تربية

مشكلتي مع ماما أن هي ساعات تربينا اوي و ساعات تسيب الدنيا فاهمني يعني مثلا الخروج النهارده لحد ١٠ بس النهارده هي متعصبه مفيش نزول يعني انا بقولها دي حدود وانا بسمعها بس مش ههتتحكم في حياتي علي حسب هي رايقه ولا متعصبه

معقول تحس بالذنب ده كله لمجرد انك اتربيت كويس ، محدش فيهم قدر يعلمك تجربة حياتية كلهم قالولك حب وهتتحب وعلي قد ماتدي هتاخد اضعاف مضاعفة.. الواحد مع الوقت اكتشف انه كان بيتاخد والله ومخدش اي حاجه

حقيقي مش اي حد كبر واتزوج وجاب اطفال يبقي هو كدا قد المسؤليه اللي حط نفسه فيها مش اي اب وام يقدروا يربوا ويخرجوا طفل سوي نفسيا. هي ايه لزمتكم ك اب وام ؟؟ انكم تتزوجوا وتخلفوا هو دا الانجاز من وجهة نظرهم يعني هي دي الحياه ف تفكيرهم ؟؟. طب م انتم مسئولين عن الروح اللي جبتوها للحياه دي يعني مثلا انا حد عنده مفاهيم كتير جدا مش واضحه أو غلط ، متعقده من موضوع فحين ان كل اللي ف سني بياخده عادي وببساطة وهو الجواز ب اختصار انا من الصعب افتح قلبي ل حد واتكلم معاه بخاف دايما علي مشاعري وقلبي ل تضيع علي الشخص والمكان الخطأ ودا لأن عارفه أن الشيله هتكون شيلتي انا ف النهايه انا معترفه اني حد معقد بدرجه كبيره وعارفه الصح فين بس مش عارفه اخد خطوه ودا بسبب تربيه الأهل الخاطئه ، وحتي دي دلوقت مبقتش مسئوليتهم لدرجه اني بفكر طب كان ايه الاستفاده انكم تجوبوني للدنيا طالما مش عارفين تخرجوا طفل سوي من البدايه

لا بجد ليه يعني ليه بحس أنك تعامل ناس بما يرضي الله و يرضي ضميرك ده غلط يعني هل امي غلطت لما ربتني يعني ليه مجتمع ده بيجبرك تبقي جاحد و عربجي ولا انا ساكن في مجتمع غلط و كل مناطق كدا هل علشان اعيش مش حاسس اني قليل او مش مظلوم افتري علي حد

انى ممكن اعمل كل مجهود وازرع وييجى وقت الحصاد حد غيرى يحصد انى اربى واكبر وتييجى الام تاخد الاولاد على الجاهز أنهم يحتاجوا امهم ومقدرش توفرها ليهم ومكنش كافى عشان اسد احتياجهم لحنان الام

"كنت صغير... واترميت لوحدي. مفيش حد يوجه، ولا حد يقولي الصح من الغلط. كبرت وأنا بتعلم بطريقتي... بس أغلب اللي اتعلمته كان غلط. دخلت سكة مكنتش ليا... وفاكر نفسي مسيطر، لحد ما اكتشفت إني أنا اللي تايه. النهارده ببص ورايا... ندمان على وقت وحاجات كان ممكن تبقى غير كده. بس بجد بقى... اللي زيي ليه رجوع؟ ولا المجتمع بيحب يحكم عليك من ماضيك وخلاص؟ ولا كلنا بنكدب على نفسنا بكلمة "بداية جديدة"؟"

دلوقتى انا انفصلت عن زوجتى ومعنديش اى رغبة انى ارجعلها خصوصا انها سابت معايا الاولاد حاليا عايش مع والدتى بس حاسس انها مش مرتاحة لأن اولادى اشقيا تفتكروا الحل ايه ؟ هل اتجوز تانى ولا اجيب مربية طول اليوم ولا ايه العمل

اتمني مساعدة بجد دلوقتي انا خلاص بتخرج من تربية المفروض السيناريو المتوقع اكون مدرس 😅 بس انا بسبب الي شوفته من اهانه للمدرس وانه يروح يراقب في اي لجنه غصبن عنه غالبا محافظة تاني ويدفع من جيبه وكمان يتنازل عن مبادئه أحياناً عشان ميتعورش(وحصل فعلاً من قري كتير) قولت مش هشتغل في الكرير ده واكمل مجال تاني شغال فيه ليه سنتين وبدات اتعرف فيه ويجلي شغل وادي كورسات كمان جالي عرض شغل في مدارس مصر اليابانية هيكون تدريب بس بمقابل زي زي المدرسين وليا جدول وبتاع وانا طبعاً لسه متخرجتش وحوار الجيش بس الي كلمني قالي هظبطك مش عارف قولته اديني مهله افكر والانترفيوز الاسبوع الجاب لازم اقول راي بكره او بعده بالكتير مش عارف اخد قرار

عرفت بنات من هنا كتير بجد مش زاي منتو فهمين يا جدعان انو عشان منعرفش بعض هتعمل الي عاوزو والجو ده بجد بلعكس البنات الي هنا محتارمين جدا يعني انا مصدفش اني لقيت بنت هنا مش كويسة بلكس بينصحو زاي اخواتك لاكن بشوف ولاد بتخش تشتم عادي يعني حابب بس اقول كلو راجع لتربية وشكرا

أنا تعبت اوي نفسي اموت ادعولي اموت لأن ده احسن ليا أنا اهلي بيضغطوني اوي نفسيا كل ما يشوف حد من اخواتي بيكلمو ولاد يمسكون فيا أنا وكل ما حد يغلط بيتخانقو معايا انا تعبت اوي بيشيلوني ذنب أنهم مش عارفين يربو و افهمهم أن طريقتهم في التربيه غلط مش مصدقين مقتنعين أن الضرب و الزعيق و الخناق بيخوفنا و أنا كرهتهم و كرهت اخواتي و كرهت االلي حواليا و محدش يقولي اتكلمي معاهم عشان أنا ريقي نشف من الكلام أنا عايزاكم تدعو عليا بالموت عشان مفيش حاجه اعيش ليها حتي اللي كنت بحب استغل ضعفي و آذاني أنا بقيت مريضه نفسيا و لو فضلت عايشه بالطريقه ديه انا هتجنن و أنا مش عايزه يحصل فيا كده فا الموت هوه احسن حل و أنا أضعف من اني انتحر لاني جبانه اوي ربنا ياخدني والله

