دعم

ازاي اقدر اتعامل مع اهلي بطريقه كويسه او بحنيه بمعني اصح عاوزه اتعامل بطريقه كويسه بس مش عارفه كلي غضب وبعاملهم بطريقه صعبه غصب عني ومش عارفه ابطل دا جوايا غضب وحزن اني مشوفتش منهم اي حنيه ولا دعم وكنت لوحدي دايما ومازلت بالعكس بيزودوا عليا ويصعبوا الدنيا عليا اكتر وبيستنزفوا طاقتي اني استحمل انانيتهم لما ابقي ام مش هخلف اطفال وانا مش جاهزه ومعرفش يعني ايه امومه مش هخلف اطفال تحققلي احلامي واتحكم فيهم بحكمي اني ام لو مش هقدر اوفرلهم حياه كويسه مش هخلف عشان هما اللي يحسنولي حياتي بكل نطاعه وانانيه مش هطلب منهم حنيه وانا مدتهمش اي حاجه لا دعم ولا حب ولا ثقه في نفسهم ولا حتي امان بربع جنيه مش هخليهم يوصلوا لمرحله اني ببقي بموت قدامهم وهما مش عارفين يلمسوني ولا يقربوا مني عشان عمري ما حضنتهم ولا قربت منهم مش هكسر نفسهم ولا ثقتهم ف نفسهم عشان ارضي نرجسيتي واحس بتسلطي عليهم مش هقلل منهم قدام حد عشان اضحك اللي قاعدين ع خفة دمي بتريقتي ع عيالي مش هبقي ام غير لما اعرف يعني ايه امومه كويس

من شهور كان عندي مشكله وصدفه لقيت البرنامج كتبت مشكلتي والناس ساعدتني وتكلموا معايا واختفوا بعدها لكن في شخص فضل مكمل معايا الحكايه شهرين بعدها وبعدين الظروف شائت ان يحصل اختفاء من الشخص ده وبصراحه نقدر نتواصل تاني بس في خوف ان انا احاول اتواصل ويحصل رفض للتواصل ده او رد بطريقه ممكن تضايقني... خبرايه ... يمكن الشخص يفهم انا اقصد ايه واتمنى لو الشخص ده موجود دلوقتي وبيقرا اللي انا كاتبه.. يا اصدقائي هل احاول ولا احترم الغياب واسكت

قدرت اقف جمب بنات بيعانوا حاجات مع اسرتهم او تعرضوا لتحرش او ظروف صعبة زي الايذاء او الانتحار وبقف جمبهم بحيث ميحسوش بالوحدة ودا انا درسته طبعا وفي بنات برضو معايا وفي حلو اوي اوبن مايند شويتين🤭 حاجة جميلة جدا وبحبهم كلهم على فكرة

والله ربنا يعلم رغم اني بحس مخي بيسيح مني وان مشاكلي وصلت السما بس متعه واكبر فرح لما اقدر اقنع شخص هنا انه يعدل عن فكره مؤذيه نفسي افرح الناس كلها فاهم انها متستاهلش كل التعب ده بس مش بقول لنفسي كده بس نفسي اخرج الناس من مشاكلهم بحسني فاهم كل حد بيتكلم معايا ف بخرج كل اللي لقدر عليه عشان اساعده

امبارح دخلت الفصل، لقيت تلت بنات قاعدين مكاني. فاا قلت خلاص، ورحت قعدت ف صف تاني. وقتها معرفتش اقعد والله؛ الصف الي ف النص ده مكس ولاد وبنات، ده غير ان انا عندي مشكلة معينة، وماما منبهة عليا اني اقعد ساندة بظهري، ف كنت بسند على الحيطة لو انا ف مكاني العادي، ومعرفتش بقى وانا ف الصف ده. فاا انهاردة، لقيتهم برضو مكاني، وانا مكنليش خلق بجد اعديها لحد، خصوصا اننا مثبتين اماكننا، وانا عندي مشكلة فعلا مش شغل عيال حضانة، لأ انا ظهري كان بيموتني امبارح. ف قولتلهم قوموا، وان ده مكاني وانا مبعرفش اقعد ف النص ووو... بنت منهم كان اللي بترد عليا، وبوقاحة وقلة ادب بجد ف الاسلوب ونظرتها ليا. قالتلي يعني ايه مبتعرفيش تقعدي ف النص؟ وبعدين ده مش مكتوب عليه اسمك، واحنا تلاتة مش هنعرف نقعد ف النص عشان عايزين نقعد جنب بعض. طب انا مال اهلي انتوا تلاتة ولا عشرة؟ ما تقسموا نفسكم على ديسكين، مش مربوطين يعني بالحبل السري خلاص! مقولتش كده عامة، بس لما لقيتها مكملة بجاحة، رحت للمس قولتلها فيه كذا وكذا، فاا المس قومتهم غصب، وهزأت البنت دي جامد، والبنت من قلة ذوقها قالت وهي قايمة "ايه الخرا ده". انا اصلا استغربت والله، ورزعت الشنطة لما قاموا ونظراتي كلها قرف. بمجرد ما قعدت، فتحت تلفوني اعمله سايلنت واحذف التطبيقات المفتوحة ف الخلفية، ف نفس الوقت كانت البنت نفسها باصالي وقالت بعلو صوتها للمس "اه يعني هو عادي نمسك التلفون ف الفصل مش كده؟"، ف المس بصتلي، وانا كنت اوريدي قفلته، ف هزأت البنت وشتمتها، ف قالت هي والله لنازلة قايلة للمديرة وخرجت ورزعت الباب وراها. المهم، كم دقيقة كده، ولقيتها داخلة مع الوكيلة بتشاور عليا، وبتقول "البت دي" كانت ماسكة التلفون. انا تلقائيا قمت من مكاني لعندهم، والمس قالت للوكيلة انو البنت بتعمل الحوار ده كله عشان بدلت اماكننا، والوكيلة والمس ما شاء الله الاتنين بيهزأوا فيها، وهي اصلا مجابتش سيرة الهبل اللي عملته، هي بس عايزة تقول اني فاتحة التلفون ف تعملي مشكلة، والمس اصلا بتكذبها لانها مشافتنيش، وهي تحلف وتبرق وكان حوار. انا عشان ابرر سوء الفهم ده، والامر كده كده مش هيفرق معايا عشان فيه كاميرات تؤيد كلامي واني قفلته ف وقتها، ف قلت للوكيلة اني فتحته عشان بس اعمله سايلنت، ف المس قالتلي خلاص عادي، روحي اقعدي. فاا قعدت، والبنت والله لسه واقفة والوكيلة ماسكاها تهزيق قدام الفصل كله. بعد م خلاص قعدنا وبدأت الحصة، البنت والله وصحابها متنحين فيا تتنيحة، والبنت دي بالذات، وكل شوية تشاور عليا وتتكلم وتضحك، وانا حقيقي مكنتش مبسوطة ولا مختلة ف ابصلها بشماتة، لا انا كنت عادي خالص والله، بل بالعكس انا اصلا كنت دمعت. المهم، لقيتها بتكلم البنت اللي ورايا وبتسألها اذا كانت غلطانة ولا لا، والبنت قالتلها انو اه، وقعدت بجد تهزر معايا كتير اوي وتلعب ف هدومي، وكذا حد مش هي بس يهزر معايا، رغم اني هادية اوي ومفيش بيني وبينهم غير السلام. المهم، ف آخر اليوم، كنا خلاص ع الباب وخارجين، ف جم جنبي بنتين، وانا فاتحة الفيس بس منتبهة لان واحدة منهم باصالي، ف لما طولت قفلته وبصيتلها، ف لقيتها بتقولي انتي لسه زعلانة من فلانة؟ ابتسمتلها وقلتلها لا لا والله عادي حصل خير، ف قالتلي ده انا بهدلتلهالك والله، ف انا ابتسمتلها، ف التانية بتقولي انتي مسمعتيش؟ قولتلها لا والله، ف قالتلي دي بجد بهدلتها، ف متزعليش بقى خلاص. والله انا من كتر الكياتة معرفتش حتى اقول شكرا، ابتسمت وخلاص. كنت بحكي الموقف لحد كوتي بوتي اعرفه، ف قالي ربنا بيبعتلك ناس تطيب بخاطرك عشان انتي حد جميل، ف خلاص بقى انا هموت من السعادة انهاردة 💕✨️.

