زوجي بيداية زواجنا فهمني ما يحب الزوجة تسأل وين تروح وين تجي يعني هشكل ف اني افتهمت وانطيت مساحة اله يعني ما ادقق بكلشي اكول رجال ومن حقه هالشي انطيني مساحة بس توصل لدرجة من يطلع الصبح لحد ما يرجع مااعرف عنو شي هالشي صحيح اذا هو حجى من حالو عرفت وين راح شنو سوه باليوم اما اذا ما حجى ف مااعرف أي شي عن يومه ولا حتى اذا اتصلت اني اسأل عليه اطمن عليه اخذ خبر صحيح يعني مرات الواحد يشتاق يحتاج شغلة اتصل بي اريد اعرف اخبارو الجواب هو الحمدلله تريدين شي وبس اذا يطلع على اهلو اذا يطلع بشغل لازم مااسال ومااخذ تفاصيل منو لان يضوج وخاصة اهلو بحيث يطلع من الصبح ما يجي لي تالي الليل لازم مااسالو عن اهلو ولا اعرف شي عنهم هم اذا هو عجبو يحجي شي عنهم اي ما عجبو مااعرف أي شي وبنفس الوقت يريدني اروح عليهم واتواصل معهم زين اني شلون اظلي نفس اروحلهم واتواصل معهم واني كلشي مااعرف عنهم مثل الاطرش بالزفة بالاضافة الى انه ك أبوه وامه لا يخابروني شخصيا ولا يسألون عني ابدا يعني يمكن من بداية زواجنا ولحد هسا لو اشوف كم مرة متصلين بي ما يجاوز اصابع اليد الواحدة واغلبها من يتصلون على تليفون ابنهم وما يحصلوه يتصلون بي حتى يحجون ويا ابنهم من حتى يسألون علي وبالاضافة اكو شغلة دائما مكالماتو مع اهله خارج البيت واذا اتصلو بي وهو بالبيت معنا ف يحجي بصوت ناصي كلش وكأنما واحد يخابر عشيقته او وحدة تخابر حبيبها بحيث حتى لو كاعدة معاه بنفس الغرفة ماافتهم عليه ليش هيج هل هذا الشي صحيح هل يصير اكو اسرار عن الزوجة وليش هشكل يتصرف اشو اني احجيلو كلشي عن اهلي بالتفصيل الممل وكذلك هو هم يسأل ويريد يعرف تفاصيل اهلي بس اهلو لا ما يصير احجي عليهم ولا يصير اسألو عنهم ولا يخليني اسمع مكالمة مع اهلو وهالموضوع كلما اريد اتخطاه مااكدر كلش غاثني بس اعرف انه تصرف مو صحيح وبنفس الوقت اريد اقطع مع اهلو تماما لان احس نفسي بعيدة عنهم واطرش بالزفة وبنفس الوقت هو يعرف كلشي عنهم وكل تفاصيل حياتهم وكلشي يصير بمنطقتهم عن طريق تواصلو مع اهله بس لازم اني مااعرف ودائما عذرو اني مااحب احجي تفاصيل