أنا منزله بوست من الملل مش أكتر ف هكتب أي كلام المهم حاسه إني بكبر ومش حابه السن إللي بوصل ليه نفسي اختفي بجد من الحياه مش حملها والله نفسي اكون مبسوطه حياتي مش وحشه للدرجة بس أنت تربيت ف بيت حسسك إنك ناقص وإني لازم توصل للكمال

حد قبل كده جرب يفكر في حقيقة المعتقدات اللي اتربينا علينا ، حد فكر ان الأفكار والمعتقدات الدينية اللي احنا عليها معتقدين انها صح بس عشان توارثناها من اهلنا مع اننا لو فكرنا فيها بالعقل والمنطق ومن غير خوف هنلاقيها في تساؤلات وأخطاء منطقية كتير ملهاش حل هل تفكيري ده منطقي ولا ضلالات شيطان زي ما اللي حواليا بيقنعوني ؟ هل اتبع حقيقتي واكون شجاع ولا اعيش منافق عشان مبقاش منبوذ ؟

كاين لي فوت حياتو كامل فالسترتس، وحتى الطفولة تاعو معاشهاش بهديك الرفاهية تاع اللامبالاة، مام كي يكون فرحان يحس حاجة راهي ناقصاتو، يأجل دايما الامور لي يحب يديرهم لوقت لاحق، مراطون مستمر بدون راحة، والmalheur انو هذا الحالة تزيد كل يزيد يكبر، وتكمل تمشي معاه مهما بلغت المراتب الي يكون فيها، ورثها من l'entourage تاعو لانو الطفل يعجنوه الاهل تاعو، القلق والستراس والتخمام والحزن والالم، هوما صوالح التربية تلعب فيهم دور، الجسم تعنا يستشعر خطر ممكن، وكل واحد فينا كيفاش يفسر الظواهر المحيطة بيه وايهم خطر محتمل، واذا جسمك فسر امر معين على انه خطر راح يدير ردود فعل ويشعل l'alerte... الانسان لازم يقعد يتأمل من حولو، ويكلاصي الامور لي عادية وينجح معظم الاشخاص في تخطيها بشكل عادي باش مايضيعش وقتو وجهدو في ملاحظة اعداء وهميين..

انت لما بتقولي كلمه وانا اصدقها علشان ده الطبيعي مش علشان انا طيب وبصدق أي حاجه، علشان الكدب مش هو الحاجة اللي المفروض تبقى سايدة، لما تيجي تحلفلي بربنا، انا عمري ما هكدبك ولا هفكر انك بتضحك عليا، علشان انت بتحلفلي باللي مفيش أعظم منه علشان انا اتربيت على أن مينفعش حد يحلف بربنا كدب، فمتخلوناش على طول نسأل نفسنا هو ياترى اللي قدامنا ده كداب ولا صادق

معرفش ليه بلاقيني بتعاطف مع الستات أو البنات عموما حتى لو مذنبين .. بشوف دايما أن الغلط بيبدأ من عند الراجل .. بحترم جدا الأرامل و المطلقات و بكون مشفق عليهم من مواجهة الحياه لوحدهم بمسؤولياتها، يمكن عشان شوفت تعب امي ازاي و هي بتربيني حتى لو اذتني انا مسامحها .. بتصعب عليا البنات الجميلة الي مضطرين يدفعوا ضريبة جمالهم تحرش و قرف .. كنت و انا صغير فاكر حياتهم سهلة و بيجيلهم الي هما عايزينه .. الموضوع طلع اصعب بكتير

نفسيا متدمر حصلي حاجات كتير في طفولتي ماثرة عليا جدا لحد دلوقتي بسبب معاملة والدي ليا كان دايما يطردني من البيت ويجبرني انزل الشارع وانا عندي 10 سنين !! مكنش بيضربني بس بيطردني ويقولي متدخلش البيت تاني مش عايزك والدتي كانت بتسيبه يعمل كدا ولو كانت اعترضت كان بيطردها معايا وجت فترة انفصلوا اتبنت طفولتي كلها ساعتها ودا ضيعني دلوقتي بقيت شخص جاحد وبارد مابقيتش اتعاطف نهائيا مع اي حد كل الي فيا بقا قسوة وبرود مش طبيعي ريليشنز كتير باظت بسبب دا ولحد الان عدي عشر سنين علي الموضوع ووالدي بيحاول يقرب مني ويصلح الي هببه مش عارف اديله فرصه وقرفان منه ومش طايق اكلمه حتي ولا ابص في وشه دا زائد اهمالة ليا وكنت اطلب منه اتمرن مثلا مايرضاش يديني فلوس او دروس او اي اهتمام عموما مش عارف اعمل اي انا تايه وبتعذب نفسيا