حقيقي لو كنتو جاين عشان تفضفضو منغير محد يحكم عليكم ومع الوقت بقيتو مش واثقين تحكو من الي بتشفو هنا منتو مش محتجين تثقو لان احنا منعرفش بعض يعني لو انا مستمع مش كويس بلوك وخلاص يعني انا حاسس بيكو بجد

ليش افتح هذا التطبيق ، اوف اشوكت فقط انام ، مرة أخرى مع ساعة متأخرة الكل فيها نايم الا انا ، اليوم حصل الي توقعته يعني استيقظت هيا وتعرف انا نا نمت الليل وكانت هي عارفة ممكن انام النهار باي لحظة وأنها ح تقضي اليوم وحدها فقط ضمتني لها وقالت براحتك ارتاح الان وقالت هي انها تشعر بالاسى لقلقي الي خلاني سهران الليل كله وقالت هي تحب اننا نعمل عليه ونحله لو انا شاركتها ايش هو ، وانا؟ يعني انا واقف هنا بهذا ال اب فخور اني ما اشاركها مشاكلي؟ بجد كيف يعني ممكن حد يقول مشاكله لأمرأته هي ما تقدر تحلهم فقط ح تشيل همها وهمك انا الخيبة الي اقف مكتوف ما اقدر احل شيء ما اقدر اقوللها شي اخاف من ردة فعلها اخاف من قلقها ، والاسوء بالحالتين انا اراه امامي كل يوم جيد اني ما ضيعت اليوم كله صحيت بالظبط قبل صلاة الجمعة وقبل ما اخرج للجامع اللبستني ساعة هدية خلتني ابكي الخطبة كلها والناس تضن اني من الخشوع

الصُحبه غيرتني خلو نظرتي لنفسي فيها ثقه وثبات كدا بقيت بشوف نفسي بعنيهم بفرح وبحس قد اي انو ربنا أكرمني بيهم في حياتي علشان يساندوني ويقوو مني لما ببقي محبطه وزعلانه علي حاجه يقولولي مبتقفش يا بنتي متزعليش من من قيمتك متتعلقيش دا مش انتِ أنتِ غاليه عن أن الدنيا اللي ملناش مكان فيها تزعلك احنا جينا نزرع بس وهنحصد قريب متتعلقيش بيها لا بصحاب ولا علاقات ولا بأماكن متتعلقيش

انا عايز اقول حاجه مضيقاني لما حد يشتكيلك من حاجه ايا كانت متقعدش تهاجمه او تحكم عليه ايا كان كفايه انه وثق فيك لازم تسمع الناس و تحتويها ولو هو غلطان ممكن تفهمه يعمل ايه بدل ما تهاجمه بلاش ت judge ❤️

حسيت اني احتاج ابدي ال"كارنفور دايت" نظام غذائي على أساس حيواني من اسبوع فات ناقشت هذا معاها تقول لي ايه ونعم وتعرض عليي انها تساعدني لكن ما تاخذني بجدية ابداً ، النظام هذا يلزمك بمنتجات الحيوان فقط معزول جدا كل الي تاكله بيض ولحم ومي وملح وحليب وبدون توابل او بهارات لانها نباتات يجبرك تاكل لتعيش مو تعيش لتاكل يخلي عقليتك احد ويزود تركيزك ويقلل جوعك ، لكن ما تاخذني باي جدية اسبوع كامل وكل يوم Day0 من الالتزام لانها كل يوم روتينياً تحظرلي نفس القهوة الصباح ولازم تخليني اشاركها صحنها

بقيت اسمع اكتر م بتكلم كنت من فتره بعرف احكي اللي جوايا وكنت مبسوطه من اني لقيت حد يفهمني بس حتي الحد ده طلع زيهم بالظبط اتخدعت فيه من الاخر اينعم كنت بعرف احكي كل حاجه معاه وبعرف اعبر عن اللي جوايا من خنقه وكان فعلا جمبي وبيحاول يحل معايا بس دلوقتي خلاني اتاكد اني مثقش غير ف نفسي وبس دلوقتي بقيت احب اسمع كل اللي قدامي واديهم ف حلول واكون جمبهم وادعمهم لحد م يكونو كويسين وبخير ، لكن انا اتكلم او احكي حاجه جوايا للاسف مبقتش اعرف ولما حد يسالني احكيلي مالك دايما بهرب من السؤال ده اللي هو محدش يسألني اي حاجه عني لكن أنا اسأل عادي واحاول احل ، غير كده انا مش قادره اتخدع تاني حقيقي مش قادره لانها كانت صدمه كبيره اوي بالنسبالي ومعنديش طاقه اتصدم تاني في اي حد مهما كان مين اه اوقات كتير بتيجي عليا وعايزه احكي لحد فاهمني بس في حاجات كتير بتمنعني احكي وهو ان دماغي دايما مهيألي ان محدش هيفهمني وان كل الناس زي بعضها وبقا عندي تروما من قربي للناس حقيقي انا تعبت اكيد مش قادرين تفهموني صح؟؟

