انهاردة عايزين ناخد رأى بعض فى مشكلة الوجع والتعلق انا كنت الطرف الغير مرغوب فيه فى نهاية القصة هى مش علاقة سطحية ولا علاقة عميقة (بين الحاجتين) كان فالبداية الهدف منها هو حل مشكلة وبسبب (الجفاف العاطفى) اللى بمر بيه كان سبب كفاية انى أطمع أكتر وأكون أنانى واعمل إشباع للجانب العاطفى "اللى انا مفتقده" فبالتالى اتحولت من شخص بيحل مشكلة لشخص عايز شعور معين من الطرف التانى (ومن اللحظة دى اصبحت الطرف المؤذى) -اية اللى انا استخدمته فى الحوار علشان اوقع الضحية فى الشبكة ؟ نبرة صوت شتوية😂 / كلام رومانسى (تلميحات مش بشكل مباشر) / واستخدمت أهم ميزة عندى ربنا أنعمنى بيها وهى "الذكاء العاطفى" Emotional Intelligence والميزة دى للى ميعرفهاش هو إنك تحسس اللى قدامك إنك حاسس بيه اكتر من نفسه، والنعمة دى إتحولت لكارثة من اول نيتى الخبيثة الحاجة الوحيدة اللى مقدرتش اعملها هى "الوعود" دى كانت أكتر حاجة تقيلة على قلبى ومش هقدر أوهم اللى قدامى إنى اكون جنبه طول الوقت/جزء من يومه رغم إنها كانت على طبق من دهب (الصِدق فالكلام كانت واحدة من اهم الدروس اللى طلعت بيها من التجارب السابقة) -ليه بشارك معاكوا حاجة خاصة زى دى ؟ علشان احذر اى بنت من انها تقع فى نفس الفخ وعلشان امنع اى ولد انه يوّقف من استغلاله العاطفى لأى بنت إرضاءًا لنواياه الخبيثة