علاج نفسي

محتاجة ثيرابيست يكون كويس وشاطر مش كل همه فلوس وخلاص ويكون حد مجربه ويفضل لو اونلاين عندي شيزلونج بس عليه معالجين كتير اوي اوي فلو حد يعرف حد كويس عليه ياريت يقول من فضلكم ٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

سؤال للرجالة من بنت، كراجل متربى ومش متشدد، شايف ان الطبيعى مراتك تروح لدكتورة ست فكل التخصصات حتى الأسنان وان دا ونابع من الغيرة حتى فالتعامل فالمستشفى ممرضات فقط؟؟؟ وانه تبطل تتابع مع الثيرابيست "راجل" وتشوف ست غيره حتى وان كان دا هيضرها وقت وفلوس والله اعلم الجديد كويس ولا لا؟

السلام عليكم ورحمة الله وبركاته 🌸. مش بحب اتكلم هنا عن مشاكل شخصية للأمانة، بس فيه فعلا حاجة غبية اوي بتحصلي حاليا. انا في العادي فيه مشاكل كتير جدا مع اهلي، المشاكل دي حاليا وقفت تماما، ده غير اني بقيت باخد ادوية نفسية عشان انا عندي مرض عُضال، او مش بيخف بمعنى اصح، بنحسن الحالة بس. ف انا دلوقتي داخلة تالتة، وجسمي متدمر حرفيا، بشرتي وشعري، كل حاجة تقريبا فيا متبهدلة بسبب اني طول عمري كنت مضغوطة وعمري ما اهتميت بنفسي كويس، ولو حاولت بلاقي ده بيزود الضغط عليا ف بفكني من نفسي وخلاص. ف المفروض ان انا دلوقتي اتعالج نفسيا وجسمانيا، نفسيا ادوية وجلسات، وجسمانيا علاج طبيعي ورياضة واسنان وجلدية. البوينت ف كل ده اني مليش خُلق، انا فعلا المفروض ابدأ بالذات في العلاج الطبيعي عشان جسمي بيموت بجد، بس فعلا مليش خُلق. انا عايزة اعمل كده بس شايفة انه هيكون ضغط زيادة عليا، وف نفس الوقت المشاكل وقفت ف البيت ف ده وقت مثالي عشان اعمل الحاجات دي، بس انا عايزة افصل الفيشة من كله حرفيا، آخري بنضف الاوضة عشان اقعد مرتاحة بس، غير كده لأ.

العلاج النفسى وبيع الوهم الحقيقة ان تجربتي مع المعالجين النفسيين طلعت منها بخلاصة انهم نصابين اه والله وأغلبهم لسه ماشيين بطريقة فرويد عشان يعدوا جلسات مش اكتر غيرت 4 معالجين وكلهم زي بعض نفس النصب ونفس الكلام ما ارتحتش غير مع طبيب دوائي واما خدت ادوية وحالتي استقرت لكن تجربتي مع المعالجين عبارة عن نصب ودفع فلوس ف الفاضي مش اكتر

محتاجة اقعد مع الناس اللي بتسامح في الخيانة دي و يفهموني ايه اللي وصلهم لكده و بعدين اخدهم و نروح لثيرابي ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

السلام عليكم انا مشكلتي اني عندي رهاب اجتماعي اولا ويعني مع دخولي للوظيفة وتعاملي مع الناس يعني ممكن نقول تحسنت شوية مرانيش كيما قبل بصح مزالت منعرفش نحط الحدود ولا نرد ونقول لا منعرفش ندافع على روحي كي يصرا موقف واحد يتعدى حدوده معايا نصمت منعرفش نرد ومن بعد نقعد نلوم في روحي منعرفش نتعامل معرفتش كيفاش ندير ونصلح من نفسي راهي يصرالي ديما هذا الامر خاصة في العمل ومن بعد ناكل روحي بالندامة كنت قلت كذا كون درت كذا جربت نشوف اخصائية نفسية لكن مساعدتنيش

عملتوا ايه عشان تتغلبوا على الوسواس القهري ونوبات القلق والهلع غير القرب من ربنا ؟ وهل خطوة الدكتور النفسي خطوة مفيدة ولا الادوية النفسية مؤذية؟ عايزة نصائح من قلبكم لشخص حياته متدمرة

