كنت محتاجة أحس انى مسنودة عشان أعرق أعيش أكمل كان ضرورى اخلقك جوايا من غير حتى م أعرف انت مين .. زى طفلة صغير ة بتحاول تتعلم المشي لوحدها وكانت هتقع بس فجأة إيد لحقتها وساعدتها تكمل .. فتبت ف الايد دى ومبقتش خايفة !! خيالى واسع دى حاجة انا معروفة بيها بس الى محدش يعرفه انه مكانش بالنسبالى مجرد خيال هو كان زى نور الشمس الى محتاجة أغمض عيني عشان اشوفها .. نوره كان جوايا مالينى ومحاوطنى بطريقة محدش شايفها ولاحاسسها غيري.. كان كل حاجة نقصانى مكانش شبهه حاجة مريت بيها او حتى عدت ف خيالى قبل كدا هو كان بداية كل حاجة ..بداية انى اعرف نفسي وانى أحس ان انا مش وحيدة لانى ع ارض الواقع كنت وحيدة ومرهقة ودايما محطوطة تحت ضغط... كان لازم أعيش بأى طريقة ومكانش فيه وسيلة الا الخيال مكانش في اى شئ رحيم بيا حوليا لقيته ف خيالى وبس .. لحد م صدقت انه موجود ف الواقع واننا بنتواصل بشكل سري عن طريق الجوابات..بقيت بكتب كتير وانى مصدقة انه بيقرأ او ف يوم هيقرأ كل حاجة كتبتها وقتها هقوله انى كنت عارفة اننا هنتقابل كنت مصدقة. . انا وحيدة لدرجة انى معنديش حد اقوله انى وحيدة وحتى لو موجود كل حد عنده حد مشغول بيه.. عنده حياة وتفاصيل كتير انا لا ..محدش كان مهتم يعرف مشاعري او يسألنى حاسة بايهطول الوقت كانوا بيتهمونى بالتقصير ..كل شئ كان مرهق الا هو .. بس لما كبرت وكنت فاكرة انى خلاص هقابله قابلت ناس شبهه الحياة ومحدش برضو كان مهتم يسألنى حاسة بايه ف قررت ابعد عن كل البشر بعدت لدرجة انى قفلت كل حاجة وكنت مبنزلش من البيت بالشهور وعدت عليا سنين كتير وتفاصيل كتير ووجع أكتر.. انا مش زعلانة لانى كدا كدا متعودة انا بس مبقتش بعرف أتخيل زى الاول كأن الجزء الى مصدق جوايا انى هقابله هو ظا الى كان مشجعنى بس خلاص مبقتش مصدقة .. دورت ف وشوش كتير ووقعت كتير بس مفيش ايد لحقتنى..