عشان من زمان بخاف من فكرة اني اكون لوحدي .. من ايام ما كانت مامتي بتسيبني و تروح تجيب اخواتي من المدرسة و بخاف تكون اختارتهم و هيسيبوني و ماحدش هييجي تاني (قبل التنمر بس كنت طفلة سنتين و نص او ٣ سنين )😅💔 انا شخصيا عمري ما حبيت الوحدة ( حتى و انا فى اقسى مراحل الوحدة حاليا مش طايقاها 😂💔) بخاف اما اموت ماحدش يفتكرني و يدعي لي بخاف اما بكون لوحدي يحصلى حاجة و مافرقش مع حد بتوتر في ٩٠٪ من الاوقات اللى بكون فيها لوحدي و ببانك (بغض النظر اني شبه اتعودت اصلا ابانك لوحدي و بحس ده اخف من شوية ناس عمالين يبصولى و مش فاهمين هي مالها دي ده من ايه و الشو السخيف اللى بيحصل 🤷🏻‍♀️😅) بس برضو فى نهاية كل بانك سواء معايا او مع غيري ف I guess we deserve to have someone to help us ,to hold our hand يعني اقل واجب حتى مسكة ايد طبطبة خفيفة اى حاجة يعني تحسسنا اننا متشافين و عايشين زينا زي غيرنا وسط الناس يعني مش شفافين 😅 مش عارفه بس ع طول بحس ان الوحدة وحشة اوي ماحدش بيختارها بمزاجه كدة الا و فيه مشكلة اعتقد خايف من الناس من المواجهة كره البني ادمين كلهم مثلا فيه حاجة فيه سبب ل ده طبيعة الإنسان مش كدة 😅 هو بقا (الإنسان) عشان يأنس بغيره مش بانه عايش فرداني وحيد شريد كدة مع حاله 😂💔

هوا احنا هنا ليه كل واحد اول معرف ان في مكان تحكي ننغير محد يعرفك اتحمس للفكرة لاكن بسبب ان ممكن يكون حكينا مره واتهجمنا بحرام وغلط وحسينا نفسنا وحشين خفنا نحكي الحكاية كامله انا انهاردة مهتم اسمع كل حد عايز يحكي حاجة وجعا حاجة تعبا نفسيتو حرفيا احنا شباب نفسيتنا مشوها مهتم اسمع لو حابين تحكو وشكرا

سلام عليكم انا عايز البوست ده يكسر الدنيا تدعولي تدعموني تجبرو بخاطري انا الحمدلله بعد معانات كتيرة جدا بطلت اباحيه بقالي 35 يوم فين وفين افكر فيها بس علطول ارجع افكر في اي حاجه تانيه.. حطيت قدام عيني بنتي فالمستقبل ان شاءلله لازم يكون ليها قدوة مش مجرد اب لازم يكون ليها شخص تحبه كصاحب قبل ما تحبه كأب فلازم انا كمان اكون كويس من جوايا الاول وصادق مع نفسي بقيت ملتزم فالصلاة اه سعات بفوت بس برجع علطول التزم وبدعي دايما ربنا يثبتني.. رغم اني والله العظيم مبتلي من نواحي كتيرة يعني اقصد اللي هيعيش ظروفي هيلجا للاباحيه بكل سهولة بس رغم كل ده قدرت ابطل واعيش الواقع... والله المعين♥

ان شاء الله تكونو بأحسن حال متأكده ان كلنا وفي حاجه مضايقانا ممكن مش عارفين نعبر بيها مع الي حوالينا انا معاكم هحاول اساعد مش هنطلع غير نحلها ان شاء الله وربنا يا رب يجبر كم ويطبطب ع قلوبكم 🤍

المانجا 14128 انا عندي حل المشكلتك الحوار مش كبير وياريت ميكبرش اکثر يا مانجو من كده .... مش هنضيع الدنيا كلها عشان خاطر حوار زي ده کده المشاكل بتخلص وهتتحل وكلناااا بنمر بحاجات زي كده اعقل بس اهم حاجه

محتاجين نطلع الي جوانا و نتكلم حتى ولو كلام فاضي او مش مهم لغيرنا ف هو ممكن يكون امل لينا او بسبب الكلام و النصيحه شفنى حاجه مش كنا واخدين بالنا منها في مواضيع كتير و اي حد عاوز يتكلم اني موجود

مختلف مقفول جدا من الحياه وبمر بظروف نفسيه سيئه علي أكثر من صعيد محتاج نصائح من حد انثي تحديدا نصائح تساندني امر بالظروف دي ومتكونش طفله انا بتكلم في نطاق سن ٢٥ ل ٤٥ مثلا ياريت الي يقدر يكون معايا ميتأخرش عن انه يكتبلي رايه

ضغط من ثانويه و ضغط من انه هنلحق ولا ما هنلحق و حرب و عم نداوم تلات ايام بالاسبوع كنا نداوم اربعه ساروا تلاته و يوم اونلاين الاونلاين ما عم بفهم شي ابدا و اهم ماده العليها ١٠٠ علامه مني فتحتها ..ما بعرف كتير وضع صعب. ده كلام صحبتي مش عارفه ادعمها او انصحها بأيه كلام عملي و مفيد اقترحوا ❤️

انا عايزه اتكلم مع حد عشان حاسه اني تايهه ولو حد محتاج مساعده انا معاه جدا وهسمعه واحاول احل معاه المشكله يا رب يوفقكم ويجبر بخاطركم ويعوضكم عن أي حاجه وحشه مريتو بيها🤍 مستنياكم مش عارفه اقول ايه

احنا محتاجين نكون موجودين هنا مع بعض نساعد بعض نحل مشاكلنا سوا مش عاوزين ندوس ع بعض ولا نتريق ع بعض ولا نقلل من المشاكل الآخرين ولا مشاكلنا ولا مشاكل اي حد احنا فعلا محتاجين نكون جمب بعض لان كل الناس اللي هنا عندهم مشاكلهم بيهربوا من الواقع هنا ع امل يلاقوا حد يفهم ويكون قادر سساعدهم

عارفين شعور انكم عايشين بشخصيه قاسيه ف المجتمع بس من جواكم بتحاولو تساعدو اي حد وتقفو جنبو علشان بتشوفو نفسكم القديمه في وبجد بتساندوه بروحكم. انتو مش ملايكه بس برضو مش شياطين انتو قاسين بس مبتقدروش تشوفو حد بيمر بنفس مشاكلكم... مبقتوش عارفين انتو كويسين ولا وحشين 🖤🥀

جماعه انا امبارح والنهاردة جاتلي نغزات في قلبي هل الزعل الجامد هو السبب ولا ايه... وللعلم انا عايش لوحدي اصلا يعني حتي ربنا قافلها في وشي ومعرفش حد اتكلم معاه مش عارف اعمل ايه حد يهون عليا ربنا يكرمكم

دلوقتي انا عارف ان كلنا هنا تعبانين وزهقانين وبندور ع الدعم من الناس كلنا هنا عندنا مشاكلنا ومينفعش مينفعش خااالص أن نقلل من مشاكل الناس اي كانت المشكله لو بالنسبه ليك تافهه في بالنسبه لصاحبها أو صاحبتها كبير هتقدر تساعد يبقي كتر خيرك مش هقدر يبقي خلاص منزودهاش

