عايز اخد رايكم في حاجه انا مهندس لسه حديث التخرج عندي ٢٥ سنه و شغال مدرس بقالي تلت سنين تمام انا معايا طالبه بقالها اربع شهور كدا ولا حاجه دون عن باقيه الطلبه كلهم هي بتتكلم معايا كتير جدا جدا لدرجه انه بجد بتحكيلي بتعمل اي كل يوم وانا من طابعي اصلا بحب اسمع اكتشفت انها تقريبا كدا شبهي في كل حاجه بكل معني الكلمه نفس زوق الاغاني نفس الطابع نفس التصرفات و ساعات بتبقي نفس الأحداث وهي بقيت الفتره الاخيره تكلمني بلطافه جدا جدا و الجروب بتاعها كان كلو بنات و كلهم اخدو بالهم منها فا انا كنت رايح السنتر في مره و كنت بكلم صحبي بقوله أنا بعد ما يمتحنو هروح اتقدملها و اكمل نص ديني لأنها كويسه جدا جدا بصراحه بس لما روحت اخر مره السنتر و داخل القاعه علي حظي سمعت البنات كلهم بيسالوها هو انتي بتحبي المستر قالتلهم اه كلنا بتحبه قالولها لا انتي بتحبيه الحب اللي بجد قالتلهم كلهم لا ده انا بحبه اكنه اخويا الكبير بس و بعدين انا فيه حد في حياتي اصلا ... استنيت شويه برا و بعدها دخلت و اديت حصتي ولا أكن فيه حاجه و مشيت وانا اللي سمعته بوداني عكس اللي شايفه بعيني انا عارف اصدق اي ولا ده معناه اي اللي فاهم ياريت يبلغني يجماعه و يشرحلي
ممكن هيا بتقولهم كده عشان مكسوفه اعرف منها واسألها
هو صعب يكون فى حد تانى و هى بتحكيلك كل حاجه اصل طب مبتحكيش للتانى ليه عموما حاول تبعد شويه و شوف تأثير ده عليها ايه يعنى بينلها انك مشغول و كده لفتره صغيره و شوف
البنات في سن المراهقه دا بتبقى مشاعرهم متلخبطة فبلاش دلوقتي وادي لنفسك وقت تتأكد من حقيقة مشاعرها
اللي اقدر انصحك بيه البنات عموما في السن دا بيعبطو ومبيفكروش بيرسو علي كل محطه شويه هيا ممكن اهه بتحبك بس مش عارفه وقالت مستحيل دا المستر
متفتحش مجال للكلام مع أي بنت وأدي واجبك وخلاص غير كدا هتتعب
السن بتعها حاليا خطر اصلان مش عارفين هما عايزين اي ابعد افضل ليك ولسمعتك
المفروض انك شخص بالغ و عاقل رايح تحب مراهقة ازاي انا مش فاهمة لما كنت في ثانوي لو المستر شاب كان هو من نفسه بيكون عامل حدود واضحة ماينفعش طالبة و مستر تكون دي طريقة التعامل بينهم انا شايفة الغلط عليك بالاكتر لان هي مراهقة و لسة دماغها مش محددة هي عايزة ايه
بصراحة لازم تبص للواقع مش الإحساس بس: هي قالت بوضوح إنك زي أخوها وإن في حد في حياتها، وده أهم من أي تصرفات لطيفة. الاهتمام والكلام الكتير مش دايمًا معناه حب، أحيانًا بيكون راحة وثقة بس. كمان هي طالبة عندك، فحتى لو فيه مشاعر لازم تحط حدود عشان ده ممكن يعمل مشاكل ليك وليها. الأفضل تبعد فكرة الارتباط دلوقتي وتركّز على شغلك، ولو فيه نصيب حقيقي هيبان بشكل واضح من غير لخبطة. و ممكن انها تكون قالت كذا لانها مش حابة تشارك مشاعرها مع صحباتها لتفادي الكلام الكثير و يقعدو يتريقو و يقولو كلام ماشي و جاي لهيك ماتتكلمش لان لحد آخر السنة اسالها واعرف رايها