شخصية

فيه بوست تحت بيبدا ب "عندي مشكله ف شخصيتي" هو بوست بر١يفت للي حابب/ه ندردش مشكلتي مكتوبه فيه واللي مش حابب ولا كانه شاف حاجه مش عايز استظراف مش ناقصه بصراحه بس كده معنديش حاجه تانيه اقولها عموما من ١٧ ساعه مش بعيد اوي

حاسس انى مبسوط، ودى حاجة غريبة كنت فى كابوس اخر فترة تقريبا معداش عليا يوم الا لما انهار فيه فيعني ممكن استغل مودي واديكم نصايح لى انا دلوقتي كويس الفكرة كلها انى مدرك انى مليش ذنب فى اى حاجة، حياه ملهاش معني؟ انا مالى ناس بتعاني؟ انا مالى انا مطلبتش اتوجد، فبالتالى مش مطالب اصلح حاجات انا مبوظتهاش الحياه سهلة مش مطالب منك غير انك تكون مبسوط سواء كنت متجوز او سنجل مسافر او لا عندك شركة ولا شغال، صدقني هى نفس درجة الانبساط، هى نفس كيميا المخ الناس بتعرض لحظاتها السعيدة، عشان تورى الناس هى قد اى مبسوطة محدش بيعرض مشاكله ولا ضغوطاته ولا نقاط ضعفه ولا ندمه بالنسبة للندم، انا من الناس اللى بتندم للاسف ع كل حاجة بس guess what? مش فارقة كتير شوية كدا وهتفهم ان الندم الحقيقي بيكون عالحاجات اللى متعملتش، مش الحاجات اللى انا عملتها وبالنسبة للى متعملش؟ ما تعمله يمعلم، هتقعد ندمان ٥ سنين على حاجات معملتهاش من ٥ سنين؟ ما تعملها دلوقتي عشان تكون محققها كمان ٥ سنين وبالمناسبة اللى فات من عمرك مضاعش، انت بس مش متذكر تفاصيله، مش متذكر كمية التجارب ولا كمية الحاجات اللى عديت منها او اكتسبتها، دماغك مش هيقدر يفتكر كل دا، بس صدقني جواك انسان عاش تجارب وعنده معلومات جبارة، جواك بطل يقدر يلم كل اللى ندمان عليه اخر ٥ سنين.. فى اقل من سنة، عشان انت بنيت شخصية وعقلية ليك من غير ما تحس

بحاول افهم اللي انا في دلوقتي ده اكتئاب ولا فقدان شغف ولا توحد ولا دي شخصيتي الجديده ولا ايه اللي انا في دا بجد ــــــــــــــــــــــــــــــــــــــــــــــــــــــــــــــ

لو انا اتعرفت على واحده بس على النت، واتكلمنا شهور من غير ما نشوف بعض. يوم ما تقابلنا اكتشفت إن الشخصية في الواقع مختلفة تمامًاوحتى الشكل بردو المفروض اعمل ايه هل اكمل ولا امشي ولا اعمل ايه

عندي اعجاب ناحيه شخص الايقو بتاعه على ومغرور ومعندوش شخصيه او يعني عنده وابن أمه انا 20 وهو 23 واصلا معندوش مسئليه رغم سنه ده بس انا بحب كيف بيتعامل أمه واخته وشخصيته اللي تناسبني ومظهره وأنه كاريزما ويعرف يتصرف وكل الحاجات دي وحصلت ما بينهم مناوشه صغيره بس أحسها سابت انطباع سئ عني اكره أن سعات اعجابي ده بيبان الصراحه سعات بتبقى مواقف عاديه وسعات بيبقى واضح جدا اكره كدا بجد خصوصا أنه شخص مغرور انا اصلا مفهمه أخته اني بحب واحد تاني بس أخته تعرف كويس اني زيي واحد من السوش فأكيد فاهمين شعورها ومتأكده اني معجبه بأخوها والله معارفه اعمل ايه

أنا في المطلق إنسان ساكت.. أبان هادي لا بهش ولا بنش وده شيء من اختياري فبيتاخد عني فكرة إني "طيب".. فبييجي بقى إنسان آخر بيهش وينش يقوم هاششني وناشتني! فأقوم أنا مفعل مود "أوحش نسخة من الإنسان" في دقيقة فيزعل بقى الإنسان الآخر ويتقمص وواااء واااء وكده 😭 طب ما أنا كنت في حالي! فمتجبرنيش أشغّل النسخة المدفوعة من شخصيتي... وبعدين تعيط

لو وزنك زايد، أو ناقص، أو شكلك مش مطابق لمعايير السوشيال ميديا... افتكري إن قيمتك عمرها ما كانت في رقم على الميزان أو في شكل معين. كل واحدة ليها جمالها الخاص، وحاجة بتميزها عن غيرها، حتى لو هي مش شايفاها دلوقتي. متخليش المقارنات تخليكي تشكي في نفسك، لأن معايير الجمال بتتغير، لكن الشخصية، والطيبة، والثقة بالنفس، والأخلاق هي اللي بتخلي الإنسان مميز فعلًا.

​أحياناً، يكون سبب مانمر به ليس الآخرين، بل عدم قدرتنا على تفكيك سلوكياتهم. نمر في طريق التعافي بتساؤلات مؤرقة: هل كانت تلك المشاعر صورة رسموها أمامنا أم هي حقيقتهم وطبيعتهم؟ - ضرورة التمييز بين الشخصية والطبع : ​حين ندرك أن "الطبع غلاب" وأن "الطبع يغلب التطبع"، سنتوقف عن لوم أنفسنا لأننا "لم نُحسن التأقلم"، وسنتوقف عن محاولة تغيير ما لا يمكن تغييره في الآخرين. ​الشفاء هو أن تختار أن "تكون نفسك" بكل عيوبك وميزاتك، وأن تمنح نفسك السلام بالابتعاد عن العلاقات القائمة على "التطبع" المزيف. التصالح مع الطبيعة البشرية هو أولى خطوات الطمأنينة. H-007

انا دلوقتي محتار انا معايا شخصية حلوة جدا و ممتازة في الطبع و متفاهمين جدا جدا و مطيعة ليا و بتحبني جدا المشكلة ان شكلها مش الطف حاجة و عندها مشكلة في النطق و جوايا حاجة مش قادرة تتقبل الموضوع بكن غالبها احساس تاني بي ان هي دي الشخصية المناسبة ليك الي تحافظ علي بيتك و تصونك و انا مقتنع بي مثل خد الي بتحبك و متخدش الي بتحبها هل انا صح ؟