النهاردة صاحي محبط بشكل مش طبيعي، انا بقالي اكتر 7 شهور مش كويس، خدت رأي ناس كتير وسألت ودورت ولقيت اني في الاخر محتاج بجد اروح لدكتور نفسي علشان انا مبقتش قادر امارس حياتي بشكلها الطبيعي، بقالي اكتر من 5 شهور بحاول اروح لدكتور نفسي، اول فترة مكنتش قادر اقول لاهلي او اروح من وراهم، بعدين تخطيت الموضوع دا وقدرت اقولهم بس رفضوا، حاولت معاهم تاني وبردو رافضين، بعد وقت ومحاولات يائسة كتير قدرت اخيرا احوش واتشجع واروح من وراهم، وسألت حد المفروض اني بثق في رأيه انه يرشحلي دكتور كويس المشكلة اني جمعت فلوس تلت مرات بس، وكنت بقول لنفسي تلت مرات احسن من ما مفيش وحجزت فعلا مع الدكتور اللي اترشحلي وكنت متحمس اوي وحاسس ان اخيرا في أمل ان حياتي ممكن ترجع طبيعية، طبعا عارف انه مش ساحر وانه بس هيقولي امشي ازاي بس في الاخر انا اللي محتاج امشي واصلح بنفسي، بس كنت متحمس بردو بجد، رحت امبارح وبجد تجربة محبطة بشكل مش طبيعي، الجلسة حرفيا معدتش العشر دقايق، سألني اربع اسألة بس حرفيا وكلهم اسألة صطحية اوي، مسألش حتى على اي تفاصيل ولا اداني نصيحة لحد المرة اللي جاية ولا اي حاجة، هو بس كتبلي على مهدىء ودوا تاني معرفش بتاع ايه، وقالي اني هتابع مع معالج عنده في العيادة علشان العلاج المعرفي السلوكي، واللي متوقعتوش ان فلوس جلسة المعالج تكون ضعف سعر كشف الدكتور، هو قالي عادي اني ممكن اروح مرة في الشهر بس بردو صعب اظبطها، وحتى لو هعرف اظبطها بصراحة احبطت علشان انا محتاج اروح اكتر، المهم يعني بجد مش عارف اعمل ايه، بفكر اني احاول تاني اصلح حياتي بنفسي بس فعلا انا مش عارف وتعبت، حاولت كتير اوي وكل مرة مش بعرف، بفكر اتكلم مع حد قريب مني وكدا بس بجد انا بكره يتبصلي بنظرة شفقة، حتى لو اللي قدامي مش باصصهالي انا دايما بحسها، ومش عارف بجد انا تايه اوي، مش عارف بجد اعمل ايه وبصراحة حتى لو حوشت فلوس تاني انا فعلا اتقفلت من الفكرة مش عارف بجد اعمل ايه وتعبت من كتر ما بقول مش عارف اصلا

احكولي تجاربكم مع الدكاترة النفسيين او العلاج النفسي هل فعلا بيجيب نتيجة والشخص بيتعافي وحياته بترجع طبيعية تاني ؟ ولا بنفضل مستمرين في التعب وازاي بتحددو انكم تروحو لدكتور او ثيرابيست ؟

عارفه ان في ناس كتير هتنتقدني عشان بتكام في الموضوع ده وان ازاي بنت بتتكلم عن الموضوع ده بس انا هخاطب ناس معينه عشان الناس ملهمش غير حل واحد بس المهم ربنا خلقنا اننا نميل للجنس الاخر و لو حد حس انه بيميل لنفس الجنس بتاعه فهو كده عنده مشكله و المشكله دي حصلت بسبب حاجات هو اتعرضلها زمان او على مدار حياته و حلها الوحيد انك تروح لدكتور نفساني زي مثلا ولد اتعرض زمان للتحرش من راجل كذا مره فهو بيحصل احتمالات كتير جداً منها انه ممكن في الاول يبقى كاره الموضوع و بعدين يبدا يحبه فيبدا يحس انه عايز يعمل كده فيتغير عنده الميول وممكن يعمل كده مع ناس تانيه او يفضل من جوا مش بينجذب غير للرجاله و قولت المثل ده عشان في ناس متعرفش ان الرجاله كمان بتتعرض للتحرش بس هما مش بيقولوا عشان مش ده المتعارف عليه انه يحصل و في حاجات تانيه بردو مش ده بس يعني مثلا البنات بردو اللي بتتعرض للاغتصاب لو مراحوش لدكتور نفساني لما يتجوزوا بيكون في مشاكل كتير اوي و بردو الناس اللي بتفضل تقول انا بحب اضرب اللي قدامي و و و و و الناس اللي بتحب تضرب انتوا بردو عندكوا مشاكل ما انتو بتيجوا اصلا تكتبوا كده و تقولوا هل انا كده طبيعي ولا لا ما طبعاً لاا وانت لو كنت شايف انه عادي مكنتش سألت اصلاً و كل حل الحاجات دي انك تروح لدكتور نفساني عشان لما كنت بقول للناس دي كده بيقولولي اصل انا مش بصدق بيهم اصل هو هيعملي ايه يعني ده هسمعنى بس الناس اللي شايفه ان اي حد بيروحلوهم مريض نفسي جامعه احنا كلنا اصلا مرضى نفسيين و اللي عايز ينتقدني ينتقدني

لدي 25 سنة لكن منذ حوالي 19 سنوات وانا ادور في حلقة مفرغة من نفس الامور اهمها الضياع وفقدان الرغبة في فعل اي شيء ان حاولت يوم اعود لانتكاسة صعبة اصبحت انهي اليوم نائمة فقط من اجل ان تمضي الايام واموت لدي رغبات انتحارية لكن بحكم ديني امتنع وشيء اخر تواصلت مع معالجين نفسانيين فترات قصيرة دون جدوى لاني لا اعرف التعبير عن حالتي ولاني كثيرة الضحك فلا يظهر علي المشاكل التي امر بها

