انا كمان م بعد رمضان وانا مش عارف انتظم خالص بصلي يوم اه يوم لا وصلاه اه وصلاه لا والموضوع ماثر ع نفسيتي ومش عارف ايه سبب الحال اللي انا فيها دي يارب نرجع ننتظم تاني ف الصلاه

حاول انك اول ما تسمع الأذان تسيل اي حاجه ف ايديك اى مشتت مهما كان حتى لو كان مهم وميتأجلش وادعي كتيير الدعاء فعال جدا واسمع بودكاست فاهم عن موضوع الصلاة هيعجبك ومفيد جدا للشيخ أحمد العربي لما تقرأ أكتر عن الصلاة وتعرف أهميتها هتلاقي نفسك مش بتفوتها واستعن بالله ولا تعجز وطول ما انت بتحاول هتوصل المهم متبطلش تحاول ومتخليش الشيطان يدخلك من مدخل انك بتقطع ف الصلاة انت وحش و منافق او الشغل دا لا كلنا مقصرين بس بنحاول نكون أقل تقصير فاهمني ؟..

بص انا فضلت بعاني من حوار الصلاة ده سنين طويله حتى فرمضان كنت بقطع واكتر مده انتظمت فيها كانت شهر ،وحاولت كتير اوي اوي اوي بجد وبرضو معرفتش ،بس في حاجه بسيطه ساعدتني جامد مع اني مش من محبين الكتب ولا القرايه خالص لكن اشتريت كتاب بالصدفه البحته اسمه فاتتني صلاة قريته وفعلًا فرق معايا اوي لانه فرق فتفكيري وفالستيبس الي لازم اعملها عشان اوصل ومقاليش الكلام الكليشيه بتاع بوستات الفيس بوك ده فلو محتاج حافز اقراه متأكده انه هيفرق معاك وفالنهايه الموضوع محتاج مجهود وطول مانت بتحاول يبقا هتوصل بإذن الله وادعي كتير

لبب