طيب دا جماعه هروح انام وانا متضايقه بس هصحي الصبح الاقي كل الكومنتات ايجابيه و كلام تحفه تصبحوا علي خير (هكمل بأي كلام ) مبقولش ليه خاني و باع بقول ياريت كمل خداع معقوله خلي اختاري ما بين الام و ما بين خدوع

انا حابب إن ابدأ شغل خاص بيا حتي لو من الإنترنت وكده عشان معيش راس مال حاليا ف لو حد عنده خلفية او تجربه ممكن ينصحني ابدأ ب اية وازاي انا حابب إن ابدأ شغل خاص بيا حتي لو من الإنترنت وكده عشان معيش راس مال حاليا ف لو حد عنده خلفية او تجربه ممكن ينصحني ابدأ ب اية وازاي

اخواتى فى الله مخنوق من الدنيا كلها ، يا ريت كلكم تهونوا عليا ، بجد هتفرق معايا حاسس انى محتاج اتكلم فى اى حاجة مع حد لمجرد احس انى عايش حتى لو هنتكلم فى اى موضوع مش هتفرق وشكرا مقدما ليكم يا اخواتى

استاذه زلابيه احب اقول لحضرتك انك سبت فراغ كبير ومستحيل يااصحبي حد يملاه انشاء الله تشوفي رسالتي مهو ده الوقت الي بتبقي فيه مش كويسه بس احب اقولك اني جنبك وقت ما تحتجيني انتي عارفه هتلقيني فين مهو انا بصرااحه مهنش عليا اعمل الي قولتلك عليه 🤷🏼‍♂️ ربنا معاكي ويوفقك في امتحانك اصبح ويريح بالك وقلبك يا انضف حد عرفته في حياتي 🤍

ممكن اتفق معاكم على اتفاق لو انا جيت اعمل عادة سيئة او مش كويسه بالنسبالي او حاجه مسيطره عليا هاكلم معاكوا ينفع ولا لا وحاجه كمان حوار ان الاب هنا كلوا عارف بعضوا دا مزاولني عشان ما اجيش انزل والاقي حد بكلمه بعدها عرفني أو يفضحني 🙂

صاحي النهاردة حاسس اني سعيد ومبسوط ف قررت يعني اساعد الناس اللي عندها مشكلة او حابب يفضفض اساس انقله ولو جزء بسيط من الطاقة الايجابية ف ربنا يسعدكم ويهنيكم كده ويبعد عن قلوبكم الحزن وشكرا

اي حد محتاج يحكي حاجة او محتاج مساعدة احكي براحتك وانا هسمعك ونساعد بعض نبقى أحسن كل واحد عنده مشاكله اللي مابتخلصش وهي دي الدنيا بس بنبقى محتاجين نتكلم مع حد ونفضفض ونطلع اللي جوانا ساعات بيبقى انك تحكي بس هو الحل اللي يطلعك من خنقتك

اي اكتر حاجةسر او افجر ة او مش كويسة وعامة حتى لو سر مؤذي او مشكلة حاجة حزينة يعني قولوها وهحاول اساعد قدر الامكان، نفسك حتى تعملها مش فاهمه اي الهدف او الفكرة من كدا بس بحب كدا ك فضول وبس كدا

اي اكتر حاجة فجور او مش كويسة وعامة حتى لو سر مؤذي او مشكلة حاجة حزينة يعني قولوها وهحاول اساعد قدر الامكان، نفسك حتى تعملها مش فاهمه اي الهدف او الفكرة من كدا بس بحب كدا ك فضول بالمناسبة قد مامتكوا

كل مفتكر طريقه التعاملوا بيها فالشغل بكون عايزه اعيط و تقريبا هتجن بقعد اكلم نفسي اتخيل ردود مقولتهاش و جوايا شعور تقيل بجد مش عارفه اوصفه ولا اعبر عنه بس زعلانه بجد و يغور شغل بجد لكن المشكله ان مضطره اكمل .بس لازم الاقي حل احط حدود محدش يكلمني بأسلوب وحش ايا كان مين.. لو معندكوش اقتراح ادعولي 😞

بجد بحس اني مكاني م المكان اللي انا فيه كل اللي في حياتي نرجسيين م عارفه اطلع الحنيه اللي جوايا معاهم مفيش حد خالص ف حياتي احس اني ممكن اتسند عليه بجد احكي كل حاجه جوايا من غير قلق نفسي معملش حساب لكل التصرفات اللي بعملها بجد

انا ديما شايف هنا سن ال 20 فقط هوا سن ال 30و 35 راح فين يا جماعه مش موجودين ولا موجودين وعاملين نفسكم صامت اتمني تكونو بخير واللي عايز يتكلم انا موجود تحت امره في اي موضوع او مشكلة مش عارف يحلها يمكن اقدر اساعده

لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

محتاج ب.ن.ت نكون صحاب واخوات لبعض نساند بعض وقت الشدة والضعف نكون ساب.ورت لبعض هي تضايق من حاجه تحكيلي و العكس ونستشير بعض في المواقف ونوصل لحل يكون مفيد للمشكلة وما الي ذلك هل ممكن الاقي حد كده ؟

المشاعر لا تناقش من هذا الباب الي عنده مشاعر او اي طاقة مش عارف يطلعها ممكن نتكلن ونعبر عن مشاعرنا هنا نحكي الموقف الي هو عب ثقيل علي روحك متشلش هم كله هيروح ممكن لو خايف نزل هنا بوست الكل بيفيد وبيحل والله ليا مده هنا مشفتش حد بيجرح فيك ولا يقلل من مشاعرك وانا هنا اسمع

هالو، لو حاسس انك عايز تحكي أو تكلم في حاجة مضيقاك أو اي كان الحاجة، انا هنا وانا هسمع أحيانا الكلام بيخفف من اللي جوانا شوية انا بحب اسمع عمتا أو يمكن عشان فاقد الشيء بيعطية اعزائي الاعناب😂❤️

اي اكتر حاجة فجور او مش كويسة وعامة حتى لو سر مؤذي او مشكلة حاجة حزينة يعني قولوها وهحاول اساعد قدر الامكان، نفسك حتى تعملها مش فاهمه اي الهدف او الفكرة من كدا بس بحب كدا ك فضول بالمناسبة قد مامتكوا ٤٢

بشكر لتاني مره الناس اللي ساعدوني و اتمني يكون موجودين و شايفين كلامي و انا عنده مشكله هنزلها كمان شويه و اتمني انكم تشوفها و تلاقوا ليا حل بجد انا بعدي بفترة صعبه و مقدرش اعديها لوحدي لاني مش هعرف

بقالي فترة مش بنزل حاجة واغلب البوستات مش نصيحه خاصة وبحس لما بعلق تعليق بيروح وسط الي كاتبين ومبعرفش ارد حتا ف الي عندو مشكلة او محتاج حد يسمعو بجد انا هنا عشان كدا انا حرفيا محتاج اسمع الي عاوز يحكي ❤❤