انا حاسه بالذنب تجاه نفسي واني كنت اخدت فرصتي وأجلت ثانوية مع اني انا اختارت مأجلش وقولت بلساني ايا كان اللي هيحصل ونتيجة اهون لو اجلت عشان امي ... وظروف اخويا وكده انا في نظرهم متعبتش وقصرت وخذلتهم وضيعت نفسي ودخلت كلية تربية ومكنتش عايزة ادخلها .. مجال مش حباه بدفع تمن حاجة حاجة بتاكل في اعصابي الف مرة وهغير المجال بإذن الله .. لكن انا بحس بالذنب تجاه نفسي واني مستاهلش اللي حصل مقابل دا اخويا اللي حصله دروب ثانوية ومكملش امتحانات وبقاله سنين في الكلية وهو دلوقتي في الاواخر وانا فرحانه ليه جدا لكن انا زعلانه علي نفسي يعني بحس هو فرحان وهو في مكان بيحبه رغم انه جابلنا الكلام وامي بتاخدني بذنبه دلوقتي الاهتمام كله عليه والفرحة كلها ليه والله فرحانه بس انا زعلانه علي نفسي لان بتحطم كل يوم انا كنت علمي علوم .. وحزينة وحاسه اني مكسورة وهما طول الوقت ضيعتي نفسك في الاول وهتضيعي نفسك في الاخر ، انتي ضيعتي خلاص ، انا خلاص رميت طوبتك ، انا كنت عارفه اصلا انك مش هتجيبي مجموع وكنت عارفه انك كذا وكذا .. وكلام كدا بيتعبني والله .. هما بيحاولوا يخلوني احب التدريس عافيه وعارفه كل الكلام اللي بيتقال ومش عايزة اسمعه لان كفاية اوفر انا مش حابه المجال . نقطه بلاش كلام كتير وحاولت ادي نفسي فرصه وكانت اسوأ فرصة عدت عليا حرق اعصاب وبنزين علي الفاضي كتب ب كل ترم 12 مادة بنسبالي حرق اعصاب وتضييع سنين في الفاضي وهتخرج وحزينة يارتني فرحانه احساس التوهه واني مش لاقيه نفسي ، واحساس التقليل من البعض واكن الواحدة عشان ليها طموح بيدفنه الواحد ومتزعليش بكره تتجوزي طب ما ربنا يكرمني عادي بس اي علاقته باني زعلانه واني عندي طموح واحلام وزيادة عليه جواز .. وشخصية تحب تشتغل الواحدة عشان عندها طموح زيادة او مش بتستسلم او ما الي ذلك يبقي الوضع ليه سخرية وليه تقليل من طموح انسان .. يعني انا بحسد الناس اللي مكملتش تعليم اللي زاهدة الدنيا والعالم يعني حاولت افكر في تفكير صحابي معايا في الكلية واريح دماغي والكلام اللي بنهزر منه دا بس الواحد يعمل اي في طموحه واحلامه واصراره علي انه يوصل رغم اني تايهه في المجالات وبحاول الاقي نفسي بعد ما كل حاجة خططتها اتسحبت مني ولا لما يتقالي كل الاحلام دي هتروح لو جالك حد المشكلة الموضوع بيزيد ياريته بيقل يعني بيكون عندي اصرار للشغل وحاجات كتير الواحد بجد نفسه يوصل لمرحلة آمنة فوق كل دا الواحد بيقول الدنيا دي فانية مش مستاهله بس بجد انا طول الوقت في صراعات بجد وبحاول ابقي اقوي ولكن الموضوع صعب ، وندمانه اني اتنازلت وندمانه اني فكرت في اهلي والناس ومفكرتش في نفسي بقول لو اتعاد بيا كنت هفكر في نفسي وهرأف بنفسي وحالتي ومسمحش لحد يتحكم في قراراتي مع اني حاولت دا ميحصلش بس كنت بحاول وبعافر لاخر لحظة حتي وانا كنت تعبانه ... بس محدش كان شايف ولا حد قدر ولا هيقدر غير ربنا ، حقيقي بجد ندمانه ندم مشوفتوش حياة الكلية اصعب بكتير من اي حياة والله انا مش قادرة بجد تعبت وعايزة اموت

انا واحدة اسلوبي كويس مع الناس ومتخرجة من تربية بيولوجي بتقدير عام امتياز دا غير اني دايما كنت من الأوائل لكن... كل منزل شغل في مكان يمشوني من ابسط غلطة كله عايزني ابقى ولا غلطة في خلال اسبوع او شهر خايفة افقد ثقتي في نفسي وشخصيتي الي بحبها وشايفة انها مميزة جدا بفضل الله ونظرة اهلي ليا ابتدت تتغير كانو دايما شايفني حاجة كبيرة اوي دلوقتي ابتدو يحسو ان المشكلة فيا انا طول عنري بحب اتعلم في الحياة واتعامل صح واضبط نفسي قدر المستطاع دايما وبستحمل كتير واروح اعيط في اوضتي بس استحمل الموقف واعديه صح وكتير بيحاولو يستفزك بس بضبط نفسي انا مش عارفة وتعبت بجد حتى نازلة اشتغل في حضانة لحد مالدروس تبدأ ولسا مترددة اخد الخطوة دي وخايفة حتى الحضانة شايفين اني مش كفؤ 🫩

دلوقتي انا عندي بنت خالتي الصغيرة عندها حوالي ١٠ سنين هي ما شاء الله ربنا يحفظها و ذكية جدا اذكى من سنها .. بس انا بخاف عليها جدا لأني بلاحظ كذا علامة بتقول انها هتعاني أو هتتعب في المستقبل و ده بردو مش بإيديها .. اولا مبتعرفش تقعد من غير ما تعمل اي نشاط استهلاكي .. يا تليفون يا حاجات حلوة مبتقدرش تقعد خمس دقايق حرفيا من غير ما تعمل حاجة تديها دوبامين .. للأسف مش شاطرة خالص في دراستها و بتهمل المذاكرة .. لما ركزت معاها لقيت أنها مهملة من اخواتها الصبيان بقت كل فترة لما تيجي عندنا اخليها تسيب التليفون و احاول معاها في اي نشاط ذهني بحاول ابعد عنها التعفن الدماغي ده .. ف لقيتها مستجيبة جدا و بعد كدة لقيتها بتعيط و بتقولي انت الوحيد الي بتلعب معايا .. الجملة و العياط دول دبحوني انا مجرب الاهمال ف الطفولة و عارف بيودي على فين .. و كان كل خوفي عليها انها لما تكبر تخش ف إباحية أو علاقات ف حياتها تدمر اكتر عشان كدة بحاول احتوي الجزء ده قبل هي ما تكبر و تعالجه بشكل غلط .. انا عارف ان في ناس هتفتكرني مكبر الموضوع بس هو كبير فعلا يا جماعة و انا لسة بدفع ضريبة حاجات شبه كدة لحد دلوقتي

ازاي اقدر اتعامل مع اهلي بطريقه كويسه او بحنيه بمعني اصح عاوزه اتعامل بطريقه كويسه بس مش عارفه كلي غضب وبعاملهم بطريقه صعبه غصب عني ومش عارفه ابطل دا جوايا غضب وحزن اني مشوفتش منهم اي حنيه ولا دعم وكنت لوحدي دايما ومازلت بالعكس بيزودوا عليا ويصعبوا الدنيا عليا اكتر وبيستنزفوا طاقتي اني استحمل انانيتهم لما ابقي ام مش هخلف اطفال وانا مش جاهزه ومعرفش يعني ايه امومه مش هخلف اطفال تحققلي احلامي واتحكم فيهم بحكمي اني ام لو مش هقدر اوفرلهم حياه كويسه مش هخلف عشان هما اللي يحسنولي حياتي بكل نطاعه وانانيه مش هطلب منهم حنيه وانا مدتهمش اي حاجه لا دعم ولا حب ولا ثقه في نفسهم ولا حتي امان بربع جنيه مش هخليهم يوصلوا لمرحله اني ببقي بموت قدامهم وهما مش عارفين يلمسوني ولا يقربوا مني عشان عمري ما حضنتهم ولا قربت منهم مش هكسر نفسهم ولا ثقتهم ف نفسهم عشان ارضي نرجسيتي واحس بتسلطي عليهم مش هقلل منهم قدام حد عشان اضحك اللي قاعدين ع خفة دمي بتريقتي ع عيالي مش هبقي ام غير لما اعرف يعني ايه امومه كويس

