أنـا جوايا دايماً خوف غير مبرر من الجواز او الارتباط بشخص، وأثر ده للأسف برفض ناس بتتقدملي بيكونوا كويسين او على الاقل مافيهومش حد سيء حتي، انا مش بدي فرصة لحد منهم برفض علطول، بحس بأفكار غريبة بتراودني، حتى روحت لدكتورة نفسية مرة و اني مش متخيلة انه الشخص اللي هاكون معاه هيكون له الحق فيا بالكامل، مش قادرة اتقبل انه في حد هيلمسني عادي و هيتكلم معايا بدون حدود بين الرجل والمرأة عادي وانه هيكون قدامي وش لوش عادي، الدكتورة قالتلي انه لازم اكون مريت بموقف بين ابويا ة امي خلاني اكره حاجة زي كدا او اتعرضت لحاجة وانا صغيرة زي اغتصاب او تحرش خلاني يكون عندي مشكلة من النوع ده، بس بجد ماحصلش حاجة الحمد لله من كل ده، انا مش فاهمة ايه اللي انافيه ده وسببه ايه، وليه حصلي كدا من غير مبرر، حتى عريس واحد ماما وبابا غصبوني اني على الاقل اقعد معاه و اكلمه، بقيت متوترة طول ما انا قاعدة عمالة اتخيل سيناريوهات مش كويسة ابدا حتى هو حاول يهديني ويقولي لو مش مستعدة النهاردة اجيلك وقت تاني، اول ما هو مشي حسيت انه كويس بس وقت ما كان قاعد معايا ماكنتش شايفاه كويس ابدا.