والله بجد مبسوط من الناس الي بشوفهم هنا حقيقي تحس كل واحد ربنا حطو فمكانو يعني في الي بيسمع وينصح وفي الي تعبان وعاوز يحكي ومتلقيش مثلا المستمعين اكتر او المشتكين اكتر تلاقي ديما في توازن شكرا لكل حد بيساعد

كل واحد هنا اكيد مر بتجربه انه خسر شخص او اتخلي عنه شخص ما ف للافادة كل واحد يقول اتخطي الشخص دا وشعور الخذلان ازاي مع الاسف بعد محطيت نفسي ف علاقه دامت اكتر من ٨ سنين الشخص التاني قرر يتخلي ف نص الطريق افيدوني افادكم الله

حد عنده سر مجنون او مصيبة عملها ومش معرف حد يقولهالي؟ محتاجة طاقة و دوبامين وضحك شوية بجد. وعامة حتى لو سر مؤذي او مشكلة حاجة حزينة يعني قولوها وهحاول اساعد قدر الامكان، او حتى على الاقل تبقوا تخلصتم من حمل كان بيثقلكم لحد ولا تعرفوه ولا يعرفكم، خصوصا ان سر مؤذي بيبقى فعلا صعب على صاحبه اوي انه يشيله لوحده...

ليه كل الناس بقت حزينة و باين عليها الاكتئاب الواحد مش عارف يفضفض 😂 لازم نعمل ل كل واحد يكون يقول اللي عاوزه و مضايق منة و باقي الاسبوع يسمع غيره و نهون علي بعض و الا كدا كلنا هنحتاح لثرابيثت قرايب 😂😂

جماعه محتاجه حد بيفهم في التغذيه لاني محتاجه اقل وزن شويه مش كتير او لو حد بيمر بنفس الحاجه ممكن نبدا سوا عشان محتاجه حد يشجعني الصراحه ابدا بجد لو حد بيفهم ممكن نتكلم سوا ونشجع بعض وكدا ممكن مساعده ؟🥲❤️❤️

المشكله مش مشكلتي هي مشكله صديقه ليا.......كل حاجه بدأت من تالتة اعدادي وكانت دحيحة ما شاء الله لحد ما ظهرت نتيجه الترم الاول ولقت ان جموعها كان قليل(مش قليل ان يأثر تدخل ثانوي ولالا بس اخوها من الاوائل في ثانوي عام فهي بتقارن نفسها) من يوم النتيجه وهي شايفه نفسها فاشله جدا ومع ان دخلت ثانوي بمجموع عالي بس لحد الان شايفه نفسها فاشله وبتكره المدرسه كره مرضي وبتعيط كل يوم ومتوتره بسبب او بدون سبب وده ماثر علي حياتها اليوميه لدرجه ان بقت مش بتحب تضحك او تخرج لان شايفه نفسها متستحقش ده وان هي فاشله وشكلها وحش وتخينه (انا بقولها العكس) ممكن الموضوع يبان تافه بس انا عشت معاها سنتين او اكتر ومريت بكل ده معاها وبفضل اكلمها يمكن للفجر عشان احيانا بحس ان هي وصلت لمرحه ان تعمل في نفسها حاجه لان علطول بتدعي بده...... مش عارفه اعمل معاها ايه ووضعها مزعلني جدا لان بدأ يأثر علي مستواها وهي هتدخل سنه تحديد مصير فمينفعش تفضل حاطه نفسها في الضغط النفس ده كتير

عماله بشتت نفسي لحد ما المشتتات زهقت مني ومش بقت شغاله مين مشتت ومش عارف يرجع اوي يقف حتى انا مش عارفه كل اللي مش بعمله ده نابع من ايه المشكله انو مش عاوز اطلب مساعده حد مش عاوز حد يكون مدى تقصيري نفسي تغيري ينبع قراره من جوايا عندي هاجس اني مش عاوزه حد يشاركني الشعور ده في نفس الوقت برغم حاجتي الشديده لده وان يكون معايا حد حوليا يشدني كل اما اقع حد فاهم حاجه ؟؟ أتكلموا معايا بجد لازم اوصل لحل مش عاوزه اضيع نفسي وعمري كده بالشكل ده

لو حد محتاج يتكلم انا موجود دلوقتي عشان اسمع حقيقي حاسس في ناس كتير بتخاف تحكي عشان متتفهمش غلط بس انتو هنا عشان كدا كلنا هنا عشان كده انا مهتم اسمعم كل حد شايل جوا حقيقي احكي ولو الي بيسمعك وحش بلكو مهتم اساعد عشان لما كنت موجوع محدش سعدني

عملت تغيير كبير جدا في حياتي علي الاقل بالنسبالي نضفت الدايرة الي حواليا من الاشخاص الي ملهاش لازمه وبحاول اقرب من ربنا وبحاول دايما اكون كويس بس احيانا كتير بيبقي نفسي في حد يسمع كل حاجه جوايا ويقف جمبي

هو المفروض لو عندي وحده صحبتي بتمر ب ظروف مش كويسه و هي مدايقه اووي بسبب الموضع دا اعمل اي يعني بعد عامله اي و الحمد لله و الكلام دت المفروض اقول اي و اعمل اي بردو علشان اخرجها من المود دا ممكن حد يساعدني

نفسي الاقي حد يسمعني واسمعه من غير حكم على حد زي ما بسمع الناس ومش بحكم عليها احكوا الي نفسكوا فيه او مخبيينه ومحدش يعرفوا عنكوا ونفسكوا تحكوه ومش لاقيين حد نسمع بعض ونفضفض ونشوف حل لكل مشكلة ونرتب الافكار ونسمع بعض بجد من غير حكم على حد

بجد انا مبسوط وانا بشارك التوبة والرجوع لي ربنا خطوة بخطوة معاكو بجد في ناس كتير شجعتني حتا لما قلت اني مخنوق ناس فضةت تقولي هوا الشطان بيحاول يضعفك متضهفش انا وحتا الان الحمدلله مرجعتش لحياة القرف الي كنت عيشها بلعكس لما بفتكر نفسي بقرف حقيقي انا كنت وحش جدا

جماعه حاسه اني عاوزه اتكلم مع حد يفهمني ويفهمني نفسي علشان انا مش فاهماها! حياتي بايظه بجد والمشكله اني ساحله نفسي في مليون حاجه علشان مفكرش في حاجه عارفه ان كده غلط اني بتجاهل مشاعري لدرجه اني بقيت متبلده المشاعر