هحححح عايش وسط اهل مبيعرفوش يربوا كويس اب متحكم وشايف انه دايما صح اخوات مشافوش ربايه وخناق كل يوم ومدخنين وابويا زعيق وشتيمه ضوااااااااااااائق ماليه متربي عليها تقريبا وسط كل دا ومتشاف من العيله كلها اني انا المدلل بتاع البيت وقال ايه ابويا بيسايسني وانا خبيث وبعمل كل حاجه ومداري ( بشرب كل حاجه وبتاع نسوان واي حاجه تتخيلها بقا ) وسط عيله بتحقد عليك لمجرد ان انت ابن احمد اللي فشخوه لحد ما جابوه الارض حقد وغل بلا هدف وبلا سبب طلعت بقا من كل دا بتحاول تبقا سوي نفسيا عشان الغلبانه اللي هتتجوزها ملهاش ذنب ف دا لا هي ولا ولادك مستقبلا (مش عايز ابقا زي ابويا ) مطلوب مني اعيش ازاي وسط دا انا مش فاهم والله تعبت وقرفت وحاجه قمة الغم والله ومطلوب بقا تطلع من وسط دا عالم مثلا ولا رجل اعمال غني ولو مطلعتش حاجه عدله يبقا انت اللي مقصر يارب عفوك عشان جبت اخري والله لسه امبارح ابويا متخانق معاهم (اخواتي) وشتيمه باوسخ الألفاظ وطردهم من البيت وامه (ستي) مشجعاهم وفرحانين ف ابويا طبعا ان عياله باظوا (حقد غير مبرر) وصعبان على العيله كلها ان انا كويس وبينخوروا وهيموتوا ويطلعوا فيا حاجه بس مش لاقيين ودا اللي مجننهم بقا هحححح 😂 مش عارف اقول ايه ممكن تعتبرها فضفضه بس انا اتجننت عموما

كنت صغير... واترميت لوحدي. مفيش حد يوجه، ولا حد يقولي الصح من الغلط. كبرت وانا بتعلم بطريقتي... بس أغلب اللي اتعلمته كان غلط. دخلت سكة مكنتش ليا... وفاكر نفسي مسيطر، لحد ما اكتشفت إني أنا اللي تايه، النهارده بص ورايا... ندمان على وقت وحاجات كان ممكن تبقى غير كده. بس بجد بقى... اللي زيي ليه رجوع؟ ولا المجتمع بيحب يحكم عليك من ماضيك وخلاص؟ ولا كلنا بنكدب على نفسنا بكلمة "بداية جديدة"؟

ان أخلف أبني يكون زيي فى بعض الصفات، وربنا هيعقدني فعيشتي وهنكون واقفين لبعض عطول وممكن اطلعه فوق معنديش مشكله😅😅 مجرد التفكير فدة بيخليني اترعب فبدعي ربنا يصلح حالى عشان عيالي يكونوا كويسين، ويكونوا زيي فالحلو.

جماعه الانسان بجد ف صراع بين انه يعامل الناس بالمثل ولا انه يتعامل بتربيته هو و اصله يحافظ على الجزء الطيب اللى جواه ولا يتماشى مع الجو العام اللى حواليه وان هو حد مش مؤذى دى حاجة بتأذيه هو شخصياا اللى حواليا ممكن يفتكرو انى حد ضعيف وان سكوتى دا ممكن يكون ضعف احنا نعتزل الناس اسهل بقااا نتصرف مع المجتمع دا ازاى يا جماعه

حاجه خايفه منها في المستقبل لما اتجوز واخلف واكون ام بترعب من فكرة التربيه التربيه صعبه اوى مش عايزه اربيهم بنفس الطريقه اللي اتربيت بيها مش عايزة اخوفهم منى ولا يخافوا من ابوهم بالعكس دا اول حاجه يلجأولها هو حضني انا أو ابوهم و اول ناس يطلبوا نصيحتهم او ارشادهم عندى مشاكل ف الغضب بخاف اوى انى ممكن ف لحظه غضب مش اضرب بقا لان انا ايدي تتقطع قبل ما اعملها لكن اقول كلمه ابني أو بنتي ميقدروش ينسوها عمرهم كلوا و يتجرحوا و يفتكروني بيها

بخاف عشان انا مش بعرف اعمل حاجات كتير لوحدي او مش بعرف اتبسط عموما بالحياه لوحدي في حاجات كتير لما بكون مع حد بحبه بيبقي اسهل عليا اعملها من اني اعملها وانا لوحدي انا بستصعب انزل الشارع لوحدي اوقات اصلا من كتر ما بابا كان قافل عليا ومراقبني ٢٤ ساعه ومانعني اعمل اي حاجه لوحدي ده انعكس عليا لما كبرت اني بقيت زي العيل التايه ف حياته ولازم يعتمد علي حد ف حاجاته ولما كبرت بيلوموني اني معنديش اماكن اروحها عشان اتعرف علي حد للجواز بابا قالهالي بالحرف انتي مبتروحيش ليه زي باقي البنات اماكن وتعملي حاجات ويبقي ليكي ناس تعرفيهم .. وف الجانب الاخر هو بابا نفسه اللي بيكلمني علطول اول ما اوصل الشغل الصبح وف نص اليوم كذا مره وف اخر اليوم ولو عملت اي حاجه بره الايطار ده بيفضل يعاملني كاني ف تحقيق لدرجة اني اتخليت عن فكرة اني اطلع بره الحدود اللي محددهالي من زمان وبقيت بخاف زي النمله علي راي الدحيح اللي خايفه تطلع بره الخطوط اللي اترسمتلها بحاول مع نفسي اطلع من ده بس اوقات كتير مش ببقي عارفه اعمل ايه واوقات تانيه بخاف من استجوابه ليا وشكه مع اني مش بعمل اي حاجه غلط وبخاف من الوحده عشان انا عندي احتياجات عميقه مش بتتسد غير ف وجود ناس حواليا وبحاول حاليا معملش ده واعرف بيتحل ازاي مع نفسي لاني لما كبرت بقيت واعيه اكتر ان ده استخدام للغير عشان مصلحتي حتي لو مش باذي حد بس مينفعش اتعامل من باب الاحتياج وبس

فضفضه قبل النوم تجيب اجل دماغك ع تعرف تنام وتحلم بكوابيس كويس عارفين لما يكون الشخص فاكر انوا محبوب من اهلوا او وهوا بيتربي كان فاكر ان دا الحب والتربيه الصح... وهنا بقي تيجي الصدمه لما تلاقي حد من اخواتك بيتعامل بشكل مختلف اللي هوا الله اي الحب دا.. طلعت التربيه ف وجود الحب حاجه جميله وتحسهم كدا مهتمين بيك وبمشاعرك حتي لو بيشدوا عليك او بطبيعتهم م عارفين يشدوا عليك ع هما بيحبوك.. شعور تحفه كان نفسي اكون فيه م بتفرج عليه من بعيد واقارن

