منذ 13 ساعاتيشعر بـ ناقص
كنت مخطوبة لبنادم وتسيبارينا عندنا ثلاث سنين، رضيت بالمكتوب تع ربي وقنعت بيه، هاذ العام رجع هاذ لبنادم ندمان وحب يرجع لغولاسيو كيما كانت، انا رفضت بطبيعة الحال، مي هو قعد يانسيستي وانا رافضة تماما، مي هو قعد يبعت ويعاود لدرجةبعت امو تحكي معايا وتبعتلي فلي ميساج فالتيليفون، سع مارديتش عليها نهائيا وهو ماعدتش نرد عليه مام يبعت، هاذ الموضوع خوفني بزاااف ومرضت بالخلعة منو، بيسك وليت نتخيل فأمور بيزار تصرا كي رفضتو وهو يانسيستي ويعاود، خممت فبزااف حوايج وملقيتش كيفاش نتهنا منو بلوكيتو من كلش وديما يخرجلي منين مانتوقعش، أعطوني حل لوجه ربي كيفاش نتهنا من حكايتو😞😞
وعلاه تخافي منهم ؟ياكك هو لي درونجاك نتي معندكش ذنب ولا احكي مع دارهم هوما يديرولو حد
اشكي بيه و دوموندي تعويض
لا متخافيش ولكن لازم تكون شوي شخصيتك قوية اكثر لانو هو نرجسي واذا كنتي تخافي رايح يستمتع بضعفك فهمتي فااذا تقولي لداركم رايح يقول بلي هاذي متخافش وتقدر حتى تشكي بيا ميدورش بيك
هاذا مالو هاذا 🙂🙂🙂 نرجسي من النوع الرفيع ، قوليلو مرانيش نتخيل في حياتي معاك مع الاسف واذا كنت صح تحبني قيلني واحكي مع دارهم يدوه لطبيب نفسي يعالجوه من الهوس لانو قادر يدير حوايج تضرك وتضرو وهو غير واعي لانو مراهش في حالة طبيعية هاذا هبل
قولي لداركم بلي راهو يديرونجي فيك ولا قوليلو تخطبت وصايي