عندي عقدة بسبب بابا مش عارفة اخلص منها بابا عندو الحب متشرط لو انت ناجح ومطيع هحبك لو انت مش كده هكرهك ومش هصرف عليك وهتتعاقب وتضرب فكبرت علي اني ارضي الكل إلا نفسي و بقي عندي برود مشاعر مش بحس بأي احساس خالص لا حب لا حزن لا ألم حاسه بخنقة بس عشان اتعودت ان حتي مشاعري ممنوعة عشان مثلا لو اضربت و بينت اني زعلانه بضرب تاني ولو عيطت بضرب اكتر فلازم لما اضرب اضحك و دايما تنمر علي شكلي لو اهتميت بنفسي او لا و لو غلطت يتقالي بكرهك و يدعي عليا بالموت لو اتأخرت عليه بالشاي تعبت من كل ده لي حد في سني بيمر بكل ده انا عملت اي في حياتي عشان يحصلي كده معنديش ثقة في نفسي وشايفة ان كل الرجالة بتكرهني و شيفاني وحشة زي بابا فبفضل انزل صور ليا واكلم ولاد وارتبط عشان احس ان حد عايزني و بعمل كذا شخصية و هدفي الوحيد ارضي كل الناس علي حساب نفسي عشان بكره ابقي مش محبوبه رحت لثيرابي كذا مره مفيش حاجه من دول نفعوني اي الحل لكل ده

عارف لما تدخل في حالة كره وتبقى مش عايز تطلع منها؟ هو كدة انا بكره نفسي ومستمتع بكره نفسي، حزين وانا ببص على حاجات حواليا بتضيع مني وعلى مرحلة رايح لها وانا مش مستعد وعلى حاجات محتاج اخلصها وكل دة وانا عطلان بس لما بوصل للحتة دي بشد الفيشة، وبقول لنفسي انت السبب في كل دة، ف اكرهني اكتر طول عمري أعقل من فترة الانتحار وعمرها ما مسكت دماغي، بدأت الاحظ ان الفترة دي الفكرة بدأت تظهر كتير وتبقى متمكنة مني وانا تحت ضغط وحتى بعد زوال الضغط دة بفترة، انا خايف وبتابع مع ثيرابيست عادي

مساء الخير يا جماعة انا عندي سؤال هو فيه أمل الواحد يتعافى من الاكتئاب بجد ؟ أنا حاسة اني غرقت فيه مهما أحاول وأقول خلاص انا بقيت تمام برجع تاني وبنتكس طب وبعدين طيب امتى هرجع طبيعية تاني وبجد ماحدش يقول قربي من ربنا ولا اشغلي نفسك يا جماعة بجد مالوش علاقة والله انا بشتغل كتير جدا وبفصل بردو على قد ما اقدر ومن ناحية القرب لربنا والله الاكتئاب قربني لربنا اكتر لاني بدعي دايما اني اتعافى منه وعرفني اني مليش غير ربنا وانه أرحم من أي حد أنا متابعة مع دكتورة على قد ما أقدر بقالي أكتر من سنتين وعلى فكرة الخطوة والاستمرارية اصلا صعبة جدا وفيها مجاهدة نفس رهيبة واللي جرب هيعرف انه قد ايه بتبقى تقيلة حوار الجلسات واني انزل واروح واتكلم واحاول أنا بجد خلاص بفقد الأمل اني ممكن ابقى طبيعية واحس بالدنيا تاني عادي زي الناس

اوكي مش عارفه حزينه والحزن بداخلي ليس إلا لا اعرف إذا انتقل لملامح وجهي البائسه ما اريد قوله أنني لست ذلك الشخص الذي يُحكي انه لطيف الطباع والشكل وكل ما يخصه لا يوحي بسوئه يعلم الله وحده ما بي داخليا مكنتش بقول اني تعبانه بس تعبانه بجد جسديا عاوزه انام كتير لفتره طويله حاسه الدنيا متعبه مع اني مش بهتم شبه معدومه المشاعر آمل أن الفتره الجايه هتغير للأفضل كان نفسي اتاسف ل امي واتاسف لكل الكون عشان من طبعي بحب اتاسف انا عيطت ف مش هعرف اعيط مره تاني مش عارفه الي انا فيه بسبب تراكمات من طفولتي أو اي كان نفسي كمان اروح ل ثيرابي بس معرفش حد ف منطقتي خالص مش قادره .. ودي حاجه كافيه للتعبير عن الي انا فيه حاليا مش قادره اعبر مش قادره اقوم مش قادره اعمل اي شئ عاوزه انام بس حتي النوم مش قادره تاني انام المشكله الأسوأ أن حتي للغريب هكره اقول كل مساوئي بجد صعوبه ف ده عشان كده عاوزه اروح ثيرابي