لما بنت بيتقدمها حد اهلها بيسألوا عليه المحاوطين بيه زي جران و ناس في شغله مثلا . بس بحس ان دي حاجه سطحيه يعني اصلا اغلب ناس مش بتبان شخصيتهم الحقيقيه غير مع ناس القريبيين ليهم صحابه مثلا بس معروف صعب نوصلهم الا لو في معرفه مشتركه . بس انا فكرت فحاجه هو حكي قبل كده ان جارته كانوا قريبيين شبه اخوات و متربيين مع بعض وكلام دا .ينفع اسألها عنه ولا ممكن تضللني مثلا ؟ حاسه اجرب وخلاص بس هسألها ازاي و هقولها اي انا العرفه عنها انها اكبر منه بسنتين تقريبا و بتشتغل في مكان جمب بيت كاشير بس معرفش اسمها ولا شكلها 😂

أنا في الابلكيشن دا جريئه اوي دي مش شخصيتي ولا دي أنا بتكسف من خيالي حتي لو كلام عادي مش بعرف ابص فعين حد وانا بتكلم بتوتر لما حد يبصلي ونا بعمل حاجه ازاي اخد شخصيتيييي هنا اطبقها فالحقيقة😭

جماعه هو ليه الناس دايما بتختار أو بتتقدر بمقاييس معينه زي الجمال، الفلوس ، اللبس والمركات الحمد لله انا عندي كل ده بس ساعات بفكر اشمعنا انا فاهمين يعني ليه صاحبي اللي معندوش كل ده الناس مش بتقدرو ولا بتحبو لي لازم الشخص يكون نرجسي ومستقوي عشان الناس تعجب بيه حرفيا حاجه تحير وبحس نفسي اني شيلت زنب اصحابي أو الناس اللي مش مقتدره عامتا عشان انا مقتدره عنهم مع اني مليش دعوه بس بحس اللي هوا ليه هما مش زيي ي ريت حل المشكله دي علشان علي طول حاسه بالذنب تجاه نفسي فبطر اني اعمل حاجات متخلفهه بحاول انعزل عشان محدش يقارن نفسه بيا أو يحس بالغيره لأن كذا مره اتقالتلي انتي شخصيتك حلوه اوي ونفسنا نكون زيك بس للاسف بدل ما احس بالفخر أن الناس بتحبني وبتعتبرني قدوه بقيت اعمل الحاجات دي وللاسف بعض الناس فكرتني اني بتكبر عليهم عشان واخده جنب ( حرفيا اللي يشوفني ميقولش اني بفكر ف الحاجات المتخلفه ديي بس هنعمل اي😂 ) عاوزهه حل يجماعهههه

الحقيقه انا عندي مشكله مبدئياً انا ولد بقالي فتره ك نوع من النظافه الشخصيه يعني لما اخد دش برطب جسمي كدا بمخمريه شوفتها عند اختي وخليتها تجيبلي زيها مكتوب عليها بترطب الجسم والشعر ومزيل العرقه والحقيقه هي فل الفل وتحسسك طول اليوم انك لسه مستحمي حالا المشكله هنا اول حاجه هي ملمسها زي الفازلين كدا وانا مش بطيق الملمس دا على ايدي بعد ما اخلص وبتطلع من الايد بالعافيه بعد ما اغسلها ييجي تلت مرات موضوع الغسيل اتعودت عليه ف عايز اعرف طريقه اسرع يريت وبرضو هل الماده دي منفذه للمايه ولا لا لان وهي على ايدي بحس انه لا وخايف من موضوع الوضوء جدا وشكرا مقدما

(مشكلة)، كتير بتعامل مع الناس الكدابة والمنافقة والخاينة والغبية، فهل أنا حظي وحش اني اتعامل مع الناس فمعظم الاوقات وبيطلعولي بالصدفة ولا العيب فيا ولا اي مش فاهم انا. عالعموم مش هتكلم عن نفسي لان شخصيتي هكس الناس دي

انا عندي مشكلة كبيره اوي انا شاب صغير لسا في 3 ثانوي ، مستقل تماما عن عائلتي في كل حاجه ( من وانا صغير ) .. بدرس وبشتغل في نفس الوقت ومظبط اموري بنفسي .. ليه البنات بتكلمني عشان فلوسي مش عشاني انا انا شخصيتي حلوة وكل الناس بتشكر فيا بس البنات اللي بتكلمني عشان تتعرف عليا بيكلموني عشان معايا فلوس وبخرج وبسافر وكل دا

طيب انا دلوقتي عندي مشكله مش عارف ممكن متكونش مشكله قد ما هو نقاش انا عايز اعمل glow up بس للتاريخ بقا لكل حاجه ف حياتي ف شخصيتي ماديا دينيا جسمانيا كل حاجه كل حاجه وخر فتره بتراودني افكار انه ليه متنزلش زي اللي بينزلوا (اعتقد مفهوم) انا بحب عامة اشارك خطواتي واوقات بكتب هنا حاجات من باب الزام النفس واوقات من باب التوثيق وكدا يعني ف هل فعلا تشجعوني اعمل خطوه زي كدا ولا افكس يعني انا كدا كدا عايز الموضوع هادف مثلا انا عايز اغير سلوك فيا زي مثلا مثلا اغض بصري ف انزل عن الموضوع ونصيحه وكدا واشارك رحلة التغيير دي اللي قررت ابدأها قبل ما اتم ١٩ سنه (بعد امتحاناتي هيبقا فاضل ٦ شهور بالظبط ) ف هل فعلا تشجعوني على حاجه زي كدا طب لو ااه ايه النصيحه اللي تقولهالي ولو لا برضو قولي ليه انا بقبل النقد وجزء من الرحله اصلا اني ازود عندي تقبل الرأي الاخر وشكرا مقدما ل اي حد هينصحني او لو مفيش نصيحه ادعيلي 🤍

دلوقتى انا منفصل وعندى طفلين عايشين معايا فمحتاج زوجة فيه زميلة معايا ف الشغل محترمة وبنت ناس ولكن شكلا مش افضل حاجة فسوالى لحضراتكم لما بتتقدموا جواز صالونات بتفكروا فيه ازاى هى جميلة ولكن فيه ملاحظات ف الوزن ونظافة الاسنان

عندي مشكلة كبيرة اوي مش عارفة اتصرف فيها ازاي وحاسة اني بنهار (محصلش). سـلامٌ عليـكم اولًا 🍧. عارفين الشخص اللي بييجي يشتكيلك من حد عشان تقعد تشتم معاه في الشخص ده مش تنصحه؟ هو جاي على اساس افضفض وانصحني ومدري ايه، بس هو actually عمره ما هيتقبل انك تغلطه لو هو اللي غلطان فعلا وممكن يقلب عليك، ولو فيه تفسير او مبرر لتصرف اللي قدامه وانت واجهته بيه هيقلب برضو، او حتى لو قولتله مش عايزين نغتاب او ننم هيقولك الشيخ وطاهر القلب ويتريق، ولا هيقبل نصيحتك اصلا لو نصحته، هو جاي على اساس ساعدني بس هو بس عايز يشتم في فلان مع حد ويحس انه كده انتصر على الشخص ده لما شتمه وخلى الناس تشتمه من ورا ظهره. الناس دي غالبا بتكون الغلط، جبانة وضعيفة ومعندهاش شخصية، وفوق كل ده احب افكرك ان انت لو شتمت اي حد معاه، ف هو برضو بيشتم فيك مع ناس تانية من ورا ضهرك، او هيعمل كده مع اقل خلاف، ده لو مش فارق معاك ميزان سيئاتك اصلا؛ اللي بيَثقُل مع كل كلمة بتغتاب بيها الشخص ده. فاا اللي من الفئة دي انتوا بتتعاملوا معاهم ازاي؟ خصوصا لو حد ملازمك زي صديق بتشوفه بشكل يومي ومش هتعرف تبعد عنه (هيقلب ويتكلم عليك ويشوه سمعتك لو بعدت عنه باي ذا واي). ووو للفئة دي؛ بليز انقرضـوا 🫶🏻.

