منذ 12 ساعاتيشعر بـ عادي
عايز اعترف اعتراف 🙂 هحححح انا مش حابب شكل جسمي انا راضي كدا كدا وعادي وعلى فكره الشيب بتاع جسمي او جيناتي بيقولوا انها جامده بس ناقصني اتخن انا رفيع موت يعني ١٧٥ و ٥٠ كيلو او اقل ف انا محتاج ازيد بتاع ١٥ كيلو وناوي باذن الله ابدا فالموضوع بجد الموضوع فين بقا 🙂 انا ليا واحد صاحبي من الكليه الله اكبر اللهم بارك فورمه وطول يعني ١٨٥ تقريبا وفورمه ماشاء الله اللهم بارك يعني سعات بحس اني بغير منه لسه مقابلني بوست هو منزله فيه صورة ماشاءالله ف اثابكم الله عايز اسكت فكرة الغيره المتخلفه دي وشكرا ويعم ربنا والله ما بحقد عليه وهو حبيبي اصلا بس حته انه انا عايز جسمي يبقا حلو هي اللي ممكن كدا ف محتاج حل اثابكم الله
أحييك جدا ع صراحتك واعترافك الشجاع طالما الغيرة مفيهاش حقد وبتتمناله الخير يبقى دى غبطة انا شايف انك تحول الغيرة دى لإلهام وتبدأ خطة زيادة الوزن بذكاء (طولك ووزنك دلالة ع انك محتاج فائض سعرات حرارية محتاج تركز ع المكسرات وزيت الزيتون والشوفان والتمر وزبدة الفول السوداني) وياريت تبطل مقارنة لإنها مش لصالحك تماما الموضوع محتاج وقت وصبر مش اكتر 😊
زود عدد وجباتك وزود السعرات اللي في كل وجبه
أهم حاجة اوعي تدمر نفسك بأي مواد مضرة او هرمونات او غيره
ربنا يعينك
بص حبوب yeast وكل سوداني ومقرماشات ، وموز وتفاح وعنب وخوخ ، كل فراخ كتير ولحمه وبطاطس كتير ومكرونه بشاميل يعني بجد دوووس في الاكل واعمل لبن بعسل مش سكر تزود اكلك في اليوم تاكل تلت مرات وفي نص تاكل دا تجيب حابه سوداني تخليه عندك ، روح جيم لو تقدر وظبط حالك
سلام عليكم
مفيش حد بيغيير بيقول ما شاء الله واللهم بارك 😅 دي غبطة وأمر محمود عادي يعني عاجبك اللي عند غيرك ونفسك يكون عندك زيه مع عدم زوال النعمة من غيرك عادي
تسكت الفكره دى اكبر غلط وليه تسكتها المؤمن القوى خير واحب الى الله من المؤمن الضعيف خلى دى نيتك فى رحلتك عشان تاخد حسنات طول الرحله خلى ديما طلبك من ربنا انك تكون قوى عشان لوحد مظلوم تنصره عشان تبقى من النلس اللى تنصر الحق بقوتها فيه حاجه اسمها مفتقه لو عملتها صح هتزيد وزنك جرب على كميه قليله الاول ظبطت معاك استمر عليها بس دى مع الجيم ورفع الاثقال والبروتين ومتنساش تبقى نيتك لله وبالتوفيق