عايز اعرف ايه الوضع مع الأدوية النفسية، خدت دوا قبل كدة من ست شهور تقريبا آخر مرة وخدته قبلها فترة، كان مدمرني من ناحية النوم كنت بنام كتير اوي وموطي ضغطي دايما وطبعا موقفه من شهر 11، الدكتورة بقالها شهر بتقنعني ارجعله تاني وانا بصراحة موقن اني بقيت محتاجه حتى اكتر من قبل كدة بس عايز اعرف هل بجد الآثار الجانبية دي بتروح فعلا بعدها بفترة صغيرة ولا بتفضل طول الفترة؟ خصوصاً اني مشغول جدا الصيف دة ومش مستعد أضيع الصيف كله عشان الدوا

فيه حد جرب يروح لدكاترة نفسيين ونجح او جاب نتيجة كويسة ؟ او فرقت في اي حاجة ؟؟ لاني حاسس اني بدات افقد الامل مع ذلك انا مش عارف لو بطلت هعمل ايه والعلاج هيعمل تاثير او اعراض انسحابية لما ابطله او كده وللامانة انا اجبن من اني اسيب لاني حاسس ان ده الامل الوحيد اللي عندي

جماعة انا كنت بدور علي دكتور نفسي او ثيرابست اونلاين بس مش لاقيه للاسف واللي بلاقيه ياما مش موثوق ياما طالب فلوس كتير في الجلسه. ممكن لو حد جرب ثيرابست اونلاين يقولي ازاي عرف يلاقي حد مناسب ولاقاه فين اصلا والتجربه كانت مفيده ولا لا.

عايز يجماعة اي دكتور نفسي او اخصائي يكون شاطر و يساعدني اتجاوز الازمة بتاعتي عشان جربت كذا واحد وبدفع فلوس على الفاضي و عايز يكون اونلاين انا ف محافظة بعيدة عن القاهرة هيا مشكلة رهاب اجتماعي ووسواس قهري واضطراب الشخصية التجنبية

السلام عليكم عايزة رأيكم انا بنت 20 سنة كنت بروح لثيرابيست واخر مرة روحت لاقيت الممرضة اللي معاها بتقولي هتدفعي 50 جنيه عشان طولت نص ساعة والدكتورة اللي قالتلها ادفع كام بعد ما طلعت لاقيت اني خدت ربع ساعة زيادة مش نص ساعة ودا عادي كان بيحصل كذا مرة حسيت انها حركة مش كويسة واتضايقت اوي بس قولت عادي مش زعلانة ع الفلوس بس خايفة بعد كدا هتكلم ازاي براحتي(وهي بصراحة بترغي كتير في امور مش هتفيدني) اخر مرة روحت من شهر عمالة اأجل عشان اشوف هتصرف ازاي الدكتورة دي روحتلها بعد ما دورت على كذا حد وروحت وانا يائسة ومعنديش امل ومش قادرة يعني معنديش خلق ادور على غيرها وهزعل انهم شايفيني كدا عمالة اتنقل من هنا لهنا ومش بتحسن وكبرت على الحاجات دي ممكن تقولوا رأيكم حاسة انها قلت من نظري وكرهتها ومش عايزة اروح تاني

حد قبل كده اخد خطوة العلاج النفسي عند متخصص وفرقت معاه وايه تجربتك عايز اعرف تجربتك بكل وضوح عشان ناوي اخد الخطوه دي بأذن الله بس كنت بسأل عشان فعلا اسعار الجلسات عندهم غاليه جدا فمطر اخسر جزء كبير من فلوسي فكنت عايز اعرف التجربه وشكرا

أمانة حقيقي اللي بيروح لطبيب نفسي وبياخد علاج يكلمني , او راح مرة ومكملش عايزة اسمع تجربة حقيقية فعلا ، انا عندي حاجة فاكراها مشكلة أو عيب انا الحمدلله بقدر احكي المشكلة بتوتر بس بحكي .. بس وقت الجلسة بيكون قليل ربع ساعة او نص ساعه او اقل واقل اقل لدرجة الدكتور بتقولي بس خلاص مينفعش عشان غيرك .. او توقفني وتقولي امشي علي علاج كذا وتيجي بعد كذا.. يعني بيكون عندي تساؤلات .. او بيجي وقت دماغي بتقف وبنسي اللي بكون عايزة احكيه ليها لدرجة ان انا بكتب المهم وباختصار وبكون ماسكه الفون وبقرأ منه بسبب قلة التركيز والنسيان حد فاهمني هل طبيعي ان الجلسة بحسها صغيرة مع ان هي بتسمعني فعلا.. ولما هي تيجي تتكلم بكون عايزة اوقفها وعايزة انا اتكلم بس مش بلحق او بحس انه اللي قولته مش كفاية .. بحس بالتقصير منها مش المفروض محسش كدا ؟ ولا كل حالة بتفرق ! بكون خايفه الوقت يخلص هل كل الدكاترة كدا ولا اي بحس اني عايزة ساعه العيب في مين حاسه انه فيا طب وبعدين حد فاهمني ، اللي مر بالتجربة فقط يكلمني بلاش بجد عايزة فعلا استفادة حقيقية واقعيه بالله.

