كان عندي صديق كان دايماً بيحكيلي عنه وعن مشاكله سواء عاطفية او مشاكل عادية عموماً لما اتخطبت ( 3 شهور ) كلامنا طبيعي قل بس كان لسه فيه تواصل لما سيبت خطيبي وهو عرف قالي طيب تعالى ننزل نحكي ( وده مش العادي بتاعنا ) وكان متحمس واتصل بيا في يوم وقالي فاضية اجيلك؟ ( مكان سكن كل حد فينا بعيد عن التاني زي التجمع و اكتوبر ) المهم يومها معرفتش واجلت معاه واتفقت معاه علي يوم تاني بس مظبطش معاه من وقتها مبقاش فيه كلام خااالص وفي يوم دخل كلمني قالي انه بقى يخاف من الارتباط لدرجة انه مبقاش عارف الخطوة ازاي ياخدها وقعدنا نحكي شويه واختفى تاني حاولت اكلمه نرجع تاني اصحاب زي ما كنا بس بقيت حاساه واخد جنب انا مش فاهمة هو ده عادي ولا ممكن يكون حس حاجة وبما انه خايف قرر انه يبعد ؟