ليا واحده صاحبتي داخلة معايا منافسه جمال في دماغها لوحدها يعني هي عايزة تخش معايا منافسه بالعافية هو كدا. هي بنت حلوة ومتعوده تاخد كل الانتباه وانا والحمدلله جميلة جدا بردو يعني حصل مواقف بالهبل بينت غيرتها في حتة شكلي مرة واحده صاحبتنا بتقولي دا صاحب اخويا معجب بيكي جداً اصله عرف اخويا ومبيشيلش عينه من عليكي فاقالتلها ليه مبيشيلش عينه يعني اكيد طرحتها مكانتش معدوله والموضوع دا حصل كتير لو نزلت صور لنفسي لما الصور بتبقى حلوة أوي ولافته وكل صحباتي عاملين ليا كومنتس هي الوحيدة اللي مبتعبرش ولازم لما انزل صورة لنفسي الاقيها بتنزل صور لنفسها بنفس الطريقه بتاعتي 😂 او تغير البروفايل او تعمل اي قلبان الفكره ان هي مش بتشوف اي ستوري بنزلها تماما بس اول ما انزل صورتي تشوفها بعد عشر دقايق فأنا كمان معدتش بشوف اي ستوري ليها تماما ف مرة كنت منزله صور حلوة أوي هي بعدها بيوم نزلت صورها وهي واخده بالها اني مش بدخل عندها بقالي مدة فا أول مانزلت الاستوري اللي فيها صورتها فنفس الثانيه قعدت تعملي لايكس عالاستوريز كلها عشان ادخل انا كمان 😂😂 ونا مش عايزه اديها مجال انها تنافسني يا شيخة أنا بحب شكلي ومش غيرانة منك سيبيني في حالي وبتعشق تهزر معايا هزار من اللي فيه كلام متبطن وتكسر بخاطري ودايما مبتبطلش كلام عن نفسها بطريقه اوفر لدرجة اني لو فتحت بوقي تقوللي مش مهتمة😭 هي مرة اعترفت انعا مبتحبش حد ياخد منها الانتباه سواء في جمال شهرة ذكاء شطارة في الدراسة قالت حتى لو اختي اخاف اي حد يشوفها احسن مني حتى انا لسه منتقبه مبقاليش كام شهر وربنا انعم عليا اني اقرب اول ما تشوف اني نزلت قرآن تنزل بعدي يعني مبيجيش في بالها الا لما تشوف الاستوري عندي بحسهاحطاني تحت مراقبه وضغط انتو عارفين لما حاولت اني ادخل عندها اشوف صورتها واستنت كام ساعه لقيتني مش مهتمة ومدخلتش مسحتها ولما نزلت صور لنفسها ونا كنت نزلت انا كمان كنا في العيد بقا وكدا بعد ما نزلت صوري بمفيش مسحت صورها كلها بفكر اعملها هايد واريح دماغي 😂