انا بنت مراهقة وعندي مشكلة غريبة وممكن تبان شائعة بس هي مقلقاني.. انا بتجاهل الناس بشكل غريب مش بتجاهلهم بالمعنى الحرفي، بس عندي قلة شغف غريبة في اني ارد على رسالة واحدة حتى او اخرج من البيت لغرض غير الدراسة والدروس حرفيا بنزل من البيت للدروس بالعافية، وبرفض اخرج مع صحابي كتير اوي ممكن اخرج مرة كل تلت شهور مثلا خروجة عادية ومش لاني مقدرش بس لاني مش عايزة! شعور فقدان شغف غريب اوي في صحابي او اي حد اعرفه في الواقع غير الناس الي معايا فالبيت، متعودو عليهم فعادي كلامنا سطحي، بس صحابي معرفش حساهم هيكرهوني بسبب كدا بس والله انا الفترة دي مش بقدر ارد عليهم ولا اكلمهم حتى لما بيبعتوا رسايل مع اني بحبهم معرفش ايه السبب ببقى عايزة اكون لوحدي وفحالي دايما حتى صحابي اونلاين بقيت بتعمد اتجاهلهم كلهم الحوار بقاله اكتر من سنة يمكن سنتين بس معرفش اقولهم ايه هبان بهرب اوي وبتجاهل وبحس نفسي انسانة وحشة، ممكن مردش على الرسالة لشهر بحس الحوار دا هيخليني وحيدة ومحدش هيحبني معرفش ليه، بحاول لما ارجع وارد عليهم كل مرة تكون حماسية كأني مهتمة وكدا فينسوا اني بتجاهل😭