انا مخطوبه من شهر ١٠ اللى فات والمفروض انشاء الله قدامى سنه و٣ شهور وهتجوز انا هيكون عندى ٢١سنه وانا بتجوز بس شاغلنى من دلوقت فكره هل انا قد المسؤليه دى هل هعرف اتعامل معاه هل الجوازه دى هتبقي سجن بالنسبه ليا افكار كتير اوى انا بحب الشخص دا هو صالونات بس هو خلال الفتره دى بكل مواقف عدت اثبت انو شخص كويس هو في مواصفات تخلى اى بنت بتحلم بيه من الناحيه الماديه والمستوى الاجتماعى كويس بس هو شويه بيغير انا بحب الراجل اللى يغير ع اهل بيته بس اوقات بيأفور دى حاجه بتدايقنى بحس انى لما اتجوز هنحبس بين اربع حيطان ومش هشوف صحابي ولا تجمعات اهلى دى حاجه مخليانى حاسه بضغط جامد ع اعصابي مع ان فلطبيعى انا بحب قعده البيت بس مستغرفه من شعور الخوف اللى جوايا وانا حكيت معاه قبل كدا وهو احتوا الموقف وفاهم وحاول يهدينى بس بجد كأن عقلى رافض الفكره عايزه حد يكون عندو خبره كويسه ويتكلم بصدق
بصى هو أنشأ الله الشخص الى معاكى هيخفف عنك وهيبقا شايل عنك كل حاجه انتى اشغلى بالك بس ازاى تهونى عليه يعنى تكونى سنده وهو هيشيلك كلك متخافييش جواز شئ كبير ومسؤليه كبيره بس سهله شيل لو عرفتوا تتفاهموا❤️
متقلقيش كنت بفكر زيك كدا وانا دلوقتي ٢٢ سنة ومخلفة وقد المسؤولية ف متوهميش نفسك انك مش هتبقي قد المسؤولية كل حاجة هتتغير ف نظرك بعد الجواز والله وربنا يتمملك علي خير ان شاءالله ❤️
هوا من كلامك باين عليه محترم وبيحبك ومن ناحيتك انتي صاحبيه وحاول تتكلمي معاه في الموضوع دا علشان برضو تبقي عارفة ردو من قبل الجواز
م تقلقيش لو نتو متفاهمين بجد كل الحجات دي هتتحل وطلاما هو كويس هيفهمك