منذ 6 ساعاتيشعر بـ متعب
اما عندي ٢٦ سنه اتخطبت مره وانا ٢٣ وكانت اسود ايام حياتي وبعد ٤ شهور فسخت ومن سنه ظهر حد في حياتي و اتقدم رسمي وقرأنا فاتحه وبجد كان فيه كل حاجه نفسي فيها وكنت بحس منه كل حب وحنيه وقولت خلاص دا عوض ربنا ليا وكنت بصلي واعيط من الفرحه واشكر ربنا و فجأه طلع اصعب درس ف حياتي واكتشفت اني كنت معميه حرفيا وكان فيه كدب كتير والموضوع مكملش وبعد ب٦ شهور كنت لسه مجروحه اصلا واتقدملي حد تاني وكان دين واخلاق وغيله محترمه وبردو بلا اسباب واضحه كدا الموضوع اتفشكل ومكملش والله حتى ما اعرف اسباب ومن شهر اتقدم حد وقرأنا فاتحه وكنت تمام جدا ومرتاحه وهو كان طاير بيا فجأه الاهالي متوفقوش مع بعض والموضوع بردو مكملش ومش فاهمه دا ليه بيحصل معايا بجد هتجنن ليه مفيش حاجه بتكمل ليا بجد وخايفه بجد العمر عمال يجري بيا و٨ايفه افضل لوحدي بجد 😥
ربنا ييسرها عليكى ويرزقك الخير والحلال كله 🌹
بصي مفيش حاجه اسمها أنا كبرت وعندي مثلا 32 سنه يبقي كده خلاص قطر الجواز فاتني لا مفيش حاجه اسمها كده دي حاجه المجتمع بتاعنا اللي اطلقها ان البنت لما توصل عند سن معين ومتجوزتش يبقي فيها حاجه غلط لكن انتي مفكيش اي حاجه هو ربنا شايف ان ليكي الأحسن منهم وتستاهلي الأحسن ف انتي ارضي باللي ربنا كاتبهولك وان شاءالله اللي فيه الخير هتشوفيه قريب اوي من ربنا
لو كان خيرا لبقي و ممكن ربنا بيختبرك و انتي لازم تصبري و ممكن نتيجة الصبر ده جايزه كبيره محدش يعرفها غير رب العالمين
ان شاء الله يكون نصيبك احلي و ربنا كاتبلك الخير 🖤
شوفت فيديو من شوية بنت مسلمه بتحكى وبتقول انها اتولدت فى القاهرة وتزوجت من شخص مسلم من كندا فا بتتكلم وبتقول لو هنتكلم بالمنطق ده مستحيل بالمسافه دى كلها بجد صعب اصل ازاى ولكن ده قدر ربنا وده نصيبنا عشان كده اتجمعنا نصيبك لو كنتى فين هيجيلك انا شاب وعاوز اخطب قريب وكنت متضايق طول الوقت عشان بردوا الفلوس وازاى اتقدم والشبكه والدهب بس معرفش ليه بعد الفيديو ده قلبى اطمئن شوية