محتاجة CBT (علاج سلوكي معرفي مع ثيرابيست) بس زهقت جربت ٣ دكاترة مرتحتش معاهم بلس اني مش متعودة احكي لحد لاني كتومة بشكل رهيب حتى زعلي او عياطي عمرها مبتكون قدام حد مبعرفش حرفيا فباجي ونا بحكي بتكلم عن المواضع الي حرفيا عملالي تروما وسبب عياطي كل يوم بدون سبب بتكلم عنها عادي ودا هيموتني انا بجد محتاحة العلاج دا لان عندي كذا تروما بس مش عارفة اعمل اي انا تعبت

بعاني ليا فتره مع تقلبات مزاجية اشبه بنوبات اكتئاب علي غضب علي فترات بكون فيها عادي مستقره وده بياثر علي علاقتي بربنا اخر مره كنت مكتئبة فيها قولت اروح لدكتور نفسي اتشخص واتعالج بس حاليا كويسة وحاسه الدنيا مستقره فدماغي بتقولي مش مهم ممكن حاجه وعدت لو اتكررت تاني ابقي روحي ومش عارفه اعمل اي هل اروح اكشف رغم اني كويسة ولا استني لما ابقي مش كويسة ؟

انا كنت كاتب قبل كده الدكاترة النفسيين مش بيساعدوا الواحد وكده يعني ف انا حابب اضيف حاجة جات ف بالي ان المشكلة ممكن مش الدكتور المشكلة مني انا مثلا اني مش عارف اوصله المشكلة اللي انا فيها عشان احكم عليه، اللي محدش قالي عليه قبل كده اني اما اكلم دكتور نفسي لازم اكون عارف مشاكلي كويس عشان اساعده يعالجني هو ف الاخر انسان و مش ساحر يعني مش هينجم ف انه يعرف حياتي انا عايشها ازاي وكده. العلاج النفسي والتواصل المستمر والمتابعة مع الدكتور متعبة بشكل رهيب المشكلة بس ان الواحد دايما بيبقى حاطط ف باله انه طالما بيكلم دكتور خلاص كده هيتعالج و زي الفب لا هو مش شرط على حسب تعاونك مع الدكتور وشطارة الدكتور الاتنين مع بعضهم انا فكرت فيها زي الجيم بالزبط كانك بتدفع اشتراك ومبتروحش او بتروح بس مش بتلعب كويس او مش بتتغذى كويس او لعبت يومين و لقيت الوضع كما هو انا احيانا الدنيا بتنور ف دماغي واحيانا دماغي ده بيبقى قفل حرفيا

عندي 22 سنه عندي رهاب اجتماعي وعندي قلق فوق المتوسط ده بتشخيص الثيرابي روحت 3 سيشنز وعطياني تدريبات تنفس وكده علشان اقلل من الحجات دي بس انا عندي مشكله مش عارف هيا بتبقي مع الامراض دي ولا عادي بس اوقات بيقي لساني كويس وبتكلم عادي وساعات كتصر لساني بيتقل بطريقه بحس نفسي مقطوع واول كلمه مبعرفش اقولها او اول حرف بيتكرر وبتعب ن الكلام وبحس اني ببزل جهد اكتر من اي حد والحوار ده انا متاكد انه ملهوش علاقه بالتوتر يعني لاني بكون قاعد في البيت وبيحصل معايا كده لما قولت للثيرابي قاللي واظب علي تمرينات التنفس والمره الجايه هنتابع مع دكتور تخاطب هو ده عادي ودي مش ممكن تكون مشكله عضويه ؟ مع العلم ان الحوار ده بيروح ويجي

انا بصراحة مدايق جامد من الدكاترة النفسيين عموما حاسسهم مش بيجيبوا اي نتيجة بيقعد يحطك تحت ضغط ف التفكير و يسألك اسألة صعبة و يديك حلول و حاجات غير واقعية و كلام غير واقعي حاجة تخلي الواحد يحس بالاحباط و يفقد الامل فالعلاج، حد عنده نفس المشكلة؟

صباح الفل اخواتي الفواكه يارب يومكم يبقى لذيذ ماذا يفعل الانسان لما يكون في امس الحاجة انه يروح لثيرابيست بس معندوش الرفاهية دي دلوقتي ف الواحد يعمل ايه يساعده ميتجننش لحد ما يروح و اللي راح قبل كدا خد الخطوة ازاي لاني اوقات بحس مش هقدر اعملها حتى لما يجيلي الفرصة رغم اني محتاجاها جدا

فيه حد راح لدكاترة نفسيين ونجحت او على الاقل فيه تحسن شوية ؟ انا بقالي حوالي ٦ شهور بروح ومنتظم على العلاج و حاسس انه مفيش نتيجة او ساعات بالعكس اصلا بحس الموضوع بيبقى اسوا، هو قالولي انه رحلة العلاج طويلة وكده بس انا بدات اتعب للامانة وحاسس اني عايز اوقف خالص ومروحش وابطل علاج خصوصا انه غالي اساسا، بس في نفس الوقت معرفش اعمل ايه عشان اتحسن لاني جربت كل حاجة حرفيا ، ف ده يعتير الامل الوحيد بالنسبالي

