منذ 3 ساعاتيشعر بـ مرتبك
اللي مضايقني ان فيه ناس اعتبرتهم كل حاجه ف حياتي ومطلعوش كدا بيعلقوا رسايلي بالايام وميردوش بحجه انهم مشغولين ومضايقني انا ليه بعمل ف نفسي كدا ليه بصدق انهم بيحبوني ي جماعه هو معقول حد يحلف لحد انه بيحبه بجد وتلاقيه مشغول ف دنيا تانيه غيره ولا بيحكي تفاصيله عكسي انا بحكي هي ليه الناس متعبه كدا نفسي ف اشخاص واضحه من البدايه مش بتخبي
مش هييجي بنتيجة عكسية خالص ان شاء الله. يا إما هيبان لو بيحبك وعايزك هيقرب اكتر. يا إما لو مش عايزك هيلاقي الحرج اتشال تدريجي وارتاح فالبعد ساعتها ابعدي بجد
خلي البعد مش ايام. خليه اسابيع. شهر مثلا. ولو بعتلك ردي على قد السؤال ماتفتحيش مواضيع. بالعكس حاولي تقفلي معاه كل مايفتح حاجة
طيب جربي تبعدي ماتتصليش انتي وشوفي رد الفعل
بصي الرجالة مش دايما عندهم الشغف زي البنات هتلاقيه بيحبك جدا جدا بس (مش باتكلم عنه تحديدا) بس عنده مشكلة في التعبير و في العموم احنا بنحب يبقى لينا مساحة شخصية. اتأكدي انه مش عايزك فعلا و خدي قرار البعد
اهم حاجة مايكونش دا قرار مش قرارك و خاصة بعد كلمة. انا مش آخر حاجة تتركن ع الرف. ولازم تتأكدي ان طبيعة شغله ممكن تكون ماتسمحلوش انه يكلمك يوميا
جربي تبصي للموضوع من برا خالص يعني خارج إطار العلاقة. جايز انتي اللي عايزاه جنبك باستمرار لدرجة انه لو انشغل هتحسيه بيهملك. انما لو لقيتي نفسك طبيعية وهو اللي بيبعد فعلا. لازم تبعدي. بأي طريقة لازم تبعدي. اهم حاجة تتأكدي الأول