حلولت غير مم شخصيتي كرمالا كان بدي ياها تكون مبسوطة معي بس للاسف فشلت وغيري صار قريب منها بأقل مجهود وانا اللي خسرت كنت متمني تبقى معي بس هلا انا وحيد ومنعزل حاسس حالي مكروه من كل الناس والعالم

انا عندي مشكل هوا اني اخاف من اشياء في حياتي رغم أنه أستطيع فعلها و انجح فيها مثل رياضة بوكسينڨ انا اقدر اتحمل ضرب و اضرب و عندي قدرة بدنية و جسم رياضي و قوة عضلية و لكن رغم انني ملاكم لكنني اخاف من الاقدام إلى الحلبة ولكن عندما اطلع الحلبة اقاتل و لكن فكرة الخوف و الخسارة دائما مرتبطة في مخي و اخاف أن كياني يهتز و كاريزما و شخصيتي يروحو عندما يعرفون الناس انني خسرت و هذا في كل مجالات حياتي خوف ف دراسة سياقة سيارة لدي مخاوف في اشياء

بستغرب إزي انا بكره نفسي كدا و في نفس الوقت مش عاوزه اغير فيها حاجة يعنيي بكره شكلي بس مش عاوزه اغيره. و بكره شخصيتي بس مش عاوزه اغيرها فـ بجد انا مش فهماني ولا فاهمه انا عاوزه ايه 🤷🏻‍♀️ ساعات بحس إني شايفة كل عيوبي لدرجة أنسى أي حاجة حلوة فيا و ساعات بحس اني متقبلة نفسي(دا نادراً) الموضوع محير بالنسبالي

ديما في سؤال شاغل بالي هل لو رجع بيا الزمن في حاجة هغيرها من اختيارت كتير غلط او حاجه معملتهاش في وقتها بس بردوو ارجع اقول لولا الغلطات الكتير أو الحاجات الي فتتني في حاجات كتير مكنتش اتعلمتها أو فهمتها لإن جزء كبير من شخصيت الإنسان بتتبني من تجارب الحياه اختيار صعب انت/ي هتختار اي والسبب

حاسه ب الذنب اني مكونتش صحاب ف وقت مفروض يكون عندي صحاب حتي جروبات الدفعه لما طلعت منها محدش خد بالو و لما يتجمعو محدش بيكلمني حاسه اني مش هعرف اكون صحاب محدش بيحب شخصيتي ولا بيحب يتعامل معايا..

بلشت بكره الذات لما كنت بعمر ال10 سنين كنت اسمع اكثر من كلمة مؤذية وضل الموضوع لحد عمر17 كنت اعاني من الموضوع صرت اقلد الناس لأنه ماعندي شخصية وصرت اهتم بأهتمامات ما بحبها عشان الكل يتقبلي وبعمر ال18 وهي سنة الثانوية العامة بلشت بعلاقة كسرتني بزيادة بس ما علبنا من بعد العلاقة هاي صرت اسوي الي بحبه وصرت اقول اذا الي حبيته ما حبني ليش اتعب حالي عالفاضي بالفترا هاي كان الكل ما يحب اسلوبي ولا يحب اشي مني بس لأني صرت اقله لا وارد عليهم بنفس القسوة والحمد لله هيني عايش احلى حياة وببساطة الي ما بعجبني ما بسويه

كل لما احاول اندمج مع الناس حواليا أو ادخل اي علاقه اندم و ارجع ابعد تاني و لحد دلوقتي مبقتيش قادر افهم المشكله فيا فعلا زي ما اغلب الناس بيقولو مع أن الناس اللي بتتكلم عني حرفيا ميعرفوش عني حاجه و اقسم بالله اوقات انا بسمع كلام و حاجات عني من ناس ببقي اول مره اعرفها عن نفسي . الناس مصممين يحبسوني في شخصيه قديمه و انا مصدقت غيرت الشخصيه دي .. انا خلاص خدت قرار ابعد و اسافر و ابداء في بلد تانيه . انا كده كده عايش لوحدي من زمان و مش هتفرق هنا من هناك و لما ناس بتتكلم عني مش بيفرق معايا كده كده كلامهم ولا بيفرق بس بيضايق ... انا مدمن متعافي من 7 سنين والحمدلله محصلش وانتكست ولا مره وبسبب الموضوع ده مريت بحاجات صعبه جدا ولسه لحد دلوقتي حياتي بايظه بسبب الغلطه دي مع أنها انتهيت بس ناس مش بتنسي ..

إتولدت في ضلمة فطلعت شمعة ممكن أبقى نور وممكن أبقى ولعة الدنيا إختبار وإحنا زي النار هنور ولا هنحرق إحنا اللي بنختار أنا جوة مني فكرة عايزة تحبسني الدنيا إدتني قلم غير الألم اللي في جسمي مسكت بإيدي القلم غرزته جوة نفسي رسمت بيه لوحة ومضيت تحتها إسمي إسمع ...... غرزت جامد جوة نفسي بغرق بحفر في اللاوعي بحاول أدرك نفوخي شجرة عمرها 100 سنة كل مدى بتتفرعن بقرب للسما جذوري بتدفن بنسي مين انا بحاول افتكر والذكريات مؤلمه بخدر في الضمير بسكن في النفوخ جوا مني اساله كتير محاوطها خوووف بحبك ولا دي كدبة عايشها من زمان يمكن أناني بحب نفسي عشان إنتي الأمان بشوف نفسي بعيني ولا بعيون الناس يا ترى أنا كداب ولا صادق في الإحساس مهدئات مسكنات بتشطب على الأسئلة الدنيا هيروين والشخصية مدمنة بحود شمال يمين عشان أهرب من التروما بس كل الطرق بتأدي ل روما... بحاول ومش بإيدي أنا عارف إنك مش حقيقي تبا بجد

نعرف ازاي الراجل متحكم و في مشكله ولا عادي ؟ قال طول مانت لسه بيتك مليش حكم عليكي وفعلا مقالش قبل كده متنزليش بس باقي كلامه كله بحس ان ممكن يبقا متحكم لان اغلب كلامه اوامر . انا اصلا مبحبش حد يأمرني بحاجه حتي لو كنت هعملها مع نفسي محدش يقولي بردوا انا اتصرف من دماغي طلاما مش حرام