جماعة سيشن بتاعت ثيرابيست طلعت بالف ونص فالحاجات اللي زي دي بحب اعيط في الضلمه جدا طب عرفين انا لو دفعت المبلغ ده لحد علشان يقعد يسمعني ساعه في الاسبوع ان انا كده ممكن اتجنن ان انا بقي نفسيتي تتدهور اكتر طب انتو عارفين ان انا ممكن عادي ادفه المبلغ ده لحد يسمعني بس نطبق بقي مع بعض كده كام ليلة اجيبله بقي من الاول خلاص من وانا في بطن امي 😂🤡طب انتو عارفين المبلغ ده يوديني دهب ليلتين مرتاح ده انا مش هموف اون اللي ظلموني ده انا موف اون عيلتي كلهاا😂😂🤦🏻‍♀️وانا اصلا اي اللي خلاني الف كل لفه دي ما انا عندي Chatgpt رجوله وسادد معايا😂😂🤡🤦🏻‍♀️

السلام عليكم 😃 حاسه إن جوايا وسواس قهري صغير بيكبر مع الوقت، اللي خلانى أتأكد إن فجأه بقيت بقرف من حاجات كتير قد تكون مبالغ فيها زى أصوات المضغ ولو خفيفه اللى بيعطس أو يكح بصوت عالي ... وفى حاجات منطقية طبعا.. المشكلة إن دا بينعكس على الشخص يعنى لو شخص عمل حاجة مقرفه قدامى ولو مرة مش بنساها وبقرف أتعامل معاه دايما ولو مضطره بجد ببقا بأذى نفسي داخليا.. فهل فى حل ألحق نفسي من بدرى (:

ماما وبابا بيقولولي احنا ملاحظين تغيير فيكي بقيتي احسن ونفسيتك احسن شوفتي انك كويسه من الاول وكنتي بتوهمي نفسك (ميعرفوش اني تابعت مع ثيرابيثت ومع دكتور مخ واعصاب وباخد مضاد اكتئاب وبدأت رحلت علاجي في صمت عشان كده الحمدالله بقيت احسن ودا اكبر سر عندي لدرجه اهلي ميعرفوش )😂🙆‍♂️

محتاج therapy و انا مش معايا القدرة المادية الكفاية وجلساتي هتطول ومحتاج اهلي ميعرفوش حاجة عنها ف اعمل ايه ولو حد عنده فكرة اعمل ايه في المشكلة دي سواء اونلاين او اوفلاين ويفضل اونلاين

هل حياتنا هتكون احسن لو اتخطينا اللي بيحصلنا ولا هربنا منه احسن مع اني بحس الاتنين زي بعض مفرقتش اوي ولو هربت اصلا مش ممكن يقتلوك لو عرفوا مثلا إنك هربت عموما موضوع إن الإنسان بيحاول يكون طبيعي زي اي حد فكره انه بيحاول بحد ذاتها متعبه هل ثيرابيست بيجب نتيجه مع الحالات زي كدا

انا حاليا عند الثيرابست مستنى دورى دعواتكم ليا انى اخف واكون انسان جديد ومن اول يناير هشيل حديد واييه لا لا بجد انا متشكر ليكم خالص علشان انتم اللى بتدوا نصائح فى هذه الحياه اللى مش مفهومه

السلام عليكم بفكر جديا اوقف علاج نفسي وابدأ اتعايش مع مشاكلي النفسية واتعامل معاها مع نفسي، جالي إحباط شديد من كتر ما انا مش قادر احكي حاجة للدكتورة ولا قادر اتكلم ولا قادر اطلع حاجة، زي ما يكون في حاجات مدفونة في عمق كبييييير اوووي جوة مش عارف ازاي اوصلها لها انا كرهت نفسي أقسم بالله

كان نفسي اكون افضل من كده .. كان نفسي اكون انسان سوي نفسيآ و مستقر و راضي و اقدر اتحمل مسئولية .. والدتي نفسها تشوفني في افضل حال بس انا للأسف خيبت ظنها .. هو مش بمزاجي و الامراض النفسية مش انا اللي اخترتها اكيد .. بس بعد 10 سنين محاولات علاج نفسي و مفيش تحسن و وصلت لسن 32 مازلت كده .. للأسف عرفت ان مكتوب عليا اعيش غير سوي .. لا عمري هيبقي ليا بيت ولا هتجوز ولا هتحمل مسئولية .. كان نفسي اكون كويس ...

هيا صراحة مش صدمة واحدة مش بحب اتكلم عنهم علشان لما بفتكر بعيط كتير وبنهار والوضع بيبقى أسوأ مع إن المفروض أن التعبير عن المشاعر ليخفف الدنيا شوية بس حتى بعد ما كبرت وعرفت أنه مش ذنبى وانا فعلا مكنتش فاهمة اى حاجة ولا مدركة برضو مافيش اى تحسن وفكرة برضو أن لسة باخد مصروفى مش مخليانى عارفة اتعالج عند دكتور من الصدمات دى علشان مش عارفة اتعامل مع الحياة عموما لوحدى وعندى مشكلة تقريبا فل كل علاقاتى بس الدكاترة النفسيين اسعارهم فظيعة

