قصتي

ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني مع اني ثلاثيني السن وكانت صاحبتي وهل الزواج ممكن يخليني اتخطي

ازاي اتخطي كارثه وفاه امي بعد والدي ب اشهر وشعوري بالوحده واحساسي بالانتحار وما كانش ليا غير امى كانت صاحبتي وكل حاجه لكن حاسس ان الدنيا مبهاش لازمه ومخنوق وحاسس بالضعف انها كانت سانداني مع اني ثلاثيني السن وكانت صاحبتي وهل الزواج ممكن يخليني اتخطي

اول مره اكون عندي مساحه اني احكي. و معرفش اتكلم ، انا جوايا حاجات كتيره اوي بشكل مش طبيعي نفسي اطلعها كلها و أحكي و أحكي بس مش عارفه أنا ضعيفه جدا والله مش عارفه ابطل حاجات كتير و لا عارفه انتظم علي حاجه صح

اتعرفت على شخص من حوالى اكتر من سنة وحبيته، بس مؤخرا تصرفاته ما بقيتش تعجبنى حتى بفيت احس انو بيكلمنى بس وقت لما يبقى زهقان غير كدة لأ وكمان اكتشفت انو بخيل ف مش عارفة اعمل ايه؟؟؟ رغم انو منعنا كلام قبل كدة بس بيرجع يكلمنى وانا برد عادى اكأننا ما قولناش اننا مش هنتكلم تانى، ف عايزة حاجة تخلينى امنع كلام نهائى معاه وما اضعفش فى يوم وارجع اكلمه

انا عندي رهاب اجتماعي عالي اوي و لي درجه لم بقف في شباك و بشوف حد معدي بخش جري و استخبي و كمان معنديش صحاب وحيد يعني و بحس اني ضعيف و نفسي حياتي تتحسن بس مش عارف اتمني حد يقولي حل هكون فرحان اوي

انا مش قادر احب نفسي بكرهني شكلا و موضوعا بكره اني بني ادم ضعيف و اي حاجه بتأثر فيا و بحس كتير اني مثير للشفقه لأني مبعرفش اكتم مشاعري ببص دائما علي الناس اللي حواليا و بحس قد ايه هو أقوياء ف تعاملهم مع الضغط النفسي و مش بيسمحوا أنه يأثر علي حياتهم و بعدين ارجع أبص لنفسي و اكرهني اكتر لاني ضعيف و مش عارف اعمل زيهم

تعمل ايه لو انت لواحدك ضد اكتر ناس كنت فاكرهم اقرب الناس ليك لا دا بالعكس كمان دول بيخلوك تشك في كل الناس حتي بعد ما انت شوفت كل دليل قاطع بس نعمل ايه انت للاسف عندك ضعف المواجهه علشان مش عاوز تجرح حد و في المقابل بتجرح نفسك عادي

لي الطيبه في الزمن ده بتتفهم أنها ضعف وأننا دائما بنتعرض للاذي حتي من اقرب الناس حتي اللي بنحبهم وبنفضلهم علي نفسنا بياذونا بسبب طيبتنا حتي الأهل شايفينك انك غلط دائما وبييجوا عليك وبيكسروك 💔

خلتني بنيءادمه جبانه وكارهه نفسي وماشيه احكم ع الناس بكل الصفات الوحشه اللي فيا خلتني ضعيفه وهشه في عيوني وف عيون اللي حواليا خلتني مكروه او انا مفكره كد مبطيقش ان حد يحبني وخلتني حراميه وم عارفه اتعالج من حاجات كتير اوي وحشه وخلتني بخيله ف كل حاجه حتا مشاعري

لدي مشكل مش مخليني انام الذي هو صدمة قبل يومين كنت عائد فل باص الى المنزل كان ليل 12 ليلا صعدت و كنت واقف حتا شخص يشدني من جاكيت استدرت هو ما قال كلمة ابتسم و حسب ظننت انه ظنني شخص اخر فتركت الأمر يمر كانو خمسة من بعد هم كملو يشدو من بعد احد فيهم ركلني حسيت بخوف مش منهم و كأنهم انعشو صدمات قديمة جدا عند اول محطة نزلت كانت حركة غبية لأنها محطة فارغة و كان ليلا و استقليت تاكسي المشكل بعد الحادث لم استطع الخروج سبب لي الأمر صدمة ليس خوفا منهم انما الأمر اني احسست بضعف تذكرت مواقف عدة و مذا لو التقيتهم مجددا نظرا لكوننا في نفس لباص نحن من منطقة سكنية واحدة و انا لا اعرف احدا فيها

دايما بنرسم صورة مثالية لنفسنا قدام الناس بس الحقيقة إننا كلنا فينا جانب مكسور مبيبانش غير في الضلمة. تفتكروا ليه بنخاف نبين ضعفنا للناس اللي بنحبهم؟.