منذ 5 ساعاتيشعر بـ مذنب
سمعت صوته لآخر مره وانا بقوله اني معرفتش احبه لاني مش عارفه ازاي احب ، كان عاوز يحاول عشاني بجد و وعدني إنه هيعرف يغيرني ويشيل الخوف اللي جوايا بس انا بعدت ، وانا بقوله طيب احنا هنمسح بعض منين قال من كل مكان لانه مش هيقدر يشوفني قدامه ك صحاب حتى ودا هيوجعه اكتر .. صوته وهو بيقولها والغصه والضيق خلتني ابكي غصبًا ، انا حاسه اني مؤذيه اوي بجد ، ازاي اتاسفله ازاي اخليه ميزعلش هو حرفيا ملوش حد ف الدنيا خالص لا أهل ولا صحاب ، احنا الاتنين كنا شايفين اني هبقى عيله ليه و وان انا عوضه وكدا ، بس انا فعلا مش بعرف احب .
اخخخخ بس (مش بعرف احب) الجملة دي مكنتش مصدقها لحد ما دوقت ٤ سنين عذاب وانا اللي بهتم وبسأل وبكون حريص على العلاقة وشايلها على كتفي كنت مستني ابسط حقوقي في اي علاقة هبلة وكنتش باخدها .. اهتمام ولو بسيط ... سؤال ورد غطاه ... مشاركة .. الانانية كانت اسوء اسوء حاجة مشكتش في حبها .. بس كانت بتستخدم مش بعرف اعبر كمسكن لضميرها .. مفيش حاجة اسمها كدا دي انانية لازم زي ماهو بيضحي انتي تضحي مش مقتصرة على الراجل بس ... مبتعرفيش تقولي اللي جواكي اتعلمي من دلوقتي في ملايين الستات بتقول عالنت الطريقة .. زي ما هو بيسعى يبسطك ويحسسك بالامان انتي كمان وانتي ملزمة انك تحتويه زي ما بيحتويكي .. الكلام كتير والحلول اكتر بس لما تبدأي تحطي نفسك مكانو وتحسي بيه
اللي انتي عملتيه دا حصل معايا بالظبط فالاول انا زعلت واتضايقت وحسيت انها انانيه لانها اختارت لوحدها تبعد مع ان احنا الاتنين اختارنا نقرب وهي اللي اختارت الاول بس بعد كدا مبقتش زعلان وعرفت ان لو كنا كملنا كان هيبقا في مشاكل وحاجات انا مستنيها منها مش هاخدها ومش عشان هي مش عايزه لا عشان هي مش عارفه ف قربي من ربنا وادعيله يهون عليكي وعليه ومتفكريش كتير عشان لو فكرتي كتير هترجعي تكلميه ودا هيوجعه اكتر زي ما حصل معايا افتكري الحلو وبس وانسيه ❤️