عايزه احكيلكو حاجه مأثرة عليا لحد الان لما كنت في تالته ثانوي السنه اللي فاتت انا خدت عهد اني مش هغش صاحبتي اقترحت اني ادخل معاها في جروب معرفش بصراحه كانت بتغش منه ازاي بس انا قررت اني اكبر دماغي وقولت دا اختبار من ربنا وفعلا كان اختبار صعب صعب بس فعلا مغشتش كلمه مع إن والله العظيم بيتنا دا مكانش بيبطل مشاكل وخناق انا كنت كل ليله امتحان لازم انام معيطه وخلصت امتحانات والحمدلله انا دي تاني سنه ليا في تالته ثانوي لأني سقطت للأسف و الوقت جري لدرجة اني فاكره اليوم بكل تفاصيله المؤلمه ولحد دلوقتي لما بفتكره بحس اني عايزه اعيط علي كسرتي اليوم دا خصوصا أن انا صحبتي دي جابت مجموع كبير بالغش لحد دلوقتي مستغرباها ومش قادرة اتخطي الموضوع يعني لو اتخطيت النتيجه مش هعرف اتخطي أن انا عشان اخترت مغشش أتعاقب عارفه أن اللي عملته دا الصح بس متعرفوش بدفع تمن دا قد اي ومفاضلش كتير علي الامتحانات ومش قادرة افتح كتاب علاقتي مع الكتب بقت وحشه و المذاكره عموما شعور انك بتعيد حاجه انت كان أقصي طموحك تخلصها دا بيقطم صراحه اتخيلت اني هتخطي بس لا انا لسه فاكره اليوم كان يوم تلات ولسه والله حاسه ان يوم الاربع لسه مجاش حاسه اني محشورة هناك مش قادرة اتخطي
عاوزة أقولك إني حاسة بيكي لأني كنت و لسه بعاني مع بعض الناس اللي بتغش و تصدقي الموضوع ده بقا بيضايقني نفسيا جدا ، لكن ده خير ليكي صحبتك دي عملت حاجة غلط و أنتي رفضتي تعمليه ف أنتي أكيد خير ليكي أنك تعيدي السنة ...و مش تقارني نفسك بيها...أنتي الحمدلله كسبتي أخلاقك و مبادئك و عملتي الصح و نصيبك مهما حصل مكتوب ليكي أنتي بس تخيلي أن الاكل اللي بتاكليه من قبل ما يتوجد على الأرض مكتوب ليكي ف أنتي ثقي ربنا و توكلي على الله و خدي بالأسباب ...أنا عارفة أنه صعب و حاسة بيكي لأن الموضوع حصل معايا و لسه فاكراه بس أكيد ربنا هيكافئنا على صبرنا و أننا أختارنا منعملش الغلط ، و ربنا يوفقك و حاولي تستعدي نفسيا علشان المذاكرة و علشان نفسك :)
ذاكرى عشان متحسيش الاحساس ده تانى ذاكرى حتى من باب السعى ربنا هيوفقك صدقينى نتى دلوقت مش مقدره قيمه المجهود ال عملتيه عشان متعصيش ربنا بس مسيرك يوم من الايام تقولى الحمدلله الذى عفانا اعتبرى ان ربنا اداكى فرصه تانيه عشان تثبتى فيها احسن ما عندك هى صعبه وصعبه اوى كمان بس هى اكيد فيها خير بلاش تضيعى الفرصه المره دى عشان خاطر نفسك نتى اول مره سقطتى مش عشان مغشتيش سقطتى عشان نتى مذكرتيش نا عارفه ان ال بيدور ف دماغك ان هو يعنى عشان انا مغشتش شبه ال غشوا اسقط بس فى كتير مغشوش ونجحوا عشان هما ذاكروا وسعوا مش بقولك جابوا مجموع بس نجحوا مش عشان نتى معصتيش ربنا مفروض تنتظرى منو نتيجه على عدم السعى وعارفه انك كتى بتحاولى كتير تذاكرى وتفتحى كتاب ومش قادره ولا فاهمه ولا ليكى نفس بس اهو نتى معاكى فرصه تانيه عايزه تضيعيها هى كمان ونصيحه غيرى طريقه مذاكرتك لانها غالبا كانت غلط
دي تجربة وحشة فعلا بس هل تقدري تعيدي الزمن؟ متقدريش يبقي افتكري بس اكيد ده فيه درس مستفاد ممكن مش واخدة بالك منه لسه و صاحبتك اللي طلعت بنتيجة كويسة ربنا اراد كدا