انا بجد مبقتش فاهمه شخصيتي بقيت عاوزه افرض سيطره علي اي حد وعلي اي حاجه مبقتش شايفه حد وبرد علي الكلمه 500 ده بس بيطلع قدام اهلي اي حد غريب فكرتو عني اني هادية رذينه محترمه ف حالي ويشهدولي بالخير قدام اهلي بس ببقي انسانه تاينه محلوظه:حاسه ان اهلي لو بينت اني ضعيفه قدامهم هتظلم جامد رغم انهم ناس محترمين جدا انا بس مش عارفه اعمل ايه

شباب نعمة الصحاب دي م موجودة عندي و لما جيت ادور علي صحابي لقيت ان انا اللي دايما بسأل انا اللي بطمن دايما عليهم مفيش حد بيسأل عليا او يبعتلي يقولي عامل اي حتي دا بقا يرجع ل اي انهم عندهم صحاب تانيين بيطمنوا عليهم ولا اني شخصية لا أُطاق ولا اي ب الظبط ؟

يحاول يبين انو جامد ومفيش من دين امو انت او يحاول يقل من الي قعدين معاه علشان يبان جامد الناس الي ذي دي بكرهم نيك ومبحبهمش ولا بحب اقعد معاهم او يحاول يبين ان شخصيتو حلو والعفويه تتصل وكدا

كان يوم وحش اوي جبت درجه قليله درجة حرارة وابويا قالي يفاشل الكلمه دي زعلتني اوي وكانت سبب كبيره ف إن شخصيتي تكون كدا معنتش مهتم بأي حاجه ولا عايز حد الي يمشي يمشي ف الكلمه دي زعلتني اوي بس

عندي وحده صحبتي اجتماعية جدا و الناس بتحبها و بتحب قعدتها و انا بحبها بس بحس اني بزعل شويه لما حد يمدحها قدامي ممكن عشان هي فيها حاجه مش فيا فهو ده اللي مخليني بتضايق بس هي فعلا بيئتها و عيلتها و حياتها مخلياها شخصيه اجتماعيه و بتتعرف على اي حد بسهوله في حين ان انا بحس نفسي مبخليش حد يقرب مني بسهولة حتى وانا مش قصدي و لما بكون انا عايزه اتعرف ع حد جديد الموضوع بيكون صعب اوي.. و مش عايزه شعور الزعل من ان حد يمدحها قدامي ده يكون فيا ولا عايزه احقد ولا احسد بس مجرد بسأل نفسي هو ليه مش انا

بحس اني مش عارفه اخد موقف من ناس رغم انهم بيدايقوني كتير سواء صحابي او اهلي حتي معرفش ليه بس ليهم مواقف بتدايقني وبردو مش باخد موقف جامد شبه ما انا عايزة ف دماغي عشان مش عايزة خناقه و مش عايزة اخسرهم رغم ان المواقف تستاهل اني اخد فيها موقف و هما لو مكاني كان اخدو موقف

خايفه جدا اني مقدرش اصلح علاقتي بربنا زي ما انا عايزة ف دماغي زي اني نفسي ابطل اقطع ف الصلاه و اصلي ف مواعيدي و طبعا خايفه من حياتي بعد الكليه و اني معرفش اشتغل بشهادتي و ضغط اهلي عليا و قرايبي بعدها و خايفه مقدرش اصلح علاقتي مع نفسي و اني مقدرش اتقبل شخصيتي و شكلي و طيبتي طول عمري

ازاي الواحد ميبقاش حساس ويبقي بارد بحس ان دي مشكلتي لو اتحلت حجات كتير هتتحل في شخصيتي وهكون كويس ازاي الانسان يتخطي واي حاجه متاثرش عليها حتي لو كانت بسيط جدا ويتعامل مع الامور ببرود حاولت كتير بس مبعرفش وعلطول ببقي قلقان وخايف واي حاجه حتي لو صغيره ممكن تخليني اتعصب ومبيكونش عندي طاقه للكلام ولا للشرح ولا لمناهده

اكتر حاجه بايخه و بكرهها لما يكون اليوم ماشي كويس و فاكره اني بقيت كويسه فتحصل حاجه في آخر اليوم بتهد كل اللي بنيته زي مثلا شفت وحده عملت حاجه احسن مني شفت نفسي تافهة قدام حد معين كلمة غلط قلتها بتخليني احس اني عماله اوهم نفسي اني بتحسن و بطور من نفسي بس فالحقيقه لا و شخصيتي مش هتتغير و هتفضل كده شعور وحش اوي

بصو انا دلوقتي بنت عندي 15 سنه وانا بحاول احسن من شخصيتي انا الحمد لله شخصيه اجتماعيه بس بواجه مشكله اني معنديش حد قريب مني يعني لما بنتجمع مع العيله كل اتنين بيبقو المفضلين لبعض وانا بحاول اقرب من اي حد لاكن لاحظت أن محدش بيحب يقعد معايا وحتي اخويا الكبير في فرق بيني وبينه سنتين يعني المفروض يبقي اقرب حد ليا لاكن هو واخد حد من عيلتنا وبيقول عليه أخوه وكده وانا بتضايق لان مفيش موقف عن الاخوات غير وهو قالي اسم الشخص ده وبجد انا بزعل وبقعد اعيط ف انا عايزه اكون جذابه للناس أنهم يتكلمو معايا ويقعدو معايا وكده بس مش عارفه فممكن نصائح منكم

الجبان هيفضل طول عمره جبان والكسول هيفضل طول عمره كسول واللي مش ملترم هيفضل طول عمره مش ملتزم ، الشخص الجبان عمره ما هيبقي شجاع عشان نزل جيم ، الجيم عمره ما يغير شخص جبان ، ولا حتي الجيش ، اه ممكن ف اول ايام الشخص الجبان فالجيش يحس انه بقا احسن بقا اقوي بقا اشجع ، بس مسأله تعود وهيرجع تاني زي الاول ، زي الكسول اللي بيفضل اول شهر من الشغل يصحي بدري وينام بدري بس بعد ما يتعود علي نظام الشغل ممكن ينام متأخر ويسهر للصبح ، مفيش حاجه هتغيرك غير لما تغير تفكيرك ، الشخص اللي شكله وحش هو شكله وحش فعلا بس عشان هو حكم علي نفسه بكدا من جواه ، وهو هو نفس الشخص ونفس الشكل بس لو غير حكمه علي نفسه هيبقا شكله احسن

موقف حصلك مش قادر تتخطاه وحاسس انه اثر عليك كتير وعلى شخصيتك الكلام اللي جاي دا حشو عشان البوست ينزل معنديش حاجة معينة اقولها غير طلع البدر علينا من ثانيات الوداع واجب الشكر علينا يعني

