ربنا يعوضك بشريك حياة يكون حنين عليكي ويعوضك خير عن ابوكي ياحبيبتي

أن الله اذا احب عبدا ابتلاه صدقيني العوض هينسيكي الي فات المهم اربطي علي قلبك واحتسبي اجر الصبر عندالله

ربنا يا رب يثبتك ويرزقك الصلاه ويرزقك القران يا رب والصحبه الصالحه ونخش الجنه كلنا مع بعض يا رب وكنصيحه مني حلوه قوي في برنامج كان نازل في رمضان اسمه توام رمضان بتاع عمرو عبد الجليل وايمن عبد الجليل ادخلي اسمعي الحلقات بالترتيب كل يوم حلقه حرفيا هتستفيدي جدا جدا جدا

وتاكدي يا حبيبتي انه لما ربنا عز وجل ابتلاكي في اهلك فكان ما عليك الا انك تسعيه بنفسك انت وما تنتظريش من حد يقول لك اعملي دينك اهم ونفسيتك اهم وان شاء الله على يقين ان انت بعد العشرين لو استثمرتي السنين دي لحد ما توصلي لها وحتى لو انت عندها فلو استثمرتي وقتك وحسنتي من نفسك انت اللي هتكوني مستفيده وشخصيتك هتختلف تماما وهتبقي افضل واخيرا بالنسبه لضرب باباكي فانت عليك بالدعاء ربنا يشغله في نفسه ويهديه ويجعل غضبه عليك بردا وسلاما كما جعل النار بردا وسلاما على ابراهيم وتاكدي انه هيجي له يوم قوته هتضعف وهيجني ثمره اللي عمله في حياته او ربنا يعفو عنه وانت تكوني شخص كويس فيندم ويتوب وتكوني انت سبب في ان هو يبقى شخص كويس مش كبير على ربنا دي

عندي طالبه عندها 17 سنه تقريبا اللهم بارك وصلت لحتجات كثير قوي دينيا لما استعنت بالله وبدات بنفسها وبقى عندها مسجد بتروحه والدها ووالدتها سيئين جدا بيقفوا قدامها تجاه اي خطوه كويسه وبرده والدها بيسب الدين نسال الله العفو والعافيه وبيشتم ومش بيصلي والدتها مع اي خطوه كويسه بتقطم فيها ولكن مع ذلك هي اللهم بارك شغوفه بتعلم القران شغوفه بان هي تسال عن كل سؤال ديني وتتعلم منه لما تعرف ان حاجه حرام بتبطل ان هي تعملها بتجاهد نفسها وما حدش علمها ده ده ربنا عز وجل وفقها

بصي يا حبيبتي نبدا اولا بنقطه عدم الخلفه.. صدقيني انت عمرك ما هتتحملي نقطه زي كده عمرك ما تتوقعي كم الاسى والزعل والحزن اللي بيكون موجود في البيت اللي من غير عيال فمسبقا كده ما تدعيش على نفسك بدعوه انت مش قدها ربنا يرزقك الخلفه يا رب ويناولك اطفال تربيهم صح ثانيا بقى عايزه اقول لك ان الحياه عند كل شخص فينا فيها ابتلاءات اللي عنده ابتلاء في اهله واللي عنده ابتلاء في مرض واللي ما كانش عنده ابتلاءات لحد ما اتجوز فابتلى في عياله واللي واللي واللي ابتلاءات كتير الناس بتمر بيها بس اللي بيفرق واحد عن الثاني ان ده قادر يتعامل والثاني لا انت عندك ابتلاء في والدك ف اللي المفروض تعمليه انك تحافظي على شخصيتك من انها ما تكونش ضعيفه وسلبيه.. تكرري كلام كثير جواكي بالدعوات ليه تقربي من صحبه صالحه تشوف لي مسجد تروحيه وتتعرفي على البنات اللي هناك ويبقوا صحبه معاكي لو هديكي نصيحه واحده بس حافظي على شخصيتك من انها تبقى مستضعفه وتقبل الاهانه.. ثم بعد كده مش مطلوب منك غير انك تجهدي بنفسك انت لتغيير شخصيتك ما اقصدش مع باباكي ولكن اقصد في المستقبل ودينيا انت اللي مسؤوله عن تحسين نفسك وانك تلتزمي

..

طب ما تحاولي تتجنابيهم يعني خليكي في حالك صلي لوحدك اعملي كل حاجه لوحدك وخليكي انتي عارفه الصح وصلي واستغفري كتير واتجنبي ابوكي بصي مش عارف انتي اللي كنت بكلمك ولا لا بس حاولي تدعيله كتير كتير اوي وحاولي متتعمليش معاه لو شايفه انو وحش

حاولي تشوفي عريس لو تقدري

ربنا يوفقك دايما