محدش بيسأل الراجل هو تعبان ليه كل اللي الناس شايفاه إنه لازم يبقى ثابت وخلاص محدش شايف الضغط ولا الخوف ولا القلق اللي بيخبيه عشان بس يبان قوي قدام الكل بيضحك وهو شايل هموم تكفي بلد و بيسند ناس ومفيش حد بيسنده. ولما يتكسرمرة الكل يستغرب ازاي ده وقع مع إن الحقيقة إنه كان واقع من زماااان بس ساكت سؤالي بقى. هو ليه الراجل لما يتعب لازم يتعب لوحده الراجل اللي بيحاول طول الوقت ومحدش بيقوله شكراً ليه محدش بيهتم بمشاعر الراجل زي ما بيهتم بمشاعر البنت؟ الراجل اللي بيخسر نفسه عشان يرضي الكل امتى الراجل يبقى له حق يتعب؟

يعني هو انا المفروض اودي كل المشاعر دي فين؟ و الحاجات اللي محتاجة احسها اعمل فيها ايه ؟ انا فعلا مش عايزه اعمل اي حاجة حرام بس بجد الموضوع صعب اوي طبيعي اكون عايزه احب و اتحب صح؟ يعني احس ان حد جمبي او حد حنين عليا حد فاهمني بيساعدني كل دي حاجات عايزه احسها غير ان جوايا مشاعر حب كتير اوي اوييي بس مش عايزه اضيعها ف الحرام بجد تعبت مش عارفه اتعايش كدا و شاغله كل وقتي بس برضو بفكر ف دا و محتاجاة جداو

انا عارف انتم في ظروف مش تمام اللي نحب اتكلم انا هنا عشان اسمع و لاي حد لو في حد عاوز يتكلم على حاجه تعالى مش تخبيها تعالى ضحكي اللي في نفسك وانا ان شاء الله هحاول اساعدك اكثر طريقه ممكنه ربنا يسهل

I can fix him ؟ نزلت بوست وقلت ان البحبه ضعيف بجوانب كتير و ٩٠ فالميه او اكتر الردوا قالوا اساعده يتغير طلامه بنحب بعض طب ما اساعد نفسي الاول عارفين مصطلح القوامه للراجل؟ هو مش اعلي مني او زيي انا هعليه ازاي مش يمكن نقل؟

صباح الخير بجد انا بشكر وهفضل اشكر كل حد ساعندي بكلمه حلوة انتو ناس جميله بجد وكلو بيحب يساعد ويشجع انا انهارده ممكن اكون حد تاني حرفيا انا بطلت كل حاجة انا تقريباً من اسبوع كنت نسخه من ابليس انهارده انا مبسوط منفسي اوي وعاوز اقول لاي حد خد الخطوة وتوب التوبة طعمها حلو اوي بتحس قلبك خفيف ومرتاح اول الطريق انك تعترف بكل حاجة بس يكون غرضك التوبة

دي مساحة تقدر تحكي فيها اي حاجة مضايقاك سلبية من غير احكام ولا تبريرات ولا لوم ممكن نوصل فيها لحل مشكلة بعد تفنيد كل اسبابها وممكن تكون مكان للدعم لو موصلناش لحل وممكن بس تكون مجرد مجال لانك تخرج شعور سلبي عندك وبس زي ما نحب ونستريح ..

اتمنى ان اجدك مرة اخرى لو ترى منشوري الان 😊 افضل صديق 🫰شكرا على استماعك لي لا اعرف ما سيجلب مستقبل لاكنك شخص راىع يا عمر و لم اكن لاجد شخض مستمع افضل منك .هناك اشخاص مستعدون ليستمعو لك بلا مقابل . انهم ملاىكة

حابة أقول حاجة للبنات اللي زيي حبايب قلبي ارجوكي لو ناقصك حنية او اهتمام اوعي اوعي تدوري عليهم من خلال كلام مع ناس كتير وكده عشان تشبعي الفراغ ده ارجوكي والله فيه ناس كتير مش متربية وهتروحي في داهية وهنا بالذات فيه ناس زفت اوي والله ودماغهم كلهم زفت أكيد فاهمين مش محتاجة أوضح مع اني كنت منزلاه عشان الاقي دعم وكده بس للأسف هو زفت والحمدلله إني واعية وإلا كان زماني روحت في داهية المهم انت فهماكم اوي والله لان عندي اعتمادية عاطفية ومحتاجة اوي اوي حنية ودعم بس والله الفراغ ده مش هيتملي بالطريقة دي واسألوني انا، جربت اكلم ناس كتير عشان بس احس بالاحتواء واخر شخص وقعت معاه كان عاوز يستغلني بس الحمدلله اني عرفت اوقف الموضوع ف بجد والله انتو جمال وتستاهلوا كل حاجة حلوة، متعملوش نفسكم كده وتودوا نفسكم في داهية حرفياً عشان شوية دعم(مش بقلل من المشكلة والله أنا أكتر حد بيعاني من النقطة دي) ، بس فيه ألف حل والله أحسن من القرف ده بس احنا بنبقى مش شايفين غير اننا نتكلم مع ناس وكده اتمنى كلامي يفوق ولو بنت واحدة والله والآب ده كده كده همسحه بعد البوست ده

انا شب عندي اضطراب قلق وبتعالج منه ودي حاجه عاديه مش مكسوف منها بس بجد اصبح مسيطر علي كل قراراتي وبقيت خايف من اي مواجهه واي مسئوليه واي تعامل .. مهما كان التفكير انا عارف انو سلبي ومش هيفيد وان اجابه اسالتي مش عندي وان اي معلومه عايز اعرفها هي مساله وقت وهعرفها مهما كان كل ده عارفه بيفضل عندي برضو تفكير مباااالغ فيه بيشلني عن عمل اي حاجه حتي اني انام انا مش عايز نصيحه من حد علي قد ما انا محتاج احس اني مش لوحدي

تمام، ده بوست بأسلوب يدي إحساس بالأمان: > لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

انا ما فهمتش اعمل ايه يا استاذ كلاود 🙂 بس عموما حاضر هسمع النصائح ان شاء الله و بإذن الله هبقي احسن و شكرا جدا بجد و فعلا ساعدتني و كتير و في ناس كتير هنا ساعدتني فعلا ابقي احسن شكرا ليكم كلكم و حقيقي فرقتوا معايا

ليه دايما الدعم بيجلنا من الشخص اللى مش متوقع منه اى حاجه و الناس اللى مستنى منها دعم و تشجيع و تقف جنبك دول اقل ناس بتدعمك يعنى ليه مش فاهم بجد دائما كده الدعم بيجيلك من حته مش نتوقعه على العكس اللى مستنى منهم بتلاقيهم مختفيين

يجدعان انا الاسوء حياتي سيئة وفقط اريد الحديث قبل 16 يوم قابلت هنا شخص لطيف وتكلمت معه حول كلشيء واي شيء لكن من لا سبب بلكني مو هنا النقطة النقطة هي اتمنى اجد شخص اتكلم معه فعلاً بجد انا زعلان

To Strawberry_7892 Dont worry u r not alone syd hada mtkhafich mno psk mchi rajl w la9tat hado mydaroch w mydir walo ghi yhdar w m3ndo mydir psk mchi rajl any way mtkhafich w ida kchma sra 9oly l ay wahk kbir f familtak alh ghalb lmohim be careful at yourself and ur famillyand dont worry kayn rabi w asta9way lsl mtkhfi mnach fi ghaba

