عاوز احكي علشان الاقي حلول مش علشان حد يبصلي نظره شفقه انا كنت طالب عسكريه ربنا كرمني و دخلت هندسه محركات زي ما اهلي كانو حبين كنت متعرف علي بنت و قربنا من بعض اوي و اكتشفت بعد سنه و نص أنها اصلا كانت مخطوبه من قبل ما نتعرف مرضتش اصارحها بحاجه و كملت لحد ما اتكتب كتابها و صارحتها و قلبت الترابيزه عليا و قالت إن انا الي كنت مديها حب و اهتمام بزياده المهم هيا اتجوزت و انا سقطت في الكليه مع اني كنت بدخل المصانع الحربيه و كنت بشارك في تطوير المعدات الحربيه و انا لسه طالب من كتر ما كنت مجتهد بعد ما سقطت من الكليه انسحب مني كارنيه المصانع الحربيه و نقلت معهد في التجمع و مش عارف اعيش حياتي طبيعي من ساعتها بقالها سنتين متجوزه و خلفت و انا لسه واقف مكاني فشلت في حياتي الدراسيه و العآئليه +جالي 5امراض في أوقات قريبه جدا من بعض في منهم 4 مزمنين الحمدلله علي كل الي انا فيه و مش هنكر انا الغلطان اني مبعدنش من الاول بس بجد محتاج حلول نفسي اعيش زي الناس
اتحرك وعاند واجتهد وارجع لنفسك القديمة اثبت لنفسك انك قوي من غير اي حد اثبت انك انسان مجتهد حتي لو خسرت حاجات ارجع للمتاح واستغله بقوة تزعل بجد لو اثبت لنفسك انك لازم تكون ساند علي انما لو اثبت العكس هايبقي احسن كتيير ليك وهاترجع
نشالله تنجح
غلط منك اوي انك وقفت حياتك سنتين عشان حد ميستاهلش ده طيب انت كده استفادت ايه غير انك سقطت ف الكليه وف حياتك شكلك ايه قدام نفسك قبل م يكون شكلك قدام اي حد صدقني مبتقفش ع حد مهما كان مين بس احب اقولك إنها مش نهايه الطريق كمل واسعي وربنا اكيد شايف سعيك ده وهيكرمك ع الأساس ده بالنسبه بقا ليها ف ربك مبيسيبش حد وعادل ومبيرضاش بالظلم ابداً والأيام هتثبت ده حتي لو مش قدامك بس كفايه ان حقك كده كده راجع استرجع نفسك ف اسرع وقت وقوم انت بنفسك متستناش حد يسندك وربنا هيكرمك ان شاءالله أنا واثقه
ربنا بيعوض! ربنا فعلًا بيعوض مش كلام كليشيه بس هي مسألة وقت فمتضيعش من عمرك اكتر من الي راح انت مش عايز حلول انت عارف الحلول كلنا عارفين الحلول بس ممكن مش قادرين او معندناش طاقه والدنيا سوده فوشنا بس لازم تعرف ان محدش هييجي ينقذك لازم انت الي تطلع نفسك من الاكتئاب وتحاول مره واتنين وعشره والف لان محدش مهتم ومحدش هيقدر يخرجك منها غير نفسك
بص من البدايه كان المفروض متقربش منها علشان انت عارف ان فى حد ف حياتها انتم معترفتوش لبعض بحاجه يبقى المفروض مكنش فيه غير مجرد زماله وبس انت وقفت حياتك بس محتاج تكمل لان العمر هيجرى بيك هتلاقى نفسك مش واصل لحاجه وهى مش حطاك ف دماغها وعاشت فانت اولا لازم تمسح كل حاجه تخصها ابعد عن اى حاجه توصلك ليها فكر دلوقتي مستقبلك اهلك حياتك اى الصح ابنى شخصيه مختلفه لنفسك فكر ف الى بتحبه واعمله انت هتبنى من الصفر بس مع الوقت هتلاقى نفسك وصلت وصلت للى الوقت الى هتقف وتقول انا اصلا الحمدلله انها مكانتش ف حياتى لانك كدا هتتقدم ف حياتك ووقتها هتلاقى فعلا حد مناسب ليك انا فاهمه ان الوجع صعب اوى ولاكن دا الى لازم يحصل اضغط شويه على نفسك بس هتفوق بعدين
بص انت مش هتقدر تغير حاجه بس اعتبر ده الأحسن ليك حاول تجتهد في دراستك دي واتعلم هواية جديدة أو طور نفسك في حاجات جديدة حاول تصاحب ناس جديدة وأخرج واتفسح في نفس الوقت متهملش دراستك واحده واحده هتنسى اللي فات♥️
حابب اضيف حاجه كمان هيا بتحاول تتواصل بيا دلوقتي و بتقولي وحشتني وانا فعلا بضعف بطريقه مش طبيعيه و بسامحها علي كل الي هيا عملته