انا دايما بسعي لافضل نسخه مني... انا عن نفسي معرفش انا كويس ولا وحش معرفش هل استاهل ده بسبب حاجة غلط عملتها وانا مش واخد بالي ولا مجرد ابتلاء معرفش هل ده بسبب اني شخصيتي غلط ومحتاجه تتعدل ولا لا معرفش هل طبيعي اني مكونش عارف انا ايه وعامل ازاي ولا ده بسبب حاجه نفسيه عالعموم ربنا كاتبلي اكون كدا انا هكمل اجتهاد في طريق معين لكن الباقي لا ههتم ولا هفكر رغم ان اللي هسيبه كان هو ملجاي الوحيد من الحزن بس مضطر اسيبه لاني نصيبي الحلو فيه ربنا مش كاتبهولي

عارفين شعور انكم عايشين بشخصيه قاسيه ف المجتمع بس من جواكم بتحاولو تساعدو اي حد وتقفو جنبو علشان بتشوفو نفسكم القديمه في وبجد بتساندوه بروحكم. انتو مش ملايكه بس برضو مش شياطين انتو قاسين بس مبتقدروش تشوفو حد بيمر بنفس مشاكلكم... مبقتوش عارفين انتو كويسين ولا وحشين 🖤🥀

مساء الخير بقالى فترة فى الابليكيشن دا ومكنش عندى الجرأة انى اتكلم بالرغم من أن محدش هيعرفنى ، انا بقالى فترة بقيت بحس بإنى زهقت ومليت من كل حاجة حواليا زهقت من كل حاجة فى الدنيا مبقاش عندى شغف لحاجة ومبقاش حاجة تهمنى وبقيت بعمل حاجات مش شبه شخصيتى لمجرد انى محسش بالملل دا انا عارفة أن كلامى ممكن يكون غريب بس انا بجد بتحصلى حاجات بتخنقتى بتخلينى بزهق من كل حاجة ومشعرفة ايه الحل

صباح الخير، لو حد واجهكم بعيوبكم بتتصرفوا ازاي؟ اجباتي الشخصية ، انا فعلا مليان عيوب و فعلا اوقات مبطقش عيوبي بس انا مش فاهم انت ك شخص مستقل بذاتك و ناضج مركز مع عيوبي لية؟ هل ده فضول ولا عايز تشوف رده فعلي!

انا من صغري مش اجتماعي ابدا، مابعرفش اتعامل مع الناس ولا اختلط بيهم، مابحبش التجمعات، قليل الكلام، حاولت كتير زمان ادوس واتعامل ولكن الناس دايما كانو بيحسسوني اني مختلف وفيا حاجه غلط سواء قالوها او ماقولهاش، انا بشوف دا في عينيهم، ببقا عارف ان الشخص الي قدامي دا مش متقبلني ولا حاببني بس بيتعامل معايا، مع اني مابعملش اي حاجه غلط، هي الفكره فيا انا في شخصيتي، وبسبب الموضوع دا انا ماعنديش صاحب واحد من صغري ولحتي الان لسه زي ما انا، حاليا انا الي مختار اني اتعامل مع كل الناس بسطحيه وتعامل علي القد، يعني مجرد سلام وخلاص، مابفتحش كلام مع حد، مابحاولش مع حد، لما بلاقي حد بيحاول معايا بعامله علي القد ومابحاولش معاه لأني عارف النتيجه وعارف ان الحد دا في الاخر هو الي هايزهق مني وهايبعد، ودا مش بيتهيألي ولا تجاربي القديمه جابتلي عقده مثلا، لا بس انا فعلا عارف اني مش شبه حد ولا في حد هايحب يكون معايا، انا ابان مكتفي بنفسي وكارف لكل حاجه واي حد ومش فارقلي حاجه، بس انا في الحقيقه عكس كدا ومش مبسوط بحالي بس دا امر واقع ومضطر استحمل فابحاول اتعايش وبتظاهر بعكس الي انا حاسهُ، عامة المشكله مش في وحدتي وعزلتي بس، انا كل حاجه ماشيه معايا زي الزفت وعمرها مامشيت زي ما انا عاوز بس اديني عايش وخلاص

اتقالي من شويه لو كان عندك الشخصية دي في بيتكوا مكنتيش هتكلميني جماه صح موت بس بتوجع مووت ( شخص يصاحبني وميحسسنيش اني محتاجه اهتمام من برا ) لو كنت اعرف امثل ده بجد مكانش ده بقي حالي بس بتلاقي نفسك في دوامه سببها تافهه موت

السلام عليكم الان انا انسان تقريبا انسان مريض نفسي او مريض فعلا المهم انا انسان عصبي وفنفس الوقت هادئ وانا انسان لا اسامح ونفس الوقت اسامح لم افهم نفسي ماذا اكون حتى وهذا هو الشعور بضياع لعدم معرفة الذات مثلا انا قارئ الكثير من الكتب لنطوير الذات وتنمية بشرية وكذا لكي اتعرف على نفسي ولكن بم افهمها فكتاب محاط بالحمقى صنف الشخصيات الى اربع انماط او اربع الوان لم اجذ نفسي منتمي ونفس الكاتب كتب كتاب محاط بالمرضى النفسنيين ولكن انا لست بتلك القسوة وبذالك الحنون لدرجة مريض نفسي المهم هذي احد الماشكل جانب انو عندي اهتمامات غريبة والسؤال هل هذا. عادي ؟

مش عارف ايه حلي أنا اصلا في العادي محترم جدا و حتى لو قاعد مع ناس مش محترمه بمشي و بسببهم الفكره اني 18 سنه دلوقتي و قبل كدا مكنتش بتعامل مع بنات خالص و حرفيا بتكسف و اصلا حتى مكنتش عايز ولا حابب اجرب اتكلم معاهم و حاجه كمان انا اصلا مش بفكر في حب ولا جواز ولا كلام من دا و ولا حتى كمان خمس سنين ولا حتى اكتر الفكره أن أنا مش بطلع شخصيتي الحقيقيه و اني اضحك و اهزر و اناغش حد و كدا ف في العادي اه بضحك مع الناس بس في الأغلب ساكت المهم أن الفتره دي بقا بقيت بحس بحاجات غريبه مبدأيا بس بدأت اتكلم مع قرايبي البنات اكتر و اكلم ناس اونلاين و كدا فمش فاهم اصلا ايه الأنا حاسس بيه و كلامي متلغبط مش عارف أفسر نفسي اصلا هحاول اشرح انا ممكن احس بغيره على اي حد بكلمه (ولد او بنت) الهو أنا وريتك شخصيتي البجد فاحنا كدا قريبين فانا بقيت اغير عليك اغير من أهله أو صحابه و بقى عندي انانيه، اني بقيت عايز الشخص الاكلمه يبقى يكلمني أنا بس و بكون حابب اعرف حياة البكلمه و تفاصيلها مش بتكلم على شخص معيا، بتكلم على كل البكلمهم، فدا اكيد مرض غالبا بس بحاول امسك نفسي و بقى عندي شعور اني عايز البكلمه دا نحب بعض، مع ان اصلا مش دا الشخص الهكمل معاه علشان شخصيته فيها حاجات مش ماشيه معايا ابقى عندي كمان شعور اني بقيت بخاف لما تقرب من بعض القدامي بتعشم في حاجات بعيده او يفهم حاجات غلط يريت تفسير زكي، يريت حل مقنع و عملي، يريت متقولش انه علشان كدا حرام تكلم بنت....... (علشان الفكره مش بنت و ولد انا بتكلم على كله) اسف طولت عليكوا