كنت من شهر ١١ كدا نزلت هنا من حساب تاني معرفتش اجيبه ان فوني مشاكله كتيرة ومهببة وقارفني سخونة وتهنيج ومعايا لاب توب بتاع كلية بيعته قولت هنا اشتري فون ولا اجيب عجلة اشتغل طلبات وحد قال طلبات بجد متشكر جدا عشان خليتني ثقة ف نفسي ونزلت واشتغلت بس اول يوم فوني انسرق وفضلت اعيط ف الشارع وولاد الحلال جابولي فون احسن من اللي معايا ومع الشهور والايام جبت اغلب احتياجاتي وفاضل اني اجيب مكنة بس فاضل كام الف كدا ندعوا الله تكمل ع خير انا فعلا حياتي اتحسنت شوية من اول ما اشتغلت تسلم والله ياللي اديتني النصيحة ممتن ليك❤️❤️

الواحد حاسس أنه وحيد محتاج حد يشاركه تفاصيله و أحلامه .. محتاج حد يشاركه طريقه و مشاكله.. حدر رحيم كفاية قسوة الحياة علينا..حد بسيط و مش متكلف .. حد زيه محتاج الوطني و محتاج الي يساعده في طريقه .. حد يعرف يظهر نواقصه و ضعفه و احتياجاته .. حد عاقل ف وسط الجنون الي عايشين فيه

انا ع طول بحس اني بدور ع حد يحبني بجد حد يكون سند ليا حد يكون معايا يساعدني ويدعمني ف كل حاجه ده خلاني ادخل ف علاقه اذتني جامد اوي وكنت عمال اصبر فيها شويه عشان بس انا بحبها وعشان لاقيت منها الاهتمام انا مش عارف اتخطي كل ده خالص والله انا فعلا بدور ع ده بطريقه وحشه وصعبه اوي

يمكن دي لاول مرة هتكلم عن مشكلتي بجد وهي ان انا ديما بحارب لوحدي في اي حاجة مفيش حد بيقف جمبي او يساعدني او حتي يشجعني بكلمة حلوة وتديني امل جربت اكتر من مرة ان ادور علي صحاب جديدة تكون نفس الدماغ وتفهمني لكن كل مرة بتبقي نفس النتيجة وهي ان بنيجي عند نقطة معينة وبنختلف لاني ببقي مستني كتير منهم ولكن برجع بخيبة امل حتي الحب فشلت فيه مفتكرش في مرة ان في واحدة اتعلقت بيا ولما جيت اخطب خطبت واحدة مكنتش شبهي واضطريت اسيبها الاهل مبيسندوش وانا اترميت في وش المدفع لوحدي ديما قلبي مكسور وخايف وقلقان وبحس ان الوقت بيجري وعمري بيضيع في خيبة الامل والزعل وكل ده بيأثر علي تركيزي واني عايز انجح وابقي متقدم ديما

أحل إزاي التسويف خصوصًا انه وصل لمرحلة كبيرة و من فترة مش قليله ، ازاي اتقدم و انا عندي إمكانية بس معدومة الاستمرارية انا بقيت بكره نفسي بسبب كده بقيت شخص بدون قيمة وده كله حصل معي بعد ما فقدت حلمي و الحياة وجهتني لطريق محبتهوش ، أنا مش عايزه اكون من غير فايده كده خصوصًا ان مفيش حد هيحارب عشاني او يسندني ، كنت ثانويه عامه و عملت كل الي عليا و مقصرتش في حق نفسي بس قدر الله و مدخلتش المجال الي كان شغفي فيه و دخلت مجال تاني ، على عكس اخويا الي كان عايش حياته و عمره ما تعب و مجبش مجموع و عيلتي دخلته خاص و كمان المجال الي انا كنت بحلم بيه مش كارهة لأخويا الخير و الله بس الإنسان بتصعب عليه نفسه مع ان الكل شاف اني تعبت و كمان كله كان شايف الشغف الي في عيوني و مع كده صمموا انه ينطفى ، و قالولي معلش كفايا علينا اخوك ، ومع ان المجال الي انا فيه سهل و سهل اني انجح فيه بس انا من افشل الناس فين عشان بسوف و مش بسعى خالص ، صعبانه عليا نفسي كنت من أشطر الناس و دلوقت فاشله في مجال مش احسن حاجة .

ده بوست أطول وبأسلوب يدي إحساس بالأمان لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

أهلاً يا جماعة، عاملين إيه؟ بما إني صاحب الـ Topic، حابب إن الناس تفهم حاجة مهمة: معظم الناس اللي بيكون عندها اكتئاب مش بتكون عارفة في البداية، وحتى لو عارفة مش بتبقى عارفة تتصرف إزاي. فالهدف إن هنا يكون ملاذ آمن لينا كلنا نحاول نساعد بعض على قد ما نقدر. وللناس اللي هتقدم نصيحة، لازم تفهم إن الاكتئاب مرض زيّه زي أي مرض، مش مجرد شوية زعل. فمن فضلك ما تقللش من اللي قدامك حاسس بيه، إنت مش متخيل الدنيا من الناحية التانية بتكون عاملة إزاي. الاكتئاب كان من أصعب التجارب اللي مرت عليّ في حياتي، واللي بالرغم إني ما تمنيتش إني أعيش التجربة دي تاني، إلا إني خلال رحلتي للتعافي منه اكتشفت إنها في الغالب هتتعاد مرة تانية. أما رحلة التعافي فكانت رحلة مؤلمة، خصوصًا إني عديت بيها لوحدي، لأني خسرت كل صحابي ومعارفي، ودائرة علاقاتي اتقطعت تمامًا. قد إيه الموضوع كان صعب، من معرفة إني أصلًا عندي اكتئاب، للتصالح مع ده، وإن مفيش حاجة في إيدي أقدر أعملها عشان أحسّن مودي أو أحافظ على الناس حواليّ، ومحاولات لتجنب الانتحار بس عشان أسكّت الأصوات اللي في دماغي، لحد عدم اليأس أو الاستسلام، والمحاولة المستمرة للتعافي من المرض ده. حرفيًا يمكن مش بنسبة 100%، بس الحمد لله أنا أحسن بكتير. دي أول مرة أتكلم في الموضوع رغم إن عدى عليه كتير. الكتابة حسستني إن اللي مريت بيه كان صعب جدًا، وحقيقي ممتن للي أنا فيه النهارده 🤔 هههه "ممتن" 😅 أنا والكلمة دي كنا بعيد عن بعض جدًا. ماكنتش حاسس بقيمة ولا طعم أي حاجة، ماكنش في روح لأي حاجة، والمشاعر كأنها اختفت، معظمها يا زعل يا ندم، حتى الألوان ماكنتش بشوفها، كانت كل حاجة باهتة. الحمد لله على اللي أنا فيه النهارده. حاسس إن وجود حد فاهم اللي بمر بيه كان هيسهّل عليّ كتير في التعافي، لكن التجربة علمتني كتير. حاسس الفترة دي إني برجع مش أحسن حاجة، لكن المرة دي أنا عارف الطريق. ولو وصلت لحد هنا، شكرًا ليك. ولو بتعدي بحاجة زي اللي عديت بيها، ما تستسلمش. أنا أكتر حد فاهم إنت بتعدي بإيه وقد إيه الموضوع صعب، خصوصًا إن محدش حاسس ولا فاهم ولا شايف الدنيا من منظورك. لكن عيش، حاول، وطالما بتحاول، اتأكد إن لا مفر... بكرة أحسن ✨

