هو كل حاجة بالتبادل طبعا احسن بكتير بس لو هنقسمها راجل و ست فا الراجل هو اللي المفروض يبادر بالسؤال و الاهتمام و الست هتهتم برضو و هتبقي حنينه اكتر و كل دا اكيد اكيد مرتبط بالتربيه يعني اي طرف منهم كان مفتقد لشعور معين ي اما هيديه او ي اما هيمنعه زي ما اتحرم منه ( دي وجهه نظري مش اكتر)

الحنية والرعاية والاهتمام حاجات لازم الطرفين يقدموها لبعض ومع ذلك هى شىء نسبى جداا بتعتمد على الشخصية والتربية والتفكير وحتى البيئة اللى اتربى فيها لو حسبناها من ناحية الاحتياج فالراجل المفروض يقدم حنية واهتمام اكتر وهو اللى يبادر لان دة احتياج الست والست المفروض بتقدم تقدير ورعاية اكتر لان دة احتياج الراجل بجانب الحنية والاهتمام طبعا لكن الاولوية اما واقعياا فالعكس اللى بيحصل الرجالة معندهاش مخزون حنية واهتمام تقدمه فبتلجا انها تاخد كتير من غير ما تعطى او تصد ومتاخدش خالص بحكم ان الست بعاطفتها كدة كدة هتقدم والراجل بيقدم بطريقته رعاية مالية او تقدير بصورة مادية اكتر ودة مبيتفهمش بالنيبة للست لان احتياجها شاعرى اكتر الحل ديماا ان الاتنين يكون بينهم لغة حوار قوية وكل واحد مستعد يعبر عن احتياجه من غير ما يتكسف

هي البنت مش هتكون حنينة ع الراجل الا لو هو بيحبها وحنين معاها وطيب فهو لو حنين هيشوف حنيتها كلها 🖤

يارب اللهم امين واياك انا اكتر🍃

دة حقيقى بس انا قصدى على راجل وست عاديين محافظين على نفسهم فالسوشيال ميديا مش هتاثر عل طريقة احتياجهم للامان اكيد

حضرتك بعدت اوووى واللى قولته فعلا مش غلط تفكير الراجل غير الست الست بطبيعتها لما بتحس بامان بتتكلم وتتكلم كتيير فبالنسبالها السكوت قلق ودة غصب عنها الست تستحمل تشارك جوزها قلقه فى المشاكل عادى جداا لكن صعب تتقبل انها تقعد معاه وهى مش فاهماه وانه يكون متغير الراجل والست مختلفين مفيهاش كلام وعشان يتقابلوا لازم يكون فيه لغة حوار واضحة الموضوع ملوش اى علاقة بالسوشيال ميديا او غيرها الست محتاجة راجل واضح وصدقنى لو الموضوع معكوس والست هى اللى سكتت والراجل حس بتغييرها بردو مش هيكون مرتاح الجواز مشاركة فى كل حاجة عشان تكون علاقة صحية مش حرب

مع احترامى الكامل لحضرتك وللحديث بس ايه علاقته باللى انا قولته

مع احترامى لحضرتك ولرايك اكيد بس الست بردو عشان تعامل الراجل كانه ابنها بتحتاج منه يكون كتاب مفتوح قدامها بالظبط زى الام لكن فى راجل غامض بالنسبة لمراته فى كل حاجة وينتظر منها رعاية وحنية وفهم هى مش هتقدر لانها حاسة انها بتتعامل مع انسان مبهم بالنسبة للست السكوت واى حاجة مخفية وغريبة يعنى قلق

اكيد لا ودة لان الام مش بتستنى رد للمشاعر دى من ولادها لانها كدة كدة بتترد بشكل غريزى حب الام انما الزوج لا الست بتخاف تقدم وفجاة يبقى امر مفروض عليها بتقدم وبس لان مع الوقت الراجل بيستهون بيهاا ودة اللى بيحصل للاسف انت بتتكلم من وجهة نظرك لانك شايف ان انت مش هتعمل كدة لكن دة قليل انا مش معترضة خالص على فكرة ان الست تقدم وتبادر مدام الراجل محترم وبيقدر لكن بوضحلك زاوية تفكير

من نااحية تانية للاسف علاقة البنت مع اهلها وابوها بالاخص بتاثر جداااا جدااا فوق الوصف لو الاب مكنش موجود عاطفياا عند البنت فدة بيزود احتياجها للحنان اضعاف مضاعفة وساعات بتحاول تخلى جوزها فى دور ابوها ودة غلط وبيحتاج وعى على فكرة لكن للاسف بيحصل وعلى نفس المنوال الشاب بيتأثر جداا بمعاملة ابوه لامه وغالباا بتشكل نسبة كبيرة جداا من اسلوبه مع مراته لان دى الصورة اللى اخدها عن الجواز ومعندوش عاطفة قوية تحركه يغير الصورة دى ويسعى لصورة احسن زى البنت

بس بالنسبة للبنت مش بتتحسب كدة يعنى هى الراجل هو اللى بيتقدم وغالبا بتكون منتظرة منه ان هو اللى يعبر عن مشاعره الاول لان البنت بتخاف تعطى ودة ميتقدرش او الراجل يفهم غلط او يعتبر ان دة حقه انه ياخد وبس ودة بيحصل كتييير للاسف الا من رحم ربى هى بتكون منتظرة انه يبادر ويعبر حتى لو بشكل بسيط بعدها هى تقدمله عنيها وهو بيقدم فى المقابل والعجلة بتمشى

بص علاقة الراجل مع اصحابه او اهله لازم تختلف عن علاقته بمراته ولازم يفصل زى ما هى كمان لازم يفصل طبيعة المجتمع الشرقى مفيهاش مساحة كافية ان الراجل يعبر لكن دا على نطاق الشارع ولازم البيت يكون حاجة تانية الست ديمااا عقلها متبرمج انها مرغوبة من اول فكرة ان الراجل اللى بيتقدم لها لحد ابسط فكرة باختصار الست تقدرتقدم كتييير جدااا لكن المبادرة لازم تكون من الراجل حتى لوبسيطة

المفروض يكون أكثر حنيه هو الشخص الاحن

اعتقد الراجل