عادي ان ناس اغلب كلامهم بقا تافهه يأما ميتكلموش؟ اصل لو عايزه اعرف شخصيه القدامي واحنا طول وقت مش بنتنافش في مواضع مهمه و طول الوقت هزار و نكش و تفاهه فزهقت. انا هفهم شخصيه الناس ازاي منغير نقاشات.انا عادي شخصيتي مش جد وبحب الهزار لكن خير الامور الوسط . انا جوايا اسئله و توهان و حاجات عايزه افهمها للقدامي فازاي اعبر اصلا عن حوار ده و ازاي ممكن تلاقوا وقت تتكلموا زي ما اقصد

عارفين شعور انك وحدك نفسك تلقي حد يهتم ويحسسك اظك مرغوب فيك بس حرفيا كل مده يحصل تحس وانت معاي انك عاوز تبقي وحدك الاجابة بحس ان الوحده خدت جزء كبير من شخصيتي بقي انا مش حببها بس مجرد محد يخش حياتي احس اني مش مرتاح مبقتش فاهم بجد انا محتاج ايه

ليه بجد بيصعب عليا اى عريس جاى يتقدم او بيصعب عليا الرفض دا لاى شخص ف العموم (عريس او غيره)ممكن لان انا بخاف ومش بحب ان اترفض المهم م بالكم بقا قعدت مع حد بيحبنى بقاله كام سنه وبجد مشاعره عليا واو وانا اول بنت ف حياته وكل هذا الكلام الجميل حصل حاجه ف الموضوع متمش يعنى بين الاهل ف اتلغى بجد انا محمله نفسى مشاعره دى، ممكن انا اعجبت بيه اه بس مكنتش لسه حبيته لاننا متعاملناش كتير عشان احبه بس انا صعبان عليا بطريقه معرفش هشوفه بعد كده ازاى ف الجامعه وبجد مش عايزه اتكلم معاه ف نفس الوقت عايزه ادخل اساله انت كويس بجد معرفش فى اى هو الموضوع عادى ولا انا شخصيه توكسيك ولا انا مالى 🥲

انا عندي ٢٠ سنة في تالتة كلية دخلت تخصص كنت فاكرة إني هحبه وإن ليه شغل كتير بس لما دخلت لاقيت الواقع مختلف ومحبتش التخصص وحسيت إني مش قده وحالياً مش عارفة أعمل ايه حاسة بتشتت رهيب وواقفة مكاني مش بتحرك في الوقت اللي بشوف فيه كل اللي في سني بيتقدموا في حياتهم سواء شغل، دراسة، خطوبة، انا مفيش أي تقدم إطلاقاً نفسي يكون ليا شخصية وهدف أسعى عشان احققه المشكلة إني مش عارفة انا عايزة ايه وفي نفس الوقت عمري الحمدلله ما دخلت في أي علاقات محرمة بس نفسي أحس إني مرغوبة لأن ده السن اللي المفروض البنات بتبدأ يتقدملها عرسان وبالفعل كل أصحابي بيتقدملهم ناس لكن انا مفيش وبحس كتير إنهم بيستغربوا عشان كده مش فاهمة ليه يعني انا حاسة إن لسه بدري أساساً عالخطوبة في سن العشرين لكن جيلي متقدم خطوات سابقة السن بكتير انا مشوشة ومشتتة وخايفة افضل ثابتة مكاني متقدمش ولا شغل ولا جواز ولا أي حاجة نفسي أحقق كل اللي نفسي فيه ومش قادرة أعمل حاجة .. مش عارفة انا لوحدي ولا فيه حد زيي.

تعرفوا ان شخصيه الحساسه دي فطره ربنا خلق في ناس حساسه اكتر من ناس تانيه ب levelsمتفاوته زي حاجات كتير. كمان في ابحاث علميه علموضوع دا فالمهم يعني مش بأيدنا بس انا تعبت فعلا مش عارفه اتألقم موضوع مرهق عموما

هيحصل ايه لو كنت رفضت بقالي فترة مش صغيرة بفكر في كل حاجه انا فيها دلوقتي وبدايتها فاكر بدايه كل حاجه وصلتني لحياتي دلوقتي فاكر كل موقف اكنه قدامي لو كنت رفضت كان مسار حياتي هيبقي مختلف ممكن علاقاتي كانت هتختلف اسلوبي شخصيتي حياتي حياتي كانت هتبقي عامله ازي لو كنت عملت عكس اللي اختارتة ف مبقاش بيطلع من دماغي سؤال ماذا لو ؟

6.4.26 السنه خلاص بتشطب حقيقي انا مش عارفه دا حصل امتا وازاي بالسرعه دي بس فعلا اوقات بحس ان انا مش عايزاها تخلص وانا اتعلمت كتيررر اوي السنادي كل ال حواليا بانت نواياهم ليا وشخصيتي اتغيرت وبقيت هاديه اوي اوي ومبتكلمش كتير وبعد سنين لما افتكر الايام دي ممكن مفتكرش ايه حصل معايا بس هكون فاكره الناس ال وقفوا معايا فاكره ان كان فيه ايام صعبه اوي عليا وكل ال كنت بساعدهم مهتموش غير قليل والناس دي مستحيل انسا وقفتها معايا بجد واتعلمت ان مساعدتنا لغيرنا دي بتكون سبب ان ربنا يوفقنا حتى واحنا مش ملاحظين ممكن ربنا يسهل علينا حاجه رغم أنها صعبه على الكل وممكن يوفقنا لحاجه صعبه على الكل ف بجد يجماعه ساعدوا غيركوا عشان على الاقل لما تقعوا ربنا يبعتلكوا حد يقف جمبكوا متنسوش تدعولي ربنا يعدي الفتره دي على خير وادخل الكليه ال بتمناها وبإذن رب الأمنيات انا لها...وأنالها! ❤️

سلام جميعا اول بوست لي هون ان شاءالله تكونو لاقيتو حلول لقصصكم المهم انا طبعي كتومة جدا جدا ووو جدا وهالشي اكل مني ومن اعصابي ومن صحتي ومن علاقاتي عبالي اغير هالشي حتى لو بشكل سري و مجهول دمتم 💜

بعد ما تجاوزت حدودي مع شخص كنت بحبه جدا بسبب ضغط حطني فيه كتير وبعد مده ومحاولات ان علاقتنا تنجح سبنا بعض وبطريقه مفاجئه ومؤلمه من ساعتها وانا حسه ان في حاجه جوايا باظت مبقتش نفس الشخص فقدت جزء كبير من براءتي الي دخلت بيها العلاقه كنت فعلا شخص بريء وعنده حدود كتير ف مبقتش انا .. ومش عارفه هعرف ارجع تاني انا ولا لا لان فعلا بحاول ارجع لشخصيتي الي كانت قبل ما نتقابل لحدودي ونفسي وقناعاتي شعور صعب لما تدخل علاقه مع حد بنيه بناء وثقه وحب غير مشروط وامان وقرب تلاقي انتهي بيك ان انت اتغدر بيك فجاه بعد مده مش قليله ابدا تلاقي مجهودك انتهي ف حته غير الي كنت عايز توصلها بدل الامان والثقه والتبادل لفقدان هويه وشخصيه واحساس ان في حته باظت

محتاجه اروح ثيرابي انا عندي مشاكل كتير جدا و مبعرفش اتكلم فيها و ااموضوع دا تاعلنب و مقصر على كل حاجه حتى شخصيتي مبقتش مفهومه كل ما احجز و اقول هاخد الخطوه افوت ميعاد الجلسه و اقول لا مش دلوقتي و اتحجج ب اي حاجه لو حد خد تجربه انه يروح ثيرابي بجد الحوار فرق معاكم ولا لا

الرجل بطبعه إنسان محترم ، مفيش راجل بيبص عالبنات مفيش راجل بيركز مع جسم كل بنت مفيش راجل بيعلي صوته مفيش راجل ممكن يعمل حاجه لمجرد إن بنت تعجب بيه مفيش راجل يقلل من حد تاني لاي هدف ، الراجل دا بيحترم نفسه في المقام الاول يعني مستحيل يهزقها عشان شغل أو عشان إنسان أو عشان شهوه ، الراجل دايما ثابت مش أي حاجه تحرك عينه ، الراجل مش بيخون مش بيغتاب الراجل بيكون راقي في خصومته زي محبته مستحيل يأذيك لمجرد ان في بينكم خصومه،. عشان كدا الاحترام مش ضعف، لا، الاحترام رجوله يا صديقي ولو معندكش الصفات دي ، راجع نفسك

بما ان طلع مفيش حد عارف حل للمشكله دى و مفيش امل يبقى نتكلم فى حاجة تانيه غالبا الفتره دى اى اكتر حاجه مستغربه فى نفسك الفتره و بتقول اى ده حته جديده عرفتها فى شخصيتك مكنتش تعرف عنها حاجه ولا متوقع تطلع منك

مما لا شك فيه ان الشخص تتكون شخصيته اولا من مراقبه اهله وهيا دي طريقه التعلم المتعارف عليها لحد سن معين بعدها بيبداء يميز بس بيكون اتبنى عنده اسس قد تكون مغلوطه وبقى فمرحله صعب تصحيحها بشكل جذري

بسال نفسي كتير هل انا انسان جيد وطيب مع اني مش بزعل حد يبقى كدا انا كويس وبفكر طب لو انا كويس لي بيحثلي كدا اكيد لا يبقى انا شخص وحش عشان يحصلي المشاكل اقتد اقول انا مستحقش يحصلي هو انا اذيت حد وبعدها افكر يمكن فعلا اذيت حد ومعرفش فربنا بيعاقبني

الحنيه بحس دايما ان الانسان الحنين دا بيبقي رزق من ربنا الحنيه هي فعلا مفتاح لكل حاجة في الدنيا دايما متأكده ان عمر ما ظروف الحياه الصعبه بتغير الشخص الحنين لانه مهما حصل مش هيعرف يبطل يبقي حنين و كدبه كبيره ان حد كان حنين ف البدايات يبقي قاسي ف النهايات

محتاج رأيكم... انا نوعا ما شخصية needy، بمعني اني بحتاج اهتمام من الطرف التاني بنسبة كبيرة عن العادي، وانا مقدر ان محدش مطلوب منه يستحمل شخص كده، ف بضطر اخبي الجزء ده مني و اصلا بخاف اكلم حد او اتعلق بحد عشان لو اتعلقت هكون clingy جدا وطبعا محدش هيحب كده... لو حصل ولقيت شخص شبهي هيبقي حلم واتحقق بس هو ليه الموضوع صعب حاليا؟ ليه كلو عايز اهتمام غير محدود من كذا شخص، ليه مش بيكتفو بشخص واحد؟ انا بالنسبالي الاكتفاء بشخص واحد احسن بكتير من ابقي عندي علاقات متعددة، معتقدش ان فيه حاليا حد محتاج يكتفي بشخص واحد بس ومش قادر اصدقها اصلا...

معاملة الاهل أكيد اول شئ يكون شخصية الانسان اذا كان الوالدين حنونين معك فرح تكبر وانت ملئ عواطف ما تحتاج حب خارجي حنان عطف من اي انسان والعكس صحيح لما تتعامل بقسوة ضغوطات حساسية مشاكل صراخ رح تكبر من داخلك احساس انوا لازم دائما تكون هجومي في تصرفاتك لانك ما تربيت على ان المشكلة مهما كانت صعبة نحاول نحلها بهدوء تربيت فقط صراخ ومشاكل هذه صح اول سبب ولكن رايي الشخصي نحنا صح لسنا مسؤؤليين عن كيف ربانا اباؤنا ولكن باستطعاتنا اعادة تحسين كل شي وعدم اعادة السيناريو مع ابنائنا مستقبلا

امتي نقدر نخلع القناع اللي احنه لابسينه ونظهر عحقيقتنا لاني بقيت شايف اغلبيه البني ادمين عبارة عن متقمصين لشخصيات لاسباب غريبه اللي بيعمل خير الامن رحم ربي بيصورة عالعموم حد فاهمني

كنت مرتبط بواحده لمده 4سنيين وفي السنه الخامسه بدأت المعامله تتغير لحد مانسحبت ومبقتش موجوده في العموم انا تدمرت بقيت شخص غير الشخص من اكتر حد الناس كلها بتحلف بإحترامه وأدبه ونجاحه لاكتر حد بيقولوا ابعد عنه عشان ممكن يأذيك المشكله اني فعلا قدرت اذي كل الي حواليا وكان في ايدي أني اذيها بس مقدرتش

المعاملة مع الأخطاء التصرفات الضرب لي بدون سبب أو بدون فهم الموقف عدم الاهتمام المقارنات بين الأفراد العائلة ك الأقارب و عدم سماح لأب بإعطاء الرأي حتى ولو كان خطأ المهم كيف يبني شخصية

وانا صغيره كان عندي طاقه اني اتفهم ان محدش هحبنا قد اهلنا مهما كانت تصرفاتهم وطريقتهم ازاي ف هما اكتر حد هيحبنا وتقصيرهم او طريقتهم اللي مش عجبانا دا جهل منهم كنت دايما بقول ان اكيد هما مش حابين يكونوا كده او يدايقونا ويزعلونا منهم اكيد نفسهم نبقي احسن ناس بس طريقتهم غلط وهما كمان بشر يعني طبيعي يغلطوا مينفعش نستني منهم ميغلطوش بس العقل اللي كنت فيه عوانا صغيره مبقاش موجود دلوقتي لما طاقتي خلصت لما تعبت اني اصلح علاقتي بيهم حاولت وكله جه فوق دماغي شيلوني اكتر اني اعقل واحده في اخواتي ف معلش هنيجي عليكي وانتي عاقله وجدعه لكن اختك بتزعل، شيلوني مسؤوليه اختي مع انها اكبر مني بس هي مش بتعرف تعمل اي حاجه لكن انتي شاطره لحد ما انتهيت مبقتش موجوده ف الصوره محدش بيفكر فيا ولما افكر ف نفسي ابقي انانيه اهلي هما اكتر ناس دمروا شخصيتي زمان ودلوقتي حاولت اصلح اللي هما كسروه بس تعبت وبقيت شخصيه وحشه وممله ومكروهة عشان مبقتش جدعه وعاقله بقيت متعصبه طول الوقت من كتر الكلام والغضب الجوايا ليهم مكنتش حابه ابقي موجوده هنا مكنتش حابه يبقي جوايا فراغ ووحده كبيره حاولت اقرب منهم عشان محتجش لحد ومعرفتش هما نرجسيين وهدوني كل حاجه فيا اتغيرت بعد ما كان فيا بهجه وحابه الدنيا واني اعيش بقيت اكتر شخص باهت ومكتئب

حد هنا career coach🤔 عندى مشكلة كبيرة فى مستقبلى ومحتاج حد متخصص يساعدنى ⛔️تحذير: ده موضوع حساس بشدة وشاغلنى من فترة طويلة جدًا، فمحدش يعلق الا وهو عنده خبرة فعلية (ولو عندك sense ذكاء عن البشر والشغل هحب اسمع رائيك) بإختصار انا محتاج حد يرسملى خطوط عريضة عن الشخص اللى بحلم اكون عليه بناءًا على شخصيتى وخلفيتى المهنية واهدافى وصفاتى الشخصية (وبما إن محدش يعرفنى ومفيش اى وسيلة استخدم بيها body language/expression عنى فهحاول اوضح كل شيئ عنى) خلفيتى الدراسية والمهنية: انا حديث تخرج تجارة إنجليزى قسم محاسبة بتقدير عام جيد جدًا مع مرتبة الشرف اخدت كورس عن Digital Marketing وكورس عن الماليات والبنوك (الإتنين مع ناس رواد فى مجالهم ومعروفين جدًا فى مصر) اهدافى: عايز اصحى الصبح كل يوم احس بأمل ومسئولية فى شغل بيئة عمل مُحترمة مُعترفة بـ نظام متكامل واضح الكل ملتزم بيه انا مش مركز على مجال معين انا مركز على البيئة أكتر، وعلى زمايلى، والمرؤوسين (الناس اللى انا معاها اهم من طبيعة الشغل نفسه) بحلم إن الناس تقول عليا "ده كان بيخاف ربنا، وكلمته سيف، ومبيتأخرش عن حد فى حاجة" صفاتى الشخصية: ‏INFJ, انا مرن وجاهز اشتغل أى حاجة بشرط، يكون ليا دور واضح ومؤثر فى المكان اللى انا فيه العشوائية وعدم النظام اكتر حاجتين يطفشونى من اى مكان عندى ذكاء عاطفى بفهم المشاعر ولغة العيون اكتر من اللسان فاشل فى التعبير والتواصل بدور على ناس تفهمنى وافهمها (بيتكلموا عربى يعنى😂) خلصت لو قريت كلامى ومش عارف تساعدنى ازاى بس عندك النية فتقدر ترشحلى برامج او صفحات انشر فيها الكلام ده لناس تساعدنى وتدلنى على الطريق شكرًا جدًا على وقتك كل سنة وإنتوا طيبين وعيد فطر مبارك عليكوا 🌹🌹

انا اهلي كانو بيتجاهولني جدا و مكنتش محبوب خالص بسبب شكلي مع ان شكلي مقبول يعني نوعا ما بس بالمسبالهم الحب كان بالجمال كان نفسي قرايبي الكبار دول يعاملوني زي باقي الاطفال و يخبوني كدا و كنت بتضرب و بتعامل اسوأ معامله و امي كانت بترمي الغلط عليا و تزعقلي اتا و تراصي باقي العيال انا محكتش حاحه غير محور خارحي كدا بس انا كبرت معنديش اي شخصيه بحب الولاد للاسف بس بحاول اسيطر على ده و ابقا في فطرتي الطبيعيه ف بحاول اخش ريليشنز عشان ابقا طبيعي فكلو بيجر لغلط والله

فاكره من سنه بالظبط كنت بحاول اتعافي من شخصيه عرفتها. وكنت بكتب بوستات هنا ناس نصحتني و دعمتني و دول قليل اقل حتي من ١%. لكن الباقي اذوني اكتر و بقول يارتني ما كلمتهم ولا اديتهم دقيقه من وقتي او طاقتي

كنت مرتبطه بحد وقعدنا سوا سنه و٧ شهور وكانت علاقتنا كويسه بس بعد كدا كان بيخصل مشاكل كتير والحاجات الي بنيت علي اساسها فالعلاقه اتغيرت والشخص دا طلع مش مناسب ليا حاولت اشرحلو كتير الحاجات التوكسيك ف علاقتنا وحاولت امشي بس هو كان بيتمسك بيا اوي وبيحاول علشاني بس مش كفايه لحد ما عرفت انو بيخوني وفالاخر سابني علشان واحده تانيه واحنا سوا كان بيدعي حاحات كتير مش ف شخصيتو وبيكدب عليا ف حاحات كتير علشان كان عايز يحتفظ بيا بس فالاخر اما بدات اعرف حقيقتو سابني وكنت عايزه الموضوع ييجي منو لاني استنزفت وكنت مش عايزه احس بالذنب دلوقتي انا حسه اني خسرانه حاجه وعندي شعور فقد مؤلم رغم ان عارفه ان مش هينفع لاني برفض الاسخاص ااي من النوع دا بس هو مثل كتير شخصيه مش شبهو لحد ما اتعلقت بيه

مفيش حد نفسة يسمعني حقيقي الوحدة متعبة اوي والبني ادم شخصيتة في الحقيقة متسمحش أنة يبقي وحيد يعني بس معرفش نا اللي فرضت علي نفسي الوحدة ولا هيا إلي فرضت نفسها علياا ، صلوا علي النبي محمد..