والله أنا مش وحشة أنا حبيت قلبي وجعني اوي يمكن دي اول مرة احب أول مرة ابص في عين انسان واقع ف حبه كنت يشوفه بحي اني عايزة ادخل جوا قلبه ويخبيني كنت بروح مكانه كل يوم بي عشان اشوفه كنت بحب فرحته اول مايشوفني وضحكته وملامح وشه ونظرته ليا لوحدي لغاية ما دخل كلمني فرحت اوي اوي وفكرت خلاص انا لأول مرة في عمري ببص لواحد احبه ويحبني ده بيحبني كنت اسعد إنسانة لغاية ما قالي إنه متجوز سكت قولتله كده خلاص وهو مسكتش كنت بتقطع وأنا بتخيله لوحدة تانية بس كنت بقول لنفسي هي الحلال وانتي ولا حاجة وقالي هعرفكوا علي بعض وكأن الموضوع عادي صحاب وانا كنت ضد مبدأ الصحاب بس قولت واحد اكبر مني ب12 سنة خلاص اكيد ملحقتيش تحبيه اوي يعني خليكوا معرفة كدا بس الكلام هو خده ف حتة تانية طلبت اشوفه عشان اتكلم معاه وانهي الموضوع لان ضميري بيموتني ولقيتني كنت بكذب علي نفسي مش قادرة اعتبره حد عادي أنا بجد بحبه بس هو كان عارف إني بحبه استغل ده وقربلي كان اخدني لعبة يتسلي بيها كنت نزوة مش عارفة بس قالي بحبك قالي مش هقرب إلا لما تكوني ملكة ف بيتي والناس كلها تعرف قالي كلام كان شايفه عادي بس بالنسبالي كان وعود كنت صادقة مع حد كذاب محبنيش ضعيف وعاجز كنت مش مصداقاه إنه متجوز بجد عقلي مكنش قابل يصدق لغاية ما شوفت ابنه قررت اسيبه ملقيتوش عمل اي رد فعل سكت كنت بتقطع وبعيط كل يوم بروح اشوفه بنبص لبعض بصة عتاب من بعيد بروح شغلي اعيط ف الحمام أنا بكره عشان هان عليه قلبي عشان قرب هدوهو عارف شكل النهاية وقرر يكسرني مع إني قولتله أنا بخاف علي قلبي ف الآخر يقولي انت طيبة غيري كان هيضحك عليكي لكن أنا لأ أنا مش قليل الأصل ، شاف دموعي ومسكت فيه قولتله متسبنيش مش هعرف اكون لغيرك وده مش أنا اللي وصلت نفسي ليه هو اللي عمل ده هو اللي قرب وحسسني اني ليه لوحده وأنه ليا كل ماكنت بقرر أبعد مابيسبنيش عطاني اهم حاجة اي بنت بتدور عليها الأمان طمني وحسسني بأمان مزيف ماسبليش اختيار ياوجع ضميري وأنا معاه ياوجع فراقه وانا بعيدة عنه أنا مش زعلانة إنه اختار عيلته أنا مكنتش هقبل أصلا ابني سعادتي علي وجع غيري أنا بس زعلانة إنه شافني قليلة كده وإنه مكنش قد كلامه معايا صعب عليا اللي كنت بقوله بابا يرميني