أنا عارف إن اللي هقوله دا هيخليكم تشوفوني شخص مقرف قذر، وانا مش هكدب انا فعلا كدا بس ربنا يشهد إني عمري في حياتي ما أذيت بنت ولا عمري هأذي بنت في حياتي وأي نوع أذية حتى في اققل حاجة عمري ما هعلق بنت بيا وانا اصلا بلعب والحاجات المقرفة دي، عارف ان جوايا تناقضات كتير بردو مش مفهومة بس يريت لو حد هيعلق يبقى بس بيحاول يساعدني فعلا محدش يهاجمني حتى لو انا استاهل، انا من فترة كبيرة اتعرفت على بنت مش من مصر اصغر مني بسنتين كنا بنتكلم عادي واصحاب وكل حاجة تمام، النهاردة معرفش ازاي الكلام خدنا وبعتنا صور يعني كدا لبعض، انا بعتلها وهي بعتتلي والحماس خدنا وارتبطنا، أنا عارف ان اللي بقوله مش منطقي بس يعني دا اللي حصل، انا دلوقتي مشكلتي اني دخلت نفسي في علاقة انا مش قدها، وحاسس بالذنب علشان هي بتثق فيا اوي ف مش عارف اجيبهالها ازاي، أنا اصلا عندي اكتئاب والعلاقات المرهقة اللي بدخل نفسي فيها دي من اكبر اسبابه، انا مش عاوز اظلمها معايا بجد في علاقة عارف انها مش هتكمل، الفكرة اني اقولها ايه بردو، لما بعتنا صور كدا لبعض اتعميت ولا اتخدرت، مش عارف بجد اقول ايه ولا اعمل ايه، مش عايزها تزعل مني او تحس اني كنت بكلمها بس علشان الصور دي، الفكرة اننا اصلا كنا ماشيين تمام والله وكنا بنتكلم كل فين وفين، انا معرفش ليه انا غبي كدا بجد وبدمر نفسي بنفسي، انا اسف لأي حد بيقرأ بجد انه بيقرأ حاجة مقرفة كدا بس يعني انا فعلا حاسس اني في حالة جمود ومش عارف اعمل ولا اقول ايه دلوقتي، اللي عاوزه اننا يا اما نرجع صحاب تاني من غير ما تضايق مني او نوقف كلام من غير ما تضايق مني بردو، معرفش ايه الاصح ولا اعمله ازاي، ف يريت تساعدوني بجد
كلنا بنغلط يا استاذ طماطم محدش فينا ملاك بحناجات
تعرف انت شخص مشفتش بإحترامك و بقولك خليك شجاع و اقفل الصفحه البدايه نفسها حرام يبقي ازاي مستني نهايه حلوه قلها كدا و خليك راجل مش ليها لله م هيا لو بجد كويسه مكنتش كملت فالصفحه انت قدها و فعلا قمه الرجوله و الجدعنه و الغلط بيعلم مش بيدبح
امسح الصور بتاعتك من الشات من عندك وعندها و صورها من تليفونك واعزم بينك وبين ربنا انك مش هتعمل كده تاني يعني توب توبه نصوحه وقولها قبل ما تبلكها انك والله مسحت صورها وعمرك ما هتأذيها ودائما هتفتكر الحلو اللي كان بينكم ويبنتي انا بتمنالك الخير مع حد احسن مني وبلكها ومتفكرش تدخل نفسك ف المواضيع دي تاني
يا رب يا افوكادو ولك المثل
العفو والله حاسه اني عملت شئ لله وربنا يجعلني سبب ولو بسيط اني اساعد
بص انا شايفه احسن حل انك تشرحلها وتفهمها وجه نظرك وتصارحها بالحقيقه بس ليه انت مش عايز تاخدها يعني حتى لو وضعك المادي مش احسن حاجه طول ما هي بتحبك وواثقه فيك هتوافق عليك لو ايه وهتحارب الدنيا عشانك لكن لو مشيت وسبتها هتدمر هي وتتخذل وهتكرهك كره رهيب وانت هتفضل حاسس بالذنب انك محاولتش عشانها وهتخاف ع بنتك في المستقبل
ربنا يسامحك بجد
شكرا يا استاذ طماطم ياخدني للجنه إن شاء الله
ي حبيبي متجلدش ذاتك انت بني ادم و كل بني ادم خطاااء
زي ما قولتلك عرفها من صدق كلامك أنها كويسة وان ده كان طيش منكم وهي تتوب وانت تتوب واقفل خالص كلام معاها متسيبش باب موارب للرجوع ولما تتوب لربنا وتحس قد ايه انت ندمان ندم شديد ربنا بإذنه ورحمته هيغفرلك لانه بينظر للقلب علطول
يا صديقي بعيداً عن جلد الذات اللي ملوش لازمة إنت واقع في فخ اسمها استمرار المعصية بالاعتراف وإنك تقول على نفسك قذر ومقرف دي مش توبة ده نوع من أنواع المجاهرة اللي بتشيل عنك ستر ربنا وتخلي قلبك يتعود على الذنب
لا اله الا الله ربنا يهديك يا استاذ طماطم
ع فكره انت مش شخص مقرف ولا حاجه مادام بتحاول تصلح بالعكس قلبك طيب وهواك غلبك لحظه وانت ندمان فإنت كده كويس جدا ربنا معاك يا رب
اشكال طماطم ؟🗿
فك يوو 🫵🏻