انا عايزه حل ف واحد اتعرفت عليه ف الجامعه هو من نفسي سمي و هو الي كان معجب بيا ف الاول و المهم يعني قربنا و ارتبطنا هو كان ف الاول عادي بس بعدين بدأ يكلمني عن جسمي مش بيكلمني بطريقه وحشه بس مثلا بيقولي انتي جسمك حلو اوي انتي ازاي جميله كدا و هكذا و انا بصراحه كان عاجبني الوضع و مره بعت له صوري بشعري و هنا كانت البدايه بعدها طلب صوره ليا بنص كم مره صوره بالبرا و انتو فاهمين بقي حاولت ارفض كذا مره بعدين بس هو كان بيزعل ف كنت بوافق عشان مش ازعله قولت ابعد عنه بس انا فعلا بحبه و هو شخص كويس والله و بجد بيحبني اوي فوق ما تتخيلوا كمان و الحاجه الي بتسفزني بجد انه بالنسبه له دا عادي و اعترف لي قبل كدا انه لما كان ف ثانوي عمل علاقه كامله مع بنت بس هو وقتها كان شخص وحش و بتاع مشاكل عكس دلوقتي انا شيفاه بجد بيحاول يتغير و عايز يكون شخص احسن بس هي النقطه دي بس هي المشكله و لما بقوله ان طلباته دي بدايقني بيقولي خلاص حقك عليا و مش هطلب حاجه تاني بس تاني يوم بيطلب عادي و اخر مره كنا ف الجامعه سوا بصوا هو انا قيلاله بطول ما احنا ف الجامعه انت مش تعرفني لان الجامعه موجود فيها قريبي و ممكن يقولوا لاهلي و انا اهلي متشددين جامد المهم جه قعد جنبي ف المحاضر و لمس رجلي ي صوابعه كدا انا حسيت اني اتكهربت و مش فتحت بوقي و هو فضل يلمس فخدي و بعد المحاضره روحت البيت من غيرما اقوله حاجه بس بجد كنت مدايقه جدا و هو اعتذر بس انا قولت له محصلش حاجه مش مدايقه منك ف انا بجد مش عارفه اعمل ايه و البعد عنه مش خيار لاني فعلا بحبه اوي
مش بيحبك، بالنسبة له إنت تسلية مش اكتر، هيفتحك وهيرميكي، ابعدي عنه وركزي في دراستك وابعدي عن العلاقات دي
لن انصح ولن اوجه انما اطلب منك ان تنظرى الى هذه العلاقه هل هى فى الطريق الصحيح هل هو يحبك لوجود مميزات بكى ام شخص شهوانى ينظر فقط الى الجسد والجنس هل هو شخص مؤتمن عليكى الاهم ماذا تطلب المرأه من الرجل لو اجبتى بعقلك ستجدى ان هذه علاقه غير حقيقيه وهو انسان لا يستحقك
بصي انا برضو كنت زيك وكنت حسااه بحبني وبتاع بسس اكيد لو بحبني حيخاف علياا مش يعمل معاياا كدا. فاهماني وهواا ف سنك يعني اول متتخرجو حيوقلك يلا باي معاياا ظروف مش حعرف اتقدم حالياا وبعدين سمعتك انتي اللى حتتضر لاني الرجالة دول معندهمش امان النهاردة بيحبك بكره بيكرهك انا مش بندمك بس بجدد فووقي واقطعي معاه وخليكي ف مذااكرتك واقربي من ربنا وربنا يهديناا جميعاا
والله مش بيحبك بيتسلى و بيقضى وقت اكيد وحشه اللى عمله فى ثانوى و اسمعى الولد دة عمره ما هيتجوزك عمرهههه هيقول مش هتجوز واحدة كنت ماشى معاها و لمستها و بعتتلى صور ليها انتى مش وحشة بس الولاد هما الللى وحشين الفترة دى لو مش هتقدرى تبعدى حطى حدود واضحة ولو محترمهاش أو قلك ماشى و كررها لازم تيجى على نفسك و تقطعى معاه
بصي انا منكرش اني كنت زيك كده بس استوعبت اللي عملته ده غلط والحوار ده كان في ثانوي ولكن الحمد لله مخلصه كليه احب اقولك ان الاخ بيستغلك عاطفيا والتطور بقا جسديا والمشكلة والأمر أنه معاكي في نفس المكان ف بصي لو تقدري تمسحي من المحادثه الصور بتاعتك وتبلكيه ولو حاول يتمادي معاكي بعد كده سواء لفظيا أو حصل تلامس طيني عيشته ولو هددك قوليله مش خايفه من حاجه
ابعدي واهربي وانفدي بجلدك هيفضل يستدرجك لحد مايعمل معاكي علاقة كاملة ويخلع وانتي حياتك هتتدمر وهو هيكمل حياته عادي زي ماكملها بعد العلاقة السابقة وهيتجوز وانتي ممكن اهلك يخلصو علي. كي. الحقي نفسك ارجوكي
الموضوع هيطور ابعدي و لو ليكوا نصيب هتكونو سوا
اللي بيحب حد مش حيعريه ولا يطلب كل دا قبل الجواز الحب عماكي ومشوفتيش أنه شخص وحش جدا
ياحول الله ياربي هو دا لو بجد ف نصيحه من اخ دا مش بيحبك صدقيني بجد والله ما بيحبك لو بيحبك بجد هيخاف عليكي حتى من نفسه دا بني ادم حيوان شهوته سايقاه ومخلياه شبه الكلب اعملي بلوك وابعدي عنه وصورك بنسبه كبيره هتلاقيها معاه على التلفون ولقدر الله ممكن يهددك بيها بعدين ابعدي يا اختي ربنا يهديكي يارب وعفي نفسك وابعدي عن العلاقات المحرمه دي مش بتجيب غير الفقر ربنا يهديكي
لو بيحبك بجد مش هيطلب منك نودز او يتصرف كده هو واخدك تسليه للاسف
لازم تبدائى تحطى حدود و هو لو بيحبك بجد هيحترم حدودك و لو مش قادرة تبعدي عنه حاولى على اد ما تقدرى تمنعي ده و تسرعي يكون بينكم حاجة رسمي
بصراحة قرف و زهقت من نفس القصة المتكررة اظن اي واحده عارفة الوقتي الصور دي بيتعمل بيها ايه بجد بترخصي نفسك تحت مسمى الحب مافيش أبدا واحد بيحب واحدة هيعمل كده فيها بجد بتجيبوا الشجاعة منين تبعتوا صوركم لحد بصراحة انتي و اللي زيك لما بتحصل مصيبة في الاخر و يعيطوا مش بتعاطف معاكم ابدا ربنا رزقنا بحاجة اسمها عقل