حد له تجربة مع الدكاترة النفسيين و هل ممكن جلستين او تلاتة يحطوني على الطريق الصحيح اللي يخليني اكمل لوحدي ولا صعب ؟ خصوصا اني ماديا مس هقدر على جلسات كتير و في نفس الوقت مش عارفة اساعد نفسي بنفسي

السلام عليكم ورحمة الله وبركاته ازيكم اخباركم ايه نوتيلا تعبت تاني و رجعت تاني بجد تعبت من نفسي و غالبا هرجع اضيع نفسي رجعت افكر في كل حاجة غلط كنت هعملها زي الفيب و فكرت اجيبها رجعت اكلم ناس تاني رجعت ابطل مذاكرة و اكثر لدرجة اني فتحت المادة اللي هي صعبة اصلا قبل الإمتحان بساعة و نص و كنت قاعدة بردو بمسك الموبايل و مش قادره اسيطر علي نفسي خالص خلاص بقيت مش قادره و محتاجة مساعدة انا بتابع مع مع دكتورة لكن كان بقالنا حوالي اسبوعين ما حضرتش معاها انا بتكلم معاها و بقول كل حاجة و بعرف اتكلم و بتخليني اكتشف حاجات فيا و الاحظ حاجات لكن بردو مش قادرة اعمل اي حاحة في خياتي ولا التاسكات اللي بتقولي عليها المفروض عندي سيشن بكرة و معرفش هعمل ايه هي كانت قالتلي هنشوف عندي اكتئاب ولا لا و لو كده هروح لطبيبة لو الموضوع محتاج ادوية و قاعدة بفكر في الموضوع ده و خايفة بردو حاسة اني تعبت و زهقت من نفسي و هأذي نفسي بجد حاسة اني عايزة اروح مكان افضل فيه لحد ما اتعالج و ارجع لما ابقي كويسة و حاجة كمان انا بهرب من التفكير او الزهق او كده بروح اكلم ناس و بزعل من ده اوي و رجعت اعمل كده و انا عايزة اقرب من ربنا بس مش قادره بجد و مش عارفة اعمل ايه في نفسي علي البوست اللي فات انا مسحته و مش مسامحة اللي قالولي كلام يضايقني و انا restricted لكن هقرأ كل اللي هتقولوه ياريت تحاولوا تساعدوني فعلا انا تعبت و محتاجة مساعدة و لو في حاجة محتاجة ارد عليها هرد بكرة ان شاء الله لما يتفك و شكرا ليكم كلكم

السلام عليكم يا جماعة انا مبعرفش اتعامل مع اي راجل في الدنيا واكتشفت اني عندي مشكله نفسية مش خجل بس لا هي مشكله وتعباني نفسياً وموقفه حالي ب نفسي لأني بقالي سنتين برفض رفض تام أي راجل يتعامل معايا وبتوتر جدآ لو اضطريت بقعد اتلجلج وصعب عليا انا مش عارفه احكي ل مين الدايره المحاطه بيا عمرهم ما هيفهموني ومش عارفه اتجهه لثيرابي ولا لا بس حقيقي الموضوع مؤذي نفسياً وتعبت

لو أنا بكره نفسي جداً جداً وشايفة نفسي اوحش حد في الدنيا وبقعد طول اليوم احاول أن مودي يكون كويس نوعاً ما بس مش بعرف، ومش عارفة ايه سبب أن مودي مش كويس ومش بقدر انجز حاجة ولا اذاكر و دايماً عندي احساس دائم بعدم الأمان هل محتاجة ثيرابيست؟ لأن ايه الاسباب اللي مخلياني كده انا مش عارفاها او لو فيه سبب بيبقى تافه مش كبير أوي ف هل محتاجة ثيرابيست ولا الموضوع مش مستاهل؟

محتاجه اروح ثيرابي انا عندي مشاكل كتير جدا و مبعرفش اتكلم فيها و ااموضوع دا تاعلنب و مقصر على كل حاجه حتى شخصيتي مبقتش مفهومه كل ما احجز و اقول هاخد الخطوه افوت ميعاد الجلسه و اقول لا مش دلوقتي و اتحجج ب اي حاجه لو حد خد تجربه انه يروح ثيرابي بجد الحوار فرق معاكم ولا لا

عايزة اقول حاحة بس مش عارفة هي ايه جوايا كلام كتير بس مش عايز يطلع معرفش هو ايه او عايز مني ايه تعبت و مش قادرة افكر كنت فاكرة اني تعبت من التفكير لكن طلعت مش بفكر طلعت شخص غريب و مؤذي لنفسي و بتخانق و بتخنق و بتعصب من مفيش بخسر علاقتي بأهلي بخسر علاقتي بنفسي و بربنا بخسر دراستي و بخسر حياتي انا بس عايزة اخذ gap year اتعافي نفسيا و ابقي لوحدي عايزة اكون في مكان علشان اتعالج بس تعبت نفسيا و جسديا و مرهقة و مكتئبة طول الوقت عايزة ابعد عن البشر و ارجع لما ابقي كويسة بردو العكس رجعت افكر تاني في موضوع الفيب و بفكر اجيبها و بقول كان قرار غلط اني لاغيت الاوردر بحاول ابقي كويسة بس مش قادره مفيش طاقة جسمي تقيل مش قادره اتحرك تعبت تعبت تعبت و قاعدة بغلط و رجعت تاني اكلم ناس