وجدت لطبيبة النفسانية التي كانت تساعندي و تمنحني كلام ايجابي رغم اني كنت عنيدة و لاكن نجحت في توصيل كلامها لي و جعلي اشعر بتحسن ففي كل مرة كنت اخبرها هن اسوء الاشياء التي امر بها كانت تعطيني حلول و لا تغضب حين اخبرها بجرحي لجسدي و اذية نفسي بل تعطيني دليل انني لست وحدي و جسدا دوما يساعندي في الشفاء ايقاف الألم و انها دائما معي و ساعدتني في لدراسة و النوم في مكتبها و تشرح لي كل شيئ اتسائل حوله و ليس منغلقة بل متفتحة تتقبل النقد و الافكار و تنصح بطريقة بنائة. على العموم كانت طريقي الجديد الذي ساعدتني في بنائه🌑♡♡

متديش أهمية لحد مالوش مكان جواك… أوقات بنتمسك بأي شبه علاقة لمجرد إننا هربانين من وجع قديم. بس الحقيقة؟ اللي مش من دائرتك… عمره ما هيكون ضهرك. اللي بيظهر فجأة وقت كسرتك… بيختفي أول ما تقوم. فبلاش ندي أدوار بطولة لناس جاية تعمل كام لقطة وتمشي. اتعلّم إن مش كل غريب بيبتسم… جاي يساعد. ومش كل حد فتحلك باب… قصده يدخّلك. في ناس وجودهم في حياتك أصلاً غلط، ومش لأنهم وحشين… لأ، لأنك انت اللي كنت موجوع زيادة. فوق… وخلي قلبك يبطل يلمّ اللي يسوى واللي مايسواش. مش كل يد متمدودة ليك أمان… وفي ناس لازم تتساب من قبل ما تتعلّق بيهم.

تمام، ده بوست أطول (أكتر من 160 حرف) وبأسلوب يدي إحساس بالأمان: > لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

الشخصية فرولاية مش عارف ارد عليها اللي ادتني دعم كبير شكرا بجد يارب يتقبل منك و بجد انا كنت اتمنى ان اكمل شكوى بس الشات كان له راي اخر ..انا حتى مش عارف ارد على الكومنت بتاعك بس معرفش ازاي احكي معاك تاني للاسف ...انا بجد معرفش حكيت ازاي كل ده..يارب يوفقك ويريح بالك وقلبك

انا كنت بساعد حد في مشكلة هنا ودخلنا اتناقشنا فيها وقعدت احكي معاها مشكلتي بس للاسف الشات فصل ..انا بصراحه احب اشكرها على الدعم لو شافت البوست ده و بقولها تدعيلي كتير اوي اوي ان ربنا يفك كربي وابتلائي

ياااااه يا اصدقائي قد ايه الشعور دا متعب ومرهق ممكن يكون حولك اهلك (اقرب حد ليك) لكن محدش فيهم واصل ل قلبك متقدرش وقت تعبك وكسرة قلبك ممكن تجري عليه تترمي في حضنه تبكي لكنه احساس صعب لما يبقي اقرب حد ليك ميعرفش روحك ..

فيه مدام كنت بتكلم معاها وسألتني عن حاجه تساعدها في البحث وتسرع الموضوع شوية بدل القراءة وكدا وانا شرحت حاجه زي .. per....plex...ity ai فلو عندكم اي أراء أو تجارب أخرى تفيدوها لعل لو عسى فيه حاجة مثلا انا مش عارفها

سهرانين ليه طيب حد بيكلمكو عمالين تتخنقو فلمود انتو بطلعو النجتف انرجي علي بعض ليه طيب يا شباب احنا كلنا عندنا مشاكل هموم طيب انا مخوق اجي اتخنق معاكو بجد خلونا نساعد بعض عارف انو كلام بس فحيتكو مش طيبين خليكو هنا حلوين بجد واسف لو حد اضيق مني

مفيش حد بيسمعني و لو حد سمع بيفضلوا يتكلموا عن اد ايه بقوا جامدين في الحتة اللي انا ضعيفة فيها بكون شايفه انه سبوني اتكلم احكي اللي جوايا بس مفيش كد ولا حد حتى جرب يشوف أني زعلانه بجد واني جوايا مكسور دايما شايفين مشاعري مش حقيقيه محدش لما بعيط بيقولي حتى معلش ! مش عارفه امتى هيكون عندي حد يسمع ؟

تمام، ده بوست أطول (أكتر من 160 حرف) وبأسلوب يدي إحساس بالأمان: > لو حاسس إن في كلام جواك ومش لاقي حد تسمعه، المكان هنا معمول عشانك ❤️ تقدر تكتب وتفضفض براحتك من غير خوف أو حكم من حد، كلنا هنا بنمر بحاجات صعبة وبنحاول نفهم ونساعد بعض 🤝 خليك على طبيعتك واطلع اللي جواك، صوتك مهم ومش لوحدك.

بكرة رايح للدكتور وقلقان جدا بعد حوالي ٥ شهور من المعاناة النفسية والجسدية غالبا بكرة هيكون اليوم اللي هيحدد حياتي ونفسيتي نفسي اسمع اخبار حلوة واوقف العلاج اللي هلكني وانا لسه في شبابي رايح من ورا اهلي عشان كفاية عليهم اللي هم شالوه وكفاية عليهم نفسهم مع ان نفسي اخد حد معايا بس مانع نفسي ومش هرتاح لو حد جه معايا، ادعولي لاني فعلا محتاج لدعواتكوا

انا للاسف فيه مشكلة او ابتلاء كبير...الموضوع بدأ اني سعيت كتير لحلمي سنين وسنين وبعد ما وصلت له و بقى ف ايدي ضاع مني و الناس شمتت فيا وحاجه مش بايدي اتظلمت يعني ...هل كده دلوقتي المفروض اتخطى ازاي ده ؟ هل ممكن يكون ربنا ابتلاني بعد ما اوصل لحلمي ؟ اكيد ربنا احن واكرم ..انا جديد هنا ومش فاهم حاجه ومحتاج حد احكيله ويقولي اعمل ايه