يا جماعة محتاجة رأيكم بجد أنا من فترة كان عندي مشكلة في ال pc بتاعي فروحت محل كمبيوتر قريب مننا وقابلت ولد هناك عشان يساعدني في المشكلة ويصلحلى ال pc بتاعى المهم خد رقمى عشان موضوع ال pc وبعدين بقينا بنتكلم شوية بحكم الكلية والدراسة لأنه اكتشفت بعد كدا انه في إعلام زيي بس جامعه مختلفة الموضوع كله حرفيا مكملش أسبوعين ولا تلاتة وبدأ يلمحلى وقال لماما إنه عايز يتقدم واتكلم معاها في موضوع الجواز والشقة وكده وأهو لأول مرة في حياتي أحس بقبول ناحية حد وأبدأ أتعلق شوية وأتخيل إن الموضوع ممكن يكمل ( انا عمرى ما ارتبطت قبل كدا فى حياتى) بعدها حصل شوية مشاكل واعتراضات من الأهل وبدأت الدنيا تتلخبط وفجأة بطل يرد عليا يومين تلاتة وبعدها بعت لماما رسالة طويلة بيقول فيها إنه اتكلم مع أهله وصلى استخارة وشاف إن مفيش نصيب وإن الموضوع ملوش علاقة بينا وإن المشكلة عنده هو وإن كل حاجة قسمة ونصيب دلوقتي أنا مش زعلانة منه قد ما أنا مستغربة إن كل ده حصل بسرعة جدا يعني حرفيا حلاوة البدايات والتعلق والتفكير في المستقبل وكل حاجة حصلت واتقفلت في أقل من أسبوعين حوالى 10 ايام حرفياا السؤال بقى أنا أموف أون ازاي من حاجة مدتها كانت قصيرة بالشكل ده بس أثرت فيا بالشكل ده 😭
أعتقد هي أثرت فيكي عشان اول مرة وكده، ولعل ده يكون سبب إنك تدعي ربنا أكتر وتاخدي حسنات أنت شخصية بيور و الموضوع بدأ غلط شوية لأن مكنش ينفع تتكلموا بدون حاجة وبدون إطار شرعي فاهماني ف أهم حاجة أنك نفعل وضع التوبة دلوقتي ونتعلم من التجربة إننا نحافظ على حدود الاختلاط وكده كده خليكي متأكدة أنه بعده عنك ده أحسن حاجة حصلت ليكي وربنا هيعوضك بالأحسن مشاعرك مفهومة جدا الحقيقة عشان كده مش شرط تتجازوي بسرعة ممكن تقعدي مع نفسك وتسمحي لنفسك تعيشي مشاعر الحزن والاستغراب والتشتت واستغلي ده انك تحوليه لمناجاة لربنا وزي ما الموضوع خلص بسرعة هتلاقيكي تجاوزتيه بسرعة إن شاء الله وبمكاسب كويسة كمان ربنا يعوضك ويجبرك ويرزقك الزوج الصالح وتكوني خير زوجة صالحة
لأ انتي بس علشان اول مرة تجربي الشعور ده( وده حاجة تخليكي غالية وقيمتك أعلى بكتير بالمناسبة يعني مش عيب) ف انتي حاسة كدة لكن لأ هيجيلك صاحب النصيب وهتحسي معاه برضه بالقبول وكدة ومتستغربيش ياما هتقابلي اهم حاجة تفضلي محافظة على نفسك وقيمتك ومتعمليش اي حاجة تخليكي ترخصي من نفسك
انا بجد مشوفتش حكاية بالسرعة دي انتوا كان ناقص تتجوزوا وتتطلقوا 😭😭😭
لان مفيش حد عاقل يحب واحدة بالسرعة اوي دي هو كان واخد الموضوع كتجربة وفرصة
هو كان عايش في احلام اليقظة تقريبا
كان مفروض تاخذي وقت اكثر و تكتشفيه اكثر و تحبيه اكثر و تفهموا بعض اكثر ، مش مباشرة الزواج و مسؤوليات و عادات و تقاليد ، خذي وقتك و عيشي مشاعرك راح بتلاقيها انطفت مع الايام لانو اصلا مده العلاقة مكملتش الشهر ، بحكم اول علاقة ليك و اول مره تحسي بشعور الحب من الطرف الثاني صار معك كذا ، و تاكدي انو بعد ما تسوي موف اون تكتشفي انو هذا مش الحب
طب أنا مهندس صيانه كمبيوتر يعني في آمل الاقي فتاه احلامي هتصلح عندي الpc بتعها ؟ 😭