انا ولد وعيشت في عيله متدينة اتربيت علي ان ممنوع الشتايم و ممكن تصاحب بنات و الغريب ان لما كبرت لقيت معظم شباب العيله بقو بيكلمو بنات ويصحبو عادي وقدام اهلهم عادي لكن انا بقو يتريقو علي اني مش بكلم ولا بصاحب يقولو من دي الي تبوصلك اصلا هتبصلك علي اي و ربنا يسترها عليك

في نغمه دلوقتي طالعه للمجتمع ان انت تشتم اهلك دول ناس شايفه أن دا تطور. شتم الأهالي دا لا معناه أن انت عندك حريه دا معناه أن انت معدتش علي تربية اهلك وحشين مبيصرفوش عليك م في فكره (اشتغل ) ولا احنا لازم نعيش عاله علي اهلينا

خايفه من بعد التخرج من الكليه خصوصا اني مش حابه تربية و مش شايفه نفشي ف تربية ولا مدرسه خالص بعني ف بفكر بعد نا اتخرج انا هعمل ايه و هبقي مدرسة بجد عايزة اعرف ممكن اشتغل ايه تاني غير مدرسه خصوصا ان لاسف بعد التنسيق الداخلي ف الكليه حطوني ف قسم عربي و عملت تحويل لتاريخ و اترفض ف لما اتخرج المفروض هبقي مدرسه عربي ف دي مش انا و مش عارفه ابقي كده رغم ان كل اللي حوليا بيقولولي اني بعرف اشرح لكن انا بشرحلهم و انا ف صاني جغرافيا عشان كنت بحب الجغرافيا و بحب شرح المدرس جدا جدا ف كنت بشرحها و انا مبسوطه و للعلم مدخلتش قسم جغرافيا عشان تنسيقه اخد اعلي مني بدرجه وبردو تحويلي ليه اترفض ف حسيت ان كل الطرق تؤدي الي روما ف دخلت تربية عام عربي و خلاص و للعلم بردو مقدرش احول كليه تانيه عشان عايزة فلوس اكبر من حياتي و مقدرش اطلب من اهلي اكتر من كده

ليه ياجماعه مفيش هنا امهات واباء عندهم ولاد مراهقين أو شباب أو متجوزين كمان يشوفوا اللي بيحصل لبنات الناس بسبب تربيتهم والولاد برضو بصراحه مش هكون fiminen وعنصريه بس بجد الاكتر بقو البنات ليه بجد متكونش أولياء أمور اسوياء نفسيا قبل ما تربوا طفل ؟ليه تربو واحد على أن الست دي ماهي الا ست تجيبلك اطفال وتخدمك وتعرف تطلع غضبك عليها زي مثلا العائلات الشائعه في مجتمعنا ده يااما الام بتكون هي المفتريه اللي بتتحكم في البيت والام مغلوب على أمره يااما العكس والاب يضرب مراته وعياله وفي الحالتين الابن أو البنت يخرجوا كارهين اهلهم أو يكونوا عاوزين يكملوا مسيره اهلهم المشرفه ومش مهم مشاعر الناس اللي هيكملوا حياتهم معاهم بجد يا جماعه ارجوكو ارجوكو بجد ربو ولادكم تربيه سليمه وخلو بالكو منها صدقوني انتو اللي هتتحاسبو على كل ده والأطفال حرفيا بيتعذبوا بسببكو

السلام عليكم انا ف طب سنه رابعه ف حد من الدفعه اتقدملى من محافظه تانيه( ريف )وانا ف (مدينه )هو محترم خالص وخلوق وشبهى وطموح وعارفنى من تانيه ومعجب بيا (مع انى منتقبه ) وبلغنى من سنه انه عايز يخطبنى الفكره ان لما جه رؤيه شرعيه الامور تمام وبدا يعبرلى عن مشاعره بجد وجه تانى بس والدى ووالده اتفقوا سريعا كده ف التلفون وحقيقى والده قال اتفاق مينفعش بجد ولا تناسب ولا دكتور ولا دكتوره وعذر والده ان هو واخوه التؤام بيعملهم سوا قولت لاهلى شوفوا المناسب واتناقشوا فيه ف اتصلوا لغوا الموضوغ من غير نقاش حتى زعلت عليه جدا واتواصل معايا تانى فهمته ان المشكله مش فيه المشكله ف الاتفاق (لان احنا داخلين على امتحان وهو بجد مشاعره غالباه ) المهم انهارده هو كلم والده انه فتره كده وهيشتغل ويجى تانى وابوه متعنت وزعق معاه وقالوا اللى رافضونا لاء ومش هساعدك ف حاجه ومتتكلمش معاها تانى انا احترمت عدم الكلام فعلا لان مفيش شئ بينا وتفهمت الفكره بس انا لو تزوجت هتزوج كمان ف بيت عيله وريف (ممكن بعد كده نقعد ف مكان شغلنا )وانا طول حياتى مرفهه صراحه _هل الموضوع ممكن يمشى ولا صعب كمان لان والده هو اللى متحكم ماديا دلوقت لانه عقبال م يدخل فلوس فيها كام سنه _ ولو دخل كلمنى ارد اقول اى _وهل لو مشى هعرف اتاقلم على الحياه عندهم ولو ممشاش هقابله ف الكليه بجد ازاى لان انا بخاف من المواجهه مع ان معملتش حاجه غلط حاسه ان شايله هم مشاعره دى 🫠