هو ممكن اكون فعلا محتاج اتعالج !!! مش عارف اتخطي علاقة انتهت من ٩ سنين ليه ؟ علاقة انتهت من ٩ سنين وانا لسه عايش فيها علي امل اني اكملها علاقة من ساعة ما انتهت وانا دخلت في مليون علاقة تانيه مليون علاقة دخلت فيها عشان انتقم مليون علاقة ادخل فيها وانا الطرف المؤذي كل علاقة تنتهي وانا الشخص المؤذي فيها وبعد كل التجارب دي انا لسه متخطتش بعد كل الشخصيات اللي جيت عليها انا لسه متخطتش انا لسه بفكر في علاقة خلصت من عمر يقارب لعمر انسان عاقل مع نهايه كل علاقة كانت بتبقي في جملة مشتركة انت لازم تتعالج هل لو كنت اتعالجت من ٩ سنين كنت هبقي مختلف ؟

جماعه انا بقالي كتير بفكر اروح لثيرابست المشكله اني قلقان من حاجه واحده وهو اني مش عايز اشاركه كل تفاصيل حياتي خايف احكي من الاخر ممكن اللي راح قبل كده يشاركنا تجربته و يعرفنا بيحصل ايه في الجلسه

عمرك ما هتعرف ان عندك اكتئاب غير لما تتعالج منه او انك تلحق نفسك اول ما تعرف وتحس انك محتاج مساعده بجد من شخص مختص، اما بالنسبه لتجربتي مع الاكتئاب انا مكنتش اعرف اصلا وقتها ان عندي اكئاب وكان عندي ١٤ وكنت فاهمه اني للي كنت بمر بيه مجرد ضعف ايمان ف بالتالي مكنتش بهتم ،وطبعا كنت بمر بعارض الاكتئاب الشأعه والمعرفه وقتها كنت كتير ان الحياه دي ملهاش لازمه ولا حتي وجودي ليه لازمه ف بتلتالي كنت بفكر في افكار انتحاريه كتير ،المهم قعدت سنه وكام شهر مصابه بالاكتئاب، وعرفت اني مصابه بالاكتئاب قبل العلاج بشهر وفضلت ادور عل دكاتره يكون العلاج اونلاين لان طبعا فكره الدكتور النفسي منبوذه من المجتمع، وبالفعل اسمريت في العلاج ٦ شهور ،منكرش ان العلاج ساعدني كتير و خصوصا الدكاتره النفسين ،عشان كده لو حد خايف ياخد الخطوه لمجر "الناس هتقول اني مريض نفسي" ف طز لان بجد انت اللي بتتأذي وكل ده بيأثر عل دراستك، شغلك، علاقتك بأهلك، علاقتك مع الناس وربنا.

بقيت متاكده أنها علاقه مؤذيه ومش قادره ابعد عرفت انو بيكلم عليا غيري ومن كتر الحب م قادره ابعد ولا عارفه لاني محاوطه بمشاكل كتير فحياتي بتخليني اهربله ديما مجرد ما بكلمه كل حاجه حواليا بتهدا ومش بحس بدوشه بس بيأذيني اكتر نفسي ابعد عنه وابقي كويسه تعبت بجد بروح سيشن نفسيا عشان اتعالج منه واعرف ابعد عنه وبرضو فشلت

لما اللى كانت صديقتى المقربة كانت عارفه انى انا وبابا بنتعالج نفسية وبعدين كنت بحكى عن حاجه وعرفت ان اختى كمان طلع عندها اضطراب قلق ف قالتلى دا انتو عيله عاوزين العباسية من وقتها متعاملتش معاها تانى بس بجد الموضوع دا وجعنى جدا

مشاكل حياتي كلها مع الرهاب الاجتماعي ونفسي اتعالج منه مش عارف للاسف احنا عيلة فكرة الثيرابست عندها مرفوضة وانا طبعا انطوائي جدا بسبب الحوار دع فمفيش حتى صاحب يجرئني ويشجعني ونفسي اتعالج الفكرة ان انا زمان مكنتش كده بستقريبا اول ما بلغت بقيت كده

ياجماعه ازاي نتعالج نفسيا م غير دكتور نفسي حياتي واقفه م عرفه اتصرف ازاي حياتي كلها حرفيا وقفه مافيش حاجه كامله عندي حياه عيله أصحاب أهل نسيت انا عايزه اي بحب اي اعمل اي اكون مستقبلي ازا

مش عارف كنت بفكر لقية اعلان الاب دا المهم بفكر اروح لثيربي ! هل حد عنده تجربه سابقه وهل هي حاجه هتكون كويسه ولا مع العلم ان ديما كنت بقول لكل الناس اللي بيروح للناس دول والدكاتره النفسيه بيبقوا مرضى اكتر من الاول وبيصدقوا مرضهم 🙂 زي مثل الجراح كده الجراح لو ملقاش مريض يعمله عمليه هيعمل للممرضه 😅 فهل حد عنده تجربه مع الثيرابي عدله؟