ازاي اقدر اتقبل الكليه اللي انا فيها دلوقتي لانها مكانتش اختياري و لا علي بالي ابدا انا دفعه السنه اللي فاتت ثانوي عام ادبي جبت 85.5% و فكرت ان هو ممكن هل اقتصاد و علوم سياسيه اللي حرفيا كنت بذاكر عشانها طول السنه لان السنه اللي قبلها كانت اخده حد ادني نفس مجموعي و قولت لو ملحقاتهاش هدخل السن و عادي هحاول اتاقلم لقيت التنسيقات ظهرت و حرفيا خسفو ب ادبي الارض و لقيت ان اقتصاد اخده من 92 و السن اخده من 87 يعني واقفه معايا علي 2% و لقيت نفس بعد ما كنت كاتبه الرغبات اقتصاد السن اعلام تربيه و كنت كاتبه تربيه كماله عدد عشان املي الرغبات بس لقيتها هي اللي جاتلي من كتر الزعل و القهر علي مذاكرتي طول السنه و ف الاخر ادخل تربية مفكرتش و دخلتها فعلا و كملت معايا ب اني قولت خلاص هدخل قسم تاريخ القسم وقف معايا علي نص درجه و عملت تحويل و اترفض و فضلت ف قسم عربي اصعب قسم ف تربية و الترم الاول شيت ماده و حسيت اني بجد ضايعه و مش هقدر لا بالرغم من ان قسم عربي كله شايل بالسبع و التمن مواد لان قسمي بيدرس ٢٣ ماده و مش هقدر ابدا يجماعه اني احول لكليه تانيه خالص لسببين الاول هو الفلوس لان حرفيا مقدرش اطلب جنيه واحد من بابا حاليا لاني حرفيا انا شايفه ظروف العيشه اللي احنا ليها و التحويل بيعوز فلوس قد كده حرفيا و بابا مش هيقدر عليها غير كده اختي الأكبر مني داخله كليه خاصه و بابا بيدفع كل سنه كتير اوي اوي عليه الله يعينه يارب و تاني سبب ان مش عايزة انزل سنه تاني لان لو حولت هرجع اولي من اول و جديد ف اتقبل تربية ازاي و القسم ازاي

هقولها يا حبيبتي مفيش شخص مثالي ومش لازم تبقي شاطرة وبتسمعي الكلام وبتذاكري علطول همحي جملة غلطة الشاطر بألف اللي هو ازاي طيب واحدة مراهقة ماتغلطش .. ولو غلطت يبقى خلاص الدنيا اتهدت اغلطي واتعلمي وعاملي كل الناس طالما عارفة حدودك وعندك اللي يرجعك مهما بعدتي عشان هتكبري تلاقي واحدة عايشة لسه طفلة مهما كبرت عشان مافهمتش ده ..فبطلي هبل بقى 😅

بخاف من كلمه مسحيل اعمل او مستحيل اكرر دا لا جيس وات بنسبه محترمه بتكرر نفس الحاحه طالما متعلمتش البديل بدليل ان لقيت نفسى بجادج على اختى زى ما كان بيتحكم عليا وبديس فى كلامى معاها نفس الافكار اللى بنتقضها وبقول عليها غلط ومتهمه اهلى انهم السبب ولقيتنى لما بتعصب عصبيتى بتطلع على اللى حوليا حتى لو كانوا ولاد اختى صوتى بيعلى عليهم ولما الجدال بلدأ يطول صوتى بيبدأ يعلى رعب بالنسبه ليا ان لما اكبر او لما ابقى مسؤله من اطفال ابقى النقطه السودا في حياتهم فقبل ما اقول مستحيل اقرر دا مع عيال محتاجه افهم كويس ليه دا كان الاختيار الاسهل لاهلى وايه البديل الصح لاننا غالبا منعرفش ايه هو البديل اللى مش مؤذى

مشكلتي مختلفه شويه و محتاج اعرف اعمل ايه. كنت في علاقه مع بنت دامت لمده سنتين و كنا بنحب بعض و علاقتنا كويسه الى حد ما في عيد حبنا بعد ما تمينا سنه في علاقتنا جبتلها خاتم باندورا فضه ك هديه المهم للاسف مكملناش و انفصلنا من قريب مش هنا المشكله المشكله انها دلوقتي عايزاني اخد الخاتم تاني بس انا مش عايز ده مش عشان حاجه والله بس انا اهلي ربوني و عودوني اني لو جبت حاجه لحد مستحيل اخدها تاني مهما حصل يعني من الاخر الهديه مبترجعش و دا اللي اتربيت عليه رغم دا هي مصممه اني اخدو تاني قولتلها لو هو مدايق انو بيفكرك بينا و ب اللي كان بيننا فا تقدري تبيعيه و تعملي اي حاجه ب فلوسو وانا معنديش مشكله مش هدايق خالص و هي برضو مش موافقه و عايزاني انا اللي اخدو انا مش عايز اعمل ده و محدش يقولي خدو و بيعو لان الموضوع مش سهل خالص يعني الخاتم ده فضل معاها سنه كامله يعني حاسس انو غلط اروح ابيعو و واحده تانيه تشتريه و تلبسو زيو زي اي خاتم عادي انا لو بيعتو هحس انها مش حاجه صح تحصل لان الخاتم دا كان قريب على قلبنا احنا الاتنين و في نفس الوقت مش هعرف احتفظ بيه لان كل ما اشوفو هيفكرني بيها اعمل ايه

حاجة من الحاجات اللي مضايقاني في تربيتي ان الحب غلط والمشاعر ضعف والتعبير عن حبنا لبعض كأسرة ممكن يكون محل للسخرية والشك يمكن دي جملة بنسخر منها بس 'ماتحضنش وهو صغير' دي مش حاجة تضحك ان أول ناس بتتعلم منهم الحب وبتبقى متأكد من انهم بيحبوك بيحاولوا مايعبروش عن ده بأبسط الحاجات عشان تطلع ناشف وقوي بس الحقيقة انكم بتطلعوهم يمكن ظاهريا اقوياء بس من جواهم قمة الهشاشة والضعف ويمكن يفضلوا يحلموا بالحب والاحتواء طول عمرهم وبردو مايلاقوش ولو لقاه يا اما الشك يفضل مالي قلبه ان اللي قدامه ده بيحبه بجد يا اما يدي قدر كبير اوي من المشاعر ممكن تستغل غلط يا اما يبقى جامد و(قوي) زي ما أهله علموه

مما لا شك فيه ان الشخص تتكون شخصيته اولا من مراقبه اهله وهيا دي طريقه التعلم المتعارف عليها لحد سن معين بعدها بيبداء يميز بس بيكون اتبنى عنده اسس قد تكون مغلوطه وبقى فمرحله صعب تصحيحها بشكل جذري

انا حاسه ان اهلي مزرعوش فيا حاجه حلوه علشان يطرحوها . باختصار ابويا مش بيصلي خالص ولا بيصوم ده غير السجاير والشتايم واستغفر الله كمان سب الدين لما يتعصب على طول في لسانه يعني معلمونيش اني ملزمه اصلي ولما كانوا بيقولولي انا كنت شايفه انهم مش بيصلوا فكنت شايفه انه عادي ان انا كمان ما اصليش ما كنتش فاهمه ان ده موضوع صعب جدا وغلط ده غير أن ابويا عصبي لأبعد الحدود وممكن لو اتعصب على حاجه تافهه يقوم يضربني ضرب ممكن يموتني حرفيا ووشي يورم ومره شفايفي وودني نزفوا وكنت هيأغم عليا وهو مش بيحس بأسف بالعكس بيشوف أن انا الغلطانه علشان عصبته هو مرباش غير بنت بتتمني الموت والله كنت بصلي وادعي على نفسي في السجود أن ربنا ياخدني هيكون احن عليا منهم بس برجع استغفر وبحاول ارجع اصلي تاني بقيت خايفه اكبر واعمل مع عيالي كده واطلع عليهم المرض اللى عملوا فيا اهلي لدرجه اني بقيت بدعي واقول يارب لو في يوم هعامل عيال نفس المعاملة دي متنولنيش الخلفيه خالص حتى لو هتحرم منها بس مخلفش عيال تتعب زيي ومع اني حنينه بس خايفه لما اكبر اتغير واذي عيالي ❤️‍🩹😭

أب كان بيعذب مش بيضرب و أم كانت بتقاطع... بالنسبالي دول أشد اتنين و أشدهم ان الأم تقاطع دي.. بتوجع جامد مش هخلي دا يتكرر مع ولادي مهما كان الأمر و كل غلط بيحل بهدوء حتى لو كان في عقاب ميكونش قاسي يعقدهم

هربيهم ع الامان و الحب وان في حد جنبهم م هربيهم ع الخوف عشان ميلجاوش للغريب قبلي هديهم الحنان عشان ميدوروش عليه برا ويتاذو زي امهم م هعودهم انهم يخافو مني هطلعهم احسن نسخه عشان م هكرر الي حصل فيا ل عيالي

للاسف اهلي كونو شخصيه عندها اغلب الامراض النفسيه و mammy issues و daddy issues من اول الطلاق و انا عندي سنه و غياب الاب تمام عن حياتي و بقي عندي ام نرجسيه دايما بتتحكم فيا في كل حاجه و تقولي بسبب ان بتحميني و دايما تحسسني بالذنب و ان من غيرها هموت و محدش هيعرفني و لازم دايما ابقي مطيع ليها و مرفضش طلب ليها خلقت جوايا شخص نرجسي و ميكافيلي بسبب تربيتها و دايما تستغلني عاطفيا بسبب انها امي و الاب كده كده مش موجود

مش هربط قيمتهم عندي بنتايجهم او اذا كانو شاطرين او لا هحبهم بدون شروط وبالتساوي لانهم يستحقوا ده عمري ماهسمح لحد يجي عليهم او اكون في صف حد تاني غيرهم حتي لو هما الغلطانين هكون في صفهم بس هساعدهم يصلحوا غلطهم هسيبهم يختارو بنفسهم مش هجبرهم يكونو نسخه مني هما ليهم عقل ومن حقهم يختارو انا بس هعلمهم الاساسيات عشان يكون عندهم اساس متين دول اهم حاجه اللي في دماغي حاليا

انى اسيبهم وهما لسه صغيرين يتعاملو منهم للدنيا لازم اخد بالى منهم ومن كل حاجة ف تصرفاتهم واعلمهم الصح من الغلط واربيهم على الدين واخترلهم اب فعلا يكون سند يكون قريب من ربنا وفاهم ازاى يتعامل معاهم مش مجرد كان حب لان الحب كدا كدا مع الوقت بيقل وبيفضل الموده والرحمه والحنان وكل شىء جميل فلازم اسيب ليهم اب كويس يعلمهم مش مهمل يطلع فيهم عقد

اني اسيب ابني من غير مراقبه اسيبه يعمل حاجه من غير ما اعرف ومش هقفل عليه خالص وبردو مش هسيبه خالص علشان العالم مش امان وف حاجات كتيره بتحصل وبتاثر عليه لما يكبر ويبقي خايف من المجتمع وخايف من كل حاجه حواليه تحصل لازم اخليه اجتماعي وف نفس الوقت مش منفتح اوى

الكثييير والكثيييير من الأمور يلا ورقة وقلم وركزوا معي: 1.لا تفرقة بين الابناء، لأن أمر من الله أولا 2.المسؤولية لا أحد يتحملها غيرك، لا ابنتك الكبيرة ولا ابنك الكبير، لأنه لا يزال طفل ولا يمكنه ان يتحمل ولو تحمل لتزوج إذن! 3.خلافات الوالدين تؤثر في شخصية الطفل ف ابقي خلافاتك بعيدا عندهم 4.الضرب لا يجوز، الا في شيء كبير والضرب كما اخبر به الرسول صلى الله عليه وسلم 5. لما ابنك يعتذر اقبل اعتذاره هو ليس كلب حتى يذل نفسه لك، علمه الاعتذار وعزة النفس 6.عندما تخطئ كوالد او والدة اعتذر كذلك لست معصوما 7.لاتقارن ابنك بأبناء الناس لانه ابنك وهم ابناء غيرك 8.لاحظ انجازات ابنك وامدحها لا تكن صم بكم عمي 9.النقد يهدم الثقة ويبني حب المثالية وهو عذاب، ف قلل نقد ولا تعتقد انه يساعد على بذل المزيد من الجهد 10. لما يخبرك احدهم انه متعب او مريض، وان كنت طبيبً لا تتجاهل ما يقول حتى تكتشف متأخر ان عنده امراض قلب عجزت اتفكر الباقي ودموعي هربت مني، هكذا حتى لا يتأثر اطفالك بمشاهدة اباء وامهات الناس وهم يعاملون اطفالهم بحنان

الكلام للناس المتزوجين لو معندكمش النضج الكافى انه لما يحصل بينكم خلاف او مشكله تقعدوا تحلوها لوحدكم من غير ما تضغطوا على أولادكم او تستخدموهم كا بطاقه ضغط وان متقلبوش الحياة صراع مين ينتصر على مين حتى لو هتحرق كل ال قدامك بما فيهم الاطفال فا من الاول اطلقوا او متجوزوش اصلا ايه ذنب الواحد يبقى قاعد حرفيا حاسس بعروق ايدى الدم فيها بيلسعنى ومن كتر الحزن بقيت بصحى كل يوم بالتهاب فى مفصل او جزء مختلف فى جسمى لو مش ناضجين كفايه متجوزوش لو مش بتعرفوا تحلوا مشاكلكم متجوزوش لو معندكمش دراية كافيه بمسؤليات الزواج انه ال هتجوزها دى هتبقى فى مسؤوليتي ووقت ما تحتاج اى حاجه مهما كانت صغيرة او كبيرة تلاقينى جنبها وان ال هتتجوزيه ده هيبقى جزء منك تتحملية لو الدنيا ضافت بيه وتتشاركوا فى تربية الاولاد عشان تطلعوا اطفال متربيين ومحترمين وناضجين فكريا وجسديا صح والهدف من ده كله هو ارضاء الله وتكوين حياة اسرية سليمه لو متعرفوش كل ده متتجوزوش حولتوا اجمل واسمى العلاقات وهى الزواج لاكثر العلاقات رعب وجحيم ليه

التفريق بين الاولاد و اخلي اولادي يحملو مسؤولية اكثر من طاقتهم و نهدم شخصيتهم و ننقص من ثقتهم بنفسهم و الاهم و المهم عمر ولادي ما يعيشو مشاكل بيني و بين ابوهم المشكل يتهالج في الغرفة ويغلق مرحش نخلي ولادي يخرجو من المنزل و الدموع تفيض منخليش ولادي كي يشوفو ام تعامل بنتها مليح تجيهم غصة و يبكو

مستحيل اخليهم يكرهو نفسهم ويحسو قد ايه هما ملهمش لازمه فالحياه وانهم نكره حرفياً وانهم ملهمش سند والي رايح والي جي يقول الي هو عايزه علي شكلهم علي لبسهم وانهم مصدر وسخرية القعده مستحيل احطهم ف مقارنه واخليهم يحسو انهم مش كفايه او انهم قد ايه مقدروش يحققو الي انا عايزه وان انا قد ايه بتمني انهم مكنوش ولادي مستحيل احرمهم من سماع كلام حلو ومن الحضن والحنيه عليهم وانهم يشوفو دا بره ويتمنو زيو ويتحسرو علي نفسهم

اخليهم يتعاملوا مع الناس بنفسهم عشان ياخدوا خبرة التعامل .. نفسي يكونوا ناصحين مش هبل زيي و أخليهم عندهم قوه نفسيا كده مش اي حد يأثر فيهم و يحبوه .. نفسي اعرف اخليهم يحبوا نفسهم و يبقى تقديرهم لنفسهم عالي

معاملة الاهل أكيد اول شئ يكون شخصية الانسان اذا كان الوالدين حنونين معك فرح تكبر وانت ملئ عواطف ما تحتاج حب خارجي حنان عطف من اي انسان والعكس صحيح لما تتعامل بقسوة ضغوطات حساسية مشاكل صراخ رح تكبر من داخلك احساس انوا لازم دائما تكون هجومي في تصرفاتك لانك ما تربيت على ان المشكلة مهما كانت صعبة نحاول نحلها بهدوء تربيت فقط صراخ ومشاكل هذه صح اول سبب ولكن رايي الشخصي نحنا صح لسنا مسؤؤليين عن كيف ربانا اباؤنا ولكن باستطعاتنا اعادة تحسين كل شي وعدم اعادة السيناريو مع ابنائنا مستقبلا

وانا صغيره كان عندي طاقه اني اتفهم ان محدش هحبنا قد اهلنا مهما كانت تصرفاتهم وطريقتهم ازاي ف هما اكتر حد هيحبنا وتقصيرهم او طريقتهم اللي مش عجبانا دا جهل منهم كنت دايما بقول ان اكيد هما مش حابين يكونوا كده او يدايقونا ويزعلونا منهم اكيد نفسهم نبقي احسن ناس بس طريقتهم غلط وهما كمان بشر يعني طبيعي يغلطوا مينفعش نستني منهم ميغلطوش بس العقل اللي كنت فيه عوانا صغيره مبقاش موجود دلوقتي لما طاقتي خلصت لما تعبت اني اصلح علاقتي بيهم حاولت وكله جه فوق دماغي شيلوني اكتر اني اعقل واحده في اخواتي ف معلش هنيجي عليكي وانتي عاقله وجدعه لكن اختك بتزعل، شيلوني مسؤوليه اختي مع انها اكبر مني بس هي مش بتعرف تعمل اي حاجه لكن انتي شاطره لحد ما انتهيت مبقتش موجوده ف الصوره محدش بيفكر فيا ولما افكر ف نفسي ابقي انانيه اهلي هما اكتر ناس دمروا شخصيتي زمان ودلوقتي حاولت اصلح اللي هما كسروه بس تعبت وبقيت شخصيه وحشه وممله ومكروهة عشان مبقتش جدعه وعاقله بقيت متعصبه طول الوقت من كتر الكلام والغضب الجوايا ليهم مكنتش حابه ابقي موجوده هنا مكنتش حابه يبقي جوايا فراغ ووحده كبيره حاولت اقرب منهم عشان محتجش لحد ومعرفتش هما نرجسيين وهدوني كل حاجه فيا اتغيرت بعد ما كان فيا بهجه وحابه الدنيا واني اعيش بقيت اكتر شخص باهت ومكتئب

هحاول اكرر شكري و حبي ليهم كل شوية و دعمي ليهم اتقبل اخطأهم و هصبر عليهم واستمتع برحله التربيه مش هستعجلهم علي حاجه لازم ياخدو وقتهم مفيش هزار بالشتيمه أو اتعدى حدودى معاهم بالضرب مفيش خناقات ف الاعياد أو رمضان أو الخروجات أو المناسبات اي اختلاف هيتأجل لتاني يوم دايما هكون مستمعه ليهم هعلمهم ازاي يكون في مساحه امان بينا هشاركهم مصايبهم حتي لو هنغلط كلنا مفيش انتقاد أو تباهي قدام الناس مفيش عادات وتقاليد فقط الحلال والحرام والشرع مفيش سيطره عليهم دى حياتهم وهما احرار وكل واحد له صحيفته ربنا هيحاسبه عليها مفيش ابتزاز ديني أو عاطفي مفيش تدخل ف اختيار الأصدقاء أو اللبس أو الاذواق فقط مشاركه رأي ويكون مبدأهم لقياس تصرفاتهم حلال وحرام مفيش صريخ بدون سبب أو تسلط حاجات كتير اوى بس هحاول علي قد ما اقدر اكون ام حنينه قريبه من عيالها تطلع اسوياء نفسيا و البيت هو الامان مش مكان نهرب منه للشغل أو الدراسه لمجرد أنهم يطلعو برا البيت

انا شخصيه عصبيه للاسف وكمان أم جديده شويه .. ازاي اقدر اسيطر علي عصبيتي وغضبي خصوصا لما ابني يعمل حاجه تعصب .. ازاي امسك نفسي عن اني مبقاش مع كل حاجه بخبطه ولما يكبر ابقى ام بتضرب .. محتاجه جدا نصيحه لاني